LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
Qishloq joylarda yakka tartibda uy-joy qurilishi ko‘lamlarini yanada kengaytirish, tasdiqlangan namunaviy loyihalar bo‘yicha yakka tartibda uy-joy qurilishi massivlarini kompleks tarzda qurish orqali qishloq aholisining uy-joy sharoitlari sifatini yaxshilash, qishloqlar hududlarining bosh rejalarini hamda ularni arxitektura-rejalashtirish jihatidan tashkil etish loyihalarini ishlab chiqish va amalga oshirish yo‘li bilan qishloqlar qiyofasini tubdan yaxshilash maqsadida Vazirlar Mahkamasi qaror qiladi:
2010-yilda qishloq joylarda namunaviy loyihalar bo‘yicha foydalanishga tayyor holda qurish shartlarida, “Qishloq qurilish bank” aksiyadorlik tijorat bankining imtiyozli ipoteka kreditlarini jalb etib, uylarni 2010-yilning III choragida foydalanishga topshirgan holda, yakka tartibda uy-joy qurilishining asosiy parametrlari 1-ilovaga* muvofiq;
2010-yilda qishloq joylarda yakka tartibda uy-joy qurilishi massivlarida tashqi muhandislik va transport kommunikatsiyalari obyektlari qurishning manzilli ro‘yxatlari 2-ilovaga* muvofiq;
2010-yilda qishloq joylarda ijtimoiy va bozor infratuzilmasi obyektlari qurilishining asosiy parametrlari va ularning manzilli ro‘yxati 3 va 3a-ilovalarga* muvofiq ma’qullansin.
4-ilovaga* muvofiq yashovchilar soni 10 ming kishidan ortiq bo‘lgan qishloq aholi punktlari va shahar posyolkalarining bosh rejalari;
yashovchilar soni 5 ming kishidan 10 ming kishigacha bo‘lgan qishloq aholi punktlari va shahar posyolkalarining bosh rejalari sxemalarini qurilishning birinchi navbatini ajratib ko‘rsatib birgalikda ishlab chiqqan holda 5-ilovaga* muvofiq qishloq fuqarolar yig‘inlari hududlarini arxitektura-rejalashtirish jihatidan tashkil etish loyihalarini 2010-yilda ishlab chiqishning manzilli dasturi tasdiqlansin.
3. “Qishloq qurilish bank” aksiyadorlik tijorat banki hamda “Qishloq qurilish invest” injiniring kompaniyasining 2010-yilda “Qishloq qurilish invest” injiniring kompaniyasining 6-ilovaga* muvofiq qurilish materiallari ishlab chiqarish korxonalarini ishga tushirish to‘g‘risidagi taklifi qabul qilinsin.
“Qishloq qurilish bank” aksiyadorlik tijorat banki bilan birgalikda 2010-yilda qishloq joylarda yakka tartibda uy-joy qurilishining asosiy parametrlarida nazarda tutilgan har bir uy-joy bo‘yicha yakka tartibda uy-joy quruvchilarning dastlabki badallarini yig‘ishni ikki hafta muddatda tugallasinlar;
suv ta’minoti tarmoqlari, mavzega kirish va mavze ichidagi avtomobil yo‘llari, shuningdek 2 va 3-ilovalarga muvofiq asosiy parametrlarga binoan qishloq qurilish massivlarida ijtimoiy infratuzilma obyektlari moliyalashtirilishini va qurilishini ta’minlasinlar.
5. “O‘zbekenergo” davlat-aksiyadorlik kompaniyasi hamda “O‘ztransgaz” aksiyadorlik kompaniyasi 2-ilovaga muvofiq qishloq qurilish massivlarida elektr ta’minoti va gaz ta’minoti tarmoqlari qurilishini o‘z mablag‘lari hisobiga ta’minlasinlar.
6. Qoraqalpog‘iston Respublikasi Vazirlar Kengashi, viloyatlar hokimliklari va O‘zbekiston Respublikasi “Davarxitektqurilish” qo‘mitasining 2009-2010-yillarda qishloq joylarda yakka tartibda uy-joy qurilishi asosiy parametrlarining bajarilishi yakunlariga ko‘ra, qishloq aholi punktini eng yaxshi qurish bo‘yicha “Eng yaxshi qishloq” tanlovi natijalarini 2010-yilning noyabr oyida chiqarish to‘g‘risidagi taklifiga rozilik berilsin.
7. O‘zbekiston Respublikasi Bosh prokuraturasi “Davarxitektqurilish” qo‘mitasi bilan birgalikda qishloq aholi punktlari qurilishi to‘g‘risidagi qonunchilik normalariga rioya etilishi yuzasidan nazoratni kuchaytirsin.
8. O‘zbekiston Respublikasi “Davarxitektqurilish” qo‘mitasi Qoraqalpog‘iston Respublikasi Vazirlar Kengashi va viloyatlar hokimliklari bilan birgalikda bir oy muddatda Nukus, Andijon, Qarshi, Samarqand va Farg‘ona shaharlarida “Qishloqqurilishloyiha” MChJ loyihalash-qidiruv institutining mintaqaviy filiallarini tashkil etish chora-tadbirlarini ko‘rsinlar, quyidagilarni ularning asosiy vazifalari etib belgilasinlar:
yashovchilar soni 5 ming kishidan kam bo‘lgan qishloq fuqarolar yig‘inlari va qishloq aholi punktlari hududlarini arxitektura-rejalashtirish jihatidan tashkil etish loyihalarini ishlab chiqish;
yakka tartibda uy-joy qurish uchun ajratiladigan yer massivlarini, qishloq uy-joylarining hamda ijtimoiy-madaniy va maishiy obyektlarning tasdiqlangan namunaviy loyihalarini qo‘llagan holda kompleks qurish loyihalarini ishlab chiqish;
hududlarni arxitektura-rejalashtirish jihatidan tashkil etish va joriy qurish loyihalarini amalga oshirishda mualliflik nazoratining sifatli olib borilishini ta’minlash.
9. Belgilab qo‘yilsinki, “Qishloqqurilishloyiha” MChJ loyihalash-qidiruv institutining mintaqaviy filiallari tomonidan ishlab chiqilgan qishloq fuqarolar yig‘inlari hududlarini arxitektura-rejalashtirish jihatidan tashkil etish, qishloq aholi punktlari hududlarini hamda yakka tartibda uy-joy qurish uchun ajratiladigan yer massivlarini kompleks rivojlantirish loyihalari “Qishloqqurilish-loyiha” MChJ loyihalash-qidiruv institutining ilmiy-texnika kengashi tomonidan ekspertizadan o‘tkazilishi va tasdiqlanishi kerak.
10. O‘zbekiston Respublikasi Iqtisodiyot vazirligiga “Davarxitektqurilish” qo‘mitasi bilan birgalikda, o‘tkazilgan tanlov savdolari natijalariga va alohida qurilishlar hamda ijtimoiy va bozor infratuzilmasi, tashqi muhandislik va transport kommunikatsiyalari obyektlari qurilishi uchun mablag‘larning amalda o‘zlashtirilishiga ko‘ra, tasdiqlangan limitlar doirasida 2010-yilgi qurilishning manzilli ro‘yxatlariga o‘zgartirishlar kiritish huquqi berilsin.
11. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari B.A.Xo‘jayev zimmasiga yuklansin.