LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
Koreya xalqaro sog‘liqni saqlash jamg‘armasi — Doktor Li Djong-Vuk xotirasi jamg‘armasining Toshkent viloyati O‘rta Chirchiq tumani bolalar kasalxonasini mukammal ta’mirlash va zamonaviy tibbiyot asbob-uskunalari bilan jihozlash uchun ajratilgan grant mablag‘laridan samarali va maqsadli foydalanishni ta’minlash maqsadida Vazirlar Mahkamasi qaror qiladi:
1. “Sog‘lom avlod uchun” hukumatga qarashli bo‘lmagan xalqaro xayriya jamg‘armasi bilan Koreya xalqaro sog‘liqni saqlash jamg‘armasi – Doktor Li Djong-Vuk xotirasi jamg‘armasi o‘rtasida imzolangan Hamkorlik to‘g‘risidagi bitim doirasida Toshkent viloyati O‘rta Chirchiq tumani bolalar kasalxonasini mukammal ta’mirlash va zamonaviy tibbiyot asbob-uskunalari bilan jihozlash uchun 500 000 AQSh dollari miqdorida grant ajratilganligi ma’lumot uchun qabul qilinsin.
2. Belgilansinki, Toshkent viloyati hokimligi va O‘zbekiston Respublikasi Sog‘liqni saqlash vazirligi Toshkent viloyati O‘rta Chirchiq tumani bolalar kasalxonasini mukammal ta’mirlash va zamonaviy tibbiyot asbob-uskunalari bilan jihozlash loyihasini amalga oshirish bo‘yicha mas’ul ijrochi hisoblanadilar.
3. Bolalar kasalxonasini mukammal ta’mirlash va zamonaviy tibbiyot asbob-uskunalari bilan jihozlash loyihasi mablag‘lari hisobiga O‘zbekiston Respublikasi hududiga 1 va 2-ilovalar*ga muvofiq keltirilayotgan asbob-uskunalar, materiallar (ishlar, xizmatlar) soliq solishdan hamda bojxona to‘lovlaridan (bojxona rasmiylashtiruvi yig‘imlaridan tashqari) ozod qilinsin.
* Ilovalar rus tilidagi matnda berilgan.
4. “O‘zbekiston havo yo‘llari” milliy aviakompaniyasi va “O‘zbekiston temir yo‘llari” davlat-aksiyadorlik kompaniyasi loyiha doirasida O‘zbekiston Respublikasi hududiga keltiriladigan asbob-uskunalar, materiallar (ishlar, xizmatlar)ni “Toshkent” aeroportida hamda temir yo‘llar stansiyalarida saqlashning barcha davrida to‘lovlar undirmasdan yuklash-tushirish hamda omborlarga joylashtirish ishlarini ta’minlasinlar.
5. O‘zbekiston Respublikasi Tashqi ishlar vazirligi Toshkent viloyati hokimligi buyurtmanomasiga binoan ushbu loyihani amalga oshirishda ishtirok etuvchi xorijiy mutaxassislarga kirish vizalarini konsullik va boshqa yig‘imlar undirmasdan belgilangan tartibda rasmiylashtirishni ta’minlasin.
6. O‘zbekiston Respublikasi Ichki ishlar vazirligi Toshkent viloyati hokimligi buyurtmanomasiga binoan loyihani amalga oshirishda ishtirok etuvchi xorijiy mutaxassislarga, ularni davlat boji to‘lashdan ozod qilgan holda ko‘p martalik vizalar berish va ular muddatini uzaytirish, shuningdek O‘zbekiston Respublikasida vaqtinchalik ro‘yxatdan o‘tkazish hamda vaqtinchalik ro‘yxatdan o‘tkazish muddatini uzaytirishni ta’minlasin.