LexUZ sharhi
Mazkur qaror O‘zbekiston Respublikasi Vazirlar Mahkamasining 2018-yil 18-dekabrdagi 1028-sonli “Bojxona ombori, erkin ombor va boj olinmaydigan savdo do‘koni faoliyatini litsenziyalash to‘g‘risidagi nizomlarni tasdiqlash haqida”gi qaroriga asosan 2019-yil 20-martdan o‘z kuchini yo‘qotadi.
Boj olinmaydigan savdo do‘konlari faoliyatini yanada takomillashtirish maqsadida Vazirlar Mahkamasi qaror qiladi:
1. Vazirlar Mahkamasining 2003-yil 20-noyabrdagi 523-son qarori (O‘zbekiston Respublikasi QT, 2003-y., 11-son, 124-modda) bilan tasdiqlangan Boj olinmaydigan savdo do‘koni faoliyatini litsenziyalash to‘g‘risidagi nizomga ilovaga muvofiq o‘zgartirish va qo‘shimchalar kiritilsin.
2. O‘zbekiston Respublikasi Davlat bojxona qo‘mitasi idoraviy normativ-huquqiy hujjatlarni ushbu qarorga muvofiqlashtirsin.
3. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari E.M. G‘aniyev zimmasiga yuklansin.
a) O‘zbekiston Respublikasi Davlat chegarasini kesib o‘tadigan jismoniy shaxslar uchun boj olinmaydigan savdo do‘koni — O‘zbekiston Respublikasining bojxona hududiga kirib kelayotgan va O‘zbekiston Respublikasi bojxona hududi doirasidan chiqib ketayotgan jismoniy shaxslar tomonidan O‘zbekiston Respublikasi bojxona hududiga olib kelingan xorijiy tovarlarni yoki O‘zbekiston Respublikasi hududidan chiqadigan tovarlarni erkin almashtiriladigan valyutada sotish, shu jumladan joyning o‘zida iste’mol qilish uchun chakana sotish uchun mo‘ljallangan;
b) O‘zbekiston Respublikasi Tashqi ishlar vazirligida akkreditatsiya qilingan xorijiy shaxslar uchun boj olinmaydigan savdo do‘koni — xorijiy davlatlarning diplomatik vakolatxonalari va konsullik muassasalariga, xalqaro tashkilotlar va ularga tenglashtirilgan ushbu tashkilotlarning vakolatxonalariga, xorijiy xodimlariga, shuningdek ular bilan birga yashaydigan va O‘zbekiston Respublikasi fuqarolari hisoblanmaydigan, O‘zbekiston Respublikasi Tashqi ishlar vazirligida belgilangan tartibda akkreditatsiya qilingan ularning oila a’zolariga O‘zbekiston Respublikasi bojxona hududiga olib kelingan xorijiy tovarlarni erkin almashtiriladigan valyutaga sotishga (shaxsiy foydalanishga) mo‘ljallangan.
Aksiz solig‘i va qo‘shilgan qiymat solig‘i solinmaydigan tovarlarni bojsiz olib kirish normasi va olib kirish normasi jismoniy shaxs tomonidan O‘zbekiston Respublikasi tashqarisidan olib kiriladigan va uning tomonidan O‘zbekiston Respublikasi bojxona hududiga kirishda boj olinmaydigan savdo do‘konlaridan sotib olingan tovarlarning jamiga nisbatan qo‘llaniladi.
O‘zbekiston Respublikasi Tashqi ishlar vazirligida akkreditatsiya qilingan xorijiy shaxslar uchun boj olinmaydigan savdo do‘konlarida aksiz ostidagi tovarlarni xarid qilishning cheklangan normalari O‘zbekiston Respublikasi Moliya vazirligi bilan kelishgan holda Davlat bojxona qo‘mitasi tomonidan belgilanadi”.
birinchi va ikkinchi xatboshilardagi “Boj olinmaydigan savdo do‘koni” so‘zlaridan oldin “O‘zbekiston Respublikasining davlat chegarasini kesib o‘tadigan jismoniy shaxslar uchun” so‘zlari qo‘shilsin;
“O‘zbekiston Respublikasi Tashqi ishlar vazirligida akkreditatsiya qilingan xorijiy shaxslar uchun boj olinmaydigan savdo do‘konlari Toshkent shahrida va davlat bojxona xizmati organlari tomonidan belgilanadigan joylarda ochilishi va faoliyat ko‘rsatishi mumkin”.
“5. O‘zbekiston Respublikasi hududida sotilishi cheklangan tovarlar boj olinmaydigan savdo do‘koni rejimida qonun hujjatlarida belgilangan tartibda sotilishi mumkin.
O‘zbekiston Respublikasi Davlat chegarasini kesib o‘tadigan jismoniy shaxslar uchun boj olinmaydigan savdo do‘konlarida tovarlarni sotish faqat xaridorning shaxsini tasdiqlaydigan hujjat taqdim etilgandan keyin amalga oshiriladi. Bunda Nazorat-kassa mashinalari davlat reyestriga kiritilgan fiskal xotirali nazorat-kassa mashinasining tovar sotilganligini tasdiqlaydigan chekida quyidagi ma’lumotlar bo‘lishi kerak:
soliq to‘lovchining — boj olinmaydigan savdo do‘koni egasining soliq to‘lovchining individual raqami.
O‘zbekiston Respublikasi Tashqi ishlar vazirligida akkreditatsiya qilingan xorijiy jismoniy shaxslar uchun boj olinmaydigan savdo do‘konida tovarlarni sotish faqat O‘zbekiston Respublikasi Tashqi ishlar vazirligida belgilangan tartibda berilgan akkreditatsiya kartochkasi taqdim etilganidan keyin amalga oshiriladi. Bunda Nazorat-kassa mashinalari davlat reyestriga kiritilgan fiskal xotirali nazorat-kassa mashinasining tovar sotilganligini tasdiqlaydigan chekida quyidagi ma’lumotlar bo‘lishi kerak:
O‘zbekiston Respublikasi Tashqi ishlar vazirligida berilgan akkreditatsiya kartochkasining toifasi, raqami, xodimning yoki uning oila a’zosining familiyasi, ismi va otasining ismi, lavozimi, kartochka kim tomonidan berilganligi va uning amal qilish muddati ko‘rsatilishi kerak;
soliq to‘lovchining — boj olinmaydigan savdo do‘koni egasining soliq to‘lovchining individual raqami”.
“51. Xorijiy davlatlarning diplomatik vakolatxonalari va konsullik muassasalari, xalqaro tashkilotlarning vakolatxonalari va ularga tenglashtirilgan vakolatxonalar boj olinmaydigan savdo do‘konlaridan ushbu Nizomga 1-ilovaga muvofiq shakl bo‘yicha ikki nusxada tuziladigan buyurtmanomalar asosida O‘zbekiston Respublikasi Tashqi ishlar vazirligida akkreditatsiya qilingan xorijiy shaxslar uchun tovarlarni sotib olishlari mumkin.
Buyurtmanomaning bir nusxasi boj olinmaydigan savdo do‘konida saqlanadi, ikkinchi nusxasi xaridorga qaytariladi.
xorijiy davlatning diplomatik vakolatxonasi yoki konsullik muassasasining, xalqaro tashkilot vakolatxonasining va unga tenglashtirilgan vakolatxonaning nomi;
xorijiy davlatning diplomatik vakolatxonasi yoki konsullik muassasasining, xalqaro tashkilot vakolatxonasi va unga tenglashtirilgan vakolatxonaning xaridni amalga oshirish vakolati berilgan shaxsining familiyasi, ismi, otasining ismi, toifasi, shuningdek akkreditatsiya kartochkasi raqami;
xorijiy davlatning diplomatik vakolatxonasi yoki konsullik muassasasi, xalqaro tashkilot vakolatxonasi va unga tenglashtirilgan vakolatxona boshlig‘ining familiyasi, ismi, otasining ismi, imzosi;
to‘rtinchi — to‘qqizinchi xatboshilar tegishli ravishda uchinchi — sakkizinchi xatboshilar hisoblansin;
“O‘zbekiston Respublikasi Davlat chegarasini kesib o‘tmaydigan jismoniy shaxslarga va O‘zbekiston Respublikasi Tashqi ishlar vazirligida akkreditatsiya qilinmagan xorijiy shaxslarga boj olinmaydigan savdo do‘konlarida tovarlar sotishga (sotib olishga) ruxsat berilmaydi”.
6. 11-bandning to‘rtinchi xatboshidagi “aeroport, port hududi, O‘zbekiston Respublikasi davlat chegarasi orqali o‘tkazish manzili doirasida” so‘zlari “bojxona nazorati zonasida” so‘zlari bilan almashtirilsin.
“Tovarlarning bir boj olinmaydigan savdo do‘konidan boshqa boj olinmaydigan savdo do‘koniga ko‘chirilishi faqat tovarlarning bir bojxona omboridan boshqa bojxona omboriga ko‘chirilishi uchun nazarda tutilgan tartibda davlat bojxona xizmati organining ruxsati bilan amalga oshiriladi”.
8. 14-bandning ikkinchi xatboshiga “boj olinmaydigan savdo do‘konining” so‘zlaridan oldin “O‘zbekiston Respublikasi Davlat chegarasini kesib o‘tadigan jismoniy shaxslar uchun” so‘zlari qo‘shilsin.
“15. O‘zbekiston Respublikasi Davlat chegarasini kesib o‘tadigan jismoniy shaxslar uchun boj olinmaydigan savdo do‘konining savdo zallari bojxona nazorati zonasida joylashtirilishi kerak (pasport nazorati liniyasi tashqarisida bojxona nazorati liniyasigacha alohida — O‘zbekiston Respublikasi hududiga kirib keladigan jismoniy shaxslar uchun, shuningdek pasport nazorati liniyasi tashqarisida — O‘zbekiston Respublikasi hududidan chiqib ketayotgan jismoniy shaxslar uchun).
Ko‘rsatib o‘tilgan boj olinmaydigan savdo do‘konining savdo zallari O‘zbekiston Respublikasi Davlat chegarasini kesib o‘tmaydigan jismoniy shaxslarning ushbu zallarga kirishini istisno etadigan tarzda joylashtirilishi kerak.
O‘zbekiston Respublikasi Tashqi ishlar vazirligida akkreditatsiya qilingan xorijiy shaxslar uchun boj olinmaydigan savdo do‘konining savdo zallari boj olinmaydigan savdo do‘koni joylashgan bojxona organi faoliyati zonasida bo‘lishi kerak”.
10. 17-bandning o‘ninchi xatboshidagi “xorijiy valyutadagi” so‘zlaridan keyin “bank plastik va kredit kartochkalari yoki xorijiy valyutadagi bank o‘tkazmalari” so‘zlari qo‘shilsin.
“boj olinmaydigan savdo do‘konining bojxona rejimi ostida joylashtirilgan tovarlar yo‘qotilgan taqdirda yoxud ulardan boj olinmaydigan savdo do‘konida O‘zbekiston Respublikasi bojxona hududiga kirib kelayotgan va O‘zbekiston Respublikasi bojxona hududidan chiqib ketayotgan jismoniy shaxslarga, shuningdek O‘zbekiston Respublikasi Tashqi ishlar vazirligida akkreditatsiya qilinmagan xorijiy shaxslarga chakanalab sotilgandan boshqa maqsadlarda foydalanilganda bunday tovarlarga nisbatan qonun hujjatlarida belgilangan talablar va shakllarga muvofiq bojxona bojlari to‘lanishi uchun”.
________________________________________________________________ |
(xorijiy davlatning diplomatik vakolatxonasi yoki konsullik muassasasi, xalqaro tashkilot |
________________________________________________________________ |
vakolatxonasining va unga tenglashtirilgan vakolatxonaning nomi) |
________________________________________________________________ |
______________________________________________vakolatini beraman |
(xorijiy davlatning diplomatik vakolatxonasi yoki konsullik muassasasi, xalqaro tashkilot vakolatxonasi va unga tenglashtirilgan vakolatxonaning xaridni amalga oshirish vakolati berilgan shaxsining familiyasi, ismi, otasining ismi, toifasi, shuningdek akkreditatsiya kartochkasi raqami) |
Quyidagi tovarlarni ______________________________ sotib olish uchun |
(tovarlarni sotib olishning maqsadi) |
T/r | Tovarning nomi | Miqdori | Bittasining qiymati | Umumiy qiymati |
1. | ||||
2. | ||||
3. | ||||
4. | ||||
__________________ | ____________________________________________ | |||
(buyurtmanoma tuzilgan sana) | xorijiy davlatning diplomatik yoki konsullik muassasasi, xalqaro tashkilot vakolatxonasi va unga tenglashtirilgan vakolatxona boshlig‘ining familiyasi, ismi, otasining ismi, imzosi)”. |