Oʻzbekiston Respublikasining “Avtomobil transporti toʻgʻrisida”gi Qonuniga (Oʻzbekiston Respublikasi Oliy Majlisining Axborotnomasi, 1998-y., 9-son, 174-modda), Oʻzbekiston Respublikasi Vazirlar Mahkamasining 2004-yil 10-martdagi 118-son “Oʻzbekiston avtomobil va daryo transporti agentligi faoliyatini yanada takomillashtirish chora-tadbirlari toʻgʻrisida”gi qaroriga (Oʻzbekiston Respublikasi qonun hujjatlari toʻplami, 2004-y., 3-son, 27-modda) muvofiq buyuraman:

1. Oʻzbekiston avtomobil va daryo transporti agentligi boshligʻining 2002-yil 24-iyuldagi 97i-son buyrugʻi (roʻyxat raqami 1164, 2002-yil 10-avgust) (Oʻzbekiston Respublikasi vazirliklari, davlat qoʻmitalari va idoralarining meʼyoriy hujjatlari axborotnomasi, 2002-y., 15-16-son) bilan tasdiqlangan “Oʻzbekiston Respublikasida shaharda, shahar atrofi, shaharlararo va xalqaro yoʻnalishlarda umumiy foydalanishdagi avtomobil va elektr transportida hamda soatbay tashishlarda tashilgan yoʻlovchilar sonini va yoʻlovchilar aylanishini aniqlash toʻgʻrisida”gi yoʻriqnomaga ilovaga* muvofiq oʻzgartirishlar va qoʻshimcha kiritilsin.

2. Mazkur buyruq Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.