LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
Chigitni plyonka ostiga ekkan holda g‘o‘za o‘stirishning Andijon texnologiyasini keng joriy etish asosida paxtachilik samaradorligini oshirish, shuningdek 2001-yil paxta hosili uchun xo‘jaliklarni polietilen plyonkalar bilan o‘z vaqtida ta’minlash maqsadida Vazirlar Mahkamasi qaror qiladi:
1. G‘o‘za o‘stirishning sifatli, dorilangan, sarxillangan urug‘lik chigit tayyorlashga, g‘o‘zaning tezpishar, serhosil, rayonlashtirilgan navlarini polietilen plyonka ostiga barvaqt ekishga asoslangan samarali Andijon texnologiyasini amaliyotga keng joriy etish Vazirlar Mahkamasining Agrosanoat kompleksi, O‘zbekiston Respublikasi Qishloq va suv xo‘jaligi vazirligi, Qoraqalpog‘iston Respublikasi Vazirlar Kengashi, viloyatlar va tumanlar hokimliklari, paxta yetishtiruvchi qishloq xo‘jaligi korxonalarining eng muhim vazifasi hisoblansin.
Belgilab qo‘yilsinki, O‘zbekiston Respublikasi Qishloq va suv xo‘jaligi vazirligi rahbarlari, Qoraqalpog‘iston Respublikasi Vazirlar Kengashi raisi va raisning birinchi o‘rinbosari, viloyatlar va tumanlar hokimlari hamda hokimlarning qishloq va suv xo‘jaligi masalalariga mutasaddi bo‘lgan birinchi o‘rinbosarlari, xo‘jaliklar rahbarlari joylarda g‘o‘za o‘stirishning Andijon texnologiyasi joriy etilishi, agrotexnika normalari va talablariga qat’iy rioya qilinishi uchun shaxsan javob beradilar.
2. Qoraqalpog‘iston Respublikasi Vazirlar Kengashi, viloyatlar hokimliklari, O‘zbekiston Respublikasi Qishloq va suv xo‘jaligi vazirligi, Makroiqtisodiyot va statistika vazirligining 2001-yilda chigit plyonka ostiga ekiladigan maydonlar to‘g‘risidagi taklifiga ilovaga muvofiq rozilik berilsin.
3. O‘zbekiston Respublikasi Tashqi iqtisodiy aloqalar vazirligi g‘o‘zani mulchalash uchun “Andijonpolietileni” qo‘shma korxonasida (6 ming tonna) va “Jizzax-plastmassa” AJda (5 ming tonna) polietilen plyonka ishlab chiqarish maqsadida 11 ming tonna granulalar yetkazib berish yuzasidan tender o‘tkazishni o‘n kun muddatda ta’minlasin.
tender natijalariga ko‘ra polietilen plyonka ishlab chiqarish uchun granulalar yetkazib berish yuzasidan bir hafta muddatda tegishli shartnomalar tuzilishini ta’minlasinlar;
ilovaga muvofiq miqdorda polietilen plyonkalar ishlab chiqarishni va ularni paxtachilik xo‘jaliklariga o‘z vaqtida yetkazib berishni tashkil etsinlar.
5. Ushbu qarorga muvofiq import bo‘yicha keltiriladigan 11 ming tonna granula bojxona to‘lovlaridan (bojxona rasmiylashtiruvi uchun yig‘imlardan tashqari) ozod qilinsin.
6. “O‘zagromashservis” uyushmasi, O‘zbekiston Respublikasi Qishloq va suv xo‘jaligi vazirligi, “O‘zqishloqxo‘jalikmash-xolding” kompaniyasi mashina-traktor parklari va xo‘jaliklardagi mavjud maxsus chigit ekish seyalkalari va moslamalari sonini hamda ularning texnik holatini o‘n kun muddatda xatlovdan o‘tkazsinlar va 2001-yil 20-fevralgacha ularni ishga to‘liq tayyorlab qo‘ysinlar.
“O‘zqishloqxo‘jalikmash-xolding” kompaniyasi O‘zbekiston Respublikasi Qishloq va suv xo‘jaligi vazirligining buyurtmanomasiga binoan yetishmayotgan seyalkalar 2001-yil 15-fevralgacha ishlab chiqarilishini hamda ularning mashina-traktor parklari va xo‘jaliklarga yetkazib berilishini ta’minlasin.
7. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosarlari T. Xoltoyev va R. Azimov zimmasiga yuklansin.
(ming tonna) | |||||
Ekin maydoni, ming gektar | Polietilen plyonkaga bo‘lgan ehtiyoj, 1 gektarga 56,9 kg hisobida | Quyidagilar hisobiga qoplanadi: | |||
Andijon- polietileni QK | “Jizzax-plastmassa” AJ | ||||
ishlab chiqarish hisobiga | mavjud tayyor polietilen plyonka hisobiga | ||||
Qoraqalpog‘iston Respublikasi | 5 | 0,3 | — | 0,3 | — |
viloyatlar: | |||||
Andijon | 100 | 5,7 | 5,7 | — | — |
Buxoro | 10 | 0,6 | — | 0,6 | — |
Jizzax | 5 | 0,3 | — | — | 0,3 |
Qashqadaryo | 5 | 0,3 | — | 0,3 | — |
Navoiy | 2 | 0,1 | — | 0,1 | — |
Namangan | 20 | 1,1 | — | 1,1 | — |
Samarqand | 15 | 0,9 | — | 0,4 | 0,4 |
Surxondaryo | 5 | 0,3 | — | 0,3 | — |
Sirdaryo | 6 | 0,3 | — | 0,1 | 0,3 |
Toshkent | 15 | 0,9 | — | 0,4 | 0,4 |
Farg‘ona | 20 | 1,1 | 0,3 | 0,8 | — |
Xorazm | 10 | 0,6 | — | 0,6 | — |
JAMI | 218 | 12,4 | 6 | 5 | 1,4 |