Akademik V. Voxidov nomidagi Respublika ixtisoslashtirilgan jarrohlik markazining kardiojarrohlik boʻlinmasini Koreya Respublikasi Hukumatining Iqtisodiy hamkorlikni rivojlantirish Fondini (EDCF) imtiyozli kreditlari asosida zamonaviy tibbiyot uskunalari bilan jihozlari maqsadida:

1. 2009-yil 11-mayda Koreya Eksport-import banki va Oʻzbekiston Respublikasi Hukumati oʻrtasida “Akademik V. Voxidov nomidagi Respublika ixtisoslashtirilgan jarrohlik markazining kardiojarrohlik boʻlinmasini jihozlash” loyihasini amalga oshirish uchun Oʻzbekiston Respublikasiga kredit berish toʻgʻrisidagi shartnoma 40 yil muddatga, shu jumladan oʻn yillik imtiyozli davrni, yillik 0,05 foiz stavkada 10,0 million AQSH dollari ekvivalentida koreys vonidagi imtiyozli kredit shartnomasi imzolanganligi:

Oʻzbekiston Respublikasining mazkur loyihani amalga oshirishga qoʻshgan hissasi 6,62 million AQSH dollari ekvivalentini tashkil etganligi, shundan soliqlar va boshqa majburiy toʻlovlardan ozod qilish shaklida — 2,15 million AQSH dollari ekvivalenti ekanligi;

Loyihani amalga oshirish muddati 2010-2011-yillar deb belgilanganligi maʼlumot uchun qabul qilinsin.

2. Belgilansinki:

jalb qilingan mablagʻlarning maqsadli sarflanishi va ushbu loyihaning samarali amalga oshirilishi uchun masʼul ijro etuvchi organ Oʻzbekiston Respublikasi Sogʻliqni saqlash vazirligi hisoblanadi;

(EDCF) krediti boʻyicha Oʻzbekiston Respublikasi Hukumati nomidan qarz oluvchi — Oʻzbekiston Respublikasi Moliya vazirligi hisoblanadi;

kreditga xizmat koʻrsatish boʻyicha moliyaviy agent (EDCF) — Oʻzbekiston Respublikasi Tashqi iqtisodiy faoliyat milliy banki hisoblanadi.

Kreditning asosiy qarzini toʻlash, komissiyalar, foizlarni toʻlash va kredit boʻyicha boshqa xarajatlar bilan bogʻliq xarajatlar davlat budjeti hisobidan qoplanadi.

3. Quyidagilar:

“Akademik V. Voxidov nomidagi Respublika ixtisoslashtirilgan jarrohlik markazining kardiojarrohlik boʻlinmasini jihozlash” loyihasini asosiy texnik iqtisodiy asoslari (TIA) 1-ilovaga* muvofiq;

tarkibiy qismlar, manbalar va yillar boʻyicha loyihani moliyalashtirish dasturi 2-ilovaga* muvofiq;

koʻrsatilgan loyihani amalga oshirish uchun taqdim etilgan Iqtisodiy hamkorlikni rivojlantirish jamgʻarmasi (EDCF) krediti boʻyicha prognoz toʻlov va foizlarni toʻlash jadvali 3-ilovaga* muvofiq tasdiqlansin.

4. Oʻzbekiston Respublikasi Tashqi iqtisodiy faoliyat milliy banki Koreya Eksport-import banki bilan berilgan kreditdan foydalanish, unga xizmat koʻrsatish va toʻlash boʻyicha banklararo shartnoma tuzsin.

5. Oʻzbekiston Respublikasi Adliya vazirligi Oʻzbekiston Respublikasi Hukumati va Koreya Eksport-import banki oʻrtasidagi Kredit bitimi boʻyicha belgilangan tartibda huquqiy xulosa bersin.

6. Oʻzbekiston Respublikasi Tashqi iqtisodiy aloqalar, investitsiyalar va savdo vazirligi mazkur loyihani amalga oshirish doirasida tuzilgan import kontraktlarining belgilangan tartibda ekspertizadan oʻtkazilishini taʼminlasin.

7. Oʻzbekiston Respublikasining Sogʻliqni saqlash vazirligi:

(EDCF) kredit mablagʻlarini samarali va maqsadli foydalanilishini taʼminlash maqsadida Akademik V. Voxidov nomidagi Respublika ixtisoslashtirilgan jarrohlik markazining kardiojarrohlik boʻlinmasiga uskunalarni oʻz vaqtida sotib olish choralarni koʻrsin;

Oʻzbekiston Respublikasi Moliya vazirligi va Tashqi iqtisodiy faoliyat milliy banki bilan birgalikda EDSF kredit mablagʻlaridan foydalanish va ularni qaytarish boʻyicha uch tomonlama agentlik bitimini imzolasin;

ushbu loyihani amalga oshirish doirasida import qilinadigan tovarlarni belgilangan tartibda eng qisqa muddatlarda roʻyxatdan oʻtkazish va sertifikatlashtirishni taʼminlasin;

(EDCF) kredit mablagʻlari hisobiga sogʻliqni saqlash muassasalarini saqlash uchun nazarda tutilgan tasdiqlangan budjet mablagʻlari doirasida Akademik V. Voxidov nomidagi Respublika ixtisoslashtirilgan jarrohlik markaziga tovarlarni sotib olish va yetkazish xarajatlarni amalga oshirsin.

8. Oʻzbekiston Respublikasi Iqtisodiyot vazirligi, Moliya vazirligi Oʻzbekiston Respublikasining 2010-2011-yillarga moʻljallangan investitsiya dasturlarini shakllantirishda “Akademik V. Voxidov nomidagi Respublika ixtisoslashtirilgan jarrohlik markazining kardiojarrohlik boʻlinmasini jihozlash” loyihasini amalga oshirish uchun Oʻzbekiston Respublikasi hissasini, shu jumladan tegishli kutilmagan xarajatlarni moliyalashtirish uchun mablagʻ ajratsin.

9. “Akademik V. Voxidov nomidagi Respublika ixtisoslashtirilgan jarrohlik markazining kardiojarrohlik boʻlinmasini jihozlash” loyihasi doirasida:

(EDSF) kredit mablagʻlari hisobidan sotib olingan va Vazirlar Mahkamasi tomonidan tasdiqlangan roʻyxatlar boʻyicha respublikaga olib kirilayotgan tovarlar (ishlar, xizmatlar) bojxona toʻlovlari (bojxona rasmiylashtiruvi yigʻimlaridan tashqari), qoʻshilgan qiymat soligʻi, shuningdek, davlat maqsadli jamgʻarmalariga hamda budjetdan tashqari taʼlim muassasalarini rekonstruksiya qilish, kapital taʼmirlash va jihozlash jamgʻarmalariga majburiy ajratmalar va yigʻimlar;

Koreya Eksport-import bankiga toʻlanadigan Oʻzbekiston Respublikasida toʻlov manbai sifatida foizli daromad hisoblanadigan yuridik shaxslardan olinadigan foyda soligʻi toʻlashdan ozod etilsin.

10. Oʻzbekiston Respublikasi Tashqi ishlar vazirligi Sogʻliqni saqlash vazirligining soʻroviga binoan mazkur loyihani amalga oshirishda ishtirok etuvchi xorijiy mutaxassislarga konsullik va boshqa yigʻimlar undirmasdan, belgilangan tartibda kirish vizalari berilishini taʼminlasin.

11. Oʻzbekiston Respublikasi Ichki ishlar vazirligi Sogʻliqni saqlash vazirligining soʻroviga koʻra, ushbu davlat toʻlovlarisiz Oʻzbekiston Respublikasiga keladigan chet ellik mutaxassislarni belgilangan tartibda rasmiylashtirish, koʻp martalik vizalar berish va uzaytirish, shuningdek, vaqtinchalik roʻyxatga olish va yashash joyi boʻyicha vaqtincha propiska muddatini uzaytirishni taʼminlasin.

12. Mazkur qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov va Oʻzbekiston Respublikasi Bosh vazirining oʻrinbosari A.N. Aristova zimmasiga yuklatilsin.