O‘zbekiston Respublikasi Prezidentining 2008-yil 28-noyabrdagi PF-4058-son Farmoni bilan tasdiqlangan Iqtisodiyotning real sektori bazaviy tarmoqlari korxonalarini qo‘llab-quvvatlash, ularning barqaror ishlashini ta’minlash va eksport salohiyatini oshirish chora-tadbirlari dasturining 1.9-bandi ijrosini ta’minlash maqsadida, shuningdek eksport qiluvchi korxonalarning kreditorlik qarzini tarkibiy o‘zgartirish bo‘yicha asoslangan takliflarni tezkorlik bilan ko‘rib chiqish va belgilangan tartibda kiritish uchun Vazirlar Mahkamasi qaror qiladi:

1. Quyidagilar:

O‘zbekiston Respublikasi Prezidentining 2008-yil 28-noyabrdagi PF-4058-son Farmoni bilan tashkil etilgan Iqtisodiyotning real sektori bazaviy tarmoqlari korxonalarini qo‘llab-quvvatlash, ularning barqaror ishlashini ta’minlash va eksport salohiyatini oshirish chora-tadbirlari dasturi amalga oshirilishini monitoring va nazorat qilish bo‘yicha Ishchi guruhning eksport qiluvchi korxonalarning 2009-yil 1-yanvardagi holatiga ko‘ra qarzini tarkibiy o‘zgartirishga hamda budjetga va davlat maqsadli jamg‘armalariga, yetkazib berilgan elektr energiyasi, tabiiy gaz va ko‘rsatilgan kommunal xizmatlar uchun to‘lovlar bo‘yicha penyalarni hisobdan chiqarishga yo‘naltirilgan takliflar tayyorlash bo‘yicha kichik guruhi (keyingi o‘rinlarda Kichik guruh deb ataladi) tarkibi 1-ilovaga muvofiq;

Eksport qiluvchi korxonalarning qarzini tarkibiy o‘zgartirish hamda budjetga va davlat maqsadli jamg‘armalariga, yetkazib berilgan elektr energiyasi, tabiiy gaz va ko‘rsatilgan kommunal xizmatlar uchun to‘lovlar bo‘yicha penyalarni hisobdan chiqarish yuzasidan takliflar tayyorlash tartibi to‘g‘risidagi Vaqtinchalik nizom 2-ilovaga muvofiq tasdiqlansin.

2. Manfaatdor davlat va xo‘jalik boshqaruvi organlari, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari hujjatlarning tegishli paketlari hamda eksport qiluvchi korxonalar bo‘yicha asoslashlarning qonun hujjatlariga qat’iy muvofiq ravishda sifatli tayyorlanishini va ularning 2009-yil 15-fevralgacha Kichik guruhga taqdim etilishini ta’minlasinlar.

3. Muddati o‘tkazib yuborilgan debitorlik va kreditorlik qarzlarni qisqartirish hamda budjetga to‘lovlar intizomini mustahkamlash bo‘yicha Respublika komissiyasiga (keyingi o‘rinlarda Respublika komissiyasi deb ataladi) 2009-yil 1-yanvardagi holatiga ko‘ra eksport qiluvchi korxonalarga yetkazib berilgan elektr energiyasi, tabiiy gaz va ko‘rsatilgan kommunal xizmatlar uchun qarzlarni to‘lash muddatini kechiktirish (bo‘lib-bo‘lib to‘lash) imkoniyatini berish hamda ko‘rsatib o‘tilgan qarzlar bo‘yicha hisoblangan penyalarni hisobdan chiqarish huquqi berilsin.

4. Kichik guruh (Guskova) 2009-yil 1-martgacha Respublika komissiyasiga eksport qiluvchi korxonalar murojaatlari yuzasidan tayyorlangan budjetga va davlat maqsadli jamg‘armalariga to‘lovlar bo‘yicha, 2009-yil 1-yanvardagi holatiga ko‘ra yetkazib berilgan elektr energiyasi, tabiiy gaz va ko‘rsatilgan kommunal xizmatlar uchun qarzlarni tarkibiy o‘zgartirish hamda ko‘rsatib o‘tilgan qarzlar uchun hisoblangan penyalarni hisobdan chiqarish bo‘yicha xulosalarni belgilangan tartibda taqdim etsin.

5. Respublika komissiyasi Kichik guruh xulosalarini hisobga olgan holda eksportchi korxonalarga budjetga va davlat maqsadli jamg‘armalariga, yetkazib berilgan elektr energiyasi, tabiiy gaz va ko‘rsatilgan kommunal xizmatlar uchun to‘lov muddatini kechiktirish (bo‘lib-bo‘lib to‘lash) imkoniyatini berish to‘g‘risida qaror qabul qilsin.

6. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari R.S.Azimov zimmasiga yuklansin.

1. Ushbu Vaqtinchalik nizom 2009-yil 1-yanvardagi holatiga ko‘ra eksport qiluvchi korxonalarning qarzini tarkibiy o‘zgartirish hamda budjetga va davlat maqsadli jamg‘armalariga, yetkazib berilgan elektr energiyasi, tabiiy gaz va ko‘rsatilgan kommunal xizmatlar uchun to‘lovlar bo‘yicha penyalarni hisobdan chiqarish yuzasidan takliflar tayyorlash tartibini belgilaydi.

Eksport qiluvchi korxonalarning qarzlarini tarkibiy o‘zgartirish hamda budjetga va davlat maqsadli jamg‘armalariga, yetkazib berilgan elektr energiyasi, tabiiy gaz va ko‘rsatilgan kommunal xizmatlar uchun to‘lovlar bo‘yicha penyalarni hisobdan chiqarish yuzasidan xulosalar O‘zbekiston Respublikasi Prezidentining 2008-yil 28-noyabrdagi PF-4058-son Farmoni bilan tashkil etilgan Iqtisodiyotning real sektori bazaviy tarmoqlari korxonalarini qo‘llab-quvvatlash, ularning barqaror ishlashini ta’minlash va eksport salohiyatini oshirish chora-tadbirlari dasturi amalga oshirilishini monitoring va nazorat qilish bo‘yicha Ishchi guruhning 2009-yil 1-yanvardagi holatiga ko‘ra eksport qiluvchi korxonalarning qarzini tarkibiy o‘zgartirishga hamda budjetga va davlat maqsadli jamg‘armalariga, yetkazib berilgan elektr energiyasi, tabiiy gaz va ko‘rsatilgan kommunal xizmatlar uchun to‘lovlar bo‘yicha penyalarni hisobdan chiqarishga yo‘naltirilgan takliflar tayyorlash bo‘yicha Kichik guruhi (keyingi o‘rinlarda Kichik guruh deb ataladi) tomonidan tayyorlanadi.

O‘zbekiston Respublikasi Moliya vazirligi Kichik guruhning ishchi organi hisoblanadi.

2. Eksport qiluvchi korxonalar Kichik guruhning ishchi organiga quyidagi ariza beruvchilar:

o‘zlarining tarkibiga kiruvchi eksport qiluvchi korxonalar bo‘yicha — davlat va xo‘jalik boshqaruvi organlari orqali;

davlat va xo‘jalik boshqaruvi organlari tarkibiga kirmaydigan eksport qiluvchi korxonalar bo‘yicha — muddati o‘tkazib yuborilgan debitorlik va kreditorlik qarzlarni qisqartirish hamda budjetga to‘lovlar intizomini mustahkamlash bo‘yicha mintaqaviy komissiyalar orqali murojaat qiladilar.

3. Ariza beruvchilar 2009-yil 1-yanvardagi holatiga ko‘ra budjetga va davlat maqsadli jamg‘armalariga, yetkazib berilgan elektr energiyasi, tabiiy gaz va ko‘rsatilgan kommunal xizmatlar uchun to‘lov muddatini kechiktirish (bo‘lib-bo‘lib to‘lash) imkoniyatini berish hamda penyalarni hisobdan chiqarish to‘g‘risidagi murojaatni yuborish bilan bir vaqtda 2009-yil 15-fevralgacha bo‘lgan muddatda Ishchi organga eksport qiluvchi korxonalar faoliyatiga taalluqli quyidagi hujjatlar va asoslashlarni taqdim etadilar:

2008-yil uchun mahsulotlar eksport qilishning prognoz va amaldagi hajmlari hamda fizik va qiymat ifodasidagi eksportning moliyaviy natijalari (choraklar bo‘yicha taqsimlagan holda), shuningdek 2009-yil uchun prognoz;

2008-yil uchun korxonaning moliyaviy resurslari balansi va 2009-yil hamda to‘lov muddatini kechiktirish (bo‘lib-bo‘lib to‘lash) so‘ralayotgan davr uchun prognoz;

2008-yil boshidan boshlab debitorlik va kreditorlik qarzlarning, shu jumladan elektr va issiqlik energiyasi, tabiiy gaz, suv ta’minoti va kanalizatsiya xizmatlari uchun qarzlarning dinamikasi, ularning haqqoniyligi taqqoslash dalolatnomalari bilan tasdiqlanadi;

2009-yil 1-yanvardagi holatiga ko‘ra budjetga va davlat maqsadli jamg‘armalariga to‘lovlar bo‘yicha qarzlarning davlat soliq xizmati organlari bilan taqqoslash dalolatnomalari;

xizmat ko‘rsatuvchi bankning hisob raqamlarining (hisob-kitob, valyuta hisob raqamlarining) holati to‘g‘risidagi ma’lumotnomasi;

moliyaviy hisobotning korxona joylashgan joydagi davlat soliq xizmati organlarida tasdiqlangan nusxalari, ularga 2008-yil 1-yanvardagi, 2008-yil 1-oktabrdagi va 2009-yil 1-yanvardagi holatiga ko‘ra debitorlik va kreditorlik qarzlarning barcha hujjatlari va izohlari ilova qilinadi;

eksport qiluvchi korxonani moliyaviy sog‘lomlashtirish dasturi, unda mahsulot tannarxini kamida 20 foizga pasaytirish bo‘yicha aniq chora-tadbirlar ko‘rsatiladi;

korxonaning 2008-yil uchun ishlab chiqarish va moliyaviy ko‘rsatkichlarining prognozi va amalda bajarilishining qiyosiy jadvali.

4. Taqdim etiladigan hisob-kitoblar, boshlang‘ich hujjatlar va boshqa materiallarning haqqoniyligi va asoslanganligi uchun javobgarlik eksport qiluvchi korxonaning rahbari va bosh buxgalteri zimmasiga yuklanadi.

5. Ishchi organ murojaat, shuningdek ushbu Vaqtinchalik nizomning 3-bandida ko‘rsatilgan hujjatlar va asoslashlar olingan kundan boshlab 2 kun mobaynida ularni xulosa tayyorlash uchun Kichik guruhga taqdim etadi.

6. Kichik guruh murojaat tushgan kundan boshlab ikki hafta muddatda taqdim etilgan hujjatlar paketini ko‘rib chiqadi va xulosa tayyorlaydi, unda quyidagilar aks ettirilgan bo‘lishi kerak:

to‘lov muddatini kechiktirish (bo‘lib-bo‘lib to‘lash) imkoniyati va/yoki hisobdan chiqarish so‘ralayotgan qarzlarning tavsifi va vujudga kelishi sabablarining obyektivligi, qarzni to‘lash jadvalining mavjudligi va uning asoslanganligi;

korxonalar moliyaviy hisobotlarining davlat soliq xizmati organlari tomonidan ularni qabul qilib olganligi to‘g‘risida belgi qo‘yilgan nusxalari mavjudligi.

7. Quyidagilar eksport qiluvchi korxonalarga qarzni to‘lash muddatini kechiktirish (bo‘lib-bo‘lib to‘lash) imkoniyatini berishning asosiy mezonlari hisoblanadi:

2009-yil uchun eksport, shu jumladan fyuchers kontraktlarining mavjudligi;

2009-yilda mahsulot tannarxini kamida 20 foizga kamaytirish bo‘yicha aniq tadbirlarning mavjudligi;

kreditorlik qarzlarning asosan jahon narxlarining noqulay konyunkturasi bilan bog‘liq holda vujudga kelganligi.

8. Kichik guruhning O‘zbekiston Respublikasi Iqtisodiyot vazirligi, Moliya vazirligi va Davlat soliq qo‘mitasidagi a’zolari imzolagan eksport qiluvchi korxonalarga qarzni to‘lash muddatini kechiktirish (bo‘lib-bo‘lib) to‘lash imkoniyatini berish va penyani hisobdan chiqarish to‘g‘risidagi xulosasi tegishli idoralarning qo‘shma xulosasiga tenglashtiriladi.

Kichik guruh 2009-yil 1-martgacha Muddati o‘tkazib yuborilgan debitorlik va kreditorlik qarzlarni qisqartirish hamda budjetga to‘lovlar intizomini mustahkamlash Respublika komissiyasiga (keyingi o‘rinlarda Respublika komissiyasi deb ataladi) 2009-yil 1-yanvardagi holatiga ko‘ra budjetga va davlat maqsadli jamg‘armalariga to‘lovlar bo‘yicha qarzlarni, yetkazib berilgan elektr energiyasi, tabiiy gaz va ko‘rsatilgan kommunal xizmatlar uchun qarzlarni tarkibiy o‘zgartirish hamda ko‘rsatib o‘tilgan qarzlar yuzasidan hisoblangan penyalarni hisobdan chiqarish bo‘yicha xulosani, tegishli xulosalarni ilova qilgan holda, belgilangan tartibda kiritadi.

9. Ariza beruvchilar tomonidan ushbu Vaqtinchalik nizomning 3-bandida ko‘rsatilgan hujjatlarning to‘liq ro‘yxati taqdim etilmaganda, shuningdek mazkur hujjatlar ushbu Vaqtinchalik nizomning 6-bandida nazarda tutilgan mezonlarga muvofiq bo‘lmaganda Kichik guruh eksport qiluvchi korxonaga qarzni to‘lash muddatini kechiktirish (bo‘lib-bo‘lib to‘lash) imkoniyatini berish hamda penyani hisobdan chiqarish to‘g‘risidagi masalani ko‘rib chiqishni rad etish haqida qaror qabul qilishga haqlidir, u keyinchalik bu haqda Respublika komissiyasiga tegishli axborot taqdim etadi.