LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
Boshoqli don ekinlari hosili o‘z vaqtida va sifatli yig‘ishtirib olinishini hamda davlat ehtiyojlari uchun don sotish bo‘yicha kontraktatsiya shartnomalari bajarilishini ta’minlash maqsadida Vazirlar Mahkamasi qaror qiladi:
1. O‘zbekiston Respublikasi Qishloq va suv xo‘jaligi vazirligi, “O‘zagromashservis” uyushmasi, “O‘zmevasabzavotuzumsanoat-xolding” kompaniyasi, Qoraqalpog‘iston Respublikasi Vazirlar Kengashi va viloyatlar hokimliklari:
joriy yilning 17-mayigacha don o‘rish kombaynlari tayyorlanishi, shuningdek don tozalash texnikasi hamda don tashuvchi transport vositalari ta’mirlanishi tugallanishini ta’minlasinlar, 20-maygacha esa kombaynlar, avtomashinalar va tirkamalar “O‘zdavtexnazorat” va Davlat avtomobil nazorati inspektorlarining dalolatnomalari bo‘yicha komissiya orqali qabul qilib olinishini tugallasinlar;
Qoraqalpog‘iston Respublikasi va viloyatlar bo‘yicha kombaynlarning, shu jumladan “Keys” va “Klaas” kombaynlari hosil o‘rim-yig‘imida 1-ilovaga muvofiq miqdorda qatnashishini ta’minlasinlar;
texnikaning o‘rim-yig‘im ishlari davrida ishga yaroqli holda bo‘lishini ta’minlash uchun ehtiyot qismlar va tuzatish materiallarining zarur zaxirasini yaratsinlar;
xo‘jaliklar va mashina-traktor parklarining ustaxonalari va texnik xizmat ko‘rsatish punktlari hamda ko‘chma servis xizmati ko‘rsatish va yonilg‘i-moylash materiallari quyish vositalari uyg‘un ishlashini tashkil etsinlar.
Don hosili o‘z vaqtida va sifatli yig‘ishtirib olinishini tashkil etish va uni amalga oshirish uchun mas’uliyat shaxsan Qoraqalpog‘iston Respublikasi Vazirlar Kengashi Raisiga, viloyatlar hokimlariga, O‘zbekiston Respublikasi Qishloq va suv xo‘jaligi vazirligi, “O‘zagromashservis” uyushmasining va uning mashina-traktor parklari hududiy birlashmalari rahbarlari zimmasiga yuklansin.
2. O‘zbekiston Respublikasi Qishloq va suv xo‘jaligi vazirligi, Qoraqalpog‘iston Respublikasi Vazirlar Kengashi, viloyatlar hokimliklari, “O‘zdonmahsulot” korporatsiyasi, “O‘zagromashservis” uyushmasi, “O‘zmevasabzavotuzumsanoat-xolding” kompaniyasi:
don yanchib olinishi va uning kirim qilinishi ustidan nazoratni ta’minlash uchun hosil ekspert baholanishini hamda har bir dala bo‘yicha tegishli dalolatnomalar tuzilishini boshoqli don ekinlarini yig‘ishtirib olish boshlangungacha tugallasinlar. Don hosildorligining prognoz va amaldagi ko‘rsatkichlari o‘rtasida asoslanmagan farq paydo bo‘lgan taqdirda aybdor shaxslarni javobgarlikka tortish chora-tadbirlari ko‘rilsin;
hamma joyda kombaynlarning guruh bo‘lib ishlashini tashkil etsinlar, har bir guruhga transport vositalari, texnik xizmat ko‘rsatish va yonilg‘i quyish shoxobchalarini biriktirsinlar. Don yetilishi muddatlari hisobga olingan holda guruhlarning harakat qilish yo‘nalishlari ishlab chiqilsin;
joriy yilning 17-mayigacha xo‘jaliklarda xirmonlar tayyorlab qo‘yilishini tugallasinlar, don qabul qilish maydonchalarini, don tozalash qurilmalari va boshqa donni dastlabki qayta ishlash vositalarini tuzatsinlar;
don xo‘jaliklar tomonidan albatta dastlab tozalangan, iflosligi va namligi standart normativlardan ortiq bo‘lmagan holda tayyorlov punktlariga yetkazib berilishini ta’minlasinlar;
chorva ozuqasi yetishtirishni ko‘paytirish va sug‘oriladigan yerlardan foydalanish samaradorligini oshirish maqsadida suv bilan ta’minlangan uchastkalarda 2-ilovaga muvofiq maydonlarda qishloq xo‘jaligi ekinlari takror ekilishini tashkil etsinlar;
O‘zbekiston Respublikasi Moliya vazirligi bilan kelishgan holda bir hafta muddatda kombaynchilar, transport vositalari haydovchilari va o‘rim-yig‘imda, donni tozalash va tashishda, texnikaga xizmat ko‘rsatishda band bo‘lgan boshqa xodimlar mehnatiga ish unumiga va hosil o‘rim-yig‘imi sifatiga qarab haq to‘lash va moddiy rag‘batlantirishga doir tavsiyalarni ishlab chiqsinlar va xo‘jaliklarga yetkazsinlar. Mehnatga mahsulot bilan haq to‘lash hisobiga don berishni faqat “O‘zdonmahsulot” korporatsiyasi don qabul qilish korxonalariga don sotish bo‘yicha shartnoma majburiyatlari bajarilgandan, urug‘lik fondi g‘amlangandan va mahsulot kirim qilingandan keyin amalga oshirsinlar.
3. “O‘zqishloqxo‘jalikmash-xolding” xolding kompaniyasi va “O‘zagromashservis” uyushmasi donni yig‘ishtirib olish davrida kombaynlarga va boshqa texnikalarga xizmat ko‘rsatishda amaliy yordam berish uchun korxonalarni shartnomalar asosida 3-ilovaga* muvofiq yirik g‘allachilik tumanlariga biriktirib qo‘ysinlar.
4. Qoraqalpog‘iston Respublikasi Vazirlar Kengashi, viloyatlar hokimliklari, O‘zbekiston Respublikasi Qishloq va suv xo‘jaligi vazirligi, “O‘zavtotrans” korporatsiyasi:
2001-yil boshoqli don ekinlari hosilini tashish uchun yuk avtomobillari, tirkamali transport traktorlari donning kombaynlardan xirmongacha va don qabul qilish punktlarigacha tashishning topshiriqda belgilangan hajmlari bajarilishini ta’minlaydigan miqdorda 4-ilovaga* muvofiq qo‘yilishini ta’minlasinlar;
zarurat bo‘lganda don tashishga O‘zbekiston Respublikasi Mudofaa vazirligi hamda boshqa vazirliklar, idoralar va tashkilotlarning avtotransportini shartnoma asosida jalb etsinlar.
Belgilab qo‘yilsinki, donni don qabul qilish punktlariga tashish bo‘yicha transport xarajatlari qishloq xo‘jaligi korxonalari, don mahsulotlari korxonalari va “O‘zavtotrans” korporatsiyasi avtokorxonalari o‘rtasida tuzilgan shartnomalarga muvofiq “O‘zdonmahsulot” korporatsiyasi tomonidan to‘lanadi.
5. O‘zbekiston Respublikasi Qishloq va suv xo‘jaligi vazirligi “O‘zdavdoninspeksiya”, “O‘zdonmahsulot” korporatsiyasi, “O‘zdavnazoraturug‘-markaz”, Qoraqalpog‘iston Respublikasi Vazirlar Kengashi va viloyatlar hokimliklari bilan birgalikda:
xo‘jaliklarning 2001-yilda o‘zlari yetishtirgan hosildan Vazirlar Mahkamasining 2000-yil 2-oktabrdagi 379-son qarorida belgilangan miqdorlarda urug‘lik g‘amlashini tashkil etsin;
tayyorlanayotgan don va boshoqli don ekinlari urug‘i sifati ustidan kundalik nazorat o‘rnatsin, don mahsulotlari korxonalarida don va urug‘larni qabul qilib olish, joylashtirish, tayyorlash va saqlashga doir belgilangan norma va qoidalar qat’iy bajarilishini ta’minlasin.
6. “O‘zdonmahsulot” korporatsiyasi tomonidan urug‘chilik xo‘jaliklaridan navli urug‘larning sifatiga ko‘ra xarid qilinishiga doir Vazirlar Mahkamasining 2000-yil 19-maydagi 194-son qarori shartlari saqlab qolinsin, superelita urug‘lar tovar don uchun belgilangan narxlardan 300 foiz, elita urug‘lar — 200 foiz, birinchi reproduksiyali urug‘lar — 150 foiz, ikkinchi va uchinchi reproduksiyali urug‘lar 100 foiz yuqori narx bo‘yicha xarid qilinadi hamda davlat resurslariga don xarid qilishning umumiy hajmiga kiritilmaydi.
7. O‘zbekiston Respublikasi Moliya vazirligi huzuridagi Davlat ehtiyojlari uchun xarid qilinadigan qishloq xo‘jaligi mahsulotlarining hisob-kitob jamg‘armasi:
2001-yil don hosili uchun hisob-kitob qilish bo‘yicha ajratilgan transhlarda don tashish bo‘yicha avtotransport xizmatlari, shuningdek “O‘zqishloqxo‘jalikmash-xolding” xolding kompaniyasining, “O‘zagromashservis” uyushmasining sanoat korxonalari va boshqa tashkilotlarning xizmatlari uchun haq to‘lash xarajatlarini nazarda tutsin;
“O‘zdonmahsulot” korporatsiyasi va Jamg‘armaning moliya agentlari bilan birgalikda Topshirilgan qishloq xo‘jaligi mahsulotlari uchun yakuniy hisob-kitob qilish tartibiga muvofiq topshirilgan don uchun xo‘jaliklar bilan Jamg‘arma mablag‘lari hisobiga o‘z vaqtida hisob-kitob qilinishini ta’minlasin.
8. “Paxta-bank”, “G‘alla-bank” va boshqa xizmat ko‘rsatuvchi tijorat banklariga xo‘jaliklar va mashina-traktor parklari, avtoxo‘jaliklarning don o‘rish-yig‘ish mavsumi qatnashchilariga har 5 kunda ish haqi to‘lash uchun naqd pulga bo‘lgan ehtiyojini Davlat ehtiyojlari uchun xarid qilinadigan qishloq xo‘jaligi mahsulotlarining hisob-kitob jamg‘armasi mablag‘lari hisobiga to‘liq hajmda ta’minlash tavsiya qilinsin.
9. Don tashishni amalga oshiruvchi temir yo‘l va avtomobil transporti xizmatlari uchun o‘z vaqtida hisob-kitob qilishni ta’minlash maqsadida 2001-yil don hosilini tashish davri uchun joriy yilning 1-noyabrigacha “O‘zdonmahsulot” korporatsiyasi tizimi korxonalari uchun, transport xarajatlarini hisobga olgan holda bevosita ishlab chiqarish faoliyati bilan bog‘liq dolzarb ehtiyojlarga pul tushumidan ajratmalar stavkasi, istisno tariqasida, 15 foizgacha miqdorda belgilansin.
10. “O‘zdonmahsulot” korporatsiyasi davlat zaxirasiga oziq-ovqatbop donni 2001-yilga tasdiqlangan don balansiga qat’iy muvofiq miqdorda g‘amlab qo‘ysin, uning don mahsulotlari korxonalarida O‘zbekiston Respublikasi Vazirlar Mahkamasining 2000-yil 20-maydagi 209-33-son qarorida belgilanganidek alohida saqlanishini ta’minlasin.
11. “O‘zneftmahsulot” aksiyadorlik kompaniyasi boshoqli don hosilini o‘rib-yig‘ib olishning butun davrida xo‘jaliklarga, mashina-traktor parklariga hamda hosilni o‘rib-yig‘ib olishda va tashishda qatnashadigan boshqa tashkilotlarga yonilg‘i-moylash materiallarining uzluksiz, belgilangan limitlar bo‘yicha berilishini ta’minlasin, “Keys” va “Klaas” kompaniyalari ishlab chiqargan kombaynlar va traktorlar uchun moy yetkazib berishga alohida e’tiborni qaratsin.
12. “O‘zqishloqxo‘jalikkimyo” kompaniyasi boshoqli don urug‘larini dorilash vositalarining hamda elevatorlar va omborlarni, shuningdek don mahsulotlarini zararsizlantirish uchun fumigantlarning “O‘zdonmahsulot” korporatsiyasi buyurtmanomalariga binoan o‘z vaqtida tashib keltirilishini ta’minlasin.
13. O‘zbekiston Respublikasi Ichki ishlar vazirligi, Qoraqalpog‘iston Respublikasi Vazirlar Kengashi va viloyatlar hokimliklari donning nobud bo‘lishi va o‘g‘irlanishi hollarining oldini olish maqsadida donni o‘rib-yig‘ib olish joylarida, don xirmonlarida va donni qabul qilib olish punktlarida kecha-kunduz ishlaydigan nazorat postlari tashkil qilsinlar, yong‘indan saqlash bo‘yicha zarur tadbirlarning bajarilishini ta’minlasinlar.
14. O‘zbekiston Respublikasi Makroiqtisodiyot va statistika vazirligi don qabul qilib olish korxonalari darajasida xo‘jaliklar tomonidan don yetishtirish va uni sotish to‘g‘risidagi statistika hisobotlarining to‘g‘riligini muntazam ravishda tekshirib borsin, aniqlangan buzilishlar to‘g‘risida Vazirlar Mahkamasiga darhol axborot bersin.
15. Mazkur qarorning bajarilishini nazorat qilish O‘zbekiston Respublikasi Prezidentining Davlat maslahatchisi I.H. Jo‘rabekov va O‘zbekiston Respublikasi Bosh vazirining o‘rinbosari T. Xoltoyev zimmasiga yuklansin.
G‘alla kombaynlari, jami | Shu jumladan, “Keys” va “Klaas” kombaynlari | Ulardan Vazirlar Mahkamasining 2001-yil 10-apreldagi 168-son qaroriga muvofiq olib kelinadigani | |
Qoraqalpog‘iston Respublikasi | 90 | 90 | — |
viloyatlar: | |||
Andijon | 305 | 124 | 20 |
Buxoro | 205 | 88 | 11 |
Jizzax | 624 | 210 | 24 |
Qashqadaryo | 1186 | 234 | 27 |
Navoiy | 145 | 46 | 6 |
Namangan | 446 | 93 | 20 |
Samarqand | 698 | 178 | 25 |
Surxondaryo | 467 | 159 | 15 |
Sirdaryo | 316 | 136 | 12 |
Toshkent | 453 | 155 | 20 |
Farg‘ona | 467 | 112 | 20 |
Xorazm | 70 | 70 | — |
Jami | 5472 | 1695 | 200 |
(ming gektarda) | |||||
Hammasi | Ulardan: | ||||
makkajo‘xori | kartoshka | boshqa ekinlar | |||
don uchun | silos uchun | ||||
Qoraqalpog‘iston Respublikasi | — | — | — | — | — |
viloyatlar: | |||||
Andijon | 14,6 | 2 | 10 | 0,1 | 2,5 |
Buxoro | 4 | — | 3 | — | 1 |
Jizzax | 7,3 | 0,8 | 4 | 0,5 | 2 |
Qashqadaryo | — | — | — | — | — |
Navoiy | — | — | — | — | — |
Namangan | 10,3 | 1 | 6 | 0,3 | 3 |
Samarqand | — | — | — | — | — |
Surxondaryo | 7,6 | 0,6 | 5 | — | 2 |
Sirdaryo | 5,1 | 0,6 | 3 | — | 1,5 |
Toshkent | 21 | 2 | 10 | 0,5 | 8,5 |
Farg‘ona | 15,6 | 1 | 10 | 0,1 | 4,5 |
Xorazm | — | — | — | — | |
Jami | 85,5 | 8 | 51 | 1,5 | 25 |