Oʻzbekiston Respublikasida xorijiy investitsiyalarni jalb etgan holda avtomobil sanoatining ishlab chiqarish bazasini shakllantirish va uni rivojlantirish maqsadida Vazirlar Mahkamasi qaror qiladi:

1. “Oʻzavtosanoat” va “Oʻzmashsanoat” uyushmalarining “Andijongidromash” aksionerlik jamiyati negizida Koreyaning “Se Myung Metal Ko. Ltd.” kompaniyasi bilan birgalikda yoqilgʻi baklari hamda yirik shtamplangan qismlar ishlab chiqarish boʻyicha, ustav kapitali tuzilmasi 1-ilovaga muvofiq boʻlgan “Oʻz-Se Myung Ko.” korxonasini tashkil etish toʻgʻrisidagi taklifi qabul qilinsin.

2. Quyidagilar maʼlumot uchun qabul qilinsin:

DEU korporatsiyasi qoʻshma korxonaga asbob-uskunalar xarid qilishi uchun 8,92 mln AQSH dollari miqdorida kredit beradi;

DEU korporatsiyasining krediti va uning boʻyicha foizlarni toʻlash “Oʻz-Se Myung Ko.” qoʻshma korxonasining daromadlari hisobidan 2-ilovaga muvofiq amalga oshiriladi;

qoʻshma korxonada avtomobillarning yoqilgʻi baklari va yirik shtamplangan qismlarini ishlab chiqarish 1997-yilning 3-choragida 3-ilovaga muvofiq boshlanadi.

4. Oʻzbekiston Respublikasi Moliya vaziriga ushbu loyiha uchun olinayotgan kreditlar boʻyicha Oʻzbekiston Respublikasi Hukumati kafolatini berish vakolati belgilangan tartibda berilsin.

5. Oʻzbekiston Respublikasi Adliya vazirligi belgilangan tartibda “Oʻzbekiston Respublikasi Hukumati kafolatlari boʻyicha yuridik xulosa bersin.

6. “Oʻzistiqbolstat” davlat qoʻmitasi “Oʻz-Se Myung Ko.” qoʻshma korxonasining yoqilgʻi baklari va yirik shtamplangan qismlarni ishlab chiqarish boʻyicha loyihasini Oʻzbekiston Respublikasining investitsiya dasturiga kiritsin.

7. “Oʻzavtosanoat” uyushmasi kreditni uzish va uning boʻyicha foizlarni toʻlash davrida kreditni va uning boʻyicha qoʻshilgan foizlarni qaytarishga yoʻnaltirilgan ushbu loyihaga oid dividendlar tarzida olingan mablagʻlar summasidan foyda soligʻini toʻlashdan ozod etilsin.

8. Oʻzbekiston Respublikasi Tashqi ishlar vazirligi “Oʻzavtosanoat” uyushmasining talabnomalari boʻyicha “Oʻz-Se Myung Ko.” qoʻshma korxonasining xorijiy mutaxassislariga, vizalarni rasmiylashtirish uchun konsullik yigʻimlarini toʻlashdan ozod etgan holda, belgilangan tartibda koʻp martalik vizalar berilishini taʼminlasin.

9. Vazirlar Mahkamasining 1992-yil 5-noyabrdagi 509-son qarorining 6, 7-bandlarida nazarda tutilgan imtiyozlar va huquqlar “OʻzDEUavto” qoʻshma korxonasi avtomobillari uchun butlovchi buyumlar ishlab chiqaruvchi sifatida tashkil etilayotgan qoʻshma korxonaga ham joriy etilishi belgilab qoʻyilsin.

10. “Oʻzavtosanoat” uyushmasi uyushmani tarkibiy jihatdan xolding kompaniyasiga aylantirish toʻgʻrisida Vazirlar Mahkamasiga bir oy muddatda taklif kiritsin.

11. Mazkur qarorning bajarilishini nazorat qilish Oʻzbekiston Respublikasining Bosh vaziri Oʻ.T. Sultonov zimmasiga yuklansin.