Oldingi tahrirga qarang.
(hujjat nomi O‘zbekiston Respublikasi Prezidentining 2017-yil 16-martdagi PF-4986-sonli Farmoni tahririda — O‘R QHT, 2017-y., 12-son, 182-modda)
Jahon standartlariga javob beradigan va jahon bozorlarida talab qilinadigan mahsulot ishlab chiqarishni ta’minlaydigan, zamonaviy yuqori texnologiyali ishlab chiqarishlarni tashkil etish uchun xorijiy investitsiyalarni, birinchi galda to‘g‘ridan to‘g‘ri investitsiyalarni jalb etish bo‘yicha qulay shart-sharoitlar yaratish, shuningdek, Navoiy viloyatining sanoat salohiyatini, ishlab chiqarish, transport-tranzit va ijtimoiy infratuzilmasini rivojlantirish maqsadida:
Oldingi tahrirga qarang.
1. O‘zbekiston Respublikasi Iqtisodiyot vazirligi, Tashqi iqtisodiy aloqalar, investitsiyalar va savdo vazirligi, Moliya vazirligi va Navoiy viloyati hokimligining Navoiy shahri xalqaro aeroporti hududida “Navoiy” erkin iqtisodiy zona” (keyingi o‘rinlarda — EIZ) tashkil etish to‘g‘risidagi taklifiga rozilik berilsin.
“Navoiy” erkin iqtisodiy zona hududida xo‘jalik yurituvchi subyektlar faoliyatining asosiy yo‘nalishi — zamonaviy xorijiy yuqori unumli asbob-uskunalar va texnika, texnologik liniyalar va modullar, innovatsiya texnologiyalarini joriy etish hisobiga yuqori texnologiyali, jahon bozorlarida raqobatbardosh mahsulotlarni keng ko‘lamda ishlab chiqarishdan iborat etib belgilansin.
(1-band O‘zbekiston Respublikasi Prezidentining 2017-yil 16-martdagi PF-4986-sonli Farmoni tahririda — O‘R QHT, 2017-y., 12-son, 182-modda)
Oldingi tahrirga qarang.
“Navoiy” erkin iqtisodiy zonaning faoliyat ko‘rsatish muddati 30 yilni tashkil etadi, bu muddat keyinchalik uzaytirilishi mumkin;
Oldingi tahrirga qarang.
EIZ faoliyati davomida uning hududida alohida bojxona va soliq rejimlari, O‘zbekiston Respublikasi norezident fuqarolarining uning hududiga kirish, hududda bo‘lish va chiqib ketishning, shuningdek, ular tomonidan mehnat faoliyatini amalga oshirish uchun ruxsatnomalar olishning soddalashtirilgan tartibi joriy etiladi;
(2-bandning uchinchi xatboshisi O‘zbekiston Respublikasi Prezidentining 2018-yil 3-maydagi PF-5428-sonli Farmoni tahririda — Qonun hujjatlari ma’lumotlari milliy bazasi, 04.05.2018-y., 06/18/5428/1158-son)
Oldingi tahrirga qarang.
alohida huquqiy tartib, shu jumladan, soliq va bojxona tartibi faqat EIZ hududida faoliyat ko‘rsatayotgan va EIZ direksiyasi tomonidan ro‘yxatga olingan xo‘jalik yurituvchi subyektlar uchun amal qiladi;
(2-bandning to‘rtinchi xatboshisi O‘zbekiston Respublikasi Prezidentining 2018-yil 3-maydagi PF-5428-sonli Farmoni tahririda — Qonun hujjatlari ma’lumotlari milliy bazasi, 04.05.2018-y., 06/18/5428/1158-son)
Oldingi tahrirga qarang.
EIZ faoliyatini muvofiqlashtirish Investitsiyalar va tashqi savdo vazirligi tomonidan amalga oshiriladi.
(2-bandning beshinchi xatboshisi O‘zbekiston Respublikasi Prezidentining 2022-yil 12-oktabrdagi PF-233-sonli Farmoni tahririda — Qonunchilik ma’lumotlari milliy bazasi, 13.10.2022-y., 06/22/233/0915-son)
Oldingi tahrirga qarang.
“Navoiy” erkin iqtisodiy zona tashkil etilgan barcha hudud EIZ faoliyat ko‘rsatadigan butun davr mobaynida foydalanish va boshqarish uchun “Navoiy” EIZ direksiyasiga beriladi;
(2-bandning oltinchi xatboshisi O‘zbekiston Respublikasi Prezidentining 2022-yil 12-oktabrdagi PF-233-sonli Farmoni tahririda — Qonunchilik ma’lumotlari milliy bazasi, 13.10.2022-y., 06/22/233/0915-son)
Oldingi tahrirga qarang.
“Navoiy” erkin iqtisodiy zona direksiyasi xo‘jalik yurituvchi subyektlarga EIZ hududida yer uchastkalarini subijaraga topshirish, o‘z huquq va majburiyatlarini ijara shartnomasi bo‘yicha boshqa shaxsga berish, ularni ulush sifatida ustav kapitaliga qo‘shish huquqisiz ijaraga beradi. EIZ ishtirokchilariga taqdim etilgan yer uchastkalarini sotish va boshqacha tarzda o‘zgaga berish taqiqlanadi.
(2-bandning yettinchi xatboshisi O‘zbekiston Respublikasi Prezidentining 2023-yil 19-iyundagi PF-99-sonli Farmoni tahririda — Qonunchilik ma’lumotlari milliy bazasi, 20.06.2023-y., 06/23/99/0403-son)
Oldingi tahrirga qarang.
(3-band O‘zbekiston Respublikasi Prezidentining 2017-yil 16-martdagi PF-4986-sonli Farmoniga asosan o‘z kuchini yo‘qotgan — O‘R QHT, 2017-y., 12-son, 182-modda)
Oldingi tahrirga qarang.
(4-band O‘zbekiston Respublikasi Prezidentining 2017-yil 16-martdagi PF-4986-sonli Farmoniga asosan o‘z kuchini yo‘qotgan — O‘R QHT, 2017-y., 12-son, 182-modda)
Oldingi tahrirga qarang.
5. “Navoiy” erkin iqtisodiy zonada ro‘yxatdan o‘tgan xo‘jalik yurituvchi subyektlarga eksport va import qilinadigan tovarlar uchun haq to‘lash va hisob-kitob qilishning ularga qulay shartlari va shakllaridan foydalanishga ruxsat etilsin.
(5-band O‘zbekiston Respublikasi Prezidentining 2018-yil 3-maydagi PF-5428-sonli Farmoni tahririda — Qonun hujjatlari ma’lumotlari milliy bazasi, 04.05.2018-y., 06/18/5428/1158-son)
Oldingi tahrirga qarang.
6. “Navoiy” erkin iqtisodiy zonada ro‘yxatga olingan xo‘jalik yurituvchi subyektlarga nisbatan O‘zbekiston Respublikasi soliq qonunchiligining soliq to‘lovchilar ahvolini yomonlashtiruvchi hujjatlari tatbiq etilmasligi belgilab qo‘yilsin, aksiz solig‘iga tortiladigan tovarlarning soliqqa tortilishini tartibga soluvchi hujjatlar bundan mustasno.
(6-band O‘zbekiston Respublikasi Prezidentining 2017-yil 16-martdagi PF-4986-sonli Farmoni tahririda — O‘R QHT, 2017-y., 12-son, 182-modda)
7. Navoiy viloyati hokimligi O‘zbekiston Respublikasi “Yergeodezkadastr” va “Davlat arxitektura va qurilish qo‘mitasi”, Iqtisodiyot vazirligi, Tashqi iqtisodiy aloqalar, investitsiyalar va savdo vazirligi, boshqa manfaatdor vazirlik, idora va xo‘jalik birlashmalari bilan birgalikda:
ikki hafta muddatda Vazirlar Mahkamasiga EIIZni joylashtirish uchun zarur bo‘lgan yer maydoni bo‘yicha, uning chegaralari aniq ko‘rsatilgan holda, takliflar kiritsin;
bir oy muddatda, tanlangan yer uchastkasi ma’qullangandan keyin, uni erkin industrial-iqtisodiy zona yaratish maqsadida belgilangan tartibda ajratsin, uni zarur kadastr materiallari bilan rasmiylashtirsin hamda EIIZ Ma’muriy kengashiga u faoliyat ko‘rsatadigan muddatga foydalanish va boshqarish uchun bersin;
2009-yil 1-martgacha bo‘lgan muddatda mazkur zona hududini barpo etishning, shu jumladan zarur muhandislik kommunikatsiyalari va servis xizmatlarini tashkil etishning dastlabki rejasini ishlab chiqsin va tasdiqlash uchun Vazirlar Mahkamasiga taqdim etsin;
2010-yil 1-yanvargacha bo‘lgan muddatda erkin industrial-iqtisodiy zonaning Bosh rejasini va zarur loyiha-smeta hujjatlarini tasdiqlasin.
bir oy muddatda “Navoiy” erkin industrial-iqtisodiy zona to‘g‘risidagi Nizomni tasdiqlasin va uning faoliyatini tashkil etish chora-tadbirlari to‘g‘risida qaror qabul qilsin;
2009-yil 1-yanvargacha bo‘lgan muddatda Navoiy viloyatidagi erkin industrial-iqtisodiy zona faoliyatini tezkor boshqarish va davlat tomonidan tartibga solish vazifalarini amalga oshirish uchun EIIZning Ma’muriy kengashini tashkil etsin;
uch oy muddatda ilovaga muvofiq ro‘yxat bo‘yicha “Navoiy” erkin industrial-iqtisodiy zona faoliyatini tartibga soluvchi normativ-huquqiy hujjatlar ishlab chiqilishi va tasdiqlanishini ta’minlasin.
Oldingi tahrirga qarang.
(9-band O‘zbekiston Respublikasi Prezidentining 2017-yil 16-martdagi PF-4986-sonli Farmoniga asosan o‘z kuchini yo‘qotgan — O‘R QHT, 2017-y., 12-son, 182-modda)
Oldingi tahrirga qarang.
10. O‘zbekiston Respublikasi Iqtisodiyot vazirligi, Moliya vazirligi, O‘zbekiston Tiklanish va taraqqiyot jamg‘armasi, zarurat bo‘lganda, Investitsiya dasturlarini shakllantirishda EIZni rivojlantirishning tasdiqlangan Bosh rejasiga va taqdim etilgan loyiha-smeta hujjatlariga muvofiq erkin industrial-iqtisodiy zonaning ishlab chiqarish infratuzilmasini barpo etishga mablag‘larni nazarda tutsin.
(10-band O‘zbekiston Respublikasi Prezidentining 2017-yil 16-martdagi PF-4986-sonli Farmoni tahririda — O‘R QHT, 2017-y., 12-son, 182-modda)
11. O‘zbekiston Respublikasi Tashqi iqtisodiy aloqalar, investitsiyalar va savdo vazirligi Iqtisodiyot vazirligi, Adliya vazirligi hamda boshqa manfaatdor vazirliklar va idoralar bilan birgalikda bir oy muddatda qonun hujjatlariga ushbu Farmondan kelib chiqadigan o‘zgartirish va qo‘shimchalar to‘g‘risida Vazirlar Mahkamasiga takliflar kiritsin.
12. Mazkur Farmonning ijrosini nazorat qilish O‘zbekiston Respublikasining Bosh vaziri Sh.M. Mirziyoyev zimmasiga yuklansin.
Oldingi tahrirga qarang.
(ilovaning nomi O‘zbekiston Respublikasi Prezidentining 2017-yil 16-martdagi PF-4986-sonli Farmoni tahririda — O‘R QHT, 2017-y., 12-son, 182-modda)
Oldingi tahrirga qarang.
№ | Hujjat nomi | Mas’ul ijrochilar |
1. | “Navoiy” erkin iqtisodiy zona Ma’muriy kengashi va direksiyasi to‘g‘risida Nizom | Investitsiyalar va tashqi savdo vazirligi, Iqtisodiy taraqqiyot va kambag‘allikni qisqartirish vazirligi, Adliya vazirligi, Navoiy viloyati hokimligi |
2. | “Navoiy” erkin iqtisodiy zonada joylashtirish uchun investorlar tanlovini o‘tkazish tartibi to‘g‘risida Nizom | Investitsiyalar va tashqi savdo vazirligi, Iqtisodiy taraqqiyot va kambag‘allikni qisqartirish vazirligi, Moliya vazirligi, Adliya vazirligi, Davlat mulki qo‘mitasi |
3. | “Navoiy” erkin iqtisodiy zonaning xo‘jalik faoliyati qatnashchilarini davlat ro‘yxatidan o‘tkazish va ularning tadbirkorlik faoliyatini amalga oshirish tartibi to‘g‘risida Nizom | Investitsiyalar va tashqi savdo vazirligi, Iqtisodiy taraqqiyot va kambag‘allikni qisqartirish vazirligi, Moliya vazirligi, Adliya vazirligi |
5. | Xorijiy fuqarolar va fuqaroligi bo‘lmagan shaxslarning “Navoiy” erkin iqtisodiy zona hududiga kirish, chiqib ketish, hududda bo‘lish va mehnatga yollanishining soddalashtirilgan tartibi to‘g‘risida Nizom | Ichki ishlar vazirligi, Mehnat va aholini ijtimoiy muhofaza qilish vazirligi, Investitsiyalar va tashqi savdo vazirligi, Iqtisodiy taraqqiyot va kambag‘allikni qisqartirish vazirligi, Adliya vazirligi |
(ilova O‘zbekiston Respublikasi Prezidentining 2020-yil 27-sentabrdagi PF-6075-sonli Farmoni tahririda — Qonun hujjatlari ma’lumotlari milliy bazasi, 28.09.2020-y., 06/20/6075/1330-son)