LexUZ sharhi
Mazkur Farmon O‘zbekiston Respublikasi Prezidentining 2020-yil 27-sentabrdagi PF-6075-sonli “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida”gi Farmoniga asosan o‘z kuchini yo‘qotgan.
Kelishilgan yagona moliya, soliq va narx siyosatini amalga oshirish, respublika iqtisodiyotining moliyaviy sog‘lomlashuvini ta’minlash, bozor munosabatlari shakllanishi sharoitida narx-navoni tartibga solishning iqtisodiy usullari ahamiyatini kuchaytirish maqsadida:
1. Respublika hududida narxlarga doir davlat siyosatini o‘tkazish vazifalari O‘zbekiston Respublikasining Moliya vazirligiga topshirilib, uning apparati O‘zbekiston Respublikasi Davlat narxlar komitetining apparati bilan birlashtirilsin.
2. Qoraqalpog‘iston Respublikasi Vazirlar Kengashi, viloyatlar va Toshkent shahri hokimlari O‘zbekiston Respublikasining Moliya vazirligi bilan birgalikda bir oy muddat ichida mazkur Farmonning 1-bandi talablariga muvofiq hududiy bo‘linmalar va narx bo‘limlari markaziy apparatini moliya organlari bilan birlashtirish yuzasidan tashkiliy chora-tadbirlarni amalga oshirishlari zarur.
respublika hududida yagona moliya, soliq va narx siyosatini shakllantirish hamda o‘tkazish, bozor iqtisodiyotiga o‘tish sharoitida ijtimoiy-iqtisodiy rivojlanish va aholini ijtimoiy muhofaza qilishning barqaror moliyaviy negizini vujudga keltirish borasidagi ishlarni muvofiqlashtirish;
moliyani va narx belgilashni boshqarish tizimini takomillashtirishga, qimmatbaho qog‘ozlar bozorini vujudga keltirishga, davlat tasarrufidan chiqarish va xususiylashtirish dasturlarini amalga oshirishning moliyaviy jihatlariga oid takliflarni ishlab chiqish;
valyuta-moliya siyosatining asosiy qoidalarini, respublikaning valyuta boyliklarini ko‘paytirish va ulardan samarali foydalanishga doir taklifni ishlab chiqish;
uzoq muddatli moliyaviy me’yorlar va normativlar asosida respublika budjetini tuzish va ijro etish, yig‘ma moliyaviy balansni ishlab chiqish;
narxlar va tariflarni iqtisodiy jihatdan tartibga solish choralarini amalga oshirish, ularni erkinlashtirish yo‘lini izchillik bilan o‘tkazish vazifasi yuklansin.
4. SSSR Davlat narxlar komitetiga qarashli narx belgilash ilmiy-tadqiqot institutining O‘rta Osiyo bo‘limi O‘zbekiston Respublikasining Moliya vazirligiga bo‘ysundirilib, u O‘zbekiston Respublikasi Moliya vazirligi huzuridagi Moliya va narx ilmiy-tadqiqot institutiga aylantirilsin.
5. O‘zbekiston Respublikasi Prezidenti huzuridagi Vazirlar Mahkamasi 10 kun muddat ichida O‘zbekiston Respublikasi Moliya vazirligining tuzilmasi to‘g‘risida qaror qabul qilishi va vazirlik haqidagi Nizomni tasdiqlashi zarur.