Oʻzbekiston Respublikasi soliq qonunchiligini takomillashtirishga oid qonun hujjatlari qabul qilinishi munosabati bilan:

1. Oʻzbekiston Respublikasi Prezidentining ayrim farmonlariga ilovaga muvofiq oʻzgartish va qoʻshimchalar kiritilsin.

2. Soliq kodeksining amalga oshirilishini har tomonlama monitoring va tahlil qilish maxsus idoralararo guruhi (R.S. Azimov) ikki oy muddatda hukumat qarorlari bilan avval berilgan soliq imtiyozlarini tartibga solish boʻyicha normativ-huquqiy hujjatlarning loyihalarini Vazirlar Mahkamasiga kiritsin.

3. Mazkur Farmonning ijrosini nazorat qilish Oʻzbekiston Respublikasi Bosh vaziri Sh.M. Mirziyoyev zimmasiga yuklansin.

1. Oʻzbekiston Respublikasi Prezidentining “Hisob-kitob mexanizmini takomillashtirish hamda respublika budjeti va mahalliy budjetlarga toʻlovlar tushishini ragʻbatlantirish choralari toʻgʻrisida”1998-yil 4-fevraldagi PF-1923-son Farmonida:

a) 4-bandda:

birinchi xatboshidagi “boshqa toʻlovlarning” soʻzlari “boshqa majburiy toʻlovlarning (keyingi oʻrinlarda — budjetga toʻlovlar)” soʻzlari bilan almashtirilsin;

uchinchi xatboshidagi “Soliq va toʻlov intizomini mustahkamlash boʻyicha Hukumat komissiyasiga” soʻzlari “Muddati oʻtib ketgan debitorlik va kreditorlik qarzlarini kamaytirish hamda budjetga toʻlovlar intizomini mustahkamlash boʻyicha respublika komissiyasiga” soʻzlari bilan almashtirilsin;

b) 5-band quyidagi tahrirda bayon etilsin:

“5. Muddati oʻtib ketgan debitorlik va kreditorlik qarzlarini kamaytirish hamda budjetga toʻlovlar intizomini mustahkamlash boʻyicha respublika komissiyasi yilning har choragi yakunlari boʻyicha hisobot choragidan keyingi oyning 15-kunidan kechiktirmay budjetga taalluqli barcha toʻlovlar toʻla tushishiga doir ishlarning ahvolini, hududlar boʻyicha boqimandaning kamaytirilishini koʻrib chiqib, soliq, moliya va bank organlari rahbarlari hamda mansabdor shaxslarini ragʻbatlantirish va ularning moddiy javobgarligi toʻgʻrisidagi takliflarini Oʻzbekiston Respublikasi Vazirlar Mahkamasiga taqdim etsin”.

2. Oʻzbekiston Respublikasi Prezidentining “Hisob-kitob mexanizmini takomillashtirish hamda respublika budjeti va mahalliy budjetlarga toʻlovlar tushishini ragʻbatlantirish choralari toʻgʻrisida” 1998-yil 4-fevraldagi PF-1923-son Farmoni bilan tasdiqlangan Budjetga toʻlovlarning tushishi hamda budjetga toʻlovlar boʻyicha qarzlarning kamaytirilishiga doir belgilangan koʻrsatkichlarning bajarilishi uchun rahbarlar va mansabdor shaxslarni ragʻbatlantirish va ularning javobgarligini oshirish tartibi toʻgʻrisidagi nizomda:

a) 3-bandning toʻrtinchi xatboshidagi “Hisob-kitob mexanizmini takomillashtirish va budjetga toʻlovlar intizomini mustahkamlash boʻyicha Hukumat komissiyasi” soʻzlari “Muddati oʻtib ketgan debitorlik va kreditorlik qarzlarini kamaytirish hamda budjetga toʻlovlar intizomini mustahkamlash boʻyicha respublika komissiyasi” soʻzlari bilan almashtirilsin”;

b) 6-band quyidagi tahrirda bayon etilsin:

“6. Mazkur Nizomning ijrosini Muddati oʻtib ketgan debitorlik va kreditorlik qarzlarini kamaytirish hamda budjetga toʻlovlar intizomini mustahkamlash boʻyicha respublika komissiyasi nazorat qilib boradi, u har chorakda oʻz majlislarida respublika mintaqalari boʻyicha budjetga toʻlovlarning tushishiga doir ahvolni koʻrib chiqadi hamda rahbarlar va mansabdor shaxslarni ragʻbatlantirish va ularning moddiy javobgarligi toʻgʻrisidagi tegishli takliflarni Vazirlar Mahkamasiga kiritadi”;

v) 7-bandning ikkinchi xatboshidagi “Hisob-kitob mexanizmini takomillashtirish va budjetga toʻlovlar intizomini mustahkamlash boʻyicha Hukumat komissiyasi” soʻzlari “Muddati oʻtib ketgan debitorlik va kreditorlik qarzlarini kamaytirish hamda budjetga toʻlovlar intizomini mustahkamlash boʻyicha respublika komissiyasi” soʻzlari bilan almashtirilsin.

3. Oʻzbekiston Respublikasi Prezidentining “Xoʻjalik yurituvchi subyektlarni tekshirishni tashkil qilishni tartibga solish toʻgʻrisida” 1998-yil 19-noyabrdagi PF-2114-son Farmoni 6-bandining ikkinchi xatboshidagi “soliqlarni va” soʻzlaridan keyin “boshqa” soʻzi qoʻshib qoʻyilsin.

4. Oʻzbekiston Respublikasi Prezidentining “Davlat budjetiga soliqlar va toʻlovlar boʻyicha imtiyozlar berishni tartibga solish toʻgʻrisida” 1999-yil 26-iyuldagi PF-2343-son Farmoni 1-bandining birinchi xatboshidagi “soliqlar, yigʻimlar hamda bojxona” soʻzlari “soliqlar va boshqa majburiy” soʻzlari bilan almashtirilsin.

5. “Oʻzbekiston Respublikasi Prezidentining 1998-yil 9-apreldagi “Xususiy tadbirkorlik, kichik va oʻrta biznesni rivojlantirishni yanada ragʻbatlantirish chora-tadbirlari toʻgʻrisida”gi PF-1987-son Farmoniga oʻzgartish va qoʻshimchalar kiritish haqida” Oʻzbekiston Respublikasi Prezidentining 2003-yil 30-avgustdagi PF-3305-son Farmoni 2-bandining uchinchi xatboshi quyidagi tahrirda bayon etilsin:

“mikrofirmalar va kichik korxonalar xodimlarining oʻrtacha yillik sonini aniqlashda oʻrindoshlik, pudrat shartnomasi va boshqa fuqarolik-huquqiy shartnomalar boʻyicha ishga qabul qilingan xodimlar soni, shuningdek unitar (shoʻba) korxonalar, vakolatxonalar hamda filiallarda ishlayotganlar soni ham hisobga olinadi”.

6. Oʻzbekiston Respublikasi Prezidentining “2004 — 2009-yillarda Maktab taʼlimini rivojlantirish Davlat umummilliy dasturi toʻgʻrisida” 2004-yil 21-maydagi PF-3431-son Farmoni 5-bandining birinchi xatboshidagi “daromad (foyda)” soʻzlari “foyda” soʻzi bilan almashtirilsin.

7. Oʻzbekiston Respublikasi Prezidentining “Qurilish materiallari sanoatida iqtisodiy islohotlarni chuqurlashtirish va tarmoqni jadal rivojlantirish toʻgʻrisida” 2005-yil 24-martdagi PF-3586-son Farmoni 8-ilovasining izohi quyidagi tahrirda bayon etilsin:

“*Oʻzbekiston Respublikasining Soliq kodeksiga muvofiq Oʻzbekiston Respublikasi Soliq kodeksida nazarda tutilgan talablarga javob beradigan qishloq xoʻjalik tovar ishlab chiqaruvchilari yagona yer soligʻini toʻlaydilar”.

8. Oʻzbekiston Respublikasi Prezidentining “Toʻgʻridan-toʻgʻri xususiy xorijiy investitsiyalarni jalb etishni ragʻbatlantirish borasidagi qoʻshimcha chora-tadbirlar toʻgʻrisida” 2005-yil 11-apreldagi PF-3594-son Farmonida:

a) 1-bandining birinchi xatboshidagi “daromad (foyda)” soʻzlari “foyda” soʻzi bilan almashtirilsin;

b) 7-bandining ikkinchi xatboshidagi “olinadigan daromadlarga soliq miqdori” soʻzlari “olinadigan daromadlar boʻyicha foyda soligʻi” soʻzlari bilan almashtirilsin.

9. Oʻzbekiston Respublikasi Prezidentining “Tadbirkorlik subyektlarining xoʻjalik sohasidagi huquqbuzarliklari uchun moliyaviy javobgarligini erkinlashtirish toʻgʻrisida” 2005-yil 24-iyundagi PF-3622-son Farmonining 2-bandidagi “soliqlar, yigʻimlar” soʻzlari “soliqlar” soʻzi bilan almashtirilsin.

10. Oʻzbekiston Respublikasi Prezidentining “Meva-sabzavotchilik va uzumchilik sohasida iqtisodiy islohotlarni chuqurlashtirish chora-tadbirlari toʻgʻrisida” 2006-yil 9-yanvardagi PF-3709-son Farmoni 5-bandining “b” kichik bandidagi “daromad (foyda)” soʻzlari “foyda” soʻzi bilan almashtirilsin.

12. Oʻzbekiston Respublikasi Prezidentining “Mikrokreditbank” aksiyadorlik tijorat bankini tashkil etish toʻgʻrisida” 2006-yil 5-maydagi PF-3750-son Farmoni 8-bandining ikkinchi xatboshidagi “daromad (foyda)” soʻzlari “foyda” soʻzi bilan almashtirilsin.

13. Oʻzbekiston Respublikasi Prezidentining “Sogʻliqni saqlash tizimini isloh qilishni yanada chuqurlashtirish va uni rivojlantirish Davlat dasturini amalga oshirishning asosiy yoʻnalishlari toʻgʻrisida” 2007-yil 19-sentabrdagi PF-3923-son Farmonining 7-bandi quyidagi tahrirda bayon etilsin:

“7. 2007-yilning 1-oktabridan aholiga pullik tibbiy xizmatlar koʻrsatuvchi (stomatologiya va kosmetologiya xizmatlari bundan mustasno) tibbiyot muassasalari 5 yil muddatga barcha turdagi soliqlar va Respublika yoʻl jamgʻarmasi hamda Maktab taʼlimi jamgʻarmasiga oʻtkaziladigan majburiy ajratmalar toʻlashdan ozod etilsin, boʻshaydigan mablagʻlar tibbiyot muassasalarini zamonaviy tibbiy asbob-uskunalar bilan jihozlashga maqsadli ravishda yoʻnaltirilsin”.

14. Oʻzbekiston Respublikasi Prezidentining “Yerlarning meliorativ holatini yaxshilash tizimini tubdan takomillashtirish chora-tadbirlari toʻgʻrisida” 2007-yil 29-oktabrdagi PF-3932-son Farmoni 7-bandining ikkinchi xatboshidagi “soliqlar, yigʻimlar, bojlar va maqsadli davlat jamgʻarmalariga majburiy ajratmalar” soʻzlari “soliqlar va boshqa majburiy toʻlovlar” soʻzlari bilan almashtirilsin.