LexUZ sharhi
Mazkur qaror O‘zbekistan Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
O‘zbekiston Respublikasi qishloq xo‘jaligining ammiakli selitraga bo‘lgan ehtiyojini, uni eksportga yetkazib berishni ta’minlash maqsadida va Vazirlar Mahkamasining 1998-yil 25-martdagi 129-son qarorini bajarish yuzasidan Vazirlar Mahkamasi qaror qiladi:
1. “O‘zkimyosanoat” uyushmasining Farg‘ona “Azot” ishlab chiqarish birlashmasida yiliga 360 ming tonna konsentratsiyalanmagan azot kislotasi va 450 ming tonna ammiakli selitra ishlab chiqarish quvvatiga ega bo‘lgan ishlab chiqarishlar qurilishini tugallash loyihasini amalga oshirish to‘g‘risidagi taklifi qabul qilinsin.
2. “O‘zkimyosanoat” uyushmasining Farg‘ona “Azot” ishlab chiqarish birlashmasiga “MBNS” (Chexiya) firmasi bilan texnik hujjatlarni tayyorlash, asbob-uskunalar, materiallar yetkazib berish, shefmontaj ishlarini va asosiy ishlab chiqarishlarning texnologik asbob-uskunalarini ishga tushirishga texnik rahbarlikni amalga oshirish yuzasidan qiymati 50660 ming AQSh dollari bo‘lgan kontrakt tuzishga ruxsat etilsin.
Farg‘ona “Azot” ishlab chiqarish birlashmasi — konsentratsiyalanmagan azot kislotasi va ammiakli selitra ishlab chiqarishlari qurilishining bosh buyurtmachisi etib;
“Farg‘onasanoatxo‘jalikqurilish” aksiyadorlik jamiyati — ushbu ishlab chiqarish qurilishi bo‘yicha bosh pudratchi etib;
ishlab chiqarishlarni loyihalash, qurish, asbob-uskunalarni yetkazib berish, montaj qilish va ishga tushirish muddatlari 1-ilovaga* muvofiq tasdiqlansin.
* 1-ilova rus tilidagi matnda berilgan.
Oldingi tahrirga qarang.
(4-band O‘zbekiston Respublikasi Vazirlar Mahkamasining 2001-yil 22-yanvardagi 45-sonli qaroriga muvofiq o‘z kuchini yo‘qotgan)
Oldingi tahrirga qarang.
(6-band O‘zbekiston Respublikasi Vazirlar Mahkamasining 2001-yil 22-yanvardagi 45-sonli qaroriga muvofiq o‘z kuchini yo‘qotgan)
7. Moliya vaziri “ING Barings” bankiga va “EGAP” eksport-kredit agentligi — Tashqi iqtisodiy faoliyat milliy banki majburiyatlari bo‘yicha hamda Tashqi iqtisodiy faoliyat milliy bankiga — Farg‘ona “Azot” ishlab chiqarish birlashmasining jalb etiladigan kreditlar yuzasidan majburiyatlari bo‘yicha O‘zbekiston Respublikasi Hukumati nomidan kafolatlar berishga vakil qilinsin.
8. O‘zbekiston Respublikasi Adliya vazirligi O‘zbekiston Respublikasi Hukumatining kafolatlari yuzasidan, kredit bitimiga ilova bilan belgilangan shakl bo‘yicha, yuridik xulosani belgilangan tartibda rasmiylashtirsin.
9. Belgilansinki, Farg‘ona “Azot” ishlab chiqarish birlashmasi uchun ushbu loyihani amalga oshirish davrida foyda solig‘ini hisoblash chog‘ida soliq solinadigan baza mazkur loyiha bo‘yicha olinadigan kreditlarni va unga xizmat ko‘rsatish chiqimlarini to‘lashga yo‘naltiriladigan xarajatlar summasiga kamaytiriladi.
Farg‘ona “Azot” ishlab chiqarish birlashmasi — konsentratsiyalanmagan azot kislotasi va ammiakli selitra ishlab chiqarishlari qurilishi yuzasidan “MBNS” firmasi bilan tuziladigan kontraktga muvofiq keltiriladigan import asbob-uskunalar, xomashyo, materiallar, texnik hujjatlar uchun bojxona bojlari to‘lashdan;
qurilishda qatnashuvchi pudrat tashkilotlari — ushbu loyiha bo‘yicha import asbob-uskunalar va materiallar (ishlar va xizmatlar) uchun bojxona bojlari to‘lashdan;
“ING Barings” banki, “EGAP” eksport-kredit agentligi va “MBNS” firmasi — O‘zbekiston Respublikasi hududidagi norezidentlardan undiriladigan daromad soliqlarini to‘lashdan ozod qilinsin.
11. O‘zbekiston Respublikasi Makroiqtisodiyot va statistika vazirligi, Davlat mulki qo‘mitasi Farg‘ona “Azot” ishlab chiqarish birlashmasidagi konsentratsiyalanmagan azot kislotasi va ammiakli selitra ishlab chiqarish bo‘yicha mavjud quvvatlarni tiklashni belgilangan tartibda kelishib olsinlar.