LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
Toshkent viloyatining yer resurslaridan samarali va oqilona foydalanishni ta’minlash maqsadida Vazirlar Mahkamasi qaror qiladi:
1. O‘zbekiston Respublikasi Mudofaa vazirligi, Qishloq va suv xo‘jaligi vazirligi, “Yergeodezkadastr” davlat qo‘mitasi va Toshkent viloyati hokimligining O‘zbekiston Respublikasi Mudofaa vazirligining Toshkent viloyati Qibray tumanida joylashgan “Turkiston” davlat unitar korxonasini (keyingi o‘rinlarda “Turkiston” DUK deb ataladi) tugatish to‘g‘risidagi taklifiga rozilik berilsin.
“Turkiston” DUKni tugatish bo‘yicha kompleks chora-tadbirlarni qonun hujjatlarida belgilangan tartibda amalga oshirsin;
kreditorlarni aniqlasin va tugatish paytida hosil bo‘lgan kreditorlik qarzlar qaytarilishini ta’minlasin;
qishloq xo‘jaligi tovar ishlab chiqaruvchilariga sotiladigan va mahalliy davlat hokimiyati organlariga beriladigan mol-mulk ro‘yxatini aniqlasin;
mol-mulk ustun darajada tugatilayotgan unitar korxona hududida tashkil etilayotgan fermer xo‘jaliklariga sotilishini nazarda tutsin;
Oldingi tahrirga qarang.
(4-band O‘zbekiston Respublikasi Vazirlar Mahkamasining 2010-yil 20-dekabrdagi 302-sonli qaroriga asosan o‘z kuchini yo‘qotgan)
Oldingi tahrirga qarang.
(5-band O‘zbekiston Respublikasi Vazirlar Mahkamasining 2010-yil 20-dekabrdagi 302-sonli qaroriga asosan o‘z kuchini yo‘qotgan)
tugatish komissiyasining qarori asosida — ijtimoiy infratuzilma va ishlab chiqarish infratuzilmasi obyektlarini (bolalar bog‘chasi, maktab, avtomobil yo‘li, elektr uzatish liniyalari va transformator qurilmalari va boshqalarni) belgilangan tartibda Toshkent viloyati hokimligiga bersin.
7. Toshkent viloyati hokimligi tugatilayotgan “Turkiston” DUK hududida fermer xo‘jaliklari tashkil etish uchun talabgorlar orasida ochiq va oshkora tanlovlar o‘tkazsin, g‘oliblarni aniqlashda ijtimoiy adolat, xolislik va ochiq-oshkoralik tamoyillariga qat’iy rioya qilinishini ta’minlasin.
Qarorning ushbu bandi bajarilishi to‘g‘risida 2009-yil 1-iyulda O‘zbekiston Respublikasi Vazirlar Mahkamasiga axborot berilsin.
8. Toshkent viloyati hokimligi, O‘zbekiston Respublikasi Qishloq va suv xo‘jaligi vazirligi, Fermer xo‘jaliklari uyushmasi, “O‘zneftmahsulot” aksiyadorlik kompaniyasi, “O‘zkimyosanoat” davlat-aksiyadorlik kompaniyasi hamda boshqa manfaatdor vazirliklar va idoralar tugatish komissiyasi bilan birgalikda tugatilayotgan “Turkiston” DUK mol-mulkidan samarali foydalanishni hamda uning binolari va inshootlari bazasida qishloq xo‘jaligi tovar ishlab chiqaruvchilariga xizmat ko‘rsatadigan ishlab chiqarish va bozor infratuzilmasi obyektlari tashkil etilishini ta’minlasinlar.
9. O‘zbekiston Respublikasi Mehnat va aholini ijtimoiy muhofaza qilish vazirligi Toshkent viloyati hokimligi bilan birgalikda “Turkiston” DUKning bo‘shab qolayotgan xodimlarini ishga joylashtirishda amaliy yordam ko‘rsatsin.
10. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari A.N. Aripov zimmasiga yuklansin.
Musayev D.O. | — | Davlat mulki qo‘mitasi raisi, komissiya raisi |
Salomov F.I. | — | Mudofaa vazirining o‘rinbosari — moliya-iqtisodiyot boshqarmasi boshlig‘i, komissiya raisining o‘rinbosari |
Abdullayev S.S. | — | Toshkent viloyati hokimining o‘rinbosari, komissiya raisining o‘rinbosari |
Komissiya a’zolari: | ||
Nabixanov S.X. | — | Davlat mulki qo‘mitasining Toshkent viloyati boshqarmasi boshlig‘i vazifasini bajaruvchi |
Nazarov A.A. | — | Toshkent viloyati qishloq va suv xo‘jaligi boshqarmasi boshlig‘i vazifasini bajaruvchi |
Musashayxov L.T. | — | Toshkent viloyati adliya boshqarmasi boshlig‘i |
Umarxanov B.X. | — | Toshkent viloyati moliya boshqarmasi boshlig‘i |
Bo‘ribekov Sh. | — | Toshkent viloyati yer resurslari va davlat kadastri boshqarmasi boshlig‘i vazifasini bajaruvchi |
Maxamadjanov Sh.Y. | — | Toshkent viloyati Davlat soliq boshqarmasi boshlig‘ining o‘rinbosari |
Gazizov R.N. | — | Mudofaa vazirligi boshqarmasi boshlig‘ining o‘rinbosari |
Muratov D.Sh. | — | Mudofaa vazirligi xizmati boshlig‘i |
Karimberdiyeva V.U. | — | “Savdogarbank”ning Qibray filiali boshqaruvchisi |
Kamalov M.R. | — | “Turkiston” DUK direktori vazifasini bajaruvchi |