Oʻzbekiston Respublikasi Prezidentining “Davlat xaridlari tizimini maqbullashtirish va ularga kichik biznes subyektlarini jalb etishni kengaytirish toʻgʻrisida” 2011-yil 7-fevraldagi PQ-1475-son qarorini bajarish yuzasidan hamda davlat xaridlarini tashkil etishga doir normativ-huquqiy bazani takomillashtirish maqsadida Vazirlar Mahkamasi qaror qiladi:

1. Utverdit:

Davlat xaridlari boʻyicha Hukumat komissiyasining ishchi organi toʻgʻrisidagi Nizom 1-ilovaga muvofiq;

Oʻzbekiston respublika tovar-xom ashyo birjasida boshlangʻich narxni pasaytirish yuzasidan elektron auksion savdolarini tashkil etish va oʻtkazish tartibi toʻgʻrisidagi Nizom 2-ilovaga muvofiq tasdiqlansin.

2. Oʻzbekiston Respublikasi Hukumatining 3-ilovaga muvofiq ayrim qarorlariga oʻzgartirish va qoʻshimchalar kiritilsin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

1. Ushbu Nizom Davlat xaridlari boʻyicha Hukumat komissiyasi ishchi organining (keyingi oʻrinlarda ishchi organ deb ataladi) asosiy vazifalari, funksiyalari va ishlarini tashkil etish tartibini belgilaydi.

2. Oʻzbekiston Respublikasi Moliya vazirligining Gʻaznachiligi ishchi organ hisoblanadi.

3. Quyidagilar ishchi organning asosiy vazifalari hisoblanadi:

davlat xaridlari boʻyicha axborot bazasini yaratish va doimiy ravishda yangilab borish, davlat xaridlarini amalga oshirishda narxlarni shakllantirish jarayonini nazorat qilish;

Davlat xaridlari boʻyicha Hukumat komissiyasining (keyingi oʻrinlarda Hukumat komissiyasi deb ataladi) qonun hujjatlari bilan uning vakolatiga kiritilgan masalalar boʻyicha materiallarini va qarorlari loyihalarini tayyorlash;

davlat va xoʻjalik boshqaruvi organlari, mahalliy davlat hokimiyati organlari, tovarlar (ishlar, xizmatlar)ning davlat xaridlari jarayonida ishtirok etuvchi boshqa tashkilotlar va xoʻjalik yurituvchi subyektlar tomonidan Hukumat komissiyasi qarorlari bajarilishini nazorat qilish;

davlat xaridlari sohasidagi qonun hujjatlarini takomillashtirishda qatnashish.

4. Quyidagilar ishchi organning asosiy funksiyalari hisoblanadi:

davlat xaridlari boʻyicha axborot bazasini, shu jumladan davlat xaridlari boʻyicha budjet mablagʻlari oluvchilar tomonidan joylashtiriladigan buyurtmalar, shuningdek budjet mablagʻlari oluvchilar tomonidan xarid qilinadigan tovarlar (ishlar, xizmatlar)ga narxlar boʻyicha maʼlumotlarni shakllantirish va doimiy ravishda yangilab borish;

Hukumat komissiyasining qonun hujjatlari bilan uning vakolatiga kiritilgan masalalar, shu jumladan tovarlar (ishlar, xizmatlar) davlat xaridlarining har bir turi boʻyicha kichik biznes subyektlari, davlat budjeti hamda markazlashtirilgan boshqa manbalar hisobiga moliyalashtiriladigan tashkilotlar uchun kvotalar belgilash masalalari boʻyicha qarorlari loyihalarini tayyorlash;

davlat xaridlari jarayonini va mamlakatimizdagi kichik biznes subyektlari uchun ajratiladigan kvotalarning bajarilishi monitoringini olib borish va tahlil qilish, Hukumat komissiyasining koʻrib chiqishiga kiritish uchun tahliliy materiallar va takliflar tayyorlash;

Hukumat komissiyasining qarorlari va topshiriqlarini davlat va xoʻjalik boshqaruvi, mahalliy davlat hokimiyati tegishli organlariga, tovarlar (ishlar, xizmatlar)ning davlat xaridlari jarayonida ishtirok etuvchi boshqa tashkilotlar va xoʻjalik yurituvchi subyektlarga yetkazish, shuningdek ularning bajarilishini nazorat qilish;

tovarlar (ishlar, xizmatlar)ning davlat xaridlari toʻgʻrisidagi yagona respublika maxsus axborot portalini yuritish uchun Oʻzbekiston respublika tovar-xom ashyo birjasiga zarur axborotlarni taqdim etish;

davlat xaridlari jarayonini belgilaydigan, shuningdek kichik biznes subyektlarining tovarlar (ishlar, xizmatlar)ni yetkazib berish yuzasidan davlat buyurtmalari olishini kengaytirishga yoʻnaltirilgan normativ-huquqiy hujjatlar loyihalarini ishlab chiqishda qatnashish, davlat xaridlarini joylashtirishda oshkoralik, aniq-ravshanlik va raqobat muhiti qoʻllab-quvvatlanishini taʼminlash;

kichik biznes subyektlari uchun ajratiladigan kvotalar boʻyicha davlat ehtiyojlari uchun xarid qilinadigan tovarlar (ishlar, xizmatlar) guruhlari roʻyxatiga oʻzgartirish va qoʻshimchalar kiritish yuzasidan takliflar tayyorlashda qatnashish;

davlat xaridlari sohasida xalqaro shartnomalar loyihalarini tayyorlashda, xalqaro tashkilotlar bilan oʻzaro aloqani va hamkorlikni tashkil etishda qatnashish.

5. Ishchi organ oʻziga yuklangan vazifalarga va bajaradigan funksiyalariga muvofiq quyidagi huquqlarga ega:

davlat va xoʻjalik boshqaruvi organlaridan, boshqa tashkilotlardan oʻziga yuklangan vazifalar va funksiyalarni bajarish uchun zarur materiallarni olish;

davlat xaridlari jarayoni qatnashchilaridan kichik biznes subyektlari uchun ajratilgan kvotalarni bajarishga taalluqli axborotlarni soʻrab olish.

6. Ishchi organ davlat xaridlarini amalga oshirishda, shu jumladan budjet mablagʻlari oluvchilar tomonidan tovarlar (ishlar, xizmatlar)ni sotib olishda narxlar oshirib yuborilgan holatlar aniqlangan taqdirda mavjud materiallarni Oʻzbekiston Respublikasi Moliya vazirligining Nazorat-taftish bosh boshqarmasiga va uning hududiy boʻlinmalariga topshirishi shart.

7. Ishchi organ oʻz ishlarini ushbu Nizomga, Oʻzbekiston Respublikasi qonun hujjatlariga, shuningdek Hukumat komissiyasi topshiriqlariga muvofiq olib boradi.

1. Ushbu Nizom Oʻzbekiston Respublika tovar-xom ashyo birjasida (keyingi oʻrinlarda birja deb ataladi) boshlangʻich narxni pasaytirish yuzasidan elektron auksion savdolarni tashkil etish va oʻtkazish tartibini belgilaydi.

2. Ushbu Nizomning amal qilishi jalb qilingan xorijiy kreditlar va grantlar hisobiga amalga oshiriladigan tovarlarni (ishlar, xizmatlarni) xarid qilishga tatbiq etilmaydi, agar koʻrsatib oʻtilgan xorijiy kreditlar va grantlarni berish shartlarida shartlarni amalga oshirishning oʻzgacha tartibi belgilangan boʻlsa.

3. Ushbu Nizom maqsadlari uchun quyidagi terminlar va taʼriflardan foydalaniladi:

agent — birjada akkreditatsiya tartib-qoidasidan oʻtgan hamda buyurtmachilar va yetkazib beruvchilarga topshiriq shartnomasi asosida ularning elektron auksion savdolarda qatnashishini taʼminlashga doir professional xizmatlar koʻrsatadigan yuridik shaxs;

buyurtmachi — elektron auksion savdolarda tovarni (ishlar, xizmatlarni) xarid qiluvchi yuridik yoki jismoniy shaxs;

foydalanuvchining yakka tartibdagi raqami — birjaning hisob-kitob-kliring palatasi tomonidan buyurtmachilar va yetkazib beruvchilarga ularning belgilangan tartibda birjaning hisob-kitob-kliring palatasining talab qilib olinadigan ikkilamchi depozit hisob raqamiga oʻtkaziladigan tegishli ravishda avans toʻlovlari va moliyaviy zakalatlarini hisobga olish uchun beriladigan yakka tartibdagi raqam;

yetkazib beruvchi — taklif etilgan shartlarda oʻzining elektron auksion savdolarda qatnashish va koʻrsatib oʻtilgan savdolarda gʻolib chiqqan taqdirda tovarni (ishlar, xizmatlarni) yetkazib berish niyatini bildirgan xoʻjalik yurituvchi subyekt (shu jumladan yuridik shaxs tashkil etmasdan yakka tadbirkor);

Hukumat komissiyasi — davlat xaridlari boʻyicha Hukumat komissiyasi;

elektron auksion savdolar predmeti (keyingi oʻrinlarda savdolar predmeti) — tovarlar, ishlar va xizmatlar;

Hukumat komissiyasining ishchi organi — Oʻzbekiston Respublikasi Moliya vazirligining Gʻaznachiligi;

hisob-kitob-kliring palatasi — birjaning buyurtmachilar va yetkazib beruvchilarning tegishli avans toʻlovlari va moliyaviy zakalatlarini deponentga qoʻyish va hisobga olish yoʻli bilan kontraktlar boʻyicha majburiyatlarni bajarishga qodir boʻlgan buyurtmachilar va yetkazib beruvchilarni elektron auksion savdolarga qoʻyishni taʼminlaydigan tarkibiy boʻlinmasi;

maxsus axborot portali — birjaning buyurtmachilarning elektron auksion savdolar oʻtkazish toʻgʻrisidagi eʼlonlari va xarid jarayoni qatnashchilari uchun zarur boʻlgan boshqa axborot joylashtirilishi va koʻzdan kechirilishini taʼminlaydigan maxsus sayti;

elektron auksion savdolar (keyingi oʻrinlarda savdolar deb ataladi) — ushbu Nizomga muvofiq boshlangʻich narxni pasaytirish yuzasidan auksion shaklida oʻtkaziladigan, oʻzida buyurtmachilar tomonidan belgilangan mezonlar va shartlarga muvofiq tovarni (ishlar, xizmatlarni) maqbul yetkazib beruvchilarni tanlash usulini ifodalaydigan elektron savdolar;

elektron tizim — barcha manfaatdor shaxslar qatnashishi mumkin boʻlgan savdolar oʻtkazilishini taʼminlaydigan dasturiy-texnik kompleksdan foydalanish vositasida yetkazib beruvchilar oʻrtasida tovarlarni (ishlar, xizmatlarni) xarid qilishga buyurtmalarni joylashtirish tizimi.

4. Hukumat komissiyasi tomonidan belgilanadigan roʻyxat boʻyicha bitta kontrakt boʻyicha 300 AQSH dollaridan 100 ming AQSH dollarigacha teng summada tovarlarning (ishlar, xizmatlarning) davlat xaridlari (keyingi oʻrinlarda tovarlarning davlat xaridi deb ataladi) faqat ushbu Nizomga muvofiq tashkil etiladigan va oʻtkaziladigan savdolar orqali amalga oshiriladi, qonun hujjatlarida nazarda tutilgan hollar bundan mustasno.

5. Bitta kontrakt boʻyicha 300 AQSH dollarigacha tengni tashkil etadigan summaga davlat xaridlari ham buyurmachining tashabbusi bilan ushbu Nizomga muvofiq amalga oshirilishi mumkin.

6. Savdolarni oʻtkazishga tayyorgarlik koʻrish quyidagilarni oʻz ichiga oladi:

buyurtmachilar va yetkazib beruvchilarni savdolarning qatnashchilari sifatida akkreditatsiyadan oʻtkazish;

maxsus axborot portalida savdolarni oʻtkazish toʻgʻrisidagi eʼlonni joylashtirish;

birja va agentlarning xizmatlariga haq toʻlash uchun buyurtmachi tomonidan avans toʻlovi oʻtkazilishi;

buyurtmachilarning buyurtmanomalari (lotlari)ni shakllantirish;

yetkazib beruvchilar tomonidan ularning savdolarda qatnashishini taʼminlaydigan moliyaviy zakalatlar toʻlanishi.

7. Budjet mablagʻlari oluvchilar boʻlgan buyurtmachilarni akkreditatsiya qilish birja tomonidan Oʻzbekiston Respublikasi Moliya vazirligining Gʻaznachiligi va birja maʼlumotlar bazalarining elektron oʻzaro hamkorligi yoʻli bilan avtomatik rejimda markazlashtirilgan tartibda amalga oshiriladi.

Budjet mablagʻlari oladigan akkreditatsiya qilingan buyurtmachilar savdolarda birinchi marta qatnashayotganda (mustaqil yoki agentlar orqali) birjaga (keyinchalik birjaga berish uchun buyurtmachi roʻyxatdan oʻtkazilgan joy boʻyicha birjaning mintaqaviy boʻlinmalariga) buyurtmachining rahbari va bosh buxgalterining notarial yoki yuqori tashkilot tomonidan tasdiqlangan imzolari namunalari qoʻyilgan kartochkalarni taqdim etadi.

8. Budjet mablagʻlarini olmaydigan buyurtmachilarni akkreditatsiyadan oʻtkazish uchun ariza beruvchilar birjaga (keyinchalik birjaga berish uchun buyurtmachi roʻyxatdan oʻtkazilgan joy boʻyicha birjaning mintaqaviy boʻlinmalariga) quyidagilarni taqdim etadilar:

belgilangan shakldagi ariza;

davlat roʻyxatidan oʻtkazilganlik toʻgʻrisidagi guvohnomaning kseronusxasi (jismoniy shaxslar — pasportlarning kseronusxalari);

buyurtmachi rahbari va buxgalteriya hisobi va moliyaviy boshqarish funksiyalarini amalga oshiruvchi shaxsning (mikrofirmalar uchun buxgalteriya hisobi va moliyaviy boshqarish funksiyalarini amalga oshiruvchi shaxs imzosining namunasi talab qilinmaydi) notarial tasdiqlangan imzolari namunalari qoʻyilgan kartochka.

9. Yetkazib beruvchi sifatida akkreditatsiyadan oʻtkazish uchun ariza beruvchi birjaga (keyinchalik birjaga berish uchun yetkazib beruvchi roʻyxatdan oʻtkazilgan joy boʻyicha birjaning mintaqaviy boʻlinmalariga) quyidagilarni taqdim etadi:

belgilangan shakldagi ariza;

davlat roʻyxatidan oʻtkazilganlik toʻgʻrisidagi guvohnomaning kseronusxasi;

yetkazib beruvchining rahbari va bosh buxgalterining notarial tasdiqlangan imzolari namunalari qoʻyilgan kartochka (budjet tashkilotlari uchun — tasdiqlash yuqori tashkilot tomonidan ham amalga oshirilishi mumkin);

davlat soliq xizmati organlari tomonidan berilgan xodimlar soni va kichik biznes subyektlariga tegishlilik toʻgʻrisidagi maʼlumotnoma (kichik biznes subyektlari uchun);

belgilangan tartibda berilgan tegishli litsenziya yoki ruxsatnomaning kseronusxasi (agar savdolar predmeti hisoblangan ishlarni bajarish va xizmatlar koʻrsatish bilan bogʻliq faoliyat qonun hujjatlariga muvofiq litsenziyalashni yoki ruxsat beruvchi hujjat olishni talab qilsa).

Taqdim etilgan maʼlumotlarning ishonchliligi uchun yetkazib beruvchilar javob beradi.

10. Buyurtmachilar va yetkazib beruvchilarni akkreditatsiyadan oʻtkazish bepul asosda amalga oshiriladi va muddatsiz xususiyatga ega. Tashkiliy-huquqiy shakli, nomi, manzili, bank rekvizitlari oʻzgarganda yoxud akkreditatsiyaning holatiga yoki amal qilishi davom etishiga taʼsir koʻrsatadigan boshqa oʻzgarishlar holatida buyurtmachilar va yetkazib beruvchilar besh kun muddatda birjaga tegishli hujjatlarni ilova qilgan holda ushbu oʻzgarishlar toʻgʻrisida yozma axborot taqdim etishlari shart.

11. Akkreditatsiya natijalari boʻyicha birja:

buyurtmachiga (yetkazib beruvchiga) berilgan foydalanuvchining yakka tartibdagi raqamiga muvofiq buyurtmachiga (yetkazib beruvchiga) alohida shaxsiy hisob raqami ochadi. Buyurtmachilarning avans toʻlovlari va yetkazib beruvchilarning moliyaviy zakalatlari hisob-kitob-kliring palatasining talab qilib olinadigan ikkilamchi depozit hisob raqami doirasida ushbu shaxsiy hisob raqamlarida hisobga olinadi;

buyurtmachilar va yetkazib beruvchilarga elektron pochta manzilini taqdim etadi, ularda oʻtkaziladigan savdolar toʻgʻrisidagi maʼlumotlarni va boshqa zarur maʼlumotlarni joylashtiradi.

12. Buyurtmachi savdolarda qatnashish uchun mustaqil ravishda yoki agent orqali birjaga (keyinchalik birjaga berish uchun buyurtmachi (yetkazib beruvchi) roʻyxatdan oʻtkazilgan joy boʻyicha birjaning mintaqaviy boʻlinmalariga):

maxsus axborot portalida joylashtirish uchun savdolarni oʻtkazish toʻgʻrisidagi eʼlonning matnini;

qogʻoz yoki elektron shaklda savdolar predmeti boʻyicha ishlarni bajarish, xizmatlar koʻrsatish uchun savdolar oʻtkazilganda loyiha-smeta hujjatlari va boshqa hujjatlarni (qonun hujjatlariga muvofiq ishlar parallel loyihalashtirilgan hollar bundan mustasno) taqdim etadi.

13. Savdolar buyurtmachining eʼlonida bayon qilingan talablar hisobga olingan holda oʻtkaziladi.

14. Buyurtmachilar va yetkazib beruvchilarning oʻz agentlari bilan oʻzaro munosabatlari, shu jumladan agentni taqdirlash summasi ular oʻrtasida tuzilgan topshiriq shartnomasi asosida belgilanadi. Tovarlarning davlat xaridlari boʻyicha agentni taqdirlash summasi Oʻzbekiston Respublikasi Moliya vazirligi va Iqtisodiyot vazirligi bilan kelishgan holda birja tomonidan belgilanadigan cheklangan miqdordan ortiq boʻlishi mumkin emas.

15. Savdolarda qatnashishga qoʻyish uchun akkreditatsiyadan oʻtkazilgan buyurtmachilar savdolar oʻtkazish toʻgʻrisida eʼlon berilgan paytdan boshlab yigirma besh kundan kechikmay keyinchalik boshlangʻich narxning 0,05 foizi miqdorida birjaning vositachilik yigʻimi toʻlanishini taʼminlash uchun hisob-kitob-kliring palatasining ikkilamchi depozit hisob raqami doirasida oʻz shaxsiy hisob raqamlariga avans toʻlovlari toʻlashlari shart.

Avans toʻlovlari buyurtmachi tomonidan ushbu bandning birinchi xatboshida koʻrsatilgan muddatda toʻlanmagan taqdirda savdolar oʻtkazishga buyurtma oʻz-oʻzidan bekor qilinadi.

Buyurtmachi tomonidan toʻlangan avans toʻlovlari elektron tizim tomonidan savdolar gʻolibi aniqlanadigan paytgacha blokirovka qilinadi.

16. Akkreditatsiyadan oʻtkazilgan yetkazib beruvchilar savdolarda qatnashishga qoʻyish uchun hisob-kitob-kliring palatasining ikkilamchi depozit hisob raqami doirasida oʻz shaxsiy hisob raqamlariga oldindan savdolar oʻtkazish toʻgʻrisidagi eʼlonda koʻrsatilgan miqdorda, biroq boshlangʻich narxning uch foizidan ortiq boʻlmagan miqdorda moliyaviy zakalat toʻlashlari shart.

Yetkazib beruvchi tomonidan toʻlangan moliyaviy zakalat elektron tizim tomonidan savdolar gʻolibi aniqlangan paytgacha yoki agar ushbu paytda yetkazib beruvchining taklifi eng yaxshi taklif boʻlmagan taqdirda yetkazib beruvchidan lot boʻyicha savdolardan chiqish toʻgʻrisida yozma bildirishnoma olingunga qadar blokirovka qilinadi.

Ushbu bandning ikkinchi xatboshida nazarda tutilgan holatda yetkazib beruvchi savdolardan chiqqan taqdirda uning zakalati uning yozma bildirishnomasi olingan paytdan boshlab bir ish kuni mobaynida uning talab qilib olinadigan depozit hisob raqamiga oʻtkazilishi kerak yoki uning yozma arizasi boʻyicha boshqa savdolarda keyinchalik qatnashish uchun zakalat hisobiga qabul qilinadi.

17. Buyurtmachi tomonidan mustaqil yoki uning agenti orqali taqdim etilgan savdolar oʻtkazish toʻgʻrisidagi eʼlon birja tomonidan ular taqdim etilgan sanadan boshlab bir kun muddatda bir vaqtning oʻzida buyurtmanomalar elektron tizimda oʻz-oʻzidan shakllantirilgan holda maxsus axborot portalida joylashtiriladi. Roʻyxati Hukumat komissiyasi tomonidan belgilanadigan markazlashtirilgan manbalar hisobiga amalga oshiriladigan tovarlarning davlat xaridlari toʻgʻrisidagi eʼlon maxsus axborot portalida yetkazib beruvchini — savdolarning gʻolibini aniqlash sanasidan kamida 30 kun oldin joylashtirilishi kerak.

18. Maxsus axborot portalida savdolarni oʻtkazish toʻgʻrisidagi eʼlon joylashtirilganligi uchun agent tomonidan Oʻzbekiston Respublikasi Moliya vazirligi va Iqtisodiyot vazirligi bilan kelishgan holda birja tomonidan belgilanadigan cheklangan miqdordan ortiq boʻlmagan miqdorda toʻlov undiriladi.

19. Savdolar oʻtkazish toʻgʻrisidagi eʼlonda quyidagi maʼlumotlar boʻlishi kerak:

buyurtmachining nomi va manzili;

savdolar predmetini moliyalashtirish manbalari;

savdolarning birinchi va oxirgi kuni (savdolar muddati);

savdolar predmetining boshlangʻich narxi;

savdolar predmetining tavsifi (savdolar predmetining spetsifikatsiyasi);

savdolar predmetini lotlar boʻyicha boʻlish va har bir lotning miqdori;

tovarlarni yetkazib berish, ishlarni bajarish, xizmatlar koʻrsatish muddatlari va shartlari;

tovarlarni yetkazib berish, ishlarni bajarish, xizmatlar koʻrsatish joyi (manzili).

20. Agar qonun hujjatlariga muvofiq tovarlar (ishlar, xizmatlar)ning ayrim turlari davlat xaridlari faqat yoki ustun darajada kichik biznes subyektlaridan amalga oshirilishi kerak boʻlsa, savdolar oʻtkazish toʻgʻrisidagi eʼlonda ushbu shart majburiy koʻrsatiladi.

21. Savdolar elektron tizimda boshlangʻich narx bosqichma-bosqich pasaytirilgan holda oʻtkaziladi. Bosqichning oʻlchami birja tomonidan belgilanadi.

22. Savdolarni oʻtkazish, toʻlangan moliyaviy zakalat summasiga muvofiq har bir lot boʻyicha savdolarga qoʻyish, savdolar gʻoliblarini aniqlash, bitimlarni roʻyxatdan oʻtkazish va savdolar (tiket) bayonnomasini rasmiylashtirish elektron tizimning dasturiy kompleksi bilan amalga oshiriladi.

23. Birja elektron tizimning operatori sifatida:

elektron tizimning uzluksiz ishlashini;

savdolar ushbu Nizomga va qonun hujjatlari talablariga muvofiq oʻtkazilishini;

ushbu lot boʻyicha savdolarga qoʻyilgan barcha yetkazib beruvchilarning joylashish joyidan qatʼi nazar, ularning barchasining savdolarda bir vaqtning oʻzida qatnashishi imkoniyati berilishini;

savdolarni oʻtkazishda va ularning natijalarini chiqarishda oshkoralik va aniq-ravshanlikni;

savdolarning akkreditatsiyadan oʻtkazilgan barcha qatnashchilarining huquqlari tengligini;

narxi boʻyicha eng yaxshi buyurtmanomalarni aniqlash jarayonini avtomatlashtirish yoʻli bilan savdolar gʻoliblarini aniqlashning xolisonaligini;

yetkazib beruvchilarni ular belgilangan miqdordagi moliyaviy zakalatni toʻlaganlaridan keyin savdolarga qoʻyish yoʻli bilan ularning buyurtmanomalarini taʼminlashga majburdir.

24. Yetkazib beruvchilarning javob tariqasidagi buyurtmanomalarini qabul qilish buyurtmachi yoki uning agenti tomonidan buyurtmachining hisob-kitob-kliring palatasining ikkilamchi depozit hisob raqami doirasida shaxsiy hisob raqamiga uning avans toʻlovi mavjud boʻlgan taqdirda elektron tizimga xarid uchun buyurtmanoma kiritilgan paytdan boshlanadi.

25. Savdolarda qatnashayotgan akkreditatsiyadan oʻtkazilgan yetkazib beruvchilarning nomi va ular bilan aloqa qilinadigan maʼlumotlar elektron tizimda aks ettirilmaydi, ushbu Nizomning 29-bandida nazarda tutilgan hol bundan mustasno.

26. Savdolar davomida elektron tizim yetkazib beruvchilarning berilgan buyurtmanomalaridan eng kam narxli buyurtmanomani oʻz-oʻzidan tanlaydi, u elektron tizimda aks ettiriladi hamda savdolarning barcha qatnashchilariga — ushbu paytdagi buyurtmachilar va yetkazib beruvchilarga maʼlum boʻladi.

27. Agar savdolarda kamida ikki nafar yetkazib beruvchi qatnashsa, savdolar boʻlib oʻtgan deb hisoblanadi.

Agar savdolarda ikki nafardan kam yetkazib beruvchi qatnashsa, savdolar boʻlib oʻtmagan deb hisoblanadi, savdolar gʻolibi aniqlanmaydi va savdolar takroran oʻtkazilishi mumkin.

28. Yetkazib beruvchilardan takliflar boʻlmasligi (yoki savdolarda faqat bir nafar yetkazib beruvchi qatnashishi) sababli, shuningdek yetkazib beruvchilar tomonidan boshlangʻich narxdan ortiq boʻlgan narxlar taklif qilinganda, budjet mablagʻlarini oluvchi hisoblangan buyurtmachi uchun oziq-ovqat mahsulotlarining davlat xaridi boʻyicha savdolar boʻlib oʻtmagan deb eʼtirof etilgan taqdirda Oʻzbekiston Respublikasi Moliya vazirligining Gʻaznachiligi yoki uning hududiy boʻlinmalari (keyingi oʻrinlarda gʻaznachilik organlari deb ataladi) bilan kelishgan holda takroriy savdolar oʻtkazmasdan buyurtmani joylashtirishga yoʻl qoʻyiladi.

Takroriy savdolar oʻtkazmasdan oziq-ovqat mahsulotlarining davlat xaridi boʻyicha buyurtmani joylashtirish toʻgʻrisidagi qarorni kelishish uchun budjet mablagʻlarini oluvchi hisoblangan buyurtmachi gʻaznachilikning tegishli organlariga koʻrsatib oʻtilgan davlat xaridi bilan bogʻliq hujjatlarning nusxalarini ilova qilgan va savdolarni boʻlib oʻtmagan deb eʼtirof etgan holda yozma murojaatni yuboradi.

Takroriy savdolar oʻtkazmasdan buyurtmani joylashtirish toʻgʻrisidagi qarorni kelishish muddati gʻaznachilik organlariga kelishish toʻgʻrisidagi murojaat tushgan kundan boshlab uch ish kunidan ortiq boʻlmasligi kerak.

Takroriy savdolar oʻtkazmasdan yetkazib beruvchi bilan kontrakt faqat ilgari maxsus elektron portalda joylashtirilgan ushbu buyurtma boʻyicha eʼlonda nazarda tutilgan shartlarda tuzilishi mumkin. Bunda tuzilgan kontraktning narxi:

savdolarda boshlangʻich narxdan past narxni taklif qilgan faqat bitta yetkazib beruvchi qatnashgan hollarda yagona yetkazib beruvchi — savdolar qatnashchisi narxidan;

oʻtkazilgan savdolarda yetkazib beruvchilardan takliflar boʻlmagan yoki yetkazib beruvchilar tomonidan taklif etilgan narxlar boshlangʻich narxdan yuqori boʻlgan hollarda eʼlon qilingan boshlangʻich narxning 10 foizidan ortiq boʻlmasligi kerak.

29. Savdolar tamom boʻlishi vaqti boshlanganda tizim savdolar oʻtkazilishining butun vaqti mobaynida berilgan eng past narxli buyurtmanomani oʻz-oʻzidan aniqlaydi. Eng past narxli buyurtmanomani bergan yetkazib beruvchi elektron tizim tomonidan savdolarning gʻolibi sifatida tanlab olinadi. Yetkazib beruvchining nomi elektron tizimda aks ettiriladi. Elektron tizim buyurtmachining buyurtmanomasida bayon qilingan shartlarga muvofiq birja bilan yetkazib beruvchi — savdolar gʻolibi oʻrtasidagi bayonnomani rasmiylashtiradi.

30. Qogʻoz formatdagi savdolar bayonnomasi birja yoki birjaning mintaqaviy savdo maydoni va yetkazib beruvchi (uning agenti) tomonidan ikki nusxada imzolanishi kerak, ulardan biri buyurtmachiga (uning agentiga) beriladi.

31. Buyurtmachi va savdolarda gʻolib chiqqan yetkazib beruvchi savdolar bayonnomasi asosida savdolar gʻolibi aniqlangan paytdan boshlab besh ish kuni mobaynida kontrakt tuzishi shart.

32. Buyurtmachi kontrakt tuzishni rad etgan yoki boshqacha tarzda bosh tortgan taqdirda yetkazib beruvchi kontrakt tuzishdan bosh tortish tufayli yetkazilgan zararlarni qoplash talabi bilan sudga murojaat qilishga haqlidir.

33. Tovarlarning davlat xaridlari boʻyicha kontrakt tuzishni buyurtmachi rad etishi yoki boshqacha tarzda bosh tortishi toʻgʻrisidagi axborot davlat xaridlari toʻgʻrisidagi qonun hujjatlarini buzuvchi buyurtmachining mansabdor shaxslarga nisbatan chora koʻrish uchun Hukumat komissiyasiga yuboriladi.

34. Savdolarda gʻolib chiqqan yetkazib beruvchi kontrakt tuzishni rad etgan yoki boshqacha tarzda bosh tortgan taqdirda uning moliyaviy zakalati, birjaning vositachilik haqi bundan mustasno, gʻolib aniqlangan sanadan boshlab bir hafta muddatda yetkazilgan zarar uchun kompensatsiya sifatida buyurtmachining talab qilib olinadigan depozit hisob raqamiga oʻtkaziladi.

35. Yetkazib beruvchi kontrakt tuzishni rad etgan yoki boshqacha tarzda bosh tortgan taqdirda buyurtmachi kontrakt tuzishdan bosh tortish tufayli yetkazilgan zararlarni qoplash talabi bilan sudga murojaat qilishga haqlidir. Savdolarda gʻolib chiqqan, biroq kontrakt tuzishni rad etgan yoki boshqacha tarzda bosh tortgan yetkazib beruvchi birja tomonidan nohalol yetkazib beruvchilar reyestriga kiritiladi, yengib boʻlmaydigan kuch holatlari yuzaga kelganligi munosabati bilan rad etish hollari bundan mustasno.

36. Nohalol yetkazib beruvchilar reyestriga kiritilgan yetkazib beruvchilar olti oy mobaynida savdolarda qatnashishga qoʻyilmaydilar. Yetkazib beruvchini nohalol yetkazib beruvchilar reyestriga kiritish toʻgʻrisidagi axborot maxsus axborot portaliga joylashtiriladi.

37. Savdolarda gʻolib chiqqan kontrakt tuzishni rad etgan yoki boshqacha tarzda bosh tortgan taqdirda buyurtmachi uchun navbatdagi eng yaxshi narxni taklif etgan yetkazib beruvchi, ushbu yetkazib beruvchi uni savdolar gʻolibi deb eʼtirof etishga va kontrakt tuzishga rozi boʻlgan taqdirda, savdolar gʻolibi deb eʼtirof etiladi. Savdolarning ikkinchi gʻolibi bilan kontrakt u tomonidan savdolarda taklif etilgan narx hisobga olingan holda tuziladi.

38. Bitishuv holati boʻyicha hisob-kitob-kliring palatasi buyurtmachilarning avans toʻlovlari va yetkazib beruvchilarning moliyaviy zakalatlari summasidan birja foydasiga bitishuv haqiqiy summasining 0,05 foizi miqdorida vositachilik yigʻimlari undiradi.

39. Buyurtmachi va savdolarda gʻolib chiqqan yetkazib beruvchi bilan kontrakt tuzilgandan keyin birja (yoki birjaning mintaqaviy savdo maydoni) bir ish kuni mobaynida koʻrsatib oʻtilgan kontraktni roʻyxatdan oʻtkazadi.

40. Birja tomonidan buyurtmachining avans toʻlovi va savdolarda gʻolib chiqqan yetkazib beruvchining moliyaviy zakalati qoldigʻi ular oʻrtasida kontrakt tuzilgan paytdan boshlab bir ish kuni mobaynida ularning talab qilib olinadigan depozit hisob raqamlariga oʻtkaziladi yoki ularning yozma bildirishnomasiga koʻra boshqa savdolarda qatnashish uchun avans toʻlovlari hisobiga qabul qilinadi.

41. Savdolarning gʻolibi deb eʼtirof etilmagan yetkazib beruvchining moliyaviy zakalati gʻolib aniqlangan paytdan boshlab bir ish kuni mobaynida qaytariladi.

42. Buyurtmachi:

savdolarni oʻtkazish uchun taqdim etilgan hujjatlarning ishonchliligi va qonun hujjatlariga muvofiqligi;

savdolar gʻolibi boʻlgan yetkazib beruvchi bilan kontrakt tuzish yoki savdolar gʻolibi boʻlgan yetkazib beruvchi bilan kontrakt tuzishni rad etish muddatiga rioya etilishi (ajratilgan budjet mablagʻlari kamayishi hollari bundan mustasno);

Hukumat komissiyasining ishchi organiga buyurtmachi tomonidan tovarlarning davlat xaridi amalga oshirilishida ushbu Nizom bajarilishi monitoringi olib borilishi uchun ishonchli axborot taqdim etilishi;

tomonlar oʻrtasidagi kontrakt majburiyatlarini bajarish tugallangandan keyin besh yil mobaynida savdolar predmeti boʻyicha eʼlonlar va texnik hujjatlarning asl nusxalari saqlanishi uchun javob beradi.

43. Yetkazib beruvchi:

savdolarda qatnashish uchun taqdim etilgan hujjatlarning ishonchliligi;

miqdor, sifat, texnik parametrlar, shuningdek taklif etilayotgan tovarlarni (ishlar, xizmatlarni) yetkazib berish muddatlari va joyi boʻyicha yetkazib beruvchining buyurtmanomalari shartlari buyurtmachining buyurtmanomalarida nazarda tutilgan shartlarga muvofiqligi;

savdolar shartlarining boshqa buzilishlari;

tuzilgan kontrakt shartlari bajarilmasligi uchun javob beradi.

44. Birja:

savdolar oʻtkazish toʻgʻrisidagi eʼlon maxsus axborot portalida eʼlon qilinishi;

buyurtmachilar, yetkazib beruvchilar va ularning agentlarini akkreditatsiyadan oʻtkazish yoki ularni savdolarga qoʻyish asossiz rad etilganligi yoxud savdolarga qoʻyish cheklanganligi;

savdolarni tashkil etish va oʻtkazish hamda savdolar gʻolibini aniqlash tartib-qoidasiga rioya etilishi;

savdolar bayonnomasini imzolash muddatlari buzilishi yoki imzolash rad etilishi;

elektron tizim va maxsus axborot portali uzluksiz ishlashi;

savdolar natijalari boʻyicha tomonlar tomonidan tuzilgan kontrakt roʻyxatdan oʻtkazilishi uchun javob beradi.

45. Savdolar tartib-taomilidan kelib chiqadigan kelishmovchiliklar va nizolar, buyurtmachi, birja, Hukumat komissiyasining ishchi organi yoki savdolarning boshqa qatnashchilari xatti-harakatlari va qarorlari ustidan shikoyatlar xoʻjalik sudi tomonidan qonun hujjatlarida belgilangan tartibda koʻrib chiqiladi.

1. Vazirlar Mahkamasining 1999-yil 3-sentabrdagi 414-son qarori (Oʻzbekiston Respublikasi QT, 1999-y., 9-son, 51-modda) bilan tasdiqlangan Budjet tashkilotlarini xarajatlarini mablagʻ bilan taʼminlash (toʻlash) tartibiga quyidagi mazmundagi 38¹-band qoʻshilsin:

“38¹. Oʻz boʻlinmalari uchun markazlashtirilgan xaridni amalga oshiradigan budjet tashkilotlari rahbarlari davlat xaridlarini tashkil etish va samarali amalga oshirish uchun qonun hujjatlarida belgilangan tartibda shaxsan javob beradilar”.

2. Vazirlar Mahkamasining 2000-yil 21-noyabrdagi 456-son qarori (Oʻzbekiston Respublikasi QT, 2000-y., 11-son, 72-modda) bilan tasdiqlangan Xom ashyo, materiallar, butlovchi buyumlar va asbob-uskunalarni xarid qilish boʻyicha tender savdolari oʻtkazish toʻgʻrisidagi Nizomda:

a) 5-bandning ikkinchi xatboshi quyidagi tahrirda bayon qilinsin:

“300 AQSH dollaridan 100 ming AQSH dollarigacha teng summadagi bitta kontrakt boʻyicha yetkazib berishlarni amalga oshirishda xaridlar buyurtmachi tomonidan tashkil etiladigan maxsus komissiya qaroriga koʻra quyidagi yoʻllar bilan eng yaxshi takliflarni tanlab olish asosida tender savdolari oʻtkazmasdan (ushbu Nizomning 5⁴-bandida nazarda tutilgan hollardan tashqari) amalga oshiriladi”;

b) 5¹-bandda:

3-kichik banddagi “eng kam ish haqining oʻn baravaridan” soʻzlari “300 AQSH dollariga teng” soʻzlari bilan almashtirilsin;

8-kichik banddagi “tegishli moliya organlari” soʻzlari “Oʻzbekiston Respublikasi Moliya vazirligi yoki uning hududiy boʻlinmalari (keyingi oʻrinlarda moliya organlari deb ataladi) bilan” soʻzlari bilan almashtirilsin;

v) quyidagi mazmundagi 5³ va 5⁴-bandlar qoʻshilsin:

“5³. Roʻyxati Davlat xaridlari boʻyicha Hukumat komissiyasi tomonidan belgilanadigan markazlashtirilgan manbalar hisobiga davlat xaridlarini amalga oshiradigan tashkilotlar maxsus axborot portalida, mazkur Nizomning 5¹-bandi 1, 3-9-kichik bandlarida nazarda tutilgan hollardan tashqari, tovarlar yetkazib beruvchi, ishlarni bajaruvchi va xizmatlar koʻrsatuvchini aniqlash sanasigacha kamida 30 kun oldin kelgusi xaridlar toʻgʻrisida, shuningdek birja savdolarida tovarlar xarid qilish va Davlat xaridlari boʻyicha Hukumat komissiyasi tomonidan belgilangan boshqa holatlar toʻgʻrisidagi eʼlonni joylashtirishi shart.

5⁴. 300 AQSH dollaridan 100 ming AQSH dollarigacha summaga bitta kontrakt boʻyicha roʻyxati Davlat xaridlari boʻyicha Hukumat komissiyasi tomonidan belgilanadigan tovarlar, ishlar va xizmatlarning ayrim turlari davlat xaridlari Oʻzbekiston respublika tovar-xom ashyo birjasi tomonidan tashkil etiladigan elektron auksion savdolar orqali amalga oshiriladi, ushbu Nizomning 5¹ bandi 1, 3 — 9-kichik bandlarida nazarda tutilgan hollar, shuningdek tovarlarni birja savdolarida xarid qilish va Davlat xaridlari boʻyicha Hukumat komissiyasi tomonidan belgilangan boshqa hollar bundan mustasno”;

g) 47-bandda:

uchinchi xatboshi quyidagi tahrirda bayon qilinsin:

“tenderga kamida uchta qatnashchining taklifi taqdim etilsa”;

quyidagi mazmundagi xatboshi qoʻshilsin:

“kichik biznes subyektlari uchun ajratilgan kvotalar boʻyicha oʻtkaziladigan tender qatnashchilari orasida ushbu toifa tashkilotlar boʻlmasa”;

d) 55-bandga quyidagi mazmundagi xatboshi qoʻshilsin:

“Boshqa teng sharoitlarda kichik biznes subyektlariga afzallik beriladi”.

3. Vazirlar Mahkamasining “Oʻzbekiston Respublikasi Prezidentining “Paxta tozalash sanoati korxonalarida hisob va hisobot tizimini takomillashtirish ustidan nazoratni kuchaytirish borasidagi qoʻshimcha chora-tadbirlar toʻgʻrisida” 2002-yil 13-noyabrdagi PF-3161-son Farmonini amalga oshirish chora-tadbirlari haqida” 2002-yil 15-noyabrdagi 393-son qarorida (Oʻzbekiston Respublikasi QT, 2002-y., 11-son, 69-modda):

a) 1-banddagi “71 nafardan” soʻzlari “uning hududiy boʻlinmalari xodimlari sonini tegishli ravishda qisqartirish hisobiga koʻrsatilgan xodimlar sonini 4 nafarga koʻpaytirishni nazarda tutgan holda 73 nafardan” soʻzlari bilan almashtirilsin;

b) 2-bandning birinchi xatboshidagi “17” raqami “16” raqami bilan almashtirilsin;

v) 1-ilova quyidagi tahrirda bayon qilinsin:

g) 2-ilovada:

6-bandga quyidagi mazmundagi xatboshilar qoʻshilsin:

“Budjetdan tashqari Taʼlim muassasalarini rekonstruksiya qilish, mukammal taʼmirlash va jihozlash jamgʻarmasi mablagʻlaridan maqsadli foydalanilishini nazorat qilish;

davlat xaridlari boʻyicha tender (tanlov) savdolari oʻtkazilishining toʻgʻriligini nazorat qilish”;

7-bandga quyidagi mazmundagi xatboshilar qoʻshilsin:

“Budjetdan tashqari Taʼlim muassasalarini rekonstruksiya qilish, mukammal taʼmirlash va jihozlash jamgʻarmasi mablagʻlaridan maqsadli foydalanilishini nazorat qilish va tekshirish;

davlat xaridlari boʻyicha qalbakilashtirish, savdolar qatnashchilari oʻrtasida til biriktirish, korrupsiya aloqalari mavjudligi va soxta tender (tanlov) savdolari oʻtkazilishi belgilari boʻlgan savdolarni aniqlash hamda ularni bekor qilish boʻyicha belgilangan tartibda choralar koʻrish”;

8-bandga quyidagi mazmundagi xatboshilar qoʻshilsin:

“Budjetdan tashqari Taʼlim muassasalarini rekonstruksiya qilish, mukammal taʼmirlash va jihozlash jamgʻarmasi mablagʻlaridan maqsadli foydalanilishini nazorat qilish va tekshirish;

davlat xaridlari boʻyicha qalbakilashtirish, savdolar qatnashchilari oʻrtasida til biriktirish, korrupsiya aloqalari mavjudligi va soxta tender (tanlov) savdolari oʻtkazilishi belgilari boʻlgan savdolarni aniqlash hamda ularni bekor qilish boʻyicha belgilangan tartibda choralar koʻrish”;

11-bandda:

11.1-kichik bandga quyidagi mazmundagi xatboshilar qoʻshilsin:

“Oʻzbekiston Respublikasi Davlat budjetining gʻazna ijrosini nazorat qilish boʻlimi;

Investitsiya dasturlariga ajratiladigan markazlashtirilgan mablagʻlardan va Hukumat tomonidan kafolatlangan kreditlardan maqsadli foydalanilishini nazorat qilish boʻlimi;

Davlat xaridlari boʻyicha tender (tanlov) oʻtkazilishini nazorat qilish boʻlimi;

Budjetdan tashqari Taʼlim muassasalarini rekonstruksiya qilish, mukammal taʼmirlash va jihozlash jamgʻarmasi mablagʻlaridan maqsadli foydalanilishini nazorat qilish shuʼbasi”;

11.6-band quyidagi tahrirda bayon qilinsin:

“11.6. Muruvvat yordamidan va texnikaviy koʻmaklashish mablagʻlaridan maqsadli foydalanilishini nazorat qilish shuʼbasi”;

12-bandda:

12.3-kichik band quyidagi tahrirda bayon qilinsin:

“12.3. Investitsiya dasturlariga ajratiladigan markazlashtirilgan mablagʻlardan va Hukumat tomonidan kafolatlangan kreditlardan maqsadli foydalanilishini nazorat qilish boʻlimi”;

quyidagi mazmundagi 12.5 va 12.6-kichik bandlari qoʻshilsin:

“12.5. Davlat xaridlari boʻyicha tender (tanlov) oʻtkazilishini nazorat qilish va Oʻzbekiston Respublikasi Davlat budjetining gʻazna ijrosini nazorat qilish boʻlimi.

12.6. Moliya vazirligi huzuridagi Jamgʻarmalar mablagʻlaridan foydalanilishini nazorat qilish boʻlimi”.

4. Vazirlar Mahkamasining 2003-yil 3-iyuldagi 302-son qarori (Oʻzbekiston Respublikasi QT, 2003-y., 7-son, 57-modda) bilan tasdiqlangan Oʻzbekiston Respublikasi hududida kapital qurilishda tanlov savdolari toʻgʻrisidagi Nizomda:

a) 25-band quyidagi tahrirda bayon qilinsin:

“Agar yopiq savdolarda qatnashishga rozilik bildirgan pudratchilar (yetkazib beruvchilar) soni uchtadan kam boʻlsa, u holda tanlov shartlari aniqlashtirilgan va/yoki unga tuzatishlar kiritilgan holda takroriy tanlov savdolari eʼlon qilinadi”;

b) quyidagi mazmundagi 27¹-band qoʻshilsin:

“27¹. Roʻyxati Davlat xaridlari boʻyicha Hukumat komissiyasi tomonidan belgilanadigan markazlashtirilgan manbalar hisobiga moliyalashtiriladigan 500 mln soʻmgacha qiymatda boʻlgan obyektlarni qurish va rekonstruksiya qilish boʻyicha ishlarni bajarish uchun pudrat tashkilotlarini tanlash faqat kichik biznes subyektlari oʻrtasida amalga oshiriladi”;

v) 47-bandning oʻninchi xatboshidagi “narx preferensiyalari” soʻzlaridan keyin “shuningdek qonunchilikka muvofiq kichik biznes subyektlari uchun ajratiladigan kvotalar miqdorlari” soʻzlari qoʻshilsin.

g) 81-bandda:

ikkinchi xatboshidan “ushbu Nizomning 25-bandida koʻrsatilgan hollardan tashqari” soʻzlari chiqarib tashlansin;

quyidagi mazmundagi xatboshi qoʻshilsin:

“kichik biznes subyektlari uchun ajratilgan kvotalar boʻyicha oʻtkaziladigan tanlov savdolari qatnashchilari oʻrtasida ushbu toifa korxonalar mavjud boʻlmasa”.

5. Vazirlar Mahkamasining “Tovar-xom ashyo birjalari faoliyatini takomillashtirishga doir qoʻshimcha chora-tadbirlar toʻgʻrisida” 2004-yil 31-maydagi 251-son qarorida (Oʻzbekiston Respublikasi QT, 2004-y., 5-son, 50-modda):

a) 1-bandning uchinchi xatboshi quyidagi tahrirda bayon qilinsin:

“tovarlar (ishlar, xizmatlar)ning, shu jumladan oʻziga xos xususiyatlarga ega boʻlgan tovarlarning auksion savdolari”;

b) 3-bandda:

ikkinchi xatboshi quyidagi tahrirda bayon qilinsin:

“birja aʼzolari-dilerlar birja savdolarida ulgurji savdoni faqat ularda ulgurji savdoni amalga oshirish huquqiga litsenziya mavjud boʻlganda amalga oshiradilar”;

toʻrtinchi xatboshi chiqarib tashlansin;

beshinchi xatboshi quyidagi tahrirda bayon qilinsin:

“tovar-xom ashyo birjalarining auksion va koʻrgazma-yarmarka savdoni tashkil etishga xarajatlari bitishuvlar ishtirokchilaridan vositachilik yigʻimi olish hisobiga, shuningdek auksion va koʻrgazma-yarmarka savdo qatnashchilariga koʻrsatiladigan qoʻshimcha xizmatlar (reklama, axborot, maslahat berish, oʻquv, noshirlik xizmatlari va shu kabilar) hisobiga qoplanadi”;

v) 4-bandning uchinchi xatboshi quyidagi tahrirda bayon qilinsin:

“ixtisoslashtirilgan va mintaqaviy savdo maydonlari tarmogʻini kengaytirish, shu jumladan koʻrsatib oʻtilgan savdo maydonlarini birja, koʻrgazma-yarmarka va auksion savdolarining elektron tizimiga ulagan holda yuridik shaxslarni akkreditatsiya qilish yoʻli bilan kengaytirish boʻyicha choralar koʻrish”.

6. Vazirlar Mahkamasining 2007-yil 20-martdagi 53-son qarori (Oʻzbekiston Respublikasi QT, 2007-y., 2-3-son, 15-modda) bilan tasdiqlangan Oʻzbekiston Respublikasi Moliya vazirligining Gʻaznachiligi toʻgʻrisidagi Nizomda:

a) 8-bandga quyidagi mazmundagi oltinchi xatboshi qoʻshilsin:

“davlat xaridlari boʻyicha axborot bazasini yaratish va doimiy ravishda yangilab borish, davlat xaridlarini amalga oshirishda narxni shakllantirish jarayonini nazorat qilish”;

oltinchi—sakkizinchi xatboshilar tegishli ravishda yettinchi — toʻqqizinchi xatboshilar deb hisoblansin;

b) 9-bandda:

quyidagi mazmundagi oʻn sakkizinchi xatboshi qoʻshilsin:

“kichik biznes subyektlari unda keng ishtirok etishini nazarda tutadigan davlat xaridlarini amalga oshirishda tanlov va tender tartib-taomillarini takomillashtirish va ularni qoʻllashni kengaytirish yuzasidan takliflar tayyorlash”;

oʻn sakkizinchi—oʻn toʻqqizinchi xatboshilar tegishli ravishda oʻn toʻqqizinchi — yigirmanchi xatboshilar deb hisoblansin;

quyidagi mazmundagi xatboshilar qoʻshilsin:

“davlat xaridlari boʻyicha maʼlumotlar, shu jumladan davlat xaridlari boʻyicha budjetdan mablagʻ oluvchilar tomonidan joylashtiriladigan buyurtmalar, shuningdek budjetdan mablagʻ oluvchilar tomonidan xarid qilinadigan tovarlar (ishlar, xizmatlar)ga narxlar boʻyicha maʼlumotlar elektron bazasini shakllantirish va doimiy ravishda yangilab borish;

Davlat xaridlari boʻyicha Hukumat komissiyasining ishchi organi funksiyasini amalga oshiradi”;

v) 10-bandga quyidagi mazmundagi xatboshilar qoʻshilsin:

“Davlat xaridlari boʻyicha Hukumat komissiyasining ishchi organi funksiyasini bajarish uchun davlat va xoʻjalik boshqaruvi organlari, mahalliy davlat hokimiyati organlari, boshqa tashkilotlardan zarur materiallarni olish;

davlat xaridlari jarayoni qatnashchilaridan kichik biznes subyektlari uchun ajratilgan kvotalarga rioya etilishiga tegishli boʻlgan axborotlarni soʻrash”;

g) 11-bandning uchinchi xatboshidagi “budjetdan mablagʻ oluvchilar tomonidan sotib olinadigan tovarlar (ishlar, xizmatlar) narxlarining sunʼiy koʻpaytirilishi” soʻzlari “davlat xaridlarini amalga oshirishda, shu jumladan budjetdan mablagʻ oluvchilar tomonidan tovarlar (ishlar, xizmatlar) xarid qilinganda narxlarni oshirib yuborish mavjudligi” soʻzlari bilan almashtirilsin.

7. Vazirlar Mahkamasining 2011-yil 7-yanvardagi 6-son qarori (Oʻzbekiston Respublikasi QT, 2011-y., 1-son, 3-modda) bilan tasdiqlangan Xususiy tadbirkorlar yuridik shaxs tashkil etmasdan shugʻullanishi mumkin boʻlgan faoliyat turlari roʻyxatiga quyidagi mazmundagi 67-pozitsiya qoʻshilsin: