LexUZ sharhi
Mazkur qaror O‘zbekiston Respublikasi Prezidentining 2020-yil 27-sentabrdagi PF-6075-sonli “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida”gi Farmoniga asosan o‘z kuchini yo‘qotgan.
Boshqaruv xodimlari sonini maqbullashtirish, uni bozor iqtisodiyoti tamoyillari va talablariga muvofiqlashtirish, davlat hamda xo‘jalik boshqaruvi organlari faoliyati samaradorligini yanada oshirish maqsadida:
1. O‘zbekiston Respublikasi Prezidentining 2008-yil 25-yanvardagi R-2919-sonli farmoyishi bilan tashkil etilgan Davlat va xo‘jalik boshqaruvi organlari tuzilmasini takomillashtirish hamda boshqaruv xodimlari sonini qisqartirish bo‘yicha Respublika komissiyasining:
davlat va xo‘jalik boshqaruvi organlari rahbarlari o‘rinbosarlari lavozimlarining sonini 1-ilovaga* muvofiq qisqartirish to‘g‘risidagi;
2008-yilning 1-iyulidan boshlab davlat va xo‘jalik boshqaruvi organlari hamda ularga bo‘ysunuvchi korxona va tashkilotlar boshqaruv xodimlarining cheklangan sonini 2 va 3-ilovalarga* muvofiq belgilash to‘g‘risidagi takliflari qabul qilinsin.
* Ilovalar rus tilidagi matnda berilgan.
o‘n kun muddatda xodimlar sonini qisqartirish bo‘yicha komissiya tashkil etsin, boshqaruv va yordamchi xodimlarning qisqartiriladigan lavozimlari ro‘yxatini aniqlasin hamda qisqartirishga tushgan shaxslarni qonun hujjatlarida belgilangan tartibda xabardor qilsin;
2008-yilning 15-iyuligacha bo‘lgan muddatda xodimlar sonini qisqartirish bo‘yicha olib borilgan ishlar to‘g‘risida O‘zbekiston Respublikasi Moliya vazirligiga axborot taqdim etilishini ta’minlasin;
qonun hujjatlarida belgilangan tartibda O‘zbekiston Respublikasi Mehnat va aholini ijtimoiy muhofaza qilish vazirligi hamda uning joylardagi organlari bilan birgalikda ishdan bo‘shatiladigan xodimlarni ishga joylashtirish choralarini ko‘rsin va ularga ko‘maklashsin.
mazkur Qarorda belgilangan davlat va xo‘jalik boshqaruvi organlari boshqaruv xodimlari sonini qisqartirish hamda bo‘shaydigan xodimlarni ishga joylashtirish ustidan qat’iy nazorat o‘rnatsin;
bir oy muddatda mutasaddi vazirliklar va idoralar bilan birgalikda ushbu Qaror talablarini hisobga olgan holda davlat va xo‘jalik boshqaruvi organlari tuzilmasini qayta ko‘rib chiqsin va zarur hollarda O‘zbekiston Respublikasi Vazirlar Mahkamasiga tegishli takliflar kiritsin.
4. Belgilansinki, boshqaruv xodimlari soni qisqartirilishi munosabati bilan bo‘shaydigan mablag‘lar to‘liq hajmda davlat va xo‘jalik boshqaruvi organlarining yuqori malakali xodimlari ish haqini oshirishga yo‘naltiriladi.
Oldingi tahrirga qarang.
(5-bandning ikkinchi xatboshi O‘zbekiston Respublikasi Prezidentining 2009-yil 22-dekabrdagi PQ-1245-son Qaroriga muvofiq o‘z kuchini yo‘qotgan — O‘R QHT, 2009-y., 52-son, 560-modda)
budjet tashkilotlarining shtat jadvali va xarajatlari smetasini mazkur Qarorda belgilangan boshqaruv xodimlarining cheklangan soniga hamda yordamchi xodimlar sonining hisoblab chiqilgan normativlariga qat’iy muvofiq ravishda ro‘yxatdan o‘tkazsin;
O‘zbekiston Respublikasi Davlat statistika qo‘mitasi bilan birgalikda davlat va xo‘jalik boshqaruvi organlari tomonidan boshqaruv apparati boshqaruv xodimlarining belgilab qo‘yilgan cheklangan soniga hamda xizmat ko‘rsatuvchi va texnik xodimlar soni nisbatining hisoblab chiqilgan normativlariga rioya qilinishi ustidan doimiy monitoring olib borsin. Monitoring natijalari to‘g‘risida har yili 25-yanvargacha va har chorakda hisobot davridan keyingi oyning 20 sanasigacha O‘zbekiston Respublikasi Vazirlar Mahkamasiga axborot taqdim etsin.
6. Ushbu Qarorning ijrosini nazorat qilish O‘zbekiston Respublikasi Bosh vazirining birinchi o‘rinbosari R.S. Azimov zimmasiga yuklansin.