Geologiya-razvedka ishlarini tashkil etish tizimini yanada takomillashtirish, foydali qazilmalar sanoat zaxiralari va qazib olinishi koʻpaytirilishini taʼminlaydigan mineral-xom ashyo resurslari bazasini ildam rivojlantirish kabi pirovard natijalarga yoʻnaltirilgan geologik qidiruvlarni olib borishni jadallashtirish va samaradorligini oshirish, respublikaning real iqtisodiyoti yetakchi bazaviy tarmoqlarini barqaror rivojlantirish, eksport salohiyatini kengaytirish maqsadida:

3. Komissiya (R.S.Azimov) Oʻzbekiston Respublikasi Davlat geologiya va mineral resurslar qoʻmitasi, “Navoiy KMK” DK, “Olmaliq KMK” OAJ, Oʻzbekiston Respublikasi Davlat mulki qoʻmitasi, Iqtisodiyot vazirligi hamda Moliya vazirligi bilan hamkorlikda 2011-yil 1-yanvargacha Oʻzbekiston Respublikasi Davlat geologiya va mineral resurslar qoʻmitasi tizimiga kiruvchi ilmiy-ishlab chiqarish markazlari, geologiya-razvedka ekspeditsiyalari va aksiyadorlik jamiyatlarini 1-ilovaga* muvofiq belgilangan tartibda qayta tashkil etilishini taʼminlasin.

4. “Navoiy KMK” DK va “Olmaliq KMK” OAJ:

2011-yilning 1-yanvarigacha boʻlgan muddatda yuqori malakali mutaxassislarni jalb etgan holda, “Qimmatbaho metallar va uran geologiyasi” hamda “Rangli metallar geologiyasi” ilmiy-ishlab chiqarish markazlarini tashkil etish, shuningdek ularni zarur moddiy-texnika bazasi bilan jihozlash boʻyicha tashkiliy chora-tadbirlarni amalga oshirsin;

Oʻzbekiston Respublikasi Iqtisodiyot vazirligi hamda Moliya vazirligi bilan hamkorlikda ikki oy muddatda zamonaviy xalqaro tajribani va ilgʻor texnologiyalarni hisobga olgan holda, qimmatbaho, rangli metallar, uranga oid geologiya-razvedka ishlari tarkibini maqbullashtirish, shuningdek topshiriladigan tuzilmalar xodimlarining mehnatini ragʻbatlantirish mexanizmini takomillashtirish boʻyicha takliflarni Vazirlar Mahkamasiga kiritsin.

“Qimmatbaho metallar va uran geologiyasi” IIMni hamda “Rangli metallar geologiyasi” IIMni tashkil etish Oʻzbekiston Respublikasi Davlat geologiya va mineral resurslar qoʻmitasi tizimidan topshiriladigan tegishli tuzilmalarning shtat soni chegarasidan amalga oshirilsin.

6. Oʻzbekiston Respublikasi Vazirlar Mahkamasi huzurida 4-ilovaga* muvofiq tarkibda foydali qazilmalar zaxiralari boʻyicha Davlat komissiyasi tuzilsin, Oʻzbekiston Respublikasi Davlat geologiya va mineral resurslar qoʻmitasi huzuridagi foydali qazilmalar zaxiralari boʻyicha Davlat komissiyasi tugatilsin.

7. Sanoatda, konchilikda va kommunal-maishiy sektorda ishlarning bexatar olib borilishini nazorat qilish Davlat inspeksiyasi (“Sanoatkontexnazorat” DI)ni Oʻzbekiston Respublikasi Vazirlar Mahkamasi huzuridagi Yer qaʼrini geologik oʻrganish, sanoatda, konchilikda va kommunal-maishiy sektorda ishlarning bexatar olib borilishini nazorat qilish Davlat inspeksiyasi (“Sanoatgeokontexnazorat” DI) etib qayta tashkil qilinsin, Oʻzbekiston Respublikasi Davlat geologiya va mineral resurslar qoʻmitasi huzuridagi Yer qaʼrini geologik oʻrganish ustidan davlat nazorati Boshqarmasi uning tarkibiga topshirilsin.

“Sanoatgeokontexnazorat” Davlat inspeksiyasiga quyidagi qoʻshimcha vazifalar yuklatilsin:

geologiya-razvedka ishlarini olib borishda va konchilik ishlarini geologik-marksheyderlik jihatidan taʼminlashda qonun hujjatlariga rioya etilishi ustidan nazoratni amalga oshirish;

foydalanishga litsenziya beriladigan yer qaʼri uchastkalarini dastlabki tarzda oʻrganib chiqish, shuningdek keyinchalik foydali qazilmalarni qazib olishning kelishilgan hajmlariga va konlardan foydalanish tartibiga rioya etilishi ustidan nazoratni amalga oshirish.

9. Oʻzbekiston Respublikasi Vazirlar Mahkamasi:

ikki oy muddatda Oʻzbekiston Respublikasi Davlat geologiya va mineral resurslar qoʻmitasi hamda unga boʻysunuvchi tashkilotlar boshqaruv xodimlarining attestatsiyasini tashkil etsin;

uch oy muddatda 2011 — 2016-yillardagi geologiya-razvedka ishlari Dasturini tasdiqlasin, unda geologiya-razvedka ekspeditsiyalari, xizmatlari va boshqa tuzilmalarning moddiy-texnika bazasini yangilash hamda mustahkamlash boʻyicha zarur chora-tadbirlarni nazarda tutsin.

10. Oʻzbekiston Respublikasi Davlat geologiya va mineral resurslar qoʻmitasi, “Navoiy KMK” DK va “Olmaliq KMK” OAJ geologiya-razvedka ishlarini olib borish uchun respublikada ishlab chiqarilmaydigan, Oʻzbekiston Respublikasi Vazirlar Mahkamasining har yili tasdiqlaydigan roʻyxatlari boʻyicha olib kiriladigan uskunalar, materiallar, maxsus transport vositalari, dasturiy hamda texnik vositalar, shuningdek ularning ehtiyot qismlari 2020-yilning 1-yanvarigacha bojxona toʻlovlaridan (bojxona rasmiylashtiruvi yigʻimlaridan tashqari) ozod etilsin.

11. Oʻzbekiston Respublikasi Prezidentining 2007-yil 17-yanvardagi PQ-568-son qarorining 4-bandi hamda uning 2 va 3-ilovalari, shuningdek Vazirlar Mahkamasining 2005-yil 19-yanvardagi 24-son qarori oʻz kuchini yoʻqotgan deb hisoblansin.

11. Oʻzbekiston Respublikasi Davlat geologiya va mineral resurslar qoʻmitasi Oʻzbekiston Respublikasi Iqtisodiyot vazirligi, Moliya vazirligi, Adliya vazirligi hamda boshqa manfaatdor vazirliklar va idoralar bilan hamkorlikda:

ikki oy muddatda ochiq savdo natijalari boʻyicha litsenziyalar berishni va konlardan tajriba-sanoat koʻlamida foydalanishning cheklangan normalari belgilanishini nazarda tutgan holda, noruda foydali qazilmalarni oʻz ichiga olgan yer qaʼri uchastkalaridan foydalanish huquqiga litsenziya berish tartibi toʻgʻrisidagi yangi nizom loyihasini belgilangan tartibda Vazirlar Mahkamasiga tasdiqlash uchun kiritsin;

ikki oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida Vazirlar Mahkamasiga takliflar kiritsin;

idoraviy normativ-huquqiy hujjatlarni qayta koʻrib chiqib, mazkur qarorga muvofiqlashtirilishini taʼminlasin.

12. Ushbu qarorning ijrosini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.