LexUZ sharhi
Mazkur Farmon O‘zbekiston Respublikasi Prezidentining 2017-yil 11-sentabrdagi PF-5187-sonli “O‘zbekiston Respublikasi Prezidentining ayrim hujjatlariga o‘zgartishlar kiritish, ba’zilarini esa o‘z kuchini yo‘qotgan, deb hisoblash to‘g‘risida”gi Farmoniga asosan o‘z kuchini yo‘qotgan.
Xo‘jalik sudlari tuzilmasini yanada takomillashtirish va ularning iqtisodiy islohotlarni amalga oshirishdagi rolini oshirish maqsadida, O‘zbekiston Respublikasining “Sudlar to‘g‘risida”gi Qonunining 78-moddasiga asosan:
1. O‘zbekiston Respublikasi Oliy xo‘jalik sudining tuzilmasi va umumiy cheklangan soni 1-ilovaga muvofiq;
Qoraqalpog‘iston Respublikasi, viloyatlar va Toshkent shahar xo‘jalik sudlarining namunaviy tuzilmasi va umumiy cheklangan soni 2-ilovaga muvofiq tasdiqlansin.
O‘zbekiston Respublikasi Oliy xo‘jalik sudi raisiga xodimlarning tasdiqlangan umumiy cheklangan son doirasida xo‘jalik sudlarining tuzilmasiga o‘zgartirish kiritish huquqi berilsin.
2. O‘zbekiston Respublikasi Moliya vazirligi mazkur Farmondan kelib chiquvchi chora-tadbirlarni amalga oshirish uchun zarur mablag‘larni ajratsin.
3. O‘zbekiston Respublikasi Prezidentining 1996-yil 25-iyuldagi “O‘zbekiston Respublikasi xo‘jalik sudlarining tarkibini takomillashtirish to‘g‘risida”gi PF-1501-sonli Farmonining 2-bandi hamda uning ilovasi;
O‘zbekiston Respublikasi Prezidentining 1997-yil 5-fevraldagi “Xo‘jalik sudlari qarorlarining ijrosini ta’minlashga oid chora-tadbirlar to‘g‘risida”gi PF-1704-sonli Farmonining 1—4-bandlari o‘z kuchini yo‘qotgan deb hisoblansin.
4. Mazkur Farmon ijrosini nazorat qilish O‘zbekiston Respublikasi Prezidentining Davlat maslahatchisi I. Abdullayev zimmasiga yuklatilsin.