Oʻzbekiston Respublikasining “Veterinariya toʻgʻrisida”gi Qonuni talablarini bajarish maqsadida Oʻzbekiston Respublikasi Vazirlar Mahkamasining 2007-yil 21-dekabrdagi 03-38-144-sonli Bayoniga muvofiq buyuraman:

1. “It va mushuklarning otodektoz kasalliklarida bars quloq tomchilarini qoʻllash boʻyicha Qoʻllanma” ilovaga muvofiq tasdiqlansin.

2. Mazkur hujjat Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab 10 kun oʻtgandan keyin kuchga kiradi.

3. Mazkur Qoʻllanma tasdiqlanishi munosabati bilan Oʻzbekiston Respublikasi Davlat veterinariya bosh boshqarmasi tomonidan 2007-yil 14-sentabrda tasdiqlangan “It va mushuklarning otodektoz kasalliklarida bars quloq tomchilarini qoʻllash boʻyicha Qoʻllanma” oʻz kuchini yoʻqotgan deb hisoblansin.

4. Mazkur buyruqning ijrosini nazorat qilishni oʻz zimmamda qoldiraman.

1. Bars (Guttae auriculares “Bars”) quloq tomchilari it va mushuklarning otodektoz kasalligini oldini olish va davolash uchun dori vositasi.

2. Preparat tarkibida taʼsir etuvchi fosfororganik diazinon (0.05%), shuningdek izopropil spirt, prednizalon va glitserin.

3. Preparat och-yashil rang, oʻziga xos hidli koʻrinishida boʻladi.

4. Bars quloq tomchilari rezinka qopqoqli shishali idishlarda 5 va 10 ml dan, polietilen idishlarda 15, 20 va 30 ml dan, pipetka-tomizuvchi idishlarda: 20, 30 va 50 ml dan, polimerli pipetka konteynyerlarda: 5, 10, 20, 30 ml dan qadoqlanadi.

Xar bir qadoqni ishlab chiqaruvchi korxona nomi, uning tovar belgisi va manzili, preparat nomi, taʼsir etuvchi moddaning nomi, tarkibi, qadoqdagi preparat soni, qoʻllash usuli, seriya raqami, ishlab chiqarilgan sanasi yaroqlilik muddati, saqlash shartlari, TSh koʻrsatkichlari, “Hayvonlar uchun” yozuvi va qoʻllash usuli koʻrsatilgan holda qadoqlanadi.

Bars quloq tomchilari yorugʻlikdan saqlagan, bolalar va hayvonlardan, oziq-ovqat va em mahsulotlaridan, isitgich moslamalaridan uzoqroq harorat 0 dan 25° S gacha boʻlgan joyda saqlanadi.

Preparatni yaroqlilik muddati saqlash qoidalariga rioya qilgan holda ishlab chiqilgan kundan boshlab — 2 yil.

5. Tarkibiga kiruvchi komponentlar akaratsid, mikrob va kasalliklarga aktiv taʼsir etishni tashkil etadi.

6. Bars quloq tomchilari oʻz taʼsiri bilan oʻrta xavfli moddalar toifasiga kiradi (3-sinf xavfli), koʻrsatilgan dozalarda teri qichishi, rezorbtiv toksik va sensibilizik taʼsir etmaydi.

7. Bars quloq tomchilari it va mushuklarning otodektoz (quloq qichimasi) kasalliklarini davolashda tavsiya etiladi.

8. Qoʻllashdan oldin quloq atrofi va ichlarini preparat boʻktirilgan tampon bilan tozalaniladi, soʻng har bir quloqqa pipetka yordamida 3—5 tomchi tomiziladi (mushuk va mayda itlarga — 3, oʻrtacha itlarga — 4, yirik itlarga — 5 tomchi)

quloq usti va yoʻllarini toʻliq ishlov berish maqsadida buklanadi va asosini yengil uqalaniladi.

Zaruriyat tugʻilganda davolash kursi qaytariladi.

Tomchi har ikki quloqqa, bitta quloq kasallanganda ham, tomiziladi.

9. Ushbu Qoʻllanmaga muvofiq qoʻllanganda asoratlar yuz bermaydi. Itlarning yuqori taʼsirchanligi oqibatida allergik (qichish, qizarish va boshqa) hollar yuzaga kelganda preparatni qoʻllash toʻxtatiladi.

10. Bars quloq tomchilari fosfororganik birikmalari bilan bir vaqtda, hamda preparat tarkibidagi komponentlarga quloq pardasining yuqori taʼsirchanligida qoʻllash mumkin emas.

Bars quloq tomchilarini tomizganda it bezovtalanganda dori sochilib ketmasligi uchun itni boshidan bir necha daqiqa mahkam ushlab turish lozim.

11. Bars quloq tomchilarini qoʻllashdan soʻng asoratlar yuzaga kelsa dorini qoʻllash toʻxtatiladi.

12. Preparat bilan ishlaganda veterinariya vositalari bilan ishlashda koʻzda tutilgan shaxsiy gigiyena va texnika xavfsizligining umumiy qoidalariga rioya etish lozim.

13. Ishlov bergandan soʻng qoʻlni sovun bilan yaxshilab yuvish lozim.

14. Bars quloq tomchilari teriga tushganda zudlik bilan suv bilan yuvish yoki tampon bilan artish lozim.

15. Vositadan boʻshagan idishlarni boshqa ehtiyojlar uchun ishlatish qatʼiyan taqiqlanadi.

16. Muddati oʻtgan preparatni ishlatish mumkin emas.

17. Preparat bolalardan ehtiyot qilgan holda saqlanishi kerak.

18. Preparat ushbu Qoʻllanma talablariga muvofiq kelmagan taqdirda, uning qoʻllanilishi toʻxtatilib, bu haqida Oʻzbekiston veterinariya preparatlari davlat ilmiy nazorat laboratoriyasiga quyidagi manzil boʻyicha murojaat kilinadi: 100178, Toshkent sh., A.Yunusov koʻchasi, 1a uy. Tel./faks: 228-76-14, 229-30-47. E-mail: uzgnkl@rambler.ru. Bir vaqtning oʻzida laboratoriyaga preparatning laboratoriya bilan kelishilgan miqdordagi ochilmagan oʻramlari va preparatning qoʻllanmaga muvofiq kelmasligining toʻliq tavsifi joʻnatiladi.