RESPUBLIKA IQTISODIYOTI TARMOQLARINI 2001/2002 YIL KUZ-QISh DAVRIDA IShLAShGA TAYYORLASh TO‘G‘RISIDA
LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
Respublika tarmoqlari, korxonalari va muassasalarini 2000/2001-yil kuz-qish davrida barqaror ishlashga o‘z vaqtida tayyorlashni ta’minlash maqsadida Vazirlar Mahkamasi qaror qiladi:
1. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, vazirliklar, idoralar, uyushmalar, korporatsiyalar, kompaniyalar, birlashmalar, korxonalar va tashkilotlar 2000/2001-yil kuz-qish davriga tayyorgarlik ko‘rish va ishlash bo‘yicha chora-tadbirlarni amalga oshirishda yo‘l qo‘yilgan kamchiliklar va nuqsonlarni tanqidiy o‘rganib chiqsinlar, O‘zbekiston Respublikasi Prezidenti huzuridagi Nazorat bo‘yicha muvofiqlashtiruvchi kengash qarorida ko‘rsatilgan nuqsonlarga alohida e’tiborni qaratsinlar va ularni hisobga olgan holda:
shaharlar, tumanlar, korxonalar, uy-joylarni, ijtimoiy soha, savdo va umumiy ovqatlanish muassasalarini, transport, qurilish tashkilotlarini, qozonxonalarni va muhandislik inshootlarini 2001/2002-yil kuz-qish davrida barqaror ishlashga tayyorlab qo‘yish yuzasidan o‘n kun muddatda tadbirlar ishlab chiqsinlar va tasdiqlasinlar. Maktabgacha bolalar muassasalariga, maktablarga, kasalxonalarga, poliklinikalarga, uy-joylarga issiqlik uzluksiz berib turilishiga alohida e’tibor bersinlar;
bir hafta muddatda iqtisodiyot tarmoqlarini 2001/2002 kuz-qish davriga tayyorlash masalalarini hal etish bo‘yicha hududiy komissiyalar tashkil etsinlar;
gaz yoqilg‘isini aholi uchun bo‘shatish maqsadida barcha korxonalar va tashkilotlarda ularning qozonxonalari kuz-qish davrida yoqilg‘ining zaxira turlari bilan uzluksiz ishlashini ta’minlash uchun shu yilning 1-oktabriga qadar suyuq va qattiq yoqilg‘ining zarur zaxiralarini yaratsinlar;
shu yil 1-oktabrgacha yong‘inga qarshi idoralar bilan birgalikda uy-joylar, binolar va inshootlar ahvolini va ulardan foydalanishning texnik talablari normalariga muvofiqligini tekshirsinlar;
shu yil 1-oktabrgacha qozonxonalarni mukammal tuzatishni tugallasinlar hamda ularning kuz-qish davrida ishlashga tayyorligi to‘g‘risida tegishli dalolatnomalarni rasmiylashtirsinlar va dalolatnomalar nusxalarini hududiy komissiyalarga taqdim etsinlar.
2. “O‘zbekneftgaz” milliy xolding kompaniyasi, “O‘zbekenergo” davlat-aksiyadorlik kompaniyasi, “O‘zkommunxizmat” agentligi, O‘zbekiston Respublikasi Makroiqtisodiyot va statistika vazirligi, “O‘zdavneftgazinspeksiya”, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari bilan birgalikda 2001/2002-yil kuz-qish davrida respublika aholisini tabiiy gaz bilan barqaror ta’minlash uchun joriy yilning 1-sentabrigacha:
O‘zbekiston Respublikasining elektr stansiyalari va boshqa sanoat korxonalarini 2001/2002-yil qish davrida yoqilg‘ining zaxira turiga o‘tkazish jadvalini ishlab chiqsinlar va tasdiqlash uchun Vazirlar Mahkamasiga kiritsinlar.
2001/2002-yil kuz-qish davrida shartnomalarga muvofiq respublikaning barcha gaz taqsimlash stansiyalariga belgilangan limitlar va ko‘rsatkichlar doirasida iste’molchilarga gaz yetkazib berilishini ta’minlasin;
isitish mavsumi boshlangunga qadar yer osti gaz omborlariga 4,5 mlrd. kub metr hajmida gaz to‘planishini ta’minlasin;
joriy yilning 1-oktabrigacha “Janubiy Tandircha” konidan Sho‘rtan gaz kondensati konining 1-gazni tayyorlash qurilmasigacha 41 km uzunlikdagi gaz quvuri qurilishini tugallasin.
Taxiatosh GRESining 2-TG turboagregati, Toshkent GRESining 5-energiya bloki, Yangi Angren GRESining 7-bug‘ qozonxonasi va 4-turbogeneratori, Navoiy GRESining 4-energiya bloki mukammal ta’mirlanishini hamda 10 ming kub metr sovuq suv sig‘adigan zaxira sig‘im qurilishini tugallasin;
elektr stansiyalarida tasdiqlangan jadvallarga muvofiq suyuq va qattiq yoqilg‘i jamg‘arilishini ta’minlasin.
“Angren konida 1-uchastkada lenta konveyyerlarini rekonstruksiya qilishni tugallasin hamda qo‘shimcha kirish temir yo‘llari foydalanishga topshirilishini ta’minlasin;
6. “O‘zbekiston temir yo‘llari” davlat-aksiyadorlik kompaniyasi neft, gaz kondensati, neft mahsulotlari, ko‘mir, tuz hamda xo‘jaliklarni 2001/2002-yil kuz-qish davrida ishlashga tayyorlab qo‘yish bilan bog‘liq boshqa xalq xo‘jaligi yuklari uzluksiz tashilishini ta’minlasin.
Vazirliklar, idoralar, xo‘jalik birlashmalari, tashkilotlar, korxonalar, vagonlar, sisternalarning normativdan ortiq turib qolishiga yo‘l qo‘ymaslik, ortish-tushirish, ayniqsa kechasi, dam olish va bayram kunlarida ortish-tushirish ishlarining bir maromda olib borilishini ta’minlash yuzasidan aniq chora-tadbirlar ko‘rsinlar.
7. “O‘zkimyosanoat” davlat-aksiyadorlik kompaniyasi, “O‘zqurilishmateriallari” kompaniyasi, kon-metallurgiya sanoati korxonalari hamda energiyani ko‘p iste’mol qiluvchi boshqa korxonalar qish oylarida gaz, elektr va issiqlik energiyasi iste’mol qilishni kamaytirish maqsadida 2001-yil 1-sentabrgacha:
“O‘zbekenergo” davlat-aksiyadorlik kompaniyasi, “O‘zbekneftgaz” milliy xolding kompaniyasi bilan birgalikda o‘zlariga qarashli asbob-uskunalarning yuqori yuklama davrida texnologiya jihatidan yo‘l qo‘yiladigan ish rejimlarini ishlab chiqsinlar;
asosiy asbob-uskunalarni ta’mirlash jadvalini ishlab chiqsinlar va uni “O‘zbekneftgaz” milliy xolding kompaniyasi va “O‘zkommunxizmat” agentligi bilan kelishsinlar, bu ishlarni yilning qish oylarida amalga oshirsinlar.
8. Surxondaryo viloyati hokimligi tuzilgan shartnomalarga muvofiq Xo‘jaikon tuz konidan texnik tuz respublikaning issiqlik bilan ta’minlovchi korxonalariga o‘z vaqtida yetkazib berilishi ustidan qat’iy nazorat o‘rnatsin.
9. Respublika iqtisodiyoti tarmoqlarini 2000/2001-yil kuz-qish davrida ishlashga tayyorlash masalalarini hal qilish bo‘yicha respublika komissiyasi tarkibi ilovaga muvofiq tasdiqlansin.
Respublika komissiyasi vazirliklar, idoralar, uyushmalar, korporatsiyalar, kompaniyalar va boshqa xo‘jalik birlashmalari, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari rahbarlarining o‘zlariga qarashli obyektlarni 2001/2002-yil kuz-qish davriga tayyorlashning borishi to‘g‘risidagi hisobotlarini har oyda eshitib borsin.
Hududiy komissiyalar iqtisodiyot tarmoqlarini 2001/2002-yil kuz-qish davriga tayyorlashning borishini har oyda ko‘rib chiqsinlar va Vazirlar Mahkamasiga axborot taqdim etsinlar.
10. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari V.Y. Atayev zimmasiga yuklansin.
Atayev V.Y. | — | Bosh vazir o‘rinbosari, komissiya raisi |
Abdullayev F.S. | — | O‘zbekiston pochta va telekommunikatsiyalar agentligi bosh direktori |
Abduraxmonov M.S. | — | Moliya vazirining o‘rinbosari |
Obidov A.A. | — | “O‘zbekneftgaz” milliy xolding kompaniyasi raisining birinchi o‘rinbosari |
Akromov E.M. | — | “O‘zqurilishmateriallari” kompaniyasi raisi |
Amanboyev A.E. | — | “O‘zdavzaxira” bosh boshqarmasi boshlig‘i |
G‘ulomov S.S. | — | Oliy va o‘rta maxsus ta’lim vaziri |
Zoxidov R.Q. | — | “O‘zbekiston temir yo‘llari” davlat- aksiyadorlik kompaniyasi raisi |
Qosimov Y.K. | — | Ichki ishlar vazirligi Yong‘indan saqlash boshqarmasi boshlig‘i |
Nazirov F.G. | — | Sog‘liqni saqlash vaziri |
Saidov R.T. | — | Sanoatda va konchilikda ishlarning bexatar olib borilishini nazorat qilish agentligi bosh direktori |
Klimenko A.I. | — | “Ko‘mir” aksiyadorlik birlashmasi bosh direktori |
Hasanov B.V. | — | “O‘zbekyengilsanoat” davlat uyushmasi raisining birinchi o‘rinbosari |
Xo‘jayev B.E. | — | Makroiqtisodiyot va statistika vazirining o‘rinbosari |
Xolmuxamedov O‘.O. | — | “O‘zkommunxizmat” agentligi bosh direktori |
Shoismatov E.R. | — | “O‘zbekenergo” davlat-aksiyadorlik kompaniyasi raisi |
Jo‘rayev R.H. | — | Xalq ta’limi vaziri |
Komissiya tarkibiga lavozimiga ko‘ra Qoraqalpog‘iston Respublikasi Vazirlar Kengashi Raisining birinchi o‘rinbosari, viloyatlar va Toshkent shahar hokimlarining birinchi o‘rinbosarlari kiradi. |