Oʻzbekiston Respublikasining Mustaqil Davlatlar Hamdoʻstligi ustavli va boshqa organlari huzuridagi Doimiy muxtor vakili faoliyatini tartibga solish maqsadida:

1. Quyidagilar:

Oʻzbekiston Respublikasining Mustaqil Davlatlar Hamdoʻstligi ustavli va boshqa organlari huzuridagi Doimiy muxtor vakili toʻgʻrisidagi nizom 1-ilovaga muvofiq;

2. Belgilansinki, Oʻzbekiston Respublikasining Mustaqil Davlatlar Hamdoʻstligi ustavli va boshqa organlari huzuridagi Doimiy muxtor vakili (keyingi oʻrinlarda — Doimiy vakil) Oʻzbekiston Respublikasi Tashqi ishlar vazirligi tizimiga kiradi va maqom jihatidan Oʻzbekiston Respublikasi Elchisiga tenglashtiriladi.

3. Oʻzbekiston Respublikasi Tashqi ishlar vazirligi (V.I. Norov) Oʻzbekiston Respublikasi Moliya vazirligi bilan kelishgan holda 2009-yildan boshlab Doimiy vakil taʼminotining xarajatlar smetasi har yili tasdiqlanishini taʼminlasin.

4. Oʻzbekiston Respublikasi Moliya vazirligi (R.S. Azimov) navbatdagi moliya yili uchun belgilangan tartibda tasdiqlanadigan Tashqi ishlar vazirligining xorijiy muassasalarini moliyalashtirishga ajratilgan budjet mablagʻlari hajmi doirasida Doimiy vakil taʼminotiga va faoliyatini amalga oshirish uchun zarur mablagʻlarni xarajatlar smetasiga muvofiq ajratsin.

5. Oʻzbekiston Respublikasi Prezidentining “Oʻzbekiston Respublikasining Yevrosiyo iqtisodiy hamkorlik organlari huzuridagi Doimiy vakili toʻgʻrisida” 2006-yil 12-oktabrdagi PQ-488-son qarori oʻz kuchini yoʻqotgan deb hisoblansin.

6. Mazkur qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov va Oʻzbekiston Respublikasi tashqi ishlar vaziri V.I. Norov zimmasiga yuklansin.

1. Oʻzbekiston Respublikasining Mustaqil Davlatlar Hamdoʻstligi ustavli va boshqa organlari huzuridagi Doimiy muxtor vakili (keyingi oʻrinlarda — Doimiy vakil) Oʻzbekiston Respublikasining Elchi maqomidagi diplomatik vakili hisoblanadi va Oʻzbekiston Respublikasi Tashqi ishlar vazirligi tizimiga kiradi.

2. Doimiy vakil oʻz faoliyatida Oʻzbekiston Respublikasining Konstitutsiyasi, Oʻzbekiston Respublikasining qonunlari, Oʻzbekiston Respublikasi Oliy Majlisi palatalari qarorlari, Oʻzbekiston Respublikasi Prezidentining farmonlari, qarorlari va farmoyishlari, Oʻzbekiston Respublikasi Vazirlar Mahkamasining qarorlari va farmoyishlari, Oʻzbekiston Respublikasi Tashqi ishlar vazirligi toʻgʻrisidagi nizom, mazkur Nizom va Oʻzbekiston Respublikasining boshqa normativ-huquqiy hujjatlari, shuningdek, 1961-yilda qabul qilingan Diplomatik munosabatlar toʻgʻrisidagi Vena konvensiyasi va xalqaro huquqning boshqa normalariga rioya qiladi.

Doimiy vakilning turgan joyi Minsk shahridir (Belarus Respublikasi).

3. Quyidagilar Doimiy vakilning asosiy funksiyalari hisoblanadi:

Mustaqil Davlatlar Hamdoʻstligi (keyingi oʻrinlarda — MDH) organlarida Oʻzbekiston Respublikasining manfaatlarini ilgari surish va himoya qilish;

MDH ishtirokchi — davlatlarining siyosiy, iqtisodiy, ilmiy-texnikaviy va boshqa yoʻnalishlardagi hamkorligi holatini va asosiy tendensiyalarini tizimli tahlil qilish;

MDH doirasida amalga oshiriladigan koʻp tomonlama xalqaro shartnomalar, loyihalar va dasturlarda Oʻzbekiston Respublikasi ishtirokining samaradorligini oshirish boʻyicha takliflar ishlab chiqish;

MDH organlari yigʻilishlarining kun tartibidagi masalalar boʻyicha takliflar tayyorlash va pozitsiyalarni kelishish;

MDH, uning ustavli organlari faoliyatiga oid masalalar, ushbu organlar tomonidan qabul qilinayotgan qarorlar boʻyicha axborot-tahliliy materiallar tayyorlash va bu haqda Oʻzbekiston Respublikasi Prezidenti, Oʻzbekiston Respublikasi Hukumati, Oʻzbekiston Respublikasi Tashqi ishlar vazirligini belgilangan tartibda oʻz vaqtida xabardor qilib borish;

MDH organlarining Oʻzbekiston Respublikasidagi tegishli vazirlik va idoralar bilan hamkorligini taʼminlash, MDH doirasida oʻtkazilgan va oʻtkazilishi rejalashtirilayotgan yigʻilishlar, majlislar va boshqa tadbirlar materiallarini ularga oʻz vaqtida yetkazish;

MDH Ijroiya qoʻmitasi, MDH ishtirokchi — davlatlarining doimiy muxtor vakillari, oʻzi boʻlib turgan mamlakatning davlat va xoʻjalik boshqaruvi organlari, jamoat birlashmalari, ishbilarmon, madaniy va ilmiy doiralar, ommaviy axborot vositalari bilan Doimiy vakil vakolatiga kiruvchi masalalar yuzasidan samarali hamkorlikni amalga oshirish;

Oʻzbekiston Respublikasi Prezidenti, Oʻzbekiston Respublikasi Vazirlar Mahkamasi va Tashqi ishlar vazirligining topshiriqlarini bajarish;

Oʻzbekiston Respublikasi mansabdor shaxslari va rasmiy delegatsiyalarining MDH doirasidagi tadbirlarni oʻtkazish bilan bogʻliq tashriflariga tayyorgarlik koʻrish va oʻtkazishda qatnashish;

MDH doirasida xalqaro shartnomalar loyihalarini, shuningdek, MDH organlarining qarorlari loyihalarini ishlab chiqishda ishtirok etish va muzokaralar olib borish;

MDH doirasida tuzilgan xalqaro shartnomalar va qabul qilingan qarorlarni amalga oshirishga koʻmaklashish;

xalqaro huquq normalari va Oʻzbekiston Respublikasi qonunchiligiga muvofiq boshqa funksiyalarni bajarish.

4. Doimiy vakil qonunchilikda belgilangan tartibda lavozimga tayinlanadi va lavozimidan ozod etiladi.

5. Doimiy vakilga Oʻzbekiston Respublikasi qonunchiligiga muvofiq oʻrindoshlik asosida Oʻzbekiston Respublikasining boshqa xalqaro tashkilotlardagi vakili lavozimi yuklatilishi mumkin. Bunday hollarda Doimiy vakilning xarajatlar smetasida oʻrindoshlik asosida ishlagani uchun uning oylik maoshiga tegishli ustama nazarda tutiladi.

6. Doimiy vakil faoliyatini moliyalashtirish tasdiqlangan smeta asosida Oʻzbekiston Respublikasi Tashqi ishlar vazirligi orqali belgilangan tartibda amalga oshiriladi. Doimiy vakil faoliyatini moliyalashtirish bilan bogʻliq buxgalterlik hisobi va hisobotini yuritish Oʻzbekiston Respublikasining qonunchiligiga muvofiq amalga oshiriladi.

7. Doimiy vakil oʻz vakolatlari doirasida buyruqlar va farmoyishlar chiqaradi, oʻziga xizmat qiluvchi maʼmuriy-texnik xodimlarni ishga qabul qiladi va ishdan boʻshatadi, oʻzining taʼminoti uchun ajratiladigan mablagʻlarni Oʻzbekiston Respublikasi qonunchiligida belgilangan tartibda tasarruf etadi.

8. Doimiy vakil davlat va qonun bilan qoʻriqlanadigan boshqa sirlarning saqlanishini, oʻz xavfsizligini lozim darajada taʼminlash boʻyicha tegishli choralarni koʻradi.

9. Doimiy vakil Oʻzbekiston Respublikasi Davlat gerbi tasviri tushirilgan muhrga, tegishli muhr va shtamplarga ega boʻlib, bank muassasalarida istalgan valyutada hisob raqami ochishi mumkin.

10. Doimiy vakil oʻziga yuklatilgan funksiyalarning bajarilishi uchun shaxsan javobgardir.

11. Doimiy vakil oʻziga biriktirilgan mol-mulkka Oʻzbekiston Respublikasining va boʻlib turgan mamlakatning qonunchiligiga muvofiq egalik qiladi, unday foydalanadi va tasarruf etadi.