Oʻzbekiston Respublikasi Prezidentining 2010-yil 27-avgustdagi PQ-1396-sonli “Geologiya-razvedka ishlarini tashkil etish va olib borish tizimi samaradorligini yanada oshirish chora-tadbirlari toʻgʻrisida”gi qarori (Oʻzbekiston Respublikasi qonun hujjatlari toʻplami 2010-y., 35-36-son, 301-modda) va Oʻzbekiston Respublikasi Vazirlar Mahkamasining 2008-yil 10-dekabrdagi 271-sonli “Xavfli ishlab chiqarish obyektlarining sanoat xavfsizligi toʻgʻrisida”gi Oʻzbekiston Respublikasi Qonunini amalga oshirishga doir qoʻshimcha chora-tadbirlar haqida”gi qaroriga (Oʻzbekiston Respublikasi qonun hujjatlari toʻplami, 2008-yil, 50-son, 496-modda) muvofiq buyuraman:

1. Oʻzbekiston Respublikasi Sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasi boshligʻining 2009-yil 24-avgustdagi 167-sonli buyrugʻi (roʻyxat raqami 2022, 2009-yil 20-oktabr) (Oʻzbekiston Respublikasi qonun hujjatlari toʻplami, 2009-y., 43-son, 463-modda) bilan tasdiqlangan Sanoat xavfsizligi sohasidagi ekspert tashkilotlarini akkreditatsiya qilish va ular faoliyati ustidan inspeksiya nazorati oʻtkazish qoidalariga ilovaga muvofiq oʻzgartirishlar kiritilsin.

2. Mazkur buyruq Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.

1. 1-bandda:

toʻrtinchi xatboshidagi “Oʻzbekiston Respublikasi Sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasi (keyingi oʻrinlarda “Sanoatkontexnazorat” davlat inspeksiyasi deb yuritiladi)” degan soʻzlar “Oʻzbekiston Respublikasi Vazirlar Mahkamasi huzuridagi Yer qaʼrini geologik oʻrganish, sanoatda, konchilikda va kommunal-maishiy sektorda ishlarning bexatar olib borilishini nazorat qilish Davlat inspeksiyasi (keyingi oʻrinlarda “Sanoatgeokontexnazorat” davlat inspeksiyasi deb yuritiladi)” degan soʻzlar bilan almashtirilsin;

oʻn beshinchi xatboshidagi “Sanoatkontexnazorat” degan soʻz “Sanoatgeokontexnazorat” degan soʻz bilan almashtirilsin.

2. 5-bandda:

“b” kichik banddagi “vakolatli organ” degan soʻzlar “Sanoatgeokontexnazorat” davlat inspeksiyasi” degan soʻzlar bilan almashtirilsin;

“z” kichik banddagi “hujjatlarning nusxalari” degan soʻzlar “hujjatlar yoki ularning buyurtmachi tomonidan tasdiqlangan nusxalari” degan soʻzlar bilan almashtirilsin;

“i” kichik banddagi “va faoliyati boʻyicha” degan soʻzlar chiqarib tashlansin.

3. 14, 18, 23, 33 va 82-bandlaridagi “Sanoatkontexnazorat” degan soʻz “Sanoatgeokontexnazorat” degan soʻz bilan almashtirilsin.

4. 41-bandning ikkinchi jumlasi chiqarib tashlansin.

5. 2-ilovada:

29-banddagi “Sanoatkontexnazorat” degan soʻz “Sanoatgeokontexnazorat” degan soʻz bilan almashtirilsin;

30-band quyidagi tahrirda bayon etilsin:

“30. Ekspert tashkiloti akkreditatsiya mezonlariga muvofiqligini tavsiflovchi deklaratsiyaga ega boʻlishi hamda akkreditatsiya mezonlariga doimiy muvofiqligini taʼminlash maqsadida oʻzining ish faoliyati jarayonida yuzaga keladigan oʻzgarishlarni oʻz vaqtida mazkur deklaratsiyaga kiritishi lozim”;

32-band oʻz kuchini yoʻqotgan deb hisoblansin;

36-bandning ikkinchi jumlasi quyidagi tahrirda bayon etilsin:

“Bu roʻyxat “Sanoatgeokontexnazorat” davlat inspeksiyasi tomonidan belgilangan shakllarda har oyda bir marotaba (keyingi oyning 5-sanasiga qadar) hisob yuritish uchun “Sanoatgeokontexnazorat” davlat inspeksiyasiga taqdim etilishi zarur”.

6. 5-ilovadagi “OʻZBEKISTON RESPUBLIKASI SANOATDA, KONChILIKDA VA KOMMUNAL-MAIShIY SEKTORDA IShLARNING BEXATAR OLIB BORILIShINI NAZORAT QILISh DAVLAT INSPEKSIYASI “SANOATKONTEXNAZORAT” va “Sanoatkontexnazorat” degan soʻzlar tegishlicha “OʻZBEKISTON RESPUBLIKASI VAZIRLAR MAHKAMASI HUZURIDAGI YER QAʼRINI GEOLOGIK OʻRGANISh, SANOATDA, KONChILIKDA VA KOMMUNAL-MAIShIY SEKTORDA IShLARNING BEXATAR OLIB BORILIShINI NAZORAT QILISh DAVLAT INSPEKSIYASI “SANOATGEOKONTEXNAZORAT” va “Sanoatgeokontexnazorat” degan soʻzlar bilan almashtirilsin.

7. 6-ilova mazkur oʻzgartirishlarning ilovasiga muvofiq tahrirda bayon etilsin.

8. Mazkur oʻzgartirishlar Oʻzbekiston Respublikasi Mehnat va aholini ijtimoiy muhofaza qilish vazirligi, Favqulodda vaziyatlar vazirligi, Davlat arxitektura va qurilish qoʻmitasi, Geologiya va mineral resurslar davlat qoʻmitasi, Monopoliyadan chiqarish va raqobatni rivojlantirish davlat qoʻmitasi, Oʻzbekiston standartlashtirish, metrologiya va sertifikatlashtirish agentligi, Oʻzbekiston Kasaba uyushmalari Federatsiyasi Kengashi hamda Oʻzbekiston Respublikasi Savdo-sanoat palatasi bilan kelishilgan.