LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
Namangan va Farg‘ona viloyatlarining sanoat salohiyatini yanada oshirish, avtomobil mahsulotlari ishlab chiqarishni mahalliylashtirish, zamonaviy texnologiyalarni o‘zlashtirish, aholi bandligini oshirishni ta’minlash maqsadida Vazirlar Mahkamasi qaror qiladi:
“Fara va fonarlar ishlab chiqarish bo‘yicha yangi qo‘shma korxona tashkil etish” loyihasini amalga oshirish maqsadida “O‘zavtosanoat” AK tomonidan “Chasis Ko. Ltd” kompaniyasi (Koreya Respublikasi) bilan birgalikda Namangan viloyatida ustav kapitali ekvivalentda 5950 ming AQSh dollari bo‘lgan mas’uliyati cheklangan jamiyat shaklida xorijiy investitsiyalar ishtirokidagi “O‘zChasis” korxonasi tashkil etilganligi;
“Chasis Ko. Ltd” kompaniyasining “O‘zChasis” MChJdagi ulushi 30 foizni, “O‘zavtosanoat” AK ulushi esa 70 foizni tashkil qilishi;
“O‘zChasis” MChJ bilan “Ey-Em-Es Ko. Ltd” (“Chasis Ko. Ltd” kompaniyasining sho‘ba korxonasi) kompaniyasi o‘rtasida loyiha bo‘yicha texnologik asbob-uskunalar va jihozlar yetkazib berish yuzasidan, 15 187 ming AQSh dollari summasi yuzasidan moliyalashtirilishi “Asaka” DATB kredit liniyasi hisobiga amalga oshiriladigan kontrakt tuzilganligi;
“O‘zChasis” MChJ tomonidan o‘tkazilgan tanlov savdolari yakunlariga ko‘ra “10-Uychi xo‘jaliklararo mexanizatsiyalashgan ko‘chma kolonna” MChJ bosh pudrat tashkiloti etib belgilanganligi ma’lumot uchun qabul qilinsin.
2. “Fara va fonarlar ishlab chiqarish bo‘yicha yangi qo‘shma korxona tashkil etish” loyihasining texnik-iqtisodiy asoslashi 1-ilovaga* muvofiq asosiy texnik-iqtisodiy parametrlari bilan birga tasdiqlansin.
* 1-ilova rus tilidagi matnda berilgan.
3. “O‘zavtosanoat” AK “Fara va fonarlar ishlab chiqarish bo‘yicha yangi qo‘shma korxona tashkil etish” loyihasining Namangan viloyatida, ishlab chiqarishni 2009-yilning IV choragida boshlagan holda, o‘z vaqtida amalga oshirilishini ta’minlasin.
4. “O‘zavtosanoat” AK va “O‘zagromashservis” uyushmasining “Jeneral Motors O‘zbekiston” YoAJda ishlab chiqarilgan avtomobillar uchun pressli shtampovka qilish metodi bilan komponentlar, ichki pardozlashning plastmassa qismlari va kapsullangan oyna ishlab chiqarishni 2-ilovaga* muvofiq yig‘ma ko‘rsatkichlar bilan Farg‘ona viloyatining Oltiariq, O‘zbekiston va Farg‘ona tumanlari mashina-traktor parklari negizida tashkil etish bo‘yicha uchta loyihani amalga oshirish to‘g‘risidagi taklifiga rozilik berilsin.
* 2-ilova rus tilidagi matnda berilgan.
ushbu qarorga 2-ilovada ko‘rsatilgan loyihalar dastlabki texnik-iqtisodiy asoslashlarni ishlab chiqmasdan, kelishmasdan va tasdiqlamasdan texnik-iqtisodiy asoslashlarni ishlab chiqish bosqichida amalga oshiriladi;
loyihalarning cheklangan yakuniy qiymati, moliyalashtirish manbalari va mexanizmlari texnik-iqtisodiy asoslashlar tasdiqlangandan keyin aniqlanadi.
“O‘zavtosanoat” AK manfaatdor vazirliklar, idoralar va tijorat banklari bilan birgalikda, xorijiy sheriklarning loyihalash institutlari va muhandislik markazlarini jalb etgan holda, ushbu qarorga 2-ilovada ko‘rsatilgan loyihalar bo‘yicha ta’sis va loyihaoldi hujjatlarining o‘z vaqtida ishlab chiqilishini, kelishilishini va belgilangan tartibda tasdiqlanishini ta’minlasin.
9. O‘zbekiston Respublikasi “Davarxitektqurilish” qo‘mitasi loyiha-smeta hujjatlarining belgilangan tartibda davlat ekspertizasidan o‘tkazilishini ta’minlasin va loyihalar bo‘yicha ishlarning bajarilish sifati yuzasidan arxitektura-qurilish nazoratini o‘rnatsin.