Oʻzbekiston Respublikasi Prezidentining “Oʻzbekiston Respublikasi Vazirlar Mahkamasining ijro etuvchi tuzilmasini qisman oʻzgartirish toʻgʻrisida” 2009-yil 13-noyabrdagi PQ-1227-son qaroriga muvofiq:

1. Oʻzbekiston Respublikasi Prezidentining ayrim qarorlariga 1-ilovaga muvofiq oʻzgartirishlar kiritilsin.

2. Oʻzbekiston Respublikasi Prezidentining 2-ilovaga muvofiq baʼzi qarorlari oʻz kuchini yoʻqotgan deb hisoblansin.

3. Mazkur qarorning bajarilishini nazorat qilish Oʻzbekiston Respublikasining Bosh vaziri Sh.M.Mirziyoyev zimmasiga yuklansin.

1. Oʻzbekiston Respublikasi Prezidentining “Baʼzi respublika komissiyalari va kengashlari tarkiblari hamda ularning faoliyatini tashkil etish masalalari toʻgʻrisida” 2006-yil 21-iyuldagi PQ-423-son qarorida:

1 va 2-ilovalardagi “Hakimov Sh.X. — Vazirlar Mahkamasining Iqtisodiyot va tashqi iqtisodiy aloqalar masalalari yigʻma axborot-tahlil departamenti mudiri” soʻzlari “lavozimiga koʻra — Vazirlar Mahkamasining Makroiqtisodiy rivojlantirish, iqtisodiyotdagi tarkibiy oʻzgartirishlar va hududlarni kompleks rivojlantirish yigʻma axborot-tahlil departamenti mudiri” soʻzlari bilan almashtirilsin;

3-ilovada:

“Tashqi iqtisodiy aloqalar, investitsiyalar va savdo vaziri” soʻzlari “Bosh vazir oʻrinbosari, Tashqi iqtisodiy aloqalar, investitsiyalar va savdo vaziri” soʻzlari bilan almashtirilsin;

“Asqarov M.A.– Iqtisodiyot va tashqi iqtisodiy aloqalar masalalari yigʻma axborot-tahlil departamenti mudiri oʻrinbosari” soʻzlari “lavozimiga koʻra – Vazirlar Mahkamasining Tashqi iqtisodiy faoliyat, xorijiy investitsiyalarni jalb etish va ishlab chiqarishni mahalliylashtirish masalalari axborot-tahlil departamenti mudiri” soʻzlari bilan almashtirilsin;

“Rahimov B. – Iqtisodiyot va tashqi iqtisodiy aloqalar masalalari yigʻma axborot-tahlil departamenti yetakchi mutaxassisi” soʻzlari “lavozimiga koʻra – Vazirlar Mahkamasining Tashqi iqtisodiy faoliyat, xorijiy investitsiyalarni jalb etish va ishlab chiqarishni mahalliylashtirish masalalari axborot-tahlil departamenti bosh mutaxassisi” soʻzlari bilan almashtirilsin.

2. Oʻzbekiston Respublikasi Prezidentining “Osiyo taraqqiyot banki ishtirokida “Qashqadaryo va Navoiy viloyatlari qishloq aholi punktlarining suv taʼminoti va sanitariyasi” loyihasini amalga oshirish chora-tadbirlari toʻgʻrisida” 2007-yil 8-yanvardagi PQ-555-son qaroriga 4-ilovadagi “Abdualiyev A.X.– Vazirlar Mahkamasining Iqtisodiyot va tashqi iqtisodiy aloqalar masalalari yigʻma axborot-tahlil departamenti bosh mutaxassisi” soʻzlari “lavozimiga koʻra – Vazirlar Mahkamasining Tashqi iqtisodiy faoliyat, xorijiy investitsiyalarni jalb etish va ishlab chiqarishni mahalliylashtirish masalalari axborot-tahlil departamenti bosh mutaxassisi” soʻzlari bilan almashtirilsin.

3. Oʻzbekiston Respublikasi Prezidentining “Oʻzbekiston Respublikasi Vazirlar Mahkamasining Ijro etuvchi tuzilmasini qisman oʻzgartirish toʻgʻrisida” 2008-yil 9-apreldagi PQ-834-son qarori 6-bandining toʻrtinchi xatboshidagi “uning oʻrinbosarlari” soʻzlari “ushbu boʻlimning bosh mutaxassislari” soʻzlari bilan almashtirilsin.

4. Oʻzbekiston Respublikasi Prezidentining “Innovatsion loyihalar va texnologiyalarni ishlab chiqarishga tatbiq etishni ragʻbatlantirish borasidagi qoʻshimcha chora-tadbirlar toʻgʻrisida” 2008-yil 15-iyuldagi PQ-916-son qaroriga 2- ilovadagi “Vazirlar Mahkamasining Iqtisodiyot va tashqi iqtisodiy aloqalar masalalari” soʻzlari “Vazirlar Mahkamasining Tashqi iqtisodiy faoliyat, xorijiy investitsiyalarni jalb etish va ishlab chiqarishni mahalliylashtirish masalalari” soʻzlari bilan almashtirilsin.

5. Oʻzbekiston Respublikasi Prezidentining 2008-yil 24-iyuldagi PQ-927-son qarori bilan tasdiqlangan Xorijiy investitsiyalar va kreditlarni jalb etish va oʻzlashtirish tartibi toʻgʻrisidagi nizomda:

a) 4-bandda:

“i” kichik bandi quyidagi tahrirda bayon qilinsin:

“i) Vazirlar Mahkamasining Makroiqtisodiy rivojlantirish, iqtisodiyotdagi tarkibiy oʻzgartirishlar va hududlarni kompleks rivojlantirish yigʻma axborot-tahlil departamenti quyidagilarni amalga oshiradi:

kiritilayotgan Investitsiya dasturlari, tarmoqlar va mintaqalarni rivojlantirish dasturlari loyihalarini har tomonlama tahlil qilish va ekspertizadan oʻtkazish, jumladan ularni amalga oshirishda kutilayotgan natijalarni kompleks baholash;

Vazirlar Mahkamasining tegishli axborot-tahlil departamentlari bilan birgalikda xorijiy investorlar va kreditorlarning takliflari boʻyicha xulosalar tayyorlash, loyihalarni amalga oshirishning samarali va oʻta maqbul sxemalarini tanlash;

Vazirlar Mahkamasining axborot-tahlil departamentlari, ishchi organ-boshqaruvchi idora tomonidan belgilangan vazirliklar va idoralar, mahalliy davlat hokimiyati va boshqaruvi organlarining investitsiya loyihalarini, shu jumladan Investitsiya dasturiga kiritilgan loyihalarni oʻz vaqtida tayyorlash va amalga oshirishni taʼminlash boʻyicha faoliyatini muvofiqlashtirish;

Vazirlar Mahkamasining tegishli axborot-tahlil departamentlari bilan aniq investitsiya loyihalari boʻyicha Hukumat qarorlari loyihalarini kompleks ekspertizadan oʻtkazish;

Investitsiya dasturlarini, tarmoqlar va hududlarni rivojlantirish dasturlarini amalga oshirishning monitoringi natijalarini umumlashtirish va kompleks tahlil qilish, ular asosida tasdiqlangan parametrlarga soʻzsiz erishish boʻyicha takliflar va tadbirlar ishlab chiqish”;

quyidagi mazmundagi “i¹” kichik band qoʻshilsin:

“i¹) Vazirlar Mahkamasining Tashqi iqtisodiy faoliyat, xorijiy investitsiyalarni jalb etish va ishlab chiqarishni mahalliylashtirish masalalari axborot-tahlil departamenti quyidagilarni amalga oshiradi:

iqtisodiyotni modernizatsiya qilish, ishlab chiqarishni texnik va texnologik qayta jihozlashning ustuvor loyihalarini amalga oshirish uchun xorijiy investitsiyalarni, birinchi navbatda – toʻgʻridan-toʻgʻri xorijiy investitsiyalarni jalb etish boʻyicha kompleks chora-tadbirlarni ishlab chiqish va ularni. amalga oshirishda ishtirok etish;

potensial investorlarni Oʻzbekiston Respublikasidagi investitsiyaviy muhit, jumladan investitsiyalash masalalarining asosiy tartibotlari, shuningdek taklif qilinayotgan investitsiya hajmi toʻgʻrisidagi axborot bilan taʼminlash boʻyicha ishlarni muvofiqlashtirish;

xorijiy investorlar bilan investitsiya shartnomalari tuzish va shartnomalarning shartlariga rioya qilish, oʻz vaqtida moliyalashtirishni ochish hamda xorijiy investorlar va kreditorlar tomonidan qabul qilingan majburiyatlar bajarilishi yuzasidan monitoringni amalga oshirish;

Vazirlar Mahkamasining tarkibiy boʻlinmalari bilan birgalikda TIA (TIH), yirik va strategik muhim investitsiya loyihalarini moliyalashtirish sxemalarini koʻrib chiqish;

xalqaro moliya va iqtisodiy institutlar hamda boshqa investorlar bilan xorijiy investitsiyalar va kreditlarni jalb qilish, shuningdek hamkorlikning ustuvor va istiqbolli yoʻnalishlari boʻyicha takliflarni ishlab chiqish masalalari boʻyicha hamkorlik dasturlari ishlab chiqilishini muvofiqlashtirish”;

b) 18-bandning beshinchi xatboshi quyidagi tahrirda bayon qilinsin:

“Vazirlar Mahkamasining tegishli axborot-tahlil departamenti Makroiqtisodiy rivojlantirish, iqtisodiyotdagi tarkibiy oʻzgartirishlar va hududlarni kompleks rivojlantirish masalalari yigʻma axborot-tahlil departamenti hamda Tashqi iqtisodiy faoliyat, xorijiy investitsiyalarni jalb etish va ishlab chiqarishni mahalliylashtirish masalalari axborot-tahlil departamenti bilan kelishgan holda kiritilgan hujjatlar asosida Vazirlar Mahkamasining tegishli axborot-tahlil departamentiga mutasaddilik qiluvchi Bosh vazir oʻrinbosari tasdiqlaydigan qoʻshma xulosa tayyorlaydilar”;

v) 30-band quyidagi tahrirda bayon qilinsin:

“30. Tashqi iqtisodiy aloqalar, investitsiyalar va savdo vazirligi har oyda Vazirlar Mahkamasining har oyda Makroiqtisodiy rivojlantirish, iqtisodiyotdagi tarkibiy oʻzgartirishlar va hududlarni kompleks rivojlantirish masalalari yigʻma axborot-tahlil departamentiga hamda Tashqi iqtisodiy faoliyat, xorijiy investitsiyalarni jalb etish va ishlab chiqarishni mahalliylashtirish masalalari axborot-tahlil departamentiga maʼlumotlar bazasiga kiritilgan investitsiya takliflarining amalga oshirilishi toʻgʻrisida axborot beradi.

Tasdiqlangan tarmoq jadvallaridan orqada qolinganda Tashqi iqtisodiy aloqalar, investitsiyalar va savdo vazirligi sabablarini va qoloqlikni bartaraf etish yuzasidan takliflar koʻrsatgan holda axborot kiritadi. Makroiqtisodiy rivojlantirish, iqtisodiyotdagi tarkibiy oʻzgartirishlar va hududlarni kompleks rivojlantirish masalalari yigʻma axborot-tahlil departamenti hamda Tashqi iqtisodiy faoliyat, xorijiy investitsiyalarni jalb etish va ishlab chiqarishni mahalliylashtirish masalalari axborot-tahlil departamenti Vazirlar Mahkamasining tegishli axborot-tahlil departamenti bilan birgalikda yuzaga kelgan muammolarni hal qilishga qaratilgan chora-tadbirlar koʻradilar”;

g) 32-bandning uchinchi xatboshi quyidagi tahrirda bayon qilinsin:

“Vazirlar Mahkamasining Tashqi iqtisodiy faoliyat, xorijiy investitsiyalarni jalb etish va ishlab chiqarishni mahalliylashtirish masalalari axborot-tahlil departamentiga belgilangan shakl boʻyicha davlat tashqi qarzi va geografiyasi boʻyicha axborot taqdim etadi”.

d) 33-bandning toʻrtinchi xatboshi quyidagi tahrirda bayon qilinsin:

“Oʻzbekiston Respublikasi Tiklanish va taraqqiyot jamgʻarmasi har oyda monitoring natijalarini Vazirlar Mahkamasining Makroiqtisodiy rivojlantirish, iqtisodiyotdagi tarkibiy oʻzgartirishlar va hududlarni kompleks rivojlantirish masalalari yigʻma axborot-tahlil departamentiga taqdim etadi”;

e) 35-bandning yettinchi xatboshi quyidagi tahrirda bayon qilinsin:

“Iqtisodiyot vazirligi Vazirlar Mahkamasining Makroiqtisodiy rivojlantirish, iqtisodiyotdagi tarkibiy oʻzgartirishlar va hududlarni kompleks rivojlantirish masalalari yigʻma axborot-tahlil departamentiga Investitsiya dasturining aniq qismini va rivojlantirish dasturlarini amalga oshirishdagi muammoli masalalarni koʻrsatgan holda umumlashtirilgan monitoring natijalarini, shuningdek aniqlangan kamchiliklarni bartaraf etish yuzasidan takliflar va zarur chora-tadbirlarni taqdim etadi”;

j) 36-band quyidagi tahrirda bayon qilinsin:

“36. Har oyda tegishli qaror qabul qilish uchun tegishli axborot-tahlil departamenti Makroiqtisodiy rivojlantirish, iqtisodiyotdagi tarkibiy oʻzgartirishlar va hududlarni kompleks rivojlantirish masalalari yigʻma axborot-tahlil departamenti hamda Tashqi iqtisodiy faoliyat, xorijiy investitsiyalarni jalb etish va ishlab chiqarishni mahalliylashtirish masalalari axborot-tahlil departamenti bilan birgalikda Vazirlar Mahkamasi Prezidiumiga koʻrib chiqish uchun xorijiy investitsiyalarni va kreditlarni jalb qilgan holda investitsiya loyihalari amalga oshirilishi monitoringining umumlashtirilgan natijalarini kiritadilar”.

6. Oʻzbekiston Respublikasi Prezidentining “Oʻzbekiston Respublikasi Davlat-tijorat Xalq bankining kapitallashuvini yanada koʻpaytirish va investitsion faolligini oshirish chora-tadbirlari toʻgʻrisida” 2008-yil 16-oktabrdagi PQ-986- son qaroriga 2-ilovadagi “Boqiyev F.X. — Oʻzbekiston Respublikasi Vazirlar Mahkamasining Iqtisodiyot va tashqi iqtisodiy aloqalar masalalari yigʻma axborot- tahlil departamenti mudirining oʻrinbosari” soʻzlari “lavozimiga koʻra — Makroiqtisodiy rivojlantirish, iqtisodiyotdagi tarkibiy oʻzgartirishlar va hududlarni kompleks rivojlantirish masalalari yigʻma axborot-tahlil departamenti mudiri birinchi oʻrinbosari” soʻzlari bilan almashtirilsin.

7. Oʻzbekiston Respublikasi Prezidentining “Osiyo taraqqiyot banki boshqaruvchilar kengashining har yillik majlisini tayyorlash va oʻtkazish toʻgʻrisida” 2009-yil 3-iyuldagi PQ-1149-son qaroriga 1-ilovadagi “Asqarov M.A.— Vazirlar Mahkamasining Iqtisodiyot va tashqi iqtisodiy aloqalar masalalari yigʻma axborot-tahlil departamenti mudirining oʻrinbosari” soʻzlari “lavozimiga koʻra — Vazirlar Mahkamasining Tashqi iqtisodiy faoliyat, xorijiy investitsiyalarni jalb etish va ishlab chiqarishni mahalliylashtirish masalalari axborot-tahlil departamentining mudiri” soʻzlari bilan almashtirilsin.

8. Oʻzbekiston Respublikasi Prezidentining 2005-yil 4-fevraldagi F-2118- son farmoyishi bilan tasdiqlangan Oʻzbekiston Respublikasi Vazirlar Mahkamasining qarorlari va farmoyishlari loyihalarini ishlab chiqish, kelishish va imzolash tartibi toʻgʻrisidagi Nizomning 11-bandidagi, 12-bandning uchinchi xatboshidagi va 13-bandidagi “Iqtisodiyot va tashqi iqtisodiy aloqalar” soʻzlari “Makroiqtisodiy rivojlantirish, iqtisodiyotdagi tarkibiy oʻzgartirishlar va hududlarni kompleks rivojlantirish” soʻzlari bilan almashtirilsin.

1. Oʻzbekiston Respublikasi Prezidentining “Oʻzbekiston Respublikasi Vazirlar Mahkamasining ijro etuvchi tuzilmasini qisman oʻzgartirish toʻgʻrisida” 2008-yil 9-yanvardagi PQ-770-son qarorining 1-bandi, shuningdek qarorga 2-ilova.

2. Oʻzbekiston Respublikasi Prezidentining “Oʻzbekiston Respublikasi Vazirlar Mahkamasining ijro etuvchi tuzilmasini qisman oʻzgartirish toʻgʻrisida” 2008-yil 9-apreldagi PQ-834-son qarorining 5-bandi, shuningdek qarorga 2-ilova.

3. Oʻzbekiston Respublikasi Prezidentining “Oʻzbekiston Respublikasi Vazirlar Mahkamasining ijro etuvchi tuzilmasiga oʻzgartirishlar kiritish toʻgʻrisida” 2009-yil 27-oktabrdagi PQ-1211-son qarorining 3-bandi, shuningdek qarorga ilova.