LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
Vatanga cheksiz mehr, Vatan himoyasini muqaddas burch deb anglamoq, taqdir hijronga duchor etganda Vatan sog‘inchida kuyish, Vatan uchun jon bag‘ishlash xalqimizning qonida, naslida bor. Yuz yillar, ming yillar mobaynida shakllangan, millatimiz ko‘rki bo‘lmish bu ezgu fazilatlar bugun — istiqlol davrida yangicha mazmun va ahamiyat kasb etmoqda.
Yangi davlatchiligimizni barpo etish, ham siyosiy, ham ma’naviy, ham iqtisodiy mustaqillikni uzil-kesil ta’minlash, mamlakatimizning dunyoda o‘zining qadimiy va boy tarixi hamda zamonaviy salohiyatiga munosib o‘rinni egallashi, qullikdan, istibdod asoratidan butkul xalos bo‘lgan ozod va obod yurtning haqiqiy egalari bo‘lmish mag‘rur va sobit farzandlarni kamolga yetkazish — bugungi davrimizning eng dolzarb vazifasidir.
Shu ulug‘ maqsadlar asosida ozod Vatanimizni va uning xalqini ulug‘laydigan, keksayu yosh, katta-kichik, shu aziz yurtni panoh tutgan har bir insonni muqaddas Vatanimiz himoyasi va buyuk kelajagi yo‘lida mard va fidoyi bo‘lishga chorlaydigan yangi, zamonaviy qo‘shiqchilik san’atini rivojlantirish maqsadida Vazirlar Mahkamasi qaror qiladi:
1. O‘zbekiston Madaniyat ishlari vazirligi, O‘zbekiston Davlat televideniye va radioeshittirish kompaniyasi, Bastakorlar va Yozuvchilar uyushmalari hamda Respublika “Ma’naviyat va ma’rifat” jamoatchilik markazining “O‘zbekiston — Vatanim manim” mavzuida qo‘shiqlar ko‘rik-tanlovini o‘tkazish haqidagi taklifi qo‘llab-quvvatlansin.
2. “O‘zbekiston — Vatanim manim” ko‘rik-tanlovini o‘tkazish tashkiliy qo‘mitasi tarkibi 1-ilovaga, ko‘rik-tanlov hay’ati 2-ilovaga va ko‘rik-tanlov to‘g‘risidagi nizom 3-ilovaga muvofiq tasdiqlansin.
3. Ko‘rik-tanlovni o‘tkazish tashkiliy qo‘mitasi bir hafta muddatda tegishli tadbirlarni ishlab chiqsin va amalga oshirishga kirishsin.
4. O‘zbekiston Respublikasi Xalq ta’limi vazirligi, Oliy va o‘rta maxsus ta’lim vazirligi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari eng yaxshi qo‘shiqlarni tanlash uchun qo‘shiqchilik kengashlari tuzsinlar va ko‘rik-tanlovni yuqori saviyada o‘tkazish chora-tadbirlarini ko‘rsinlar.
5. Ko‘rik-tanlov O‘zbekiston Respublikasi mustaqilligining besh yilligi arafasida — 1996-yilning iyul oyida yakunlansin. G‘oliblik va rag‘batlantirish mukofotlari joriy etilsin. Moliya vazirligiga respublika budjetidan 4-ilovaga muvofiq mablag‘ ajratish topshirilsin.
6. O‘zbekiston Davlat televideniye va radioeshittirish kompaniyasiga ko‘rik-tanlovga tushgan qo‘shiqlarning sifatli yozib olinishi va efirga uzatilishini ta’minlash topshirilsin.
7. O‘zbekiston Davlat matbuot qo‘mitasi ko‘rik-tanlov hay’ati saralagan asarlar nota to‘plamini nashr etishni ta’minlasin.
8. Ko‘rik-tanlov muassislari, O‘zbekiston Respublikasi Moliya vazirligi va Mehnat vazirligi qo‘shiqlar matni, musiqasi, ijrosi, efirga uzatilishi va tirajlari bilan bog‘liq bo‘lgan mehnat haqi, gonorar miqdorlarini oshirish haqidagi yangi tartibni 1 oy muddatda ishlab chiqsinlar va Vazirlar Mahkamasi tasdig‘iga kiritsinlar.
10. Ushbu qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari I.Jo‘rabekov zimmasiga yuklansin.
I.H.Jo‘rabekov | — | O‘zbekiston Respublikasi Bosh vazirining birinchi o‘rinbosari, tashkiliy qo‘mita raisi |
X.R.Jo‘rayev | — | O‘zbekiston Respublikasi Prezidentining Davlat maslahatchisi, tashkiliy qo‘mita raisining o‘rinbosari (kelishuv bo‘yicha) |
S. S. Saidqosimov | — | O‘zbekiston Respublikasi Bosh vazirining o‘rinbosari, tashkiliy qo‘mita raisining o‘rinbosari |
— | A’zolari: | |
R.Abdullayev | — | O‘zbekiston Bastakorlar uyushmasining raisi |
N.Aminov | — | Respublika “Ma’naviyat va ma’rifat” jamoatchilik markazining raisi |
J.Jabborov | — | O‘zbekistonda xizmat ko‘rsatgan san’at arbobi |
Sh.Yo‘ldoshev | — | O‘zbekiston Respublikasi Xalq ta’limi vaziri |
Jamol Kamol | — | O‘zbekiston Yozuvchilar uyushmasi raisi |
A. Ko‘chimov | — | “O‘zdavteleradio” kompaniyasi raisining o‘rinbosari |
N.Muhammadiyev | — | Qoraqalpog‘iston Respublikasi madaniyat vaziri, bastakor |
A.Nazarov | — | O‘zbekistonda xizmat ko‘rsatgan san’at arbobi |
A.Oripov | — | O‘zbekiston xalq shoiri |
O. Salimov | — | O‘zbek�ston Respublikasi Oliy va o‘rta maxsus ta’lim vaziri |
R. Farhodiy | — | Shoir |
R.Shog‘ulomov | — | O‘zbekiston Davlat matbuot qo‘mitasi raisi |
T.G‘ofurjonov | — | San’atshunoslik instituti direktori |
E.Hayitboyev | — | O‘zbekiston Respublikasi Madaniyat ishlari vaziri |
Z.Hakimov | — | “O‘zdavteleradio” kompaniyasi raisi |
T. G‘ofurjonov | — | San’atshunoslik instituti direktori, rais |
D. Omonullayeva | — | bastakor, rais o‘rinbosari |
A. Jo‘rayev | — | jurnalist, kotib |
a’zolari: | ||
M. Bafoyev | — | bastakor |
K.Bahriyev | — | Jurnalist |
X.Davron | — | shoir |
J. Jabborov | — | O‘zbekistonda xizmat ko‘rsatgan san’at arbobi |
F. Zokirov | — | bastakor, xonanda |
A. Ikromov | — | bastakor |
A. Ismoilov | — | bastakor |
A. Ko‘chimov | — | “O‘zdavteleradio” kompaniyasi raisining o‘rinbosari |
F. Mamadaliyev | — | xalq hofizi, professor |
A.Nazarov | — | bastakor |
X. Sultonov | — | yozuvchi |
M.Ulug‘ova | — | shoira |
A.Faynberg | — | shoir |
R.Farhodiy | — | shoir |
O. Hotamov | — | xalq hofizi |
R.Yunusov | — | M. Ashrafiy nomidagi Toshkent davlat konservatoriyasining direktori |
M. Yusuf | — | shoir |
Tanlov O‘zbekiston Respublikasi mustaqil davlat bo‘lgandan buyon istiqlol, Vatan mavzuida yaratilgan, har tomonlama badiiy yetuk qo‘shiqlarni saralash, yangilarini yaratish, ijodkorlarni yangi-yangi asarlar yozishga ilhomlantirish va rag‘batlantirish maqsadida o‘tkaziladi.
Tanlov fuqarolarimiz qalbida Vatanga cheksiz mehr, Vatan himoyasini muqaddas burch deb bilish, taqdir hijronga duchor etganda Vatan sog‘inchida kuyish, Vatan uchun jon bag‘ishlash, o‘z yurtining haqiqiy egasi bo‘lish kabi tuyg‘ularni kamol toptirishni ko‘zlaydi.
Shu ulug‘ maqsadlar asosida ozod Vatanimizni va uning xalqini ulug‘laydigan, keksayu yosh, kattayu kichik, shu aziz yurtni panoh tutgan har bir inson muqaddas Vatanimiz himoyasi va buyuk kelajagi yo‘lida mard va fidoyi bo‘lishga chorlaydigan yangi, zamonaviy qo‘shiqchilik san’atini yanada rivojlantirishga xizmat qiladi.
Tanlovda malakali va havaskor xonandalar, ansambllar ishtirok etadilar. Ishtirokchilarning yoshi chegaralanmaydi.
Tanlovda bolalar bog‘chalarida, maktablarda, oliy o‘quv yurtlarida, oliy o‘quv yurtlarida, harbiy qismlarda jo‘r bo‘lib kuylanadigan mustaqillik va Vatan tuyg‘usi yo‘g‘rilgan ommaviy qo‘shiqlarga alohida e’tibor beriladi.
Tanlov 1995-yilning dekabr oyidan boshlanib, O‘zbekiston Respublikasi mustaqilligining 5 yilligi arafasida — 1995-yilning 15-iyulida yakunlanadi.
II bosqich. 1996-yilning mart—iyul oylarida mustaqillikning 4 yilligi davomida va undan so‘ng yaratilgan yangi asarlarning saralash respublika yakuniy ko‘rigi o‘tkaziladi.
Qo‘shiq janrlari bo‘yicha g‘olib deb topilgan ijrochilar Mustaqillikning 5 yilligi bayram tantanalarida va televideniye orqali namoyish etiladigan bayram konsertlari dasturidan imtiyozli o‘rin olish huquqiga ega bo‘ladilar.
Dastlabki saralash bosqichida ijrochilar fonogrammasiz — jonli hamda bir yoki bir nechta qo‘shiqlari bilan qatnashishlari mumkin.
Ijrochilarning ko‘rik o‘tkaziladigan joyga kelishi bilan bog‘liq barcha sarf-xarajatlar tegishli mahalliy hokimliklar hisobidan to‘lanadi. Shuningdek, ko‘rik-tanlovning yuksak saviyada tashkil etilishi bilan bog‘liq moddiy va ma’naviy qo‘llab-quvvatlashda muassislar, hammuassislar va homiylar faol ishtirok etadilar.
G‘oliblarni aniqlashda ko‘rik-tanlov hay’ati ko‘rikda ishtirok etgan asarlar haqida jamoatchilik tomonidan bildirilgan fikr-mulohazalarga tayanadi.