LexUZ sharhi
Mazkur qaror O‘zbekistan Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
Respublika iqtisodiyoti va aholisining sellyuloza, qog‘oz va o‘quvchilar daftarlariga bo‘lgan ehtiyojini to‘liqroq qondirish, mahalliy xomashyo va mehnat resurslaridan oqilona foydalanish, “O‘zbekqog‘oz” aksiyadorlik jamiyati va qurilayotgan Yangiyo‘l sellyuloza-qog‘oz fabrikasining ishlab chiqarish quvvatlaridan foydalanish samaradorligini oshirish maqsadida Vazirlar Mahkamasi qaror qiladi:
1. “O‘zbekmebel” davlat-aksiyadorlik birlashmasining “O‘zbekqog‘oz” aksiyadorlik jamiyatining Yangiyo‘l sellyuloza-qog‘oz fabrikasida uni rekonstruksiya qilish hisobiga paxta lintidan xomashyo sifatida foydalangan holda 2000-yilda yiliga 20 ming tonna sellyuloza va 12 ming tonna qog‘oz ishlab chiqarish quvvatlarini barpo etish to‘g‘risidagi taklifiga rozilik berilsin.
2. Loyihani amalga oshirish bo‘yicha bosh buyurtmachi etib “O‘zbekqog‘oz” aksiyadorlik jamiyati, bosh loyihalashtiruvchi etib — “O‘zengsanloyiha” loyihalashtirish instituti (4-DLI) belgilansin.
3. “O‘zbekqog‘oz” aksiyadorlik jamiyatini rekonstruksiya qilishning loyihaning 1-ilovaga* muvofiq texnik-iqtisodiy ko‘rsatkichlariga ega bo‘lgan texnik-iqtisodiy asoslanishi tasdiqlansin.
* 1-ilova rus tilidagi matnida berilgan.
“O‘zengsanloyiha” instituti “O‘zbekqog‘oz” aksiyadorlik jamiyatining Yangiyo‘l uchastkasini rekonstruksiya qilishning loyiha-smeta hujjatlarini ishlab chiqishni ikki oy muddatda tugallasin.
“O‘zbekqog‘oz” aksiyadorlik jamiyati tomonidan 20 ming tonna sellyuloza ishlab chiqarish bo‘yicha asbob-uskunalar yetkazib berishga “Klekstarl” (Fransiya) firmasi bilan 75 mln Fransiya frankiga kontrakt tuzilganligi;
asbob-uskunalar kontrakt qiymatining 85 foizi “Kofas” (Fransiya) jamiyatining sug‘urta qoplamasi ostida Fransiyaning “Sosyete Jeneral” banki krediti hisobiga, kontrakt qiymatining 15 foizi esa — “O‘zbekqog‘oz” aksiyadorlik jamiyati mablag‘lari hisobiga moliyalanishi;
xorijiy bank kreditini, u bo‘yicha foizlarni to‘lash va unga xizmat ko‘rsatish xarajatlarini qoplash yangidan ishga tushirilayotgan sellyuloza-qog‘oz fabrikasining ishlab chiqarish faoliyati hisobiga 2-ilovaga* muvofiq amalga oshirilishi;
* 2-ilova rus tilidagi matnida berilgan
“O‘zbekqog‘oz” aksiyadorlik jamiyati lintdan ishlab chiqariladigan kamida 10 ming tonna sellyulozani har yili belgilangan tartibda eksportga yetkazib berishi ma’lumot uchun qabul qilinsin.
5. O‘zbekiston Respublikasi Tashqi iqtisodiy faoliyat milliy banki sug‘urta mukofoti qo‘shilgan kontrakt qiymatining 85 foizini “Klekstral” firmasi tomonidan mablag‘ bilan ta’minlashga “Kofas” (Fransiya) jamiyatining sug‘urta qoplamasi ostida xorijiy bank bilan kredit bitimlari tuzilishini belgilangan tartibda ta’minlasin va olingan mablag‘larni “O‘zbekqog‘oz” aksiyadorlik jamiyatiga qayta moliyalansin.
6. Moliya vaziri Tashqi iqtisodiy faoliyat milliy bankining xorijiy bank oldidagi majburiyatlari va “O‘zbekqog‘oz” aksiyadorlik jamiyatining Tashqi iqtisodiy faoliyat milliy banki oldidagi majburiyatlari bo‘yicha O‘zbekiston Respublikasi Hukumati nomidan belgilangan tartibda kafolat berishga vakil qilinsin.
7. O‘zbekiston Respublikasi Adliya vazirligi xorijiy bankka berilgan O‘zbekiston Respublikasi Hukumati kafolati bo‘yicha yuridik xulosani kredit bitimiga ilovada belgilangan shakl bo‘yicha belgilangan tartibda rasmiylashtirsin.
8. “O‘zbekqog‘oz” aksiyadorlik jamiyatiga ajratilgan kreditlarni va ular bo‘yicha foizlarni o‘z vaqtida to‘lashni ta’minlash uchun:
“O‘zbekqog‘oz” aksiyadorlik jamiyati kreditlarni qaytarish davrida mulk solig‘i, yer solig‘i, keltiriladigan asbob-uskunalarga, shuningdek qog‘oz ishlab chiqarish uchun materiallar, xomashyo va kimyoviy moddalarga (bojxonada rasmiylashtirish uchun yig‘imlar bundan mustasno) bojxona to‘lovlari to‘lashdan ozod qilinsin;
“O‘zbekqog‘oz” aksiyadorlik jamiyatiga aksiyalarning davlat paketiga to‘lanadigan dividendlarning ellik foizini, ushbu mablag‘larni keyinchalik aksiyadorlik jamiyati ustav fondidagi davlat ulushiga qo‘shgan holda, kreditlarni to‘lashga yo‘naltirishga ruxsat berilsin.
13. O‘zbekiston Respublikasi Makroiqtisodiyot va statistika vazirligi 2000-yilning ikkinchi yarim yilligidan boshlab paxta linti ishlab chiqarish va undan foydalanish balanslarida “O‘zbekqog‘oz” aksiyadorlik jamiyati uchun O‘zbekiston Respublikasi Moliya vazirligi tomonidan tasdiqlangan paxta linti preyskurantiga muvofiq sellyuloza ishlab chiqarish uchun zarur bo‘lgan hajmda va turda paxta linti ajratishni nazarda tutsin.
“O‘zdavpaxtasanoatsotish” uyushmasi 2000-yilning ikkinchi yarim yilligidan boshlab har yili “O‘zbekqog‘oz” aksiyadorlik jamiyati ehtiyojlari uchun lint tegishli standartda tozalanishi va belgilangan hajmda berilishini ta’minlasin.