Yoqilgʻi-energetika resurslarga boʻlgan ehtiyojlarni meʼyorlash va rejalashtirish, ularga ketadigan sarf-xarajatlar, shuningdek issiqlik energiyasini ishlab chiqish va yetkazib berish tannarxini hisoblashda zarur darajadagi tartib hamda respublika hududida ushbu masalalarda yagona talablarni oʻrnatish maqsadida buyuraman:

1. “Isitish qozonxonalari tomonidan issiqlik energiyasini ishlab chiqishda issiqlik miqdori, yoqilgʻi, elektr energiyasi va suv sarfi meʼyorlarini hisob-kitob qilish boʻyicha vaqtinchalik uslubi” *tasdiqlansin.

2. Ushbu buyruq Oʻzbekiston Respublikasi Adliya vazirligidan huquqiy ekspertiza xulosasi olingandan keyin kuchga kiritilsin.

3. Ushbu “Vaqtinchalik uslub” tasdiqlanishi bilan Oʻzbekiston Respublikasi Kommunal xizmat koʻrsatish vazirligining 1997-yil 31-mart 29-son buyrugʻi bilan tasdiqlangan “Isitish qozonxonalari tomonidan issiqlik energiyasini ishlab chiqishda issiqlik miqdori, yoqilgʻi, elektr energiyasi va suv sarfi meʼyorlarini hisob-kitob qilish boʻyicha vaqtinchalik uslub” oʻz kuchini yoʻqotadi.

4. Ushbu buyruq bajarilishini nazorat qilish Bosh direktor oʻrinbosari O. Axmedov zimmasiga yuklansin.