LexUZ sharhi
Mazkur Farmon O‘zbekiston Respublikasi Prezidentining 2020-yil 27-sentabrdagi PF-6075-sonli “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida”gi Farmoniga asosan o‘z kuchini yo‘qotgan.
O‘zbekiston Respublikasi davlat mustaqilligining asoslari to‘g‘risidagi Qonunga muvofiq:
1. O‘zbekiston Respublikasi prokuraturasi idoralari xodimlarining klass darajalari va ularni berish tartibini belgilash to‘g‘risidagi Nizom Oliy Kengash tomonidan qabul qilingunga qadar sobiq SSSR prokuraturasi idoralarida amal qilib kelgan klass darajalari saqlab qolinsin.
2. Belgilab qo‘yilsinki, O‘zbekiston Respublikasi prokuraturasi idoralarining xodimlariga klass darajalarini, shu jumladan adliya katta maslahatchisi unvonini berish — O‘zbekiston Respublikasining prokurori tomonidan, 3 klassdagi Davlat adliya maslahatchisi va undan yuqori unvonni berish O‘zbekiston Respublikasi Prezidenti tomonidan amalga oshiriladi.