LexUZ sharhi
Mazkur qaror O‘zbekistan Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
Joriy 1996-yilda yetishtirilgan meva-sabzavot mahsulotlari hosili nobudgarchiligiga yo‘l qo‘ymaslik, uni iste’molchilarga sotishni jadallashtirish maqsadida Vazirlar Mahkamasi qaror qiladi:
1. Meva-sabzavot mahsulotlarini respublika tashqarisiga sotishning tashkiliy-huquqiy va operativ masalalarini ko‘rib chiqish bo‘yicha respublika komissiyasi 1-ilovaga muvofiq tarkibda tuzilsin.
Komissiya meva-sabzavot mahsulotlari sotishning borishini muntazam tahlil etib borsin va paydo bo‘ladigan muammolarni bartaraf etish chora-tadbirlarini ko‘rsin.
2. “O‘zmevasabzavotuzumsanoat”, “O‘ztayyorlovsavdo” uyushmalari, O‘zbekbirlashuv va O‘zbekiston Respublikasi Qishloq xo‘jaligi vazirligining yuklab jo‘natiladigan mahsulotlar hajmi bo‘yicha takliflariga 2-ilovaga muvofiq rozilik berilsin.
3. Qoraqalpog‘iston Respublikasi Vazirlar Kengashi, viloyatlar va tumanlar hokimliklari, “O‘zmevasabzavotuzumsanoat” (Nosirov) va “O‘ztayyorlovsavdo” (Qurbonov) uyushmalari, O‘zbekbirlashuv (Burxonov) va O‘zbekiston Respublikasi Qishloq xo‘jaligi vazirligi (Jumaniyozov) ho‘l meva-sabzavot mahsulotlarini Rossiya Federatsiyasi iste’molchilariga yetkazib berish yuzasidan shartnoma-kontraktlarning barter bo‘yicha moddiy-texnika resurslarini, birinchi navbatda yog‘och-taxta materiallar, metall prokati, quvurlar, avtotransport vositalari va qishloq xo‘jaligi texnikasini o‘zaro yetkazib berish shartlari bilan tuzilishini ta’minlasinlar.
4. Qoraqalpog‘iston Respublikasi Vazirlar Kengashi, viloyatlar va tumanlar hokimliklari, tegishli vazirliklar, idoralar, uyushmalar va korxonalar rahbarlari ho‘l meva-sabzavot va konserva mahsulotlarini Rossiya Federatsiyasi iste’molchilariga viloyatlar ma’muriyatlarining yetkazib berilayotgan mahsulot uchun 1996-yil oxirigacha pul bilan yoki moddiy-texnika resurslari bilan haq to‘lash to‘g‘risida kafolat xatlari mavjud bo‘lgan taqdirda jo‘natsinlar.
5. Mahsulot sotilgandan keyin valyuta tushumining bir qismini, istisno tariqasida, Markaziy bankka, biroq 1996-yil 31-dekabrdan kechikmay, majburan sotishga ruxsat berilsin.
6. Toshkent, Samarqand, Farg‘ona, Namangan, Andijon, Surxondaryo, Sirdaryo, Jizzax, Qashqadaryo, Buxoro viloyatlari hokimlari, tegishli vazirliklar, idoralar, uyushmalar va korxonalarning rahbarlari meva-sabzavot mahsulotlari yetkazib berish yuzasidan bitimlar tuzish uchun Rossiya Federatsiyasi mintaqalariga shaxsan o‘zlari borsinlar.
7. “O‘zdavstandart” (Asriyans), O‘simliklar karantini bo‘yicha davlat nazorati (To‘laganov), Davlat soliq qo‘mitasi (Gataulin), vakolatli banklar, “O‘zbekiston temir yo‘llari” kompaniyasi (Ermetov) ho‘l meva-sabzavot mahsulotlari jo‘natuvchi joylashgan joyda yuklab jo‘natish hujjatlari ikki sutkadan ko‘p bo‘lmagan muddatda belgilangan tartibda rasmiylashtirilishini ta’minlasinlar, ushbu ishda sansalorlikka va sun’iy to‘siqlar vujudga keltirilishiga yo‘l qo‘ymasinlar.
ho‘l meva-sabzavot va konserva mahsulotlarini tuzilgan kontraktlar bo‘yicha yuklab jo‘natish masalalarini tezkorlik bilan hal etsinlar;
joylarda zarur hujjatlarni tezlikda rasmiylashtirish va meva-sabzavot mahsulotlarini yuklab jo‘natish bo‘yicha tayanch punktlari tashkil etsinlar.
ho‘l meva-sabzavot mahsulotlarini temir yo‘lda tashish tariflari Qozog‘iston Respublikasi hududi bo‘yicha 1996-yil 31-dekabrgacha, Rossiya Federatsiyasi hududi bo‘yicha (Moskvagacha) 1996-yil 1-noyabrgacha 50 foizga pasaytirilganligi;
Rossiya Federatsiyasining boshqa yo‘nalishlari bo‘yicha temir yo‘lda tashish tariflarining pasaytirilishi to‘g‘risidagi masala “O‘zbekiston temir yo‘llari” kompaniyasi tomonidan meva-sabzavot mahsulotlari yetkazib berishga kontraktlar mavjud bo‘lgan taqdirda har bir aniq holatda Rossiya Temir yo‘llar vazirligi bilan birgalikda hal etilishi to‘g‘risidagi axboroti ma’lumot uchun qabul qilinsin.
O‘zbekiston Respublikasi hududida ho‘l meva-sabzavot va konserva mahsulotlarini tashish tariflarini 50 foizga pasaytirsin;
yukni jo‘natuvchining tashishning to‘liq qiymatini belgilangan muddatlarda to‘lash to‘g‘risidagi kafolati bilan oldindan haq to‘lanmasdan yukka harakatdagi sostavning o‘z vaqtida ajratilishi va berilishini ta’minlasin.
11. Vazirlar Mahkamasining 1996-yil 6-avgustdagi 323-f-son farmoyishi o‘z kuchini yo‘qotgan deb hisoblansin.
12. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari R. Giniyatullin zimmasiga yuklansin.
Giniyatullin R.A. | — | Bosh vazirning o‘rinbosari, komissiya raisi |
Usmonov M.Z. | — | Bosh vazirning o‘rinbosari, komissiya hamraisi |
Mullajonov F.M. | — | Markaziy bank raisi |
Sayfiddinov J.B. | — | “Paxta-bank” raisi |
Azimov R.S. | — | Tashqi iqtisodiy faoliyat milliy banki raisi |
Jumaniyozov M.J. | — | Qishloq xo‘jaligi vaziri |
Nosirov B.N. | — | “O‘zmevasabzavotuzumsanoat” uyushmasi raisi |
Qurbonov E.Q. | — | “O‘ztayyorlovsavdo” uyushmasi raisi |
Burxonov F. | — | O‘zbekbirlashuv boshqaruvi raisi |
Jabborov T.A. | — | “O‘zqishloqxo‘jalikta’minottuzatish” raisi |
Muhiddinov H. | — | “O‘zistiqbolstat” davlat qo‘mitasi raisining o‘rinbosari |
Alimboyev S.A. | — | Davlat soliq qo‘mitasi raisining o‘rinbosari |
Zinin V.I. | — | Moliya vazirining o‘rinbosari |
Ermetov N. | — | “O‘zbekiston temir yo‘llari” kompaniyasining raisi |