LexUZ sharhi
Mazkur qaror O‘zbekiston Respublikasi Vazirlar Mahkamasining 2022-yil 21-iyuldagi 396-sonli “Qonunchilik bazasini yanada tizimlashtirish chora-tadbirlari to‘g‘risida”gi qaroriga asosan o‘z kuchini yo‘qotgan.
Sho‘rtan konida tabiiy gaz va kondensat qazib olishning erishilgan darajasini saqlab turish maqsadida Vazirlar Mahkamasi qaror qiladi:
1. “O‘zbekneftgaz” milliy xolding kompaniyasining Sho‘rtan konida qo‘shimcha siquvchi kompressor stansiyasi qurish va uni 2003-yilda foydalanishga topshirish to‘g‘risidagi taklifi qabul qilinsin (1-ilova*).
* 1-ilova rus tilidagi matnda berilgan.
2. “O‘zbekneftgaz” milliy xolding kompaniyasiga Sho‘rtan konida umumiy qiymati 158,5 mln AQSh dollariga teng, shu jumladan 118,5 mln AQSh dollari kompressor stansiyasi qiymati va 40 mln AQSh dollari jalb etilgan asbob-uskunalar qiymati, qo‘shimcha siquvchi kompressor stansiyasi qurilishi bo‘yicha injiniring, asbob-uskunalar yetkazib berish, otaliq-montaj ishlari va mualliflik nazorati yuzasidan “Beytman Prodjekts (1993) Ltd” (Isroil) kompaniyasi bilan kontrakt tuzishga ruxsat berilsin.
3. Belgilansinki, loyihaning valyuta qismi “O‘zbekneftgaz” milliy xolding kompaniyasiga O‘zbekiston Respublikasi Hukumati kafolati ostida beriladigan xorijiy banklarning 195,41 mln AQSh dollari miqdoridagi kreditlari, shu jumladan:
7 yil muddatga beriladigan, shu jumladan imtiyozli davr 2 yil, AQShning Eksport-import bankining sug‘urta qoplamasi ostidagi 103,14 mln AQSh dollari miqdoridagi kredit;
7 yil muddatga beriladigan, shu jumladan imtiyozli davr 2 yil, IFTRIK agentligining (Isroil) sug‘urta qoplamasi ostidagi 42,78 mln AQSh dollari miqdoridagi kredit;
avans to‘lovi, kontrakt qiymatining qoplanmagan qismini mablag‘ bilan ta’minlash va qurilish davrida xorijiy kreditlarga xizmat ko‘rsatish bo‘yicha moliyaviy xarajatlar uchun 49,5 mln AQSh dollari miqdoridagi tijorat krediti hisobiga mablag‘ bilan ta’minlanadi.
Xorijiy kreditlar va ular bo‘yicha foizlar kredit oluvchi— “O‘zbekneftgaz” milliy xolding kompaniyasining o‘z mablag‘lari hisobiga kredit bitimlarida belgilangan muddatlarda qaytariladi (2-ilova*).
* 2-ilova rus tilidagi matnda berilgan.
“O‘zbekneftgaz” kompaniyasi va uning tarkibiy bo‘linmalarining o‘z mablag‘lari milliy valyutadagi xarajatlarni qoplash manbai hisoblanishi ma’lumot uchun qabul qilinsin.
Sho‘rtan konida qo‘shimcha siquvchi kompressor stansiyasi qurilishi bo‘yicha bosh buyurtmachi etib “O‘zbekneftgaz” milliy xolding kompaniyasining “O‘zgeoneftgazqazibolish” aksiyadorlik kompaniyasi;
Sho‘rtan konida qo‘shimcha siquvchi kompressor stansiyasi, shu jumladan texnologiya qismini qurish bo‘yicha bosh pudratchi etib “O‘zbekneftgaz” milliy xolding kompaniyasining “O‘zneftgazqurilish” aksiyadorlik kompaniyasi;
tashqi elektr ta’minoti obyektlari qurilishi bo‘yicha buyurtmachi va bosh pudratchi etib Energetika va elektrlashtirish vazirligi (bosh buyurtmachining mablag‘lari hisobiga);
Sho‘rtan konida qo‘shimcha siquvchi kompressor stansiyasining bosh loyihalovchisi etib, texnologiya qismi bundan mustasno, subpudrat shartlarida O‘zbekiston Respublikasining loyiha institutlari jalb etilgan holda “O‘zbekneftgaz” milliy xolding kompaniyasining “O‘zbekiston neft va gaz ilmiy-tadqiqot ishlab chiqarish instituti” ochiq aksiyadorlik jamiyati belgilansin.
5. “O‘zbekneftgaz” milliy xolding kompaniyasi O‘zbekiston Respublikasi Moliya vazirligi bilan birgalikda 3 oy muddatda kredit beruvchi banklar bilan bitimlarni ishlab chiqishni tugallasin va tuzsin.
Moliya vaziri mazkur loyiha uchun jalb etilayotgan xorijiy kreditlar bo‘yicha O‘zbekiston Respublikasi Hukumat kafolatini berishga vakil qilinsin.
6. O‘zbekiston Respublikasi Adliya vazirligi O‘zbekiston Respublikasi Hukumati kafolatlari bo‘yicha yuridik xulosani belgilangan tartibda rasmiylashtirsin.
mazkur loyihani amalga oshirish uchun import qilinadigan materiallar, ishlar va xizmatlar qo‘shilgan qiymat solig‘i to‘lashdan;
loyihani amalga oshirish uchun jalb etiladigan xorijiy kreditor banklar va eksport-kredit agentliklari O‘zbekiston Respublikasi hududida norezidentlardan undiriladigan daromad solig‘i to‘lashdan ozod etilsin.
8. O‘zbekiston Respublikasi Davlat bojxona qo‘mitasi “O‘zbekiston temir yo‘llari” davlat-aksiyadorlik kompaniyasi va “O‘zavtotrans” korporatsiyasi bilan birgalikda “O‘zgeoneftgazqazibolish” aksiya-dorlik kompaniyasi, “Beytman Prodjekts (1993) Ltd” kompaniyasi yoki mazkur loyiha bo‘yicha uning subpudratchilari buyurtmalari bo‘yicha olib kelinayotgan asbob-uskunalar va materiallarga, shu jumladan qurilish uchun asbob-uskunalar va materiallarga bojxona hujjatlari rasmiylashtirilishini va ularning belgilangan joyga yetkazib berilishini ta’minlasin.
9. Vazirlar Mahkamasining Investitsiya dasturlari departamenti, O‘zbekiston Respublikasi Makroiqtisodiyot va statistika vazirligi, Moliya vazirligi Sho‘rtan konida qo‘shimcha siquvchi kompressor stansiyasi qurilishi loyihasini belgilangan tartibda O‘zbekiston Respublikasi Hukumati kafolati ostidagi xorijiy investitsiyalar jalb etilgan holda amalga oshiriladigan 2001-yilgi investitsiya loyihalari aniq dasturiga kiritishni nazarda tutsinlar.
10. “O‘zbekinvest” milliy sug‘urta kompaniyasi ko‘rsatib o‘tilgan loyiha kompleks sug‘urta himoyasi bilan ta’minlanishiga ko‘maklashsin.