Oldingi tahrirga qarang.
(qaror nomi O‘zbekiston Respublikasi Vazirlar Mahkamasining 2007-yil 4-yanvardagi 7-son qarori tahririda — O‘R QHT, 2007-y., 1-2-son, 13-modda)
LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
Pillani qayta ishlash hajmlarini ko‘paytirish, xorijiy investitsiyalar va kreditlarni jalb etish asosida ishlab chiqarishni zamonaviylashtirish, shuningdek pillakashlik korxonalarining eksport imkoniyatini kengaytirish maqsadida Vazirlar Mahkamasi qaror qiladi:
1. “O‘zbek ipagi” uyushmasining 2001-2002-yillarda tarmoqning pillakashlik korxonalarini texnika bilan qayta jihozlash, 2005-yilda ipak ip xomashyosi ishlab chiqarishni 2525 tonnaga yetkazish to‘g‘risidagi taklifiga 1-ilovaga* muvofiq rozilik berilsin.
2. Belgilab qo‘yilsinki, “O‘zbek ipagi” uyushmasining pillakashlik korxonalarini texnika bilan qayta jihozlash bo‘yicha umumiy qiymati 24,96 mln AQSh dollari bo‘lgan loyihasini mablag‘ bilan ta’minlash 2-ilovaga* muvofiq:
Koreya Respublikasi Eksimbankining 12,75 mln AQSh dollari miqdoridagi mablag‘larini (ko‘rsatib o‘tilgan kontraktlar qiymatining 85 foizi) qayta moliyalashtirish yo‘li bilan O‘zbekiston Respublikasi Tashqi iqtisodiy faoliyat milliy banki krediti hisobiga;
eksport qilinadigan ipak xomashyosi uchun “IDM Corporation” firmasining 2,25 mln AQSh dollari (kontraktlar qiymatining 15 foizi) miqdoridagi avans to‘lovlari hisobiga;
“O‘zbek ipagi” uyushmasining import jihozlarni montaj qilish bo‘yicha ish hajmlariga kirmaydigan qurilish-montaj ishlari xarajatlarini qoplash uchun 6,43 mln AQSh dollariga teng miqdordagi o‘z mablag‘lari hisobiga;
aylanma mablag‘larni to‘ldirishga yo‘naltiriladigan, 3,53 mln AQSh dollariga teng bo‘lgan milliy valyutadagi kreditlar hisobiga amalga oshiriladi.
3. Belgilansinki, xorijiy bankning kreditini asosiy qarz, foizlar, sug‘urta mukofoti, vositachilik haqi va kreditga xizmat ko‘rsatish yuzasidan boshqa xarajatlar bo‘yicha qaytarish 2007-yildan boshlab “O‘zbekyengilsanoat” davlat-aksiyadorlik kompaniyasi tomonidan, kompaniya korxonalarining xo‘jalik faoliyati natijasida tushadigan o‘z valyuta mablag‘lari hisobiga 3-ilovaga* muvofiq prognoz jadvali bo‘yicha amalga oshiriladi.
(3-band O‘zbekiston Respublikasi Vazirlar Mahkamasining 2007-yil 4-yanvardagi 7-son qarori tahririda — O‘R QHT, 2007-y., 1-2-son, 13-modda)
texnologik jihozlar yetkazib berish, ularni keltirish, montaj qilish, ishga tushirish va kadrlarni o‘qitish yuzasidan qiymati 15 mln AQSh dollari bo‘lgan;
Koreya Respublikasi Eksimbanki krediti bo‘yicha majburiyatlarni va “IDM Corporation” firmasi oldidagi majburiyatlarni bajarish uchun texnika bilan qayta jihozlanadigan korxonalarning yangi ishga tushiriladigan jihozlarida ishlab chiqarilgan ipak ip xomashyosining 80 foizini eksport qilish yuzasidan kontraktlar tuzilganligi ma’lumot uchun qabul qilinsin.
Oldingi tahrirga qarang.
5. O‘zbekiston Respublikasi Tashqi iqtisodiy faoliyat milliy banki Koreya Respublikasi Eksimbankining kredit resurslarini belgilangan tartibda jalb etsin va ularni ushbu qarorga muvofiq qayta moliyalashtirsin.
(5-band O‘zbekiston Respublikasi Vazirlar Mahkamasining 2007-yil 4-yanvardagi 7-son qarori tahririda— O‘R QHT, 2007-y., 1-2-son, 13-modda)
6. O‘zbekiston Respublikasi Moliya vaziri O‘zbekiston Respublikasi Hukumati nomidan Tashqi iqtisodiy faoliyat milliy bankining to‘lov majburiyatlari bo‘yicha Koreya Respublikasi Eksimbankiga hamda “O‘zbek ipagi” uyushmasining to‘lov majburiyatlari bo‘yicha Tashqi iqtisodiy faoliyat milliy bankiga belgilangan tartibda kafolatnomalar berishga vakil qilinsin.
7. O‘zbekiston Respublikasi Adliya vazirligi Koreya Respublikasi Eksimbankiga O‘zbekiston Respublikasi Hukumatining kafolatnomasi yuzasidan yuridik xulosani kredit bitimiga ilovada belgilangan shakl bo‘yicha belgilangan tartibda rasmiylashtirsin.
Oldingi tahrirga qarang.
8. “O‘zbekyengilsanoat” davlat-aksiyadorlik kompaniyasi va uning tarkibiga kiruvchi pillakashlik korxonalari ushbu loyihani amalga oshirish doirasida asbob-uskunalar, xizmatlar va ehtiyot qismlarni import qilishda bojxona to‘lovlaridan (bojxona rasmiylashtirishi uchun yig‘imlardan tashqari) ozod qilinsin.
(8-band O‘zbekiston Respublikasi Vazirlar Mahkamasining 2007-yil 4-yanvardagi 7-son qarori tahririda— O‘R QHT, 2007-y., 1-2-son, 13-modda)
Oldingi tahrirga qarang.
10. O‘zbekiston Respublikasi Tashqi ishlar vazirligi va Ichki ishlar vazirligi “O‘zbekyengilsanoat” davlat-aksiyadorlik kompaniyasi buyurtmanomalariga binoan, ushbu loyihani amalga oshirish uchun keluvchi xorijiy mutaxassislarga, ularni davlat bojlari to‘lovidan ozod qilgan holda, ko‘p martalik vizalar berishni, ularni vaqtinchalik ro‘yxatdan o‘tkazishni va vaqtinchalik ro‘yxatdan o‘tkazish muddatini uzaytirishni ta’minlasinlar.
(10-band O‘zbekiston Respublikasi Vazirlar Mahkamasining 2007-yil 4-yanvardagi 7-son qarori tahririda — O‘R QHT, 2007-y., 1-2-son, 13-modda)