LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
Boshoqli don ekinlari hosilini o‘z vaqtida va sifatli yig‘ishtirib olishni ta’minlash va don xarid qilishning belgilangan hajmlarini bajarish maqsadida Vazirlar Mahkamasi qaror qiladi:
1. Qishloq va suv xo‘jaligi vazirligi (Bobojonov) va “O‘zqishloqxo‘jalikta’minottuzatish” davlat-kooperativ qo‘mitasi (Olimjonov) tomonidan Vazirlar Mahkamasining 1998-yil 10-martdagi 106-son qaroriga muvofiq g‘alla kombaynlarini qishloq xo‘jaligi korxonalari balansidan “MTP” davlat-aksiyadorlik jamiyatlari balansiga berish tugallanganligi ma’lumot uchun qabul qilinsin.
Hosilni yig‘ishtirib olishda “MTP” davlat-aksiyadorlik jamiyatlari va xo‘jaliklar tarkibida Qoraqalpog‘iston Respublikasi va viloyatlar bo‘yicha 1-ilovaga muvofiq 7876 kombayn, shu jumladan, 799 “Keys” kombayni ishlaydi.
O‘rim-yig‘im tashkil etilishi hamda don hosili o‘z vaqtida va sifatli yig‘ishtirib olinishi uchun mas’uliyat shaxsan Qoraqalpog‘iston Respublikasi Vazirlar Kengashi raisi, viloyatlar hokimlari, Qishloq va suv xo‘jaligi vazirligi hamda “O‘zqishloqxo‘jalikta’minottuzatish” davlat-kooperativ qo‘mitasi rahbarlari zimmasiga yuklansin.
2. Qoraqalpog‘iston Respublikasi Vazirlar Kengashi, viloyatlar hokimliklari, Qishloq va suv xo‘jaligi vazirligi, “O‘zqishloqxo‘jalikta’minottuzatish” davlat-kooperativ qo‘mitasi, “O‘zmevasabzavotuzumsanoat-xolding” kompaniyasi, “O‘zdonmahsulot” davlat korporatsiyasi:
boshoqli don ekinlarini yig‘ishtirish boshlanishidan oldin keyinchalik yanchilgan don miqdori va don kirim qilinishi ustidan nazoratni ta’minlash uchun hosil har bir dala bo‘yicha ekspert baholanishini va tegishli dalolatnomalar tuzilishini tugallasinlar;
kombaynchilar, transport vositalari haydovchilari, o‘rim-yig‘imda va don tashishda band bo‘lgan boshqa xodimlar mehnatiga kombaynning ish unumiga, o‘rim-yig‘im sifatiga qarab haq to‘lash va ularni moddiy rag‘batlantirishga oid tavsiyalarni bir hafta muddatda ishlab chiqsinlar va xo‘jaliklarga yetkazsinlar. Mehnatga natura bilan haq to‘lash hisobiga don berishni “O‘zdonmahsulot” davlat korporatsiyasi korxonalariga don sotish topshiriqlari bajarilgandan, urug‘lik fondi g‘amlangandan va mahsulot kirim qilingandan keyin amalga oshirsinlar;
kombaynlarning guruh bo‘lib ishlashini tashkil etsinlar, ularning har bir guruhiga texnika xizmati ko‘rsatish vositalari, transport vositalari, yonilg‘i quyish mashinalarini biriktirib qo‘ysinlar. G‘allaning yetilishiga qarab guruhlarning harakatlanish yo‘nalishlarini ishlab chiqsinlar;
zarur shirali ozuqa zaxirasini yaratish va sug‘oriladigan yerlardan foydalanish samaradorligini oshirish maqsadida don hosili yig‘ishtirib olingandan keyin takroriy ekinlar ekish uchun maydonlarni aniqlasinlar. Qisqa muddatlarda ularni haydasinlar va 2-ilovaga muvofiq ozuqa, sabzavot ekinlari va boshqa ekinlarni eksinlar.
3. Qishloq va suv xo‘jaligi vazirligi tomonidan taqdim etilgan va Qoraqalpog‘iston Respublikasi Vazirlar Kengashi, viloyatlar hokimliklari bilan kelishilgan boshoqli don ekinlarini o‘rib-yig‘ishni boshlash va tugallash jadvaliga 3-ilovaga muvofiq rozilik berilsin. Ularga jadvalning bajarilishini qattiq nazorat qilishni ta’minlash topshirilsin.
4. “O‘zqishloqxo‘jalikta’minottuzatish” davlat-kooperativ qo‘mitasi (Olimjonov), “O‘zqishloqxo‘jalikmash-xolding” kompaniyasi (Matchonov) don hosilini yig‘ishtirib olish davrida sanoat korxonalarining “MTP” davlat-aksiyadorlik jamiyatlari bilan tegishli shartnomalar tuzishlari asosida sanoat korxonalarini tumanlarga 4-ilovaga muvofiq biriktirib qo‘ysinlar.
5. “O‘zavtotrans” davlat korporatsiyasi (Sidiqnazarov), “O‘zqishloqxo‘jalikta’minottuzatish” davlat-kooperativ qo‘mitasi don hosilini yig‘ishtirib olish davrida xo‘jaliklarning buyurtmanomalariga muvofiq shartnoma asosida yuk avtomashinalarini 5-ilovaga muvofiq miqdorlarda respublika mintaqalariga yuborsinlar.
Zarurat bo‘lganda don tashishga Mudofaa vazirligi va boshqa vazirliklar, idoralar va tashkilotlarning avtomobil transporti shartnoma asosida jalb qilinsin.
Xo‘jaliklar tomonidan donni don qabul qilish punktlariga yetkazib berish bo‘yicha transport xarajatlari “O‘zdonmahsulot” davlat korporatsiyasi tomonidan to‘lanishi belgilab qo‘yilsin.
zaruriyat bo‘lganda uzoq tumanlarda va g‘alla ko‘p joylarda qo‘shimcha don qabul qilish punktlari ochsin.
7. Don tashiyotgan temiryo‘l va avtomobil transporti xizmatlari uchun o‘z vaqtida hisob-kitob qilinishini ta’minlash maqsadida 1998-yil don hosilini tashish davrida istisno tariqasida “O‘zdonmahsulot” davlat-aksiyadorlik korporatsiyasi tizimi korxonalari uchun bevosita ishlab chiqarish faoliyati bilan bog‘liq kechiktirib bo‘lmaydigan ehtiyojlarga (transport xarajatlarini hisobga olgan holda) tushumdan 10 foiz miqdorida mablag‘ ajratish stavkasi belgilansin.
8. Markaziy bank, “Paxta-bank”, “G‘alla-bank” va boshqa tijorat banklariga xo‘jaliklarni va mashina-traktor parklarini g‘alla o‘rish mavsumi qatnashchilariga o‘rim-yig‘im ishlari boshlangan kundan boshlab har besh kunda ish haqi to‘lash uchun naqd pul bilan ta’minlash tavsiya qilinsin.
9. “O‘zdavneftmahsulot” birlashmasi (Tojiyev) boshoqli don ekinlarini yig‘ishtirishning butun davrida xo‘jaliklarga va hosil o‘rim-yig‘imida band bo‘lgan mashina-traktor parklariga yonilg‘i-moylash materiallari belgilangan limitlar bo‘yicha uzluksiz berilishini ta’minlasin. “Keys” kombaynlari va traktorlari uchun moy yetkazib berilishiga alohida e’tibor berilsin.
10. Ichki ishlar vazirligi, Qoraqalpog‘iston Respublikasi Vazirlar Kengashi va viloyatlar hokimliklari donni o‘rib-yig‘ib olish joylarida, xirmonlarda va don qabul qilish punktlarida donni nobud qilish va talon-toroj qilish hollarining oldini olish maqsadida kecha-kunduz ishlaydigan nazorat postlari o‘rnatsinlar.
11. “O‘zdonmahsulot” davlat korporatsiyasi Andijon viloyati hokimligi bilan birgalikda Vazirlar Mahkamasining 1997-yil 11-sentabrdagi 434-57-son qaroriga 1-ilovaga qat’iy muvofiq holda don ekinlari urug‘ligini tayyorlash, ishlov berish va ularni respublika xo‘jaliklariga sotish bo‘yicha zarur chora-tadbirlarni amalga oshirsin. Qishloq va suv xo‘jaligi vazirligi esa viloyatlar hokimliklari bilan birgalikda xo‘jaliklar tomonidan o‘zlari 1998-yil hosilidan yetishtirgan urug‘lik ularning ehtiyojini ta’minlaydigan hajmlarda tayyorlanishini ta’minlasin.
Urug‘lik donni “O‘zdonmahsulot” davlat korporatsiyasi bilan tuzilgan kontraktatsiya shartnomalari bo‘yicha don sotishning umumiy hajmlari hisobiga topshirish, shuningdek tovar dondan urug‘lik maqsadida foydalanish qat’iy taqiqlansin. Shaxsiy javobgarlik Qoraqalpog‘iston Respublikasi Vazirlar Kengashi raisi, viloyatlar va tumanlar hokimlari zimmasiga yuklansin.
12. “O‘zdonmahsulot” davlat korporatsiyasiga urug‘chilik xo‘jaliklaridan navli urug‘larni sifatiga muvofiq — super elita uchun tovar donga belgilangan narxdan 300 foizga, elita urug‘ uchun 200 foizga, birinchi reproduksiyali urug‘ uchun 150 foizga, ikkinchi-uchinchi reproduksiyali urug‘ uchun 100 foizga oshirilgan narxlar bo‘yicha xarid qilishga ruxsat berilsin, ular davlat resurslariga xarid qilinadigan don hajmlariga kiritilmasin.
13. “O‘zagrokimyota’minot” birlashmasi elevator va omborxonalarni, shuningdek don mahsulotlarini zararli mikroblardan tozalash uchun zarur miqdorda fumigantlar keltirilishini ta’minlasin.
“O‘zkimyosanoat” uyushmasi va “O‘zagrokimyota’minot” birlashmasi ushbu zaharli ximikatlarning bir qismini respublika korxonalarida ishlab chiqarishni tashkil etish masalalari yuzasidan taklif tayyorlashni tezlashtirsinlar va Vazirlar Mahkamasiga taklif kiritsinlar.
tuman darajasidan boshlab don tayyorlashning yagona statistika hisobini yuritsin, don qabul qilish punktlaridan xo‘jaliklar bo‘yicha hisobotlarni faqat qabul kvitansiyalari nusxalari ilova qilingan holda qabul qilsin;
don yetishtirishning umumiy hajmini aniqlash uchun aholi xo‘jaliklarida yetishtirilgan donni alohida satrda hisobga olsin;
don yetishtirish va sotish to‘g‘risidagi statistika hisobotining to‘g‘riligini muntazam tekshirib borsin va aniqlangan noto‘g‘ri ma’lumotlar to‘g‘risida Vazirlar Mahkamasini xabardor qilsin.
15. Mazkur qarorning bajarilishini nazorat qilish Bosh vazirning birinchi o‘rinbosari I.H.Jo‘rabekov zimmasiga yuklansin.
G‘alla kombaynlari, jami | shu jumladan “Keys” kombaynlari | |
Qoraqalpog‘iston Respublikasi | 262* | 35 |
viloyatlar: | ||
Andijon | 561 | 72 |
Buxoro | 291 | 29 |
Jizzax | 735 | 98 |
Qashqadaryo | 1609 | 121 |
Navoiy | 200 | 17 |
Namangan | 506 | 37 |
Samarqand | 1003 | 82 |
Surxondaryo | 648 | 66 |
Sirdaryo | 529 | 82 |
Toshkent | 621 | 74 |
Farg‘ona | 691 | 38 |
Xorazm | 220* | 48 |
JAMI: | 7876 | 799** |
Hammasi | ulardan: | |||||
makkajo‘xori | sabzavot | kartoshka | soya | |||
don uchun | silos uchun | |||||
Qoraqalpog‘iston Respublikasi | 1 | 1 | ||||
viloyatlar: | ||||||
Andijon | 41 | 2 | 25 | 8 | 6 | |
Buxoro | 24.3 | 2 | 18 | 4 | 0.3 | |
Jizzax | 24.8 | 2 | 15 | 7 | 0.8 | |
Qashqadaryo | 42 | 4 | 30 | 8 | ||
Navoiy | 16.2 | 2 | 10 | 4 | 0.2 | |
Namangan | 35 | 3 | 22 | 8 | 2 | |
Samarqand | 35 | 3 | 25 | 7 | ||
Surxondaryo | 39 | 3 | 30 | 6 | ||
Sirdaryo | 25 | 3 | 15 | 7 | ||
Toshkent | 37.4 | 3 | 25 | 9 | 0.4 | |
Farg‘ona | 44 | 3 | 30 | 9 | 2 | |
Xorazm | 9 | 5 | 2 | 2 | ||
Respublika bo‘yicha jami: | 373,7 | 30 | 250 | 80 | 1.7 | 12 |
O‘rim-yig‘imning boshlanishi | O‘rim-yig‘imning tugallanishi | |
Qoraqalpog‘iston Respublikasi | 15.06 | 10.07 |
viloyatlar: | ||
Andijon | 15.06 | 10.07 |
Buxoro | 10.06 | 5.07 |
Jizzax | 10.06 | 5.07 |
Qashqadaryo | 10.06 | 5.07 |
Navoiy | 10.06 | 5.07 |
Namangan | 10.06 | 5.07 |
Samarqand | 10.06 | 5.07 |
Surxondaryo | 5.06 | 30.06 |
Sirdaryo | 10.06 | 5.07 |
Toshkent | 10.06 | 5.07 |
Farg‘ona | 10.06 | 5.07 |
Xorazm | 10.06 | 1.07 |
Tumanlar | Zavodlar |
Baxmal | O‘zbekiston stanoksozlik zavodi |
Zomin | Toshkent traktor zavodi |
Forish | Jizzax remont zavodi |
Bulung‘ur | Samarqand remont zavodi |
Boysun | Termiz remont zavodi |
Denov | Denov remont zavodi |
Sherobod | Sho‘rchi remont zavodi |
Ohangaron | Toshkent tajriba remont-mexanika zavodi |
G‘allaorol | “Toshkent qishloq xo‘jaligi mashinasozligi zavodi” ishlab chiqarish birlashmasi |
G‘uzor | Toshkent agregat zavodi |
Koson | Qarshi remont zavodi |
Qamashi | Toshkent ekskavator zavodi |
Chiroqchi | Ko‘gay remont zavodi |
Yakkabog‘ | Toshkent qishloq xo‘jaligi kimyo mashinasozligi zavodi |
Nurota | Navoiy kon-metallurgiya kombinatining remont-mexanika zavodi |
Nurobod | Chirchiq qishloq xo‘jaligi mashinasozligi zavodi |
Xovos | “O‘zbekiston qishloq xo‘jaligi mashinasozligi zavodi” ishlab chiqarish birlashmasi |
Oqoltin | Dalvarzin remont zavodi |
Jami avtomobillar | shu jumladan: | ||||
Qishloq va suv xo‘jaligi vazirligi xo‘jaliklari va korxonalari | “O‘zavtotrans” davlat korpora tsiyasi | “O‘zqishloqxo‘jalik ta’minot tuzatish” davlat qo‘mitasi | boshqa tashkilotlar | ||
Qoraqalpog‘iston Respublikasi | 320 | 320 | |||
viloyatlar: | |||||
Andijon | 1358 | 780 | 275 | 303 | |
Buxoro | 1020 | 968 | 52 | ||
Jizzax | 1217 | 597 | 481 | 36 | 103 |
Qashqadaryo | 3438 | 2873 | 425 | 100 | 40 |
Navoiy | 480 | 428 | 36 | 16 | |
Namangan | 1180 | 830 | 250 | 100 | |
Samarqand | 2000 | 1768 | 132 | 100 | |
Surxondaryo | 2190 | 2190 | |||
Sirdaryo | 1011 | 664 | 249 | 71 | 27 |
Toshkent | 2241 | 2001 | 150 | 90 | |
Farg‘ona | 1480 | 1340 | 140 | ||
Xorazm | 521 | 521 | |||
Respublika bo‘yicha jami: | 18456 | 15280 | 1748 | 1158 | 270 |