LexUZ sharhi
Mazkur qaror O‘zbekistan Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
O‘zbekiston Respublikasi delegatsiyasining 1999-yil noyabr oyida Yaponiyaga tashrifi davomida erishilgan Yaponiya Hukumati bilan ahdlashuvlarni amalga oshirish maqsadida Vazirlar Mahkamasi qaror qiladi:
O‘zbekiston Respublikasi telekommunikatsiya tarmog‘ini rivojlantirish hamda Samarqand, Buxoro va Urganch shaharlaridagi aeroportlarni rekonstruksiya qilish loyihalarining ikkinchi bosqichini amalga oshirish uchun Yaponiya Hukumatining uzoq muddatli imtiyozli kreditlari ajratilishi to‘g‘risida notalar ayirboshlanganligi;
O‘zbekiston Respublikasi Tashqi ishlar vazirligi bilan Yaponiya Tashqi ishlar vazirligi o‘rtasida muntazam siyosiy maslahatlashuvlar to‘g‘risidagi qo‘shma bayonnomasida imzolanganligi ma’lumot uchun qabul qilinsin.
2. O‘zbekiston Respublikasi bilan Yaponiya o‘rtasidagi har tomonlama hamkorlikni yanada rivojlantirishga doir tadbirlar rejasi ilovaga muvofiq tasdiqlansin.
4. Mazkur qarorning bajarilishini nazorat qilish Vazirlar Mahkamasining tegishli Komplekslari rahbarlari zimmasiga yuklansin.
T/r | Tadbirlar | Bajarish muddatlari | Bajarish uchun mas’ul idoralar |
1. | Yaponiya Bosh vazirining O‘zbekiston Respublikasiga rasmiy tashrifini tashkil etish masalalarini ishlab chiqish | 2000-yil | Tashqi ishlar vazirligi (Komilov) |
2. | Yaponiyaning tashqi ishlar, moliya, tashqi savdo va sanoat, transport, fan, sport, ta’lim va madaniyat vazirlarining O‘zbekistonga tashriflarini tashkil etish masalalarini ishlab chiqish | 2000-2001-yillar | Tashqi ishlar vazirligi (Komilov), Moliya vazirligi (Azimov), Tashqi iqtisodiy aloqalar vazirligi (G‘aniyev), Oliy va o‘rta maxsus ta’lim vazirligi (G‘ulomov) |
3. | Imzolangan Kommyunikega muvofiq Yaponiya Tashqi ishlar vazirligi bilan muntazam siyosiy maslahatlashuvlar o‘tkazish | Muntazamlilik asosida | Tashqi ishlar vazirligi (Komilov) |
4. | Makroiqtisodiy islohotlarni chuqurlashtirish va valyuta rejimini erkinlashtirish masalalari bo‘yicha Yaponiya ekspertlari bilan hamkorlik qilish dasturini ishlab chiqish | 2000-yil | Moliya vazirligi (Azimov), Makroiqtisodiyot va statistika vazirligi (G‘ofurov), Markaziy bank (Mullajonov) |
5. | O‘zbekiston Respublikasining iqtisodiy va ijtimoiy infratuzilmasini rivojlantirish uchun imtiyozli iyena kreditlarini jalb etish va ulardan foydalanish bo‘yicha hamkorlikning o‘rtacha muddatli va uzoq muddatli dasturlarini birgalikda ishlab chiqish bo‘yicha takliflar tayyorlash | 2000-yil | Makroiqtisodiyot va statistika vazirligi (G‘ofurov), Moliya vazirligi (Azimov), Tashqi iqtisodiy aloqalar vazirligi (G‘aniyev) |
6. | Yaponiya Moliya vazirligi ekspertlarini jalb qilgan holda O‘zbekiston Respublikasi Moliya vazirligi tizimini institutsional rivojlantirish masalalari bo‘yicha hamkorlik dasturini ishlab chiqish | 2000-yil | Moliya vazirligi (Azimov) |
7. | Ikkala mamlakat o‘rtasidagi moliyaviy va texnikaviy hamkorlikni kengaytirish masalalari bo‘yicha Yaponiyaning tegishli vazirliklari va idoralari bilan idoralararo maslahatlashuvlar o‘tkazish amaliyotini davom ettirish | Muntazamlilik asosida | Tashqi iqtisodiy aloqalar vazirligi (G‘aniyev) |
8. | Sanoat siyosatini o‘tkazish, eksportga ko‘maklashish, kichik va o‘rta biznesni qo‘llab-quvvatlash, shuningdek mazkur tarmoqlarda Yaponiya tomoni grantlari hisobiga kadrlar tayyorlashga texnikaviy yordam ko‘rsatish dasturi borasida Yaponiya Tashqi savdo va sanoat vazirligi bilan erishilgan ahdlashuvlarni amalga oshirish | 2000-yil | Tashqi iqtisodiy aloqalar vazirligi (G‘aniyev) |
9. | Yaponiya tomoni bilan birgalikda O‘zbekiston Respublikasining Kadrlar tayyorlash milliy dasturi doirasida kollejlar va litseylarni texnikaviy jihozlash bo‘yicha zarur tadqiqot ishlari bajarilishini hamda uzoq muddatli imtiyozli iyena kreditini jalb qilish tartibotlari tugallanishini ta’minlash | 2000-yilning birinchi yarim yilligi | Tashqi iqtisodiy aloqalar vazirligi (G‘aniyev), Oliy va o‘rta maxsus ta’lim vazirligi (G‘ulomov), Moliya vazirligi (Azimov), “O‘zmilliybank” (Mirxo‘jayev) |
10. | 2020-yilgacha ta’lim va sog‘liqni saqlash tizimlarini rivojlantirish va Yaponiyada O‘zbekiston mutaxassislarini tayyorlashning bosh rejalarini ishlab chiqish bo‘yicha texnikaviy yordam ko‘rsatish doirasida Yaponiya xalqaro hamkorlik agentligi (JICA) bilan hamkorlikni rivojlantirish | 2000-2001-yillar | Tashqi iqtisodiy aloqalar vazirligi (G‘aniyev), Oliy va o‘rta maxsus ta’lim vazirligi (G‘ulomov), Sog‘liqni saqlash vazirligi (Nazirov) |
11. | Yaponiya xalqaro hamkorlik agentligi (JICA) orqali Yaponiya xalqaro hamkorlik banki tomonidan beriladigan uzoq muddatli iyena bilan moliyaviy ta’minlagan holda loyihalarni texnik-iqtisodiy asoslashlarni ishlab chiqish va ekspertizadan o‘tkazish uchun Yaponiya ekspertlarini doimiy jalb etish | 2000-yilning birinchi yarim yilligi | Moliya vazirligi (Azimov), Tashqi iqtisodiy aloqalar vazirligi (G‘aniyev) |
12. | Tashqi ishlar vazirligi huzurida Yaponiya tashqi savdo tashkiloti (JETRO) vakolatxonasini ochish va akkreditatsiya qilish | 2000-yil | Tashqi iqtisodiy aloqalar vazirligi (G‘aniyev), Tashqi ishlar vazirligi (Komilov) |
13. | Yaponiyada O‘zbekiston Respublikasi savdo-sanoat ko‘rgazmasi tashkil etilishi va o‘tkazilishini ta’minlash | 2000-yil dekabr | Tashqi iqtisodiy aloqalar vazirligi (G‘aniyev), Tashqi ishlar vazirligi (Komilov) |
14. | Ta’lim sohasida hamkorlik qilish to‘g‘risidagi shartnoma loyihasini tayyorlash va Yaponiya tomoniga taqdim etish | 2000-yil | Oliy va o‘rta maxsus ta’lim vazirligi (G‘ulomov), Tashqi ishlar vazirligi (Komilov) |
15. | Yaponiya Hukumati grantlari hisobiga Yaponiya universitetlarida respublikaning 20 vakilini o‘qitish, shu jumladan tadqiqotchilarni tanlash va Yaponiyaga yuborish loyihasini amalga oshirish bo‘yicha Yaponiya tomoni bilan birgalikda zarur tartibotlarni amalga oshirish | 2000-yil | Oliy va o‘rta maxsus ta’lim vazirligi (G‘ulomov), Tashqi iqtisodiy aloqalar vazirligi (G‘aniyev), “Umid” jamg‘armasi (Azimov) |
16. | Yaponiyaning yetakchi oliy o‘quv yurtlari va kollejlari bilan to‘g‘ridan to‘g‘ri hamkorlikni faollashtirish | Doimiy ravishda | Oliy va o‘rta maxsus ta’lim vazirligi (G‘ulomov) |
17. | 2000-yildan boshlab O‘zbekiston Respublikasi bilan Yaponiya o‘rtasida muntazam havo yo‘lini ochish yuzasidan Ya�oniya tomoni bilan amaliy muzokaralar olib borish | 2000-yil | “O‘zbekiston havo yo‘llari” milliy aviakompaniyasi (Ro‘zmetov) |