LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
Kadrlar tayyorlash milliy dasturi talablari asosida umumta’lim maktablari, akademik litsey va kasb-hunar kollejlarida o‘quv jarayoni sifatini uzluksiz oshirish, ushbu ta’lim muassasalarini oliy ma’lumotli pedagog kadrlar bilan ta’minlashni jadallashtirish maqsadida Vazirlar Mahkamasi qaror qiladi:
1. Vazirlar Mahkamasining 2001-yil 12-iyundagi 250-son qaroriga muvofiq Toshkent davlat pedagogika universiteti, Buxoro oziq-ovqat va yengil sanoat texnologiya instituti, Namangan muhandislik-pedagogika instituti, shuningdek Urganch, Qoraqalpoq, Andijon, Samarqand va Farg‘ona davlat universitetlari tarkibida tashkil etilgan maxsus sirtqi bo‘limlarga 2001/2002 o‘quv yilida o‘rta maxsus ma’lumot va tegishli ta’lim turi bo‘yicha kamida uch yil amaliy pedagogik stajga ega bo‘lgan pedagog kadrlardan bakalavrlar tayyorlash uchun davlat grantlari asosida jami 1200 qabul kvotalari belgilanib, ular oliy ta’lim muassasalari va tegishli ta’lim yo‘nalishlari bo‘yicha ilovaga muvofiq taqsimlansin.
Belgilansinki, Toshkent davlat pedagogika universiteti o‘rta maxsus ma’lumot negizida pedagog kadrlarni oliy ta’lim muassasalarining maxsus sirtqi bo‘limlarida bakalavrlar darajasida o‘qitish usulining ilmiy-metodik asoslarini yaratish, joylarda to‘plangan ijobiy tajribani umumlashtirish va ularning amaliyotga joriy etilishini ta’minlash masalalari yuzasidan muvofiqlashtiruvchi muassasa hisoblanadi.
2. O‘zbekiston Respublikasi Oliy va o‘rta maxsus ta’lim vazirligi Xalq ta’limi vazirligi va Davlat test markazi bilan birgalikda oliy ta’lim muassasalarining maxsus sirtqi bo‘limlariga ajratilgan qabul kvotalarini o‘qitishning tillari bo‘yicha taqsimlash to‘g‘risidagi takliflarni bir hafta muddatda Davlat komissiyasiga tasdiqlash uchun kiritsinlar.
oliy ta’lim muassasalarining maxsus sirtqi bo‘limlariga moslashtirilgan kirish test sinovlari materiallarini tayyorlasin, ushbu test sinovlarini adolatli va yuqori saviyada tashkil etishga doir zarur chora-tadbirlarni belgilasin va amalga oshirsin;
O‘zbekiston Respublikasi Oliy va o‘rta maxsus ta’lim vazirligi va Xalq ta’limi vazirliklari bilan birgalikda oliy ta’lim muassasalarining maxsus sirtqi bo‘limlarida o‘qish istagini bildirgan pedagog kadrlar uchun test sinovlariga tayyorgarlik ko‘rish yuzasidan tegishli yo‘riqnomalar tayyorlasinlar va ommaviy axborot vositalari orqali tushuntirish ishlarini tashkil etsinlar.
4. O‘zbekiston Respublikasi Moliya vazirligi 2001/2002 o‘quv yilida oliy ta’lim muassasalarining maxsus sirtqi bo‘limlariga davlat grantlari asosida bakalavriyatga qabulni hisobga olgan holda budjetdan zarur mablag‘lar ajratilishini ta’minlasin.
5. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari H.S. Karomatov zimmasiga yuklansin.
Shifr | Oliy ta’lim muassasalari va ta’lim yo‘nalishlari | 2001/2002 o‘quv yili qabul ko‘rsatkichlari |
Respublika bo‘yicha | 1200 | |
1 | Toshkent davlat pedagogika universiteti | 400 |
5140900 | Kasbiy ta’lim (mehnat) | 70 |
5140700 | Tasviriy san’at va muhandislik grafikasi | 40 |
5141000 | Musiqiy ta’lim | 40 |
5141900 | Jismoniy tarbiya va jismoniy madaniyat | 20 |
5141600 | Boshlang‘ich ta’lim va tarbiyaviy ish | 230 |
2 | Andijon davlat universiteti | 110 |
5140700 | Tasviriy san’at va muhandislik grafikasi | 15 |
5141000 | Musiqiy ta’lim | 10 |
5140900 | Kasbiy ta’lim (sohalar bo‘yicha) | 20 |
5141600 | Boshlang‘ich ta’lim va tarbiyaviy ish | 55 |
5141900 | Jismoniy tarbiya va jismoniy madaniyat | 10 |
3 | Buxoro oziq-ovqat va yengil sanoat texnologiyasi instituti | 100 |
5140900 | Kasbiy ta’lim (ijtimoiy-iqtisodiy soha) | 15 |
5140900 | Kasbiy ta’lim (Elektroenergetika, Texnologik mashina va uskunalar, Transport vositalaridan foydalanish, Mashinasozlik texnologiyasi, mashinasozlik jihozlari va avtomatlash, To‘qimachilik sanoati mahsulotlari texnologiyasi, Yengil sanoat mahsulotlari texnologiyasi, Binolar va sanoat inshootlari qurilishi, Informatika va informatsion texnologiyalar) | 55 |
5140900 | Kasbiy ta’lim (Yog‘ va moylar texnologiyasi, Qand va bijg‘ish mahsulotlari texnologiyasi, Go‘sht, sut, baliq va konservalangan Mahsulotlar texnologiyasi, Don va don mahsulotlarini qayga ishlash texnologiyasi) | 30 |
4 | Qoraqalpoq davlat universiteti | 115 |
5140900 | Kasbiy ta’lim (sohalar bo‘yicha) | 15 |
5141600 | Boshlang‘ich ta’lim va tarbiyaviy ish | 55 |
5141900 | Jismoniy tarbiya va jismoniy madaniyat | 15 |
5141000 | Musiqiy ta’lim | 15 |
5480100 | Amaliy matematika va informatika | 15 |
5 | Namangan muhandislik-pedagogika instituti | 100 |
5140900 | Kasbiy ta’lim (Elektroenergetika, Texnologik mashina va uskunalar, Transport vositalaridan foydalanish, Agroinjineriya, Binolar va sanoat inshootlari qurilishi, Injenerlik tarmoqlari qurilishi, Informatika va informatsion texnologiyalar, Mashinasozlik texnologiyasi, mashinasozlik jihozlari va avtomatlash) | 45 |
5140900 | Kasbiy ta’lim (Kimyoviy texnologiya, Go‘sht, sut, baliq va konservalangan Mahsulotlar texnologiyasi) | 25 |
5140900 | Kasbiy ta’lim (Ijtimoiy-iqtisodiy soha) | 15 |
5521900 | Informatika va informatsion texnologiyalar | 15 |
6 | Samarqand davlat universiteti | 140 |
5140900 | Kasbiy ta’lim (sohalar bo‘yicha) | 30 |
5141600 | Boshlang‘ich ta’lim va tarbiyaviy ish | 65 |
5141900 | Jismoniy tarbiya va jismoniy madaniyat | 15 |
5141000 | Musiqiy ta’lim | 15 |
5521900 | Informatika va informatsion texnologiyalar | 15 |
7 | Farg‘ona davlat universiteti | 105 |
5140900 | Kasbiy ta’lim (sohalar bo‘yicha) | 20 |
5141600 | Boshlang‘ich ta’lim va tarbiyaviy ish | 50 |
5141900 | Jismoniy tarbiya va jismoniy madaniyat | 15 |
5480100 | Amaliy matematika va informatika | 20 |
8 | Urganch davlat universiteti | 130 |
5140900 | Kasbiy ta’lim (sohalar bo‘yicha) | 15 |
5141600 | Boshlang‘ich ta’lim va tarbiyaviy ish | 55 |
5141900 | Jismoniy tarbiya va jismoniy madaniyat | 15 |
5141000 | Musiqiy ta’lim | 15 |
5140700 | Tasviriy san’at va muhandislik grafikasi | 15 |
5521900 | Informatika va informatsion texnologiyalar | 15 |