Respublika qonunlarini yanada takomillashtirish maqsadida Oʻzbekiston Respublikasi Oliy Kengashi qaror qiladi:

Oʻzbekiston Respublikasining quyidagi qonun hujjatlarigi oʻzgartishlar va qoʻshimchalar kiritilsin:

I. Oʻzbekiston Respublikasining 1959-yil 21-maydagi Qonuni bilan tasdiqlangan Oʻzbekiston Respublikasining Jinoyat kodeksiga (Oʻzbekiston Respublikasi Oliy Sovetining Vedomostlari, 1959-yil, № 6, 2-modda):

1) kodeks quyidagi mazmunda boʻlgan 179-3, 196-1 va 198-1-moddalar bilan toʻldirilsin:

Foydani (daromadni) qasddan yashirganlik (kamaytirib koʻrsatganlik) yoki soliq solinadigan boshqa obyektlarni qasddan yashirganlik (hisobga olmaganlik), agar bu xatti-harakatlar xuddi shunday qonunbuzarlik uchun maʼmuriy jazo berilgandan keyin bir yil mobaynida takror sodir etilgan boʻlsa, —

ikki yilgacha muddatga axloq tuzatish ishlariga jalb etish yoki eng kam oylik ish haqining ellik hissasi miqdorida jarima solish bilan jazolanadi.”

Ommaviy axborot vositalarini qonunga muvofiq roʻyxatdan oʻtkazmay turib yoki uni chiqarishni yoxud nashr etishni toʻxtatish toʻgʻrisidagi qarordan keyin tayyorlash va tarqatish, agar bu xatti-harakatlar maʼmuriy jazo berilgandan keyin bir yil mobaynida takror sodir etilgan boʻlsa,—

aybdorga qarashli boʻlgan axborotni tayyorlash va tarqatish uchun foydalanilgan texnika vositalarini musodara qilib yoki musodara qilmay eng kam oylik ish haqining oʻn hissasi miqdorida jarima solish bilan jazolanadi”.

Oʻzbekiston Respublikasi fuqarolarining chet elga chiqish uchun hujjatlarni rasmiylashtirish tartibini qasddan buzishi, basharti, xuddi shu xatti-harakatlar sodir etganlik uchun maʼmuriy jazo berilgandan keyin bir yil davomida takror sodir etilgan boʻlsa,—

ikki yilgacha muddatga axloq tuzatish ishlariga jalb etish yoki eng kam oylik ish haqining yigirma besh hissasi miqdorida jarima solishga sabab boʻladi”;

2) 23-modda toʻrtinchi qismining uchinchi xatboshisidan “xususiy sohibkorlik faoliyati yoki kommersiyada vositachilik qilganlik (174-modda)” degan soʻzlar chiqarib tashlansin;

3) 177-modda birinchi qismining dispozitsiyasidan “ellik tiyindan ortiq summaga” degan soʻzlar chiqarib tashlansin;

4) kodeksdan 174, 177-3, 179-1, 180-moddalar hamda 175 va 177-2-moddalarning izohi chiqarib tashlansin;

5) amaldagi 198-1-modda 198-2-modda deb hisoblansin va u quyidagi tahrirda bayon etilsin:

Chet el fuqarolari va fuqaroligi boʻlmagan shaxslarning Oʻzbekiston Respublikasida boʻlish qoidalarini qasddan buzishi, yaʼni Oʻzbekiston Respublikasida yashash huquqini beruvchi hujjatlarsiz yashashi yoki haqiqiy deb hisoblanmagan hujjatlar bilan yashashi, roʻyxatdan yoki propiskadan oʻtish yuzasidan belgilangan tartibga yoxud turar joyidan koʻchish va yangi turar joy tanlash boʻyicha belgilangan tartibga rioya qilmasligi, bu yerda yashash uchun belgilangan muhlat tugaganidan keyin Oʻzbekiston Respublikasidan ketishdan boʻyin tovlashi, shuningdek Oʻzbekiston Respublikasi hududi orqali oʻtish qoidalariga rioya qilmasligi, agar bunday shaxslar xuddi shu qoidalarni buzganliklari uchun bir yil davomida ilgari ham maʼmuriy jazoga tortilgan boʻlsalar,—

bir yildan uch yilgacha muddatga ozodlikdan mahrum qilish bilan jazolanadi”.

II. Oʻzbekiston Respublikasining 1959-yil 21-maydagi qonuni bilan tasdiqlangan Oʻzbekiston Respublikasi Jinoyat-protsessual kodeksining (Oʻzbekiston Respublikasi Oliy Sovetining Vedomostlari, 1959-yil, № 2, 3-modda) 108-moddasida:

birinchi qismidagi “179-moddaning birinchi qismida” degan soʻzlardan keyin “179-3-moddada” degan soʻzlar kiritilsin;

uchinchi qismidagi “192-194-6” raqamlaridan soʻng “196-1”-raqami kiritilsin;

birinchi qismidagi “179-1, 180” raqamlari chiqarib tashlansin;

toʻrtinchi qismidagi “197-1” raqamlaridan soʻng “198-1” raqamlari kiritilsin va “174”, “177-3” raqamlari chiqarib tashlansin.

III. Oʻzbekiston Respublikasining 1985-yil 13-dekabrdagi Qonuni bilan tasdiqlangan Oʻzbekiston Respublikasining Maʼmuriy huquqbuzarlik toʻgʻrisidagi kodeksiga (Oʻzbekiston Respublikasi Oliy Sovetining Vedomostlari, 1985-yil, № 35, 411-modda):

1) kodeks quyidagi mazmunda boʻlgan 121-1, 193-1, 206-1 va 254-3-moddalar bilan toʻldirilsin:

Metropolitendan foydalanishning belgilangan qoidalarini buzganlik,—

eng kam oylik ish haqining uchdan bir qismidan to yarmigacha boʻlgan miqdorda jarima solinishiga olib keladi.

Maʼmuriy jazo berilganidan keyin bir yil davomida xuddi shunday xatti-harakat takror sodir etilsa,—

eng kam oylik ish haqining yarmidan toʻla miqdorigacha jarima solinishiga olib keladi”.

Davlat statistika hisobotlarini taqdim etish tartibining davlat statistika kuzatuvlarini oʻtkazish uchun zarur boʻlgan hisobotlar va boshqa maʼlumotlarni taqdim etmaslik tarzida buzilishi, hisobot maʼlumotlarining buzib koʻrsatilishi yoki hisobotlarini taqdim etish muddatlarining buzilishi,—

eng kam oylik ish haqining uch hissasidan besh hissasigacha miqdorida jarima solishga sabab boʻladi.

Maʼmuriy jazo berilgandan soʻng bir yil mobaynida takroran sodir etilgan ayni shunday xatti-harakatlar,—

eng kam oylik ish haqining besh hissasidan oʻn hissasigacha miqdorida jarima solishga sabab boʻladi”.

Oʻzbekiston Respublikasi fuqarolarining chet elga chiqishga doir hujjatlarni rasmiylashtirishning belgilangan tartibini buzishi,—

gʻayriqonuniy ravishda rasmiylashtirilgan hujjatlar musodara etilib, eng kam oylik ish haqining yetti hissasi miqdorida jarima solishga sabab boʻladi.

Xuddi shunday xatti-harakatlar mansabdor shaxslar tomonidan sodir etilgan boʻlsa,—

gʻayriqonuniy ravishda rasmiylashtirilgan hujjatlar musodara etilib, eng kam oylik ish haqining oʻndan to oʻn besh hissasi miqdorigacha jarima solishga sabab boʻladi”.

Oʻzbekiston Respublikasi Istiqbolni belgilash va statistika davlat qoʻmitasining idoralari ushbu Kodeksning 193-1-moddasida nazarda tutilgan maʼmuriy huquqbuzarliklar toʻgʻrisidagi ishlarni koʻrib chiqadilar.

Maʼmuriy huquqbuzarliklar toʻgʻrisidagi ishlarni koʻrib chiqishga va ushbu moddaning birinchi qismida koʻrsatilgan idoralar nomidan maʼmuriy jazolar berishga Oʻzbekiston Respublikasi Istiqbolni belgilash va statistika davlat qoʻmitasining raisi va uning oʻrinbosarlari, Qoraqalpogʻiston Respublikasi Istiqbolni belgilash va statistika qoʻmitasining raisi va uning oʻrinbosari, viloyatlar hamda Toshkent shahar hokimliklarining Istiqbolni belgilash va statistika boshqarmalari boshliqlari va ularning oʻrinbosarlari, tuman hamda shahar hokimliklarining istiqbolni belgilash va statistika boʻlimlari boshliqlari haqlidirlar”.

2) 56-moddaning izohi chiqarib tashlansin;

3) 128-1-moddaning uchinchi qismidagi “Metropoliten vagonlarida” degan soʻzlar chiqarib tashlansin;

4) 128-2-moddaning birinchi qismidan “shuningdek metropolitenda” degan soʻzlar chiqarib tashlansin;

5) 158-modda quyidagi mazmunda boʻlgan ikkinchi qism bilan toʻldirilsin:

“xuddi shu xatti-harakatlar maʼmuriy jazo berilganidan keyin bir yil mobaynida takror sodir etilsa,—

fuqarolarga eng kam oylik ish haqining yarmigacha miqdorda, mansabdor shaxslarga eng kam oylik ish haqi miqdorida jarima solinishga olib keladi”;

6) 166-1-moddaning dispozitsiyasidagi “ellik tiyindan oshmagan” degan soʻzlar “kam miqdordagi” degan soʻzlar bilan almashtirilsin;

7) 171-moddaning dispozitsiyasidan “tekin daromad miqdori yuz soʻmdan ortiq boʻlmasa” degan soʻzlar chiqarib tashlansin;

8) 175-moddada:

sarlavhasi va birinchi qismining izoh qismi quyidagi tahrirda bayon etilsin:

Foydani (daromadni) yashirganlik (kamaytirib koʻrsatganlik) yoki soliq solinadigan boshqa obyektlarni yashirganlik (hisobga olmaganlik), shuningdek buxgalterlik hisob-kitobning yoʻqligi yoki hisob-kitobni belgilangan tartibni buzib olib borganlik hamda buxgalterlik hisobotlarini buzib koʻrsatganlik soliqlarni hamda budjetda va budjetdan tashqari jamgʻarmalarga toʻlanadigan boshqa toʻlovlarni hisoblab chiqarish hamda toʻlash bilan bogʻliq boʻlgan buxgalterlik hisobotlari, balanslar, hisob-kitoblar, deklaratsiyalar va boshqa hujjatlarni taqdim etmaganlik, oʻz vaqtida taqdim etmaganlik yoki belgilanmagan shaklda taqdim etganlik, shuningdek kassa operatsiyalarini yuritish tartibini buzganlik—”;

ikkinchi qismi chiqarib tashlansin;

9) 175-1-moddaning birinchi qismidan “daromadlar hisob-kitobining yoʻqligi yoki uni belgilangan tartibni buzgan holda olib borganlik, daromadlar haqidagi deklaratsiyalarni taqdim etmaganlik yoki oʻz vaqtida taqdim etmaganlik yoxud deklaratsiyaga notoʻgʻri maʼlumotlar kiritganlik” degan soʻzlar chiqarib tashlansin;

10) 194-moddaning uchinchi qismi quyidagi tahrirda bayon etilsin:

“Ommaviy axborot vositasini qonunga muvofiq roʻyxatdan oʻtkazmay turib yoki uni chiqarishni yoxud nashr etishni toʻxtatish toʻgʻrisidagi qarordan keyin qonunga xilof holda tayyorlash va tarqatish,—

eng kam oylik ish haqining 5 hissasi miqdorida jarima solib, matbaa yoki boshqa nashrning jami nusxasi olib qoʻyilishiga sabab boʻladi”;

11) 207-modda quyidagi tahrirda bayon etilsin:

Chet el fuqarolari yoki fuqaroligi boʻlmagan shaxslar tomonidan Oʻzbekiston Respublikasida boʻlish qoidalarining buzilishi, yaʼni Oʻzbekiston Respublikasida yashash huquqini beruvchi hujjatlarsiz yashash yoki haqiqiy boʻlmagan hujjatlar bilan yashash, roʻyxatdan yoki propiskadan oʻtish yoxud bir joydan ikkinchi joyga borish va istiqomat joyini tanlab olish yuzasidan belgilangan tartibga rioya qilmaslik, yashash uchun belgilangan muddat tugagach bu yerdan chiqib ketishdan boʻyin tovlash, shuningdek Oʻzbekiston Respublikasi hududi orqali oʻtish qoidalariga rioya qilmaslik,—

eng kam oylik ish haqining oʻn hissasigacha boʻlgan miqdorda jarima solishga sabab boʻladi.

Oʻzbekiston Respublikasida chet el fuqarolarini va fuqaroligi boʻlmagan shaxslarni qabul qiluvchi yoki ularga xizmat koʻrsatilishini taʼminlovchi, chet el fuqarolari va fuqaroligi boʻlmagan shaxslar Oʻzbekiston Respublikasida boʻlishi va Oʻzbekiston Respublikasi hududi orqali oʻtish shartlariga rioya qilish bilan bogʻliq vazifalarni bajaruvchi korxonalar, muassasalar va tashkilotlarning mansabdor shaxslari tomonidan ularni roʻyxatdan, propiskadan oʻtkazish yoki roʻyxatdan chiqarish, ular uchun Oʻzbekiston Respublikasida yashash, bir joydan ikkinchi joyga borish va istiqomat joyini oʻzgartirish huquqini beruvchi hujjatlarni rasmiylashtirish yuzasidan belgilangan tartibning buzilishi,—

eng kam oylik ish haqining uch hissasidan oʻn hissagacha miqdorida jarima solishga sabab boʻladi.

Xususiy ish bilan chet el fuqarolari va fuqaroligi boʻlmagan shaxslarni Oʻzbekiston Respublikasiga taklif qilgan hamda ularga uy-joy maydoni bergan fuqarolarning ularni belgilangan tartibda oʻz vaqtida roʻyxatdan, propiskadan oʻtkazish yoki roʻyxatdan oʻchirishni taʼminlash choralarini koʻrmasligi,—

eng kam oylik ish haqining besh hissasigacha miqdorida jarima solishga sabab boʻladi.

Chet el fuqarolari va fuqaroligi boʻlmagan shaxslarning Oʻzbekiston Respublikasida boʻlishi yuzasidan belgilangan qoidalarga hamda ularning Oʻzbekiston Respublikasi hududi orqali oʻtishi qoidalariga xilof ravishda fuqarolarning chet el fuqarolariga va fuqaroligi boʻlmagan shaxslarga uy-joy, transport vositalarini berib qoʻyishi yoki ularga boshqa xil xizmat koʻrsatish—

eng kam oylik ish haqining besh hissasigacha miqdorida jarima solishga sabab boʻladi”.

12) 228-moddaning birinchi qismidagi “193-200” raqamlari “193, 194, 195-200” raqamlari bilan almashtirilsin;

13) 232-modda “189-moddalarida” degan soʻzlardan keyin “194-moddaning uchinchi qismida” degan soʻzlar bilan toʻldirilsin;

14) 233-modda ikkinchi qismining birinchi bandidagi “206-moddalar” degan soʻzlar “206-206-1-moddalar” degan soʻzlar bilan almashtirilsin.

IV. Oʻzbekiston Respublikasi Maʼmuriy huquqbuzarlik toʻgʻrisidagi kodeksining 121-1 va 206-1-moddalarida koʻzda tutilgan protokol ichki ishlar idorasining vakolati xodimlari (militsiya) tomonidan tuziladi.

V. Oʻzbekiston Respublikasining 1970-yil 24-iyundagi Qonuni bilan tasdiqlangan Oʻzbekiston Respublikasining Axloq tuzatish-mehnat kodeksiga (Oʻzbekiston Respublikasi Oliy Sovetining Vedomostlari, 1970-yil, № 18, 168-modda):

1) 40-moddaning sarlavhasidagi va birinchi qismidagi “yigirma yoshga toʻlgunga qadar” degan soʻzlar “yigirma uch yoshga toʻlgunga qadar” degan soʻzlar bilan almashtirilsin;

2) 122-modda quyidagi tahrirda bayon etilsin:

Ozodlikdan mahrum etish joylaridan boʻshatilgan ogʻir jinoyatlari uchun tayinlangan jazoni oʻtab chiqqan yoki qasddan qilgan har qanday jinoyati uchun ikki marta va undan koʻp marta sudlanib, ozodlikdan mahrum etilgan shaxslarning ozodlikdan mahrum etish joylarida jazo muddatini oʻtash davridagi yoxud jazoni oʻtab boʻlgandan keyin xulqi ular axloqan tuzalish va mehnat qilib halol kun kechirish yoʻliga tushishini sira istamaganliklaridan dalolat berib turgan boʻlsa, ichki ishlar idoralari bunday shaxslar ustidan maʼmuriy nazorat oʻrnatadilar.

Maʼmuriy nazorat oʻrnatish uchun asos hamda uni amalga oshirish tartibi ozodlikdan mahrum etish joylaridan boʻshatilgan shaxslar ustidan ichki ishlar idoralarining maʼmuriy nazorat oʻrnatish toʻgʻrisidagi Oʻzbekiston Respublikasining Qonunida belgilab qoʻyiladi”;

3) 123-moddada:

ikkinchi qism quyidagi tahrirda bayon qilinsin:

“Ushbu Kodeksning 122-moddasi birinchi qismida koʻrsatilgan shaxslarga nisbatan axloq tuzatish-mehnat muassasasining boshligʻi ular boʻshatilishidan eng kamida bir oy oldin muassasa joylashgan yerdagi sudga maʼmuriy nazorat oʻrnatish zarurligi asoslab koʻrsatilgan taqdimnoma hamda mahkumning axloqan tuzalish va mehnat qilib, halol kun kechirish yoʻliga tushishni sira istamayotganligidan dalolat beruvchi materiallarni yuboradi”;

modda quyidagi mazmunda boʻlgan uchinchi qism bilan toʻldirilsin:

“Maʼmuriy nazorat oʻrnatish toʻgʻrisidagi sudyaning qarori hamda tanlangan turar-joyga etib borish muddati nazorat ostidagi shaxsga tilxat vositasida maʼlum qilinadi. Qaror nazorat ostidagi shaxs tanlangan turar joydagi ichki ishlar idorasi (militsiya) ga barvaqt joʻnatiladi, bunda soʻnggi muddat boʻshatilgan kun hisoblanadi”.

VI. Oʻzbekiston Respublikasining yangi tahrirdagi Maʼmuriy huquqbuzarlik toʻgʻrisidagi kodeksi qabul qilgunga qadar bundan buyon qatʼiy soʻmlarda ifodalangan jarima miqdorlarini qayta hisoblashning quyidagi tartibiga amal qilinsin:

agar jarimaning eng yuqori miqdori:

— oʻn soʻm boʻlsa, u huquqbuzarlik sodir etilayotgan davrda belgilangan eng kam oylik ish haqining oʻndan bir qismiga teng deb hisoblansin, bunda jarima miqdori yigirma besh soʻmdan oz boʻlmasligi kerak;

— oʻttiz soʻm boʻlsa, u eng kam oylik ish haqining uchdan biriga teng deb hisoblansin, bunda jarima miqdori ellik soʻmdan oz boʻlmasligi kerak;

— ellik soʻm boʻlsa, u eng kam oylik ish haqining yarmiga teng deb hisoblansin, bunda jarimaning miqdori eng kam oylik ish haqining oʻndan bir qismidan oz boʻlmasligi kerak;

— yuz soʻm boʻlsa, u eng kam oylik ish haqiga teng deb hisoblansin, bunda jarima miqdori eng kam oylik ish haqining uchdan bir qismidan oz boʻlmasligi kerak;

— ikki yuz soʻm boʻlsa, u eng kam oylik ish haqining ikki hissasiga teng deb hisoblansin, bunda koʻzda tutilgan jarima miqdori eng kam oylik ish haqi miqdorining yarmidan oz boʻlmasligi kerak;

— uch yuz soʻm boʻlsa, u eng kam oylik ish haqining uch hissasiga teng deb hisoblansin, bunda jarima miqdori eng kam oylik ish haqi miqdoridan oz boʻlmasligi kerak;

— besh yuz soʻm boʻlsa, u eng kam oylik ish haqining besh hissasiga teng deb hisoblansin, bunda jarima miqdori eng kam oylik ish haqining ikki hissasidan oz boʻlmasligi kerak;

— ming soʻm boʻlsa, u eng kam oylik ish haqining yetti hissasiga teng deb hisoblansin, bunda jarima miqdori eng kam oylik ish haqining uch hissasidan oz boʻlmasligi kerak;

— uch ming soʻm boʻlsa, u eng kam oylik ish haqining oʻn hissasiga teng deb hisoblansin, bunda jarima miqdori eng kam oylik ish haqining toʻrt hissasidan kam boʻlmasligi kerak.

— oʻn ming soʻm boʻlsa, u eng kam oylik ish haqining oʻn besh hissasiga teng deb hisoblansin, bunda jarima miqdori eng kam oylik ish haqining yetti hissasidan oz boʻlmasligi kerak.

VII. Oʻzbekiston Respublikasining yangi tahrirdagi Jinoyat kodeksi qabul qilingunga qadar bundan buyon qatʼiy soʻmlarda ifodalangan jarima miqdorlarini qayta hisoblashning quyidagi tartibiga amal qilinsin:

agar jarimaning eng yuqori miqdori:

— ellik soʻmdan oshmasa, u jinoyat sodir etgan davrda belgilangan eng kam oylik ish haqiga teng deb hisoblansin, bunda jarima miqdori eng kam oylik ish haqining chorak qismidan oz boʻlmasligi kerak;

— yuz soʻmdan oshmasa, u eng kam oylik ish haqining ikki hissasiga teng deb hisoblansin, bunda jarima miqdori eng kam oylik ish haqining yarmidan oz boʻlmasligi kerak;

— ikki yuz soʻmdan oshmasa, u eng kam oylik ish haqining uch hissasiga teng deb hisoblansin, bunda jarima miqdori eng kam oylik ish haqidan oz boʻlmasligi kerak;

— besh yuz soʻmdan oshmasa, u eng kam oylik ish haqining sakkiz hissasiga teng deb hisoblansin, bunda jarima miqdori eng kam oylik ish haqining ikki hissasidan oz boʻlmasligi kerak.

— ming soʻmdan oshmasa, u eng kam oylik ish haqining oʻn hissasiga teng deb hisoblansin, bunda jarima miqdori eng kam oylik ish haqining uch hissasidan oz boʻlmasligi kerak;

— uch ming soʻmdan oshmasa, u eng kam oylik ish haqining ikki hissasiga teng deb hisoblansin, bunda jarima miqdori eng kam oylik ish haqining sakkiz hissasidan oz boʻlmasligi kerak;

— besh ming soʻmdan oshmasa, u eng kam oylik ish haqining oʻn besh hissasiga teng deb hisoblansin, bunda jarima miqdori eng kam oylik ish haqining oʻn hissasidan kam boʻlmasligi kerak;

— oʻn ming soʻmdan oshmasa, u eng kam oylik ish haqining yigirma hissasiga teng deb hisoblansin, bunda jarima miqdori eng kam oylik ish haqining oʻn ikki hissasidan oz boʻlmasligi kerak;

— oʻn besh ming soʻmdan oshmasa, u eng kam oylik ish haqining yigirma besh hissasiga teng deb hisoblansin, bunda jarima miqdori eng kam oylik ish haqining oʻn besh hissasidan oz boʻlmasligi kerak;

— yigirma besh ming soʻmdan oshmasa, u eng kam oylik ish haqining oʻttiz besh hissasiga teng deb hisoblansin, bunda jarima miqdori eng kam oylik ish haqining yigirma hissasidan oz boʻlmasligi kerak;

— oʻttiz ming soʻmdan oshmasa, u eng kam oylik ish haqining ellik hissasiga teng deb hisoblansin, bunda jarima miqdori eng kam oylik ish haqining yigirma besh hissasidan oz boʻlmasligi kerak.

VIII. Ushbu Qonun eʼlon qilingan vaqtdan boshlab kuchga kiritiladi.