Oʻzbekiston Respublikasi Davlat mulki qoʻmitasi huzuridagi qimmatli qogʻozlar bozori faoliyatini muvofiqlashtirish va nazorat qilish Markazi va Birlashgan Arab Amirliklarining qimmatli qogʻozlar va tovarlar boʻyicha Maʼmuriyati, keyingi oʻrinlarda “Tomonlar” deb ataluvchilar,

qimmatli qogʻozlar bozorini tartibga solish boʻyicha oʻz davlatining vakolatli organi hisoblanib,

qimmatli qogʻozlar bozori qatnashchilarining oʻz davlatida qonunchilik talablariga rioya qilinishi ustidan nazoratni amalga oshiradigan,

kapital bozorida xalqaro faoliyatning kengayib borayotganligi va ushbu sohada oʻzaro foydali hamkorlikni jadallashtirish zaruriyati tugʻilayotganligini eʼtiborga olgan holda,

Qimmatli qogʻozlar bozorini integrallashtirishda Tomonlar oʻrtasida bajariladigan ishlar samaradorligini oshirish, maʼlumotlar bilan almashish va qimmatli qogʻozlar bozori toʻgʻrisidagi qonunbuzilishlari alomatlarini oʻrganishda yordam koʻrsatish bilan hamkorlik doirasini yanada kengaytirishni taʼminlashda Tomonlar oʻrtasida samarali hamkorlik qilish uchun sharoitlar yaratish mazkur Memorandumning maqsadi hisoblanadi.

Mazkur Memorandumning maqsadlarida quyidagi asosiy tushunchalardan foydalaniladi:

1. “Soʻrayotgan Tomon” — mazkur Memorandumga muvofiq soʻrovni amalga oshiruvchi Tomon.

2. “Soʻralayotgan Tomon” — mazkur Memorandumga muvofiq soʻrov amalga oshirilgan Tomon.

3. “Qimmatli qogʻozlar” — aksiyalar, obligatsiyalar, hosilaviy qimmatli qogʻozlar hamda Oʻzbekiston Respublikasi va Birlashgan Arab Amirliklari qonunchiligiga muvofiq taalluqli boʻlgan boshqa moliyaviy vositalar.

4. “Qimmatli qogʻozlar bozori” — qimmatli qogʻozlarni chiqarilishi, muomala qilinishi va soʻndirilishi bilan bogʻliq qimmatli qogʻozlar bozori qatnashchilari munosabatlari tizimi.

5. “Normativ-huquqiy hujjatlar” — Birlashgan Arab Amirliklarida va Oʻzbekiston Respublikasida qabul qilingan qonunlar, qoʻllanmalar va boshqa meʼyoriy-huquqiy hujjatlar.

1. Tomonlar Birlashgan Arab Amirliklari va Oʻzbekiston Respublikasi normativ-huquqiy hujjatlariga zid boʻlmagan, Soʻrayotgan Tomonning davlat qonunchiligi buzilishida kelib chiqadigan soʻrovlarga javob berishda yaqindan yordam berishni nazarda tutadi.

2. Bunday maqsadlarda Soʻralayotgan Tomon oʻz davlatida amalda boʻlgan oʻzining vakolatlari va tegishli mexanizmlaridan foydalanadi.

3. Soʻralayotgan Tomon agarda unda zarur huquq va vakolatlar boʻlsa mavjud maʼlumotlarni olish uchun imkoniyatni taʼminlaydi.

1. Mazkur Memorandum Tomonlar hamkorligi uchun asos sifatida xizmat qiladi va xalqaro huquqiy majburiyatlarni keltirib chiqarmaydi va shu bilan birgalikda, Oʻzbekiston Respublikasi va Birlashgan Arab Amirliklari amaliyotida qoʻllanilayotgan yoki ishlab chiqilgan birorta normativ-huquqiy hujjatlarni oʻzgartirmaydi yoki almashtirmaydi. Memorandum uchinchi shaxslar uchun hech qanday huquqni vujudga keltirmaydi va boshqa bitimlar asosida hech qanday ahdlashuvlarga olib kelmaydi. Mazkur Memorandum shartlarining bajarilishi Tomonlar davlatining tegishli normativ-huquqiy hujjatlariga zid kelmasligi lozim va u Tomonlarning tegishli imkoniyatlari doirasida amalga oshiriladi. Mazkur Memorandum shartlarining bajarilishi Soʻrayotgan Tomon mamlakatining manfaatlariga zid kelmasligi lozim.

2. Mazkur Memorandumga muvofiq, agarda:

a) soʻrovning bajarilishi, Soʻralayotgan Tomon davlatining mustaqilligiga, xavfsizligiga, iqtisodiy manfaatlariga yoki ijtimoiy tartiblariga ziyon yetkazsa;

b) soʻrov, ushbu Memorandumda ifodalangan shartlarga muvofiq boʻlmasa;

v) Soʻralayotgan Tomon davlatida xuddi shunday alomatlar asosida va xuddi shu shaxslarga nisbatan jinoiy ish ochilgan boʻlsa;

g) Soʻralayotgan Tomon davlatida xuddi shu shaxslar, xuddi shunday huquqbuzarliklar uchun qonunchilikka muvofiq javobgarlikka tortilgan boʻlsa, yordam rad etilishi mumkin.

1. Koʻmaklashish toʻgʻrisida soʻrovlar yozma shaklda Tomon rahbari manziliga yuborilishi lozim.

2. Koʻmaklashish toʻgʻrisidagi soʻrov quyidagilarni oʻz ichiga olishi lozim:

a) Soʻrayotgan Tomonni qiziqtirgan maʼlumotlarning umumiy taʼrifi;

b) Soʻrov sababi hisoblangan holatlarning, shuningdek, maʼlumotlar soʻrash maqsadlarining umumiy taʼrifi;

v) Soʻrov sababi hisoblangan holatlarga aloqasi boʻlgan normativ-huquqiy hujjatlar;

g) Javobni taqdim etish muddati va shakli toʻgʻrisida koʻrsatma.

Koʻmaklashish toʻgʻrisida soʻrovlar va mazkur Memorandumga muvofiq, Tomonlarning boshqa murojaatlari yozma shaklda tuzilishi va Tomonlar rahbarlari manziliga yuborilishi lozim.

Mazkur Memorandum masalalari boʻyicha bogʻlanish uchun kuyidagi shaxslar belgilangan:

Oʻzbekiston Respublikasi Davlat mulki qoʻmitasi huzuridagi qimmatli qogʻozlar bozori faoliyatini muvofiqlashtirish va nazorat qilish Markazi tomonidan:

1. J-b Obidov Asqar Akbar oʻgʻli,

Oʻzbekiston Respublikasi Davlat mulki qoʻmitasi huzuridagi Qimmatli qogʻozlar bozori faoliyatini muvofiqlashtirish va nazorat qilish markazining Bosh direktor oʻrinbosari

Manzil: 100047, Oʻzbekiston Respublikasi, Toshkent sh. Buxoro koʻchasi 10.

Telefon: (998 71) 136-3791, 136-0635

Faks: (998 71) 132-0731

Elektron pochta: obidov_aa@csm.gov.uz

info@csm.gov.uz

2. Bogʻlanish uchun alternativ masʼul shaxs:

M-a Yakubova Nigoraxon Kamoldinovna

Oʻzbekiston Respublikasi Davlat mulki qoʻmitasi huzuridagi Qimmatli qogʻozlar bozori faoliyatini muvofiqlashtirish va nazorat qilish markazining Qonunchilikni takomillashtirish va qimmatli qogʻozlar bozori tahlili boshqarmasi boshligʻi

Manzil: 100047, Oʻzbekiston Respublikasi, Toshkent sh., Buxoro koʻchasi 10.

Telefon: (998 71) 136-3227

Faks: (998 71) 132-0731

Elektron pochta: uakubova_nk@csm.gov.uz

info@csm.gov.uz

Birlashgan Arab Amirliklarining qimmatli qogʻozlar va tovarlar boʻyicha Maʼmuriyati tomonidan:

J.O. Abdulla Salem Al-Turifi

Bosh Administrator

Birlashgan Arab Amirliklarining qimmatli qogʻozlar va tovarlar boʻyicha Maʼmuriyati

Al-Xait Tauer

Pochta qutisi 33733

Abu-Dabi sh., Birlashgan Arab Amirliklari

Tel.: (971 2) 612 0140

Faks: (971 2) 627 3332

Elektron pochta: alturifi@sca.ae

3. Bogʻlanish uchun alternativ masʼul shaxs:

J-b Ibroxim Al Zaabi

Nazorat Departamentining Rahbari

Birlashgan Arab Amirliklarining qimmatli qogʻozlar va tovarlar boʻyicha Maʼmuriyati

Al-Xait Tauer

Pochta qutisi 33733

Abu-Dabi sh., Birlashgan Arab Amirliklari

Tel.: (971 2) 612 0300

Faks: (971 2) 627 7751

Elektron pochta: eod@sca.ae

Yuqorida koʻrsatilgan shaxslar boshqa ishga oʻtgan hollarda, mazkur Memorandumga muvofiq ularning vazifalarini ushbu lavozimlarga tayinlangan shaxslar bajaradi.

1. Soʻrayotgan Tomon havola etilgan maʼlumotlardan faqat:

a) soʻrovda koʻrsatilgan va amaldagi qonunchilikka rioya etgan holda, soʻrovda bildirilgan maqsadlarda;

b) qimmatli qogʻozlar bozori boʻyicha tadqiqot oʻtkazilishi, normativ-huquqiy hujjatlari boʻyicha maslahatlar va tushuntirishlar berilishi, soʻrovda koʻrsatilgan qonun yoki boshqa meʼyoriy-huquqiy hujjatlarning buzilishi hisoblangan huquqbuzarlik bilan bogʻliq alomatlarning oʻrganilishi bilan birga hamkorlikning umumiy meʼyori doirasida foydalanishi lozim.

2. Agarda Soʻrayotgan Tomon taqdim etilgan maʼlumotlardan 1-moddada bildirilgan yoki mazkur moddaning birinchi qismida koʻrsatilganlardan farq qiladigan va mazkur Memorandumga zid boʻlmagan, shuningdek, ushbu maʼlumotlarni qimmatli qogʻozlar bozori sohasidagi boshqa huquqiy organlarga berish maqsadlarida foydalanishni xohlasa, oldindan Soʻralayotgan Tomonning yozma ruxsatini olishi zarur.

1. Har bir Tomon mazkur Memorandum doirasida amalga oshirilgan soʻrovlarga nisbatan konfidensiallikka, bunday soʻrovlar va mazkur Memorandum shartlarini bajarish vaqtida kelib chiqadigan boshqa har qanday masalalar, shu jumladan, Tomonlar oʻrtasidagi oʻzaro maslahatlar mazmuniga rioya etishi lozim.

2. Soʻrayotgan Tomon mazkur Memorandumga muvofiq olingan har qanday maʼlumotlarga nisbatan, ushbu maʼlumotlar Soʻralayotgan Tomonning davlatida konfidensial hisoblansa, mazkur Memorandumning 7-moddasiga muvofiq axborotlarni ochish va Soʻralayotgan Tomonning dastlabki ruxsatisiz maʼlumotlarni uchinchi shaxslarga berish boʻyicha konfidensiallikka rioya etishi mumkin boʻlmagan holatlar bundan mustasno.

Vakolatli organlarning oʻzaro kelishuviga koʻra, mazkur Memorandumning ajralmas qismi hisoblanadigan alohida bayonnoma bilan rasmiylashtiriladigan oʻzgartish va qoʻshimchalar kiritilishi mumkin.

Mazkur Memorandum qoidalarini qoʻllash va talqin etish bilan bogʻliq nizolar Tomonlar oʻrtasida muzokaralar va maslahatlashuvlar yoʻli bilan hal etiladi.

Agarda mazkur Memorandumga muvofiq koʻmaklashish toʻgʻrisidagi soʻrovga javob muqim xarajatlarga olib kelsa, Soʻralayotgan va Soʻrayotgan Tomonlar koʻmaklashish toʻgʻrisidagi soʻrov boʻyicha tadbirlarni davom ettirishdan oldin xarajatlarni taqsimlash toʻgʻrisida shartnoma tuzishlari lozim.

1. Mazkur Memorandum imzolangan kundan eʼtiboran kuchga kiradi.

2. Tomonlarning har biri diplomatik yoʻllar bilan ikkinchi Tomonni yozma xabardor etish yoʻli bilan mazkur Memorandum harakatini toʻxtatishi mumkin. Mazkur Memorandum harakati shunday xabarnoma olingan kundan oʻttiz kun oʻtgandan keyin toʻxtatiladi.

Abu Dabi shahrida 2008-yil 17-martda ikki asl nusxada, har biri oʻzbek, arab va ingliz tillarida tuzildi, bunda barcha matnlar bir xil kuchga ega. Talqin etishda kelishmovchiliklar yuzaga kelgan holda, ingliz tilidagi matn ustuvor hisoblanadi.