Oʻzbekiston Respublikasi Prezidentining “2008—2010-yillarda sanoat kooperatsiyasi asosida tayyor mahsulotlar, butlovchi buyumlar va materiallar ishlab chiqarishni mahalliylashtirish dasturi toʻgʻrisida” 2008-yil 28-maydagi PQ-879-son qarorini bajarish yuzasidan hamda Mahalliylashtirish dasturi imkoniyatlaridan yanada toʻliq va samarali foydalanish, loyihalarni kiritish va chiqarib tashlash mexanizmlarini takomillashtirish, shuningdek baholashning aniq va ravshan mezonlari asosida loyihalarning ayrim parametrlariga tuzatishlar kiritish maqsadida Vazirlar Mahkamasi qaror qiladi:

1. Sanoat kooperatsiyasi asosida tayyor mahsulotlar, butlovchi buyumlar va materiallar ishlab chiqarishni mahalliylashtirish dasturiga tuzatish kiritish tartibi toʻgʻrisidagi nizom 1-ilovaga muvofiq tasdiqlansin.

2. Quyidagilar Sanoat kooperatsiyasi asosida tayyor mahsulotlar, butlovchi buyumlar va materiallar ishlab chiqarishni mahalliylashtirish dasturining amalga oshirilishini taʼminlash boʻyicha Maxsus komissiyaning asosiy vazifalari etib belgilansin:

mahalliylashtiradigan ishlab chiqarishlarni va sanoat korxonalari oʻrtasidagi kooperatsiyani rivojlantirish yuzasidan respublikada olib borilayotgan ishlarni muvofiqlashtirish;

Mahalliylashtirish dasturining amalga oshirilishini, asbob-uskunalar, butlovchi buyumlar, xomashyo va materiallarning oʻzlashtirilishini hamda importni maqbullashtirish boʻyicha chora-tadbirlarni muntazam ravishda nazorat qilish;

Mahalliylashtirish dasturining belgilangan prognoz koʻrsatkichlariga erishishga toʻsqinlik qilayotgan omillarni bartaraf etish boʻyicha zarur chora-tadbirlar koʻrish;

kichik va xususiy tadbirkorlik korxonalari bilan yirik sanoat korxonalari oʻrtasidagi kooperatsiyani rivojlantirish masalalari tezkorlik bilan hal qilinishini taʼminlash;

butlovchi buyumlar, xomashyo va materiallarning ilgari import qilib kelingan turlarini ishlab chiqarishni yoʻlga qoʻyish maqsadida mavjud imkoniyatlar va quvvatlarni aniqlash;

mamlakatimiz tovar ishlab chiqaruvchilarni har tomonlama qoʻllab-quvvatlash.

3. Oʻzbekiston Respublikasi Hukumatining 2-ilovaga muvofiq ayrim qarorlari oʻz kuchini yoʻqotgan deb hisoblansin.

4. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

1. Mazkur Nizom Sanoat kooperatsiyasi asosida tayyor mahsulotlar, butlovchi buyumlar va materiallar ishlab chiqarishni mahalliylashtirish dasturiga (keyingi oʻrinlarda Mahalliylashtirish dasturi deb ataladi) tuzatish kiritish tartibini belgilab beradi.

2. Mahalliylashtirish dasturiga tuzatish kiritish:

Mahalliylashtirish dasturiga kiritilgan loyihalarning ayrim parametrlarini oʻzgartirish;

Mahalliylashtirish dasturiga kiritilgan loyihalarni chiqarib tashlash yoki shu yoʻnalishdagi muqobil loyihalar bilan almashtirish;

respublika korxonalarida ishlab chiqarish-texnik va isteʼmol maqsadidagi materiallar va buyumlarni ishlab chiqarishni oʻzlashtirish boʻyicha yangi loyihalarni kiritish boʻyicha asoslangan takliflar asosida amalga oshirilishi mumkin.

3. Mahalliylashtirish dasturiga tuzatishlar kiritish (Dasturga loyihalarni kiritish yoki chiqarib tashlash, mahalliylashtirish loyihalarini almashtirish ayrim loyihalarning mahalliylashtirish darajasini pasaytirish) Oʻzbekiston Respublikasi Vazirlar Mahkamasining qaroriga koʻra amalga oshiriladi.

Mahalliylashtirish dasturi loyihalari parametrlariga tuzatish kiritish (prognoz koʻrsatkichlarni, mahalliylashtiriladigan mahsulot nomenklaturasini, loyihaning yoki mulkchilik shakli yoxud tashkiliy-huquqiy shakli oʻzgarishi munosabati bilan korxonaning nomini oʻzgartirish va boshqalar, ayrim loyihalarning mahalliylashtirish darajasini pasaytirish bundan mustasno) Sanoat kooperatsiyasi asosida tayyor mahsulotlar, butlovchi buyumlar va materiallar ishlab chiqarishni mahalliylashtirish dasturining amalga oshirilishini taʼminlash boʻyicha Maxsus komissiyaning (keyingi oʻrinlarda Maxsus komissiya deb ataladi) protokoli asosida amalga oshiriladi.

4. Takliflar vakolatli organlar tomonidan ariza beruvchi (loyiha tashabbuskori) quyidagi hujjatlarni rasman taqdim etgandan keyin baholanadi:

a) Mahalliylashtirish dasturiga kiritish taklif etilayotgan loyihalar uchun — loyihaning ushbu Nizomga ilovaga muvofiq shakl boʻyicha tuzilgan pasporti hamda oxirgi ikki yil uchun yillik balans;

b) Mahalliylashtirish dasturiga kiritilgan loyihalarning ayrim parametrlariga tuzatish kiritish uchun — loyihaning aniqlashtirilgan pasporti (faqat ishlab chiqarish hajmini koʻpaytirish hollari bundan mustasno), ayrim parametrlarga tuzatish kiritish zarurligini asoslaydigan qaydnoma, tahliliy va jadval materiallari bilan birgalikda;

v) Mahalliylashtirish dasturidan chiqarib tashlash taklif etilayotgan loyihalar uchun — loyihani Mahalliylashtirish dasturidan chiqarib tashlash zarurligi asoslangan qaydnoma, tahliliy va jadval materiallari bilan birgalikda.

5. Loyiha tashabbuskorlari taqdim etilayotgan axborotlarning, shu jumladan loyihaning pasportida koʻrsatilgan axborotlarning ishonchliligi uchun javob beradi.

6. Loyihalar tashabbuskoridan loyiha pasportida nazarda tutilmagan qoʻshimcha axborot taqdim etilishini talab qilishga yoʻl qoʻyilmaydi.

7. Davlat va xoʻjalik organlari, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, mahalliylashtirish loyihalari tashabbuskori boʻlgan xoʻjalik yurituvchi subyektlar Mahalliylashtirish dasturiga tuzatish kiritish yuzasidan ishlab chiqilgan takliflarni Oʻzbekiston Respublikasi Vazirlar Mahkamasining Iqtisodiyot va tashqi iqtisodiy aloqalar masalalari yigʻma axborot-tahlil departamentiga (keyingi oʻrinlarda Yigʻma departament deb ataladi) kiritadilar.

8. Yigʻma departament loyiha maqsadidan, uni moliyalashtirish manbalaridan va taklif etilayotgan tuzatishning mohiyatidan kelib chiqqan holda kelib tushgan materiallarni bir hafta muddatda koʻrib chiqish uchun quyidagi tegishli vakolatli organlarga yuboradi:

a) Oʻzbekiston Respublikasi Iqtisodiyot vazirligiga:

loyihaning Mahalliylashtirish dasturi maqsadlari va vazifalariga muvofiqligini;

loyihani amalga oshirish imkoniyatlarini;

mahalliylashtirishning taklif etilayotgan darajasiga erishish imkoniyatlarini;

loyihalarni chiqarib tashlash yoki loyihalarning parametrlarini oʻzgartirishning maqsadga muvofiqligini aniqlash yuzasidan loyihani amalga oshirishning umumiy iqtisodiy maqsadga muvofiqligini baholash uchun;

b) Oʻzbekiston Respublikasi Tashqi iqtisodiy aloqalar, investitsiyalar va savdo vazirligiga:

taklif etilayotgan marketing konsepsiyasi, shu jumladan mahalliylashtiriladigan mahsulotni sotish istiqbollari;

import qilinadigan texnologik asbob-uskunalarning texnologiya darajasi hamda xomashyo, materiallar va xizmatlar narxlarining cheklangan parametrlari;

loyihalarni chiqarib tashlash yoki loyihalarning parametrlarini oʻzgartirishning maqsadga muvofiqligi asosida loyihani amalga oshirishning samaradorligi va imkoniyatlarini baholash uchun;

v) Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasiga — raqobat muhitini, ishlab chiqariladigan mahsulotga talabning mavjudligini, bozorning yetarlicha taʼminlanganligini va narxlar shakllanishini baholash uchun;

g) Oʻzbekiston Respublikasi Moliya vazirligiga (loyiha moliyalashtirishning markazlashtirilgan manbalari yoki Hukumat kafolati ostidagi kredit mablagʻlari hisobiga amalga oshirilgan hollarda) — iqtisodiy samaradorlikni kelishish uchun.

9. Takliflarni baholash va Yigʻma departamentga asoslangan xulosani taqdim etish yuqorida koʻrsatib oʻtilgan vakolatli organlar tomonidan ikki hafta muddatda amalga oshiriladi. Vakolatli organ aynan ana shu muddatda loyiha tashabbuskoriga oʻz xulosasining nusxasini yuboradi.

Koʻrsatib oʻtilgan muddat mobaynida vakolatli ekspertiza organlari loyihalarning tashabbuskorlari bilan birgalikda taqdim etilgan hujjatlarni koʻrib chiqadilar, iqtisodiy maqsadga muvofiq boʻlmagan loyihalarning hujjatlarida noaniqliklar aniqlangan taqdirda ularni puxta ishlashda ariza beruvchiga yordam beradilar.

10. Loyihaning qayta ishlangan pasportini koʻrib chiqishda vakolatli organlar tomonidan ilgari yuborilgan xulosada koʻrsatilmagan yangi mulohazalar bildirilishiga yoʻl qoʻyilmaydi.

11. Loyihaning qayta ishlangan pasporti mulohazalar va takliflar hisobga olingan holda ushbu Nizomda nazarda tutilgan tartibda qayta ishlangan loyiha pasporti varianti tashabbuskor tomonidan taqdim etilgandan keyin bir hafta muddatda koʻrib chiqiladi.

12. Yigʻma departament bir hafta muddatda vakolatli organlardan tushgan ijobiy xulosalarni umumlashtiradi va ularni koʻrib chiqish uchun Maxsus komissiyaga kiritadi.

Bir yoki undan ortiq vakolatli ekspertiza organlarining salbiy xulosasi mavjud boʻlganda Yigʻma departament tegishli xulosani koʻrib chiqish uchun Maxsus komissiyaga kiritadi.

13. Maxsus komissiya Vazirlar Mahkamasining tegishli komplekslari ishtirokida zaruriyatga koʻra, biroq yil choragida kamida bir marta oʻtkaziladigan oʻz majlislarida tushgan takliflar (xulosalar)ni koʻrib chiqadi hamda Mahalliylashtirish dasturiga oʻzgartirish va qoʻshimchalar kiritishning maqsadga muvofiqligi toʻgʻrisida protokol qabul qiladi.

14. Maxsus komissiya majlisi komissiya aʼzolarining kamida toʻrtdan uch qismi hozir boʻlganda oʻtkaziladi.

Maxsus komissiya qarorlari majlisda hozir boʻlgan Maxsus komissiya aʼzolarining oddiy koʻpchilik ovozi bilan qabul qilinadi. Ovozlar teng boʻlgan taqdirda Maxsus komissiya raisining ovozi hal qiluvchi ovoz hisoblanadi.

Maxsus komissiyaning qarorlari Maxsus komissiya raisi yoki uning oʻrinbosari tomonidan tasdiqlanadigan protokol bilan rasmiylashtiriladi.

15. Mahalliylashtirish dasturiga tuzatish kiritish zarur boʻlganda Oʻzbekiston Respublikasi Iqtisodiyot vazirligi bir hafta muddatda belgilangan tartibda Maxsus komissiyaning protokoli asosida Mahalliylashtirish dasturiga tuzatish kiritish toʻgʻrisida Oʻzbekiston Respublikasi Vazirlar Mahkamasi qarorining loyihasini kiritadi.

16. Loyiha parametrlarining quyidagi majburiy mezonlar asosida Mahalliylashtirish dasturi maqsadlari va vazifalariga muvofiqligi loyihani Mahalliylashtirish dasturiga kiritish imkoniyati toʻgʻrisida taklif kiritish uchun asos hisoblanadi:

a) Iqtisodiyot vazirligining xulosasiga koʻra mamlakat sanoatini rivojlantirishning asosiy ustuvorliklariga muvofiqlik;

b) mahalliylashtiriladigan mahsulotni ishlab chiqarishni tashkil etish uchun quvvatlar va xomashyo resurslari mavjudligi;

v) mahalliylashtirish darajasi bosqichma-bosqich oshirib borilgan holda ishlab chiqarish boshlangan paytdan boshlab 12 oy mobaynida ishlab chiqarilayotgan mahsulot boʻyicha mahalliylashtirish darajasining kamida 30 foizga yetishi;

g) TIF TN kodi boʻyicha pirovard mahsulot tovar pozitsiyasi boshlangʻich xomashyoga taqqoslaganda kamida birinchi 4 belgilardan biri darajasiga oʻzgarishi taʼminlanishi;

d) mahalliylashtiriladigan mahsulotning sotish narxi ana shunday import qilinadigan mahsulot narxidan yuqori boʻlmaganda loyihaning iqtisodiy oʻzini qoplashi (Oʻzbekistongacha boʻlgan transport sarf-xarajatlari, bojxona va soliq toʻlovlari hisobga olingan holda);

e) Iqtisodiyot vazirligi hamda Tashqi iqtisodiy aloqalar, investitsiyalar va savdo vazirligining xulosasiga koʻra mahalliylashtiriladigan mahsulotga ichki va tashqi bozorlarda barqaror talabning mavjudligi;

j) mahalliylashtiriladigan mahsulotga nisbatan xalqaro standartlar boʻyicha ishlab chiqarish boshlangan paytdan boshlab 18 oy mobaynida sifatni boshqarish tizimi joriy etilishi.

17. Yuqorida koʻrsatib oʻtilgan mezonlarga toʻliq muvofiq boʻlmagan istiqbolli loyihalar mavjud boʻlganda bunday loyihalarni kiritishning maqsadga muvofiqligi masalasi Iqtisodiyot vazirligi hamda Tashqi iqtisodiy aloqalar, investitsiyalar va savdo vazirligining xulosalariga koʻra koʻrib chiqish uchun Maxsus komissiyaga kiritiladi.

18. Mahalliylashtirish dasturiga mamlakatimiz bozori yetarlicha taʼminlangan (Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasining xulosasi), sogʻlom raqobat muhiti yaratilgan yoki ishlab chiqarish hajmi ichki bozor ehtiyojlarini qoplaydigan shunday mahsulotlarni (texnik tavsiflari va isteʼmol xususiyatlariga koʻra) ishlab chiqaradigan boshqa mahalliy tovar ishlab chiqaruvchilar mavjud boʻlgan mahsulotlarni ishlab chiqarish va xizmatlar koʻrsatish boʻyicha loyihalar kiritilmaydi.

19. Quyidagilar loyihalarni Mahalliylashtirish dasturidan chiqarib tashlash, shu jumladan loyiha tashabbuskorlari takliflariga koʻra chiqarib tashlash toʻgʻrisida vakolatli organlar tomonidan xulosa chiqarish uchun asos hisoblanadi:

korxonaning tugatilishi yoki fors-major vaziyatlar;

mahsulotning sifati va narxiga koʻra raqobatbardoshli emasligi tufayli mahsulotning ushbu turiga ichki bozorda talabning yoʻqligi;

Mahalliylashtirish dasturi prognoz parametrlarining bajarilmasligi (yil yakunlariga koʻra 30 foizdan kam);

soliq va bojxona imtiyozlari berilishi natijasida boʻshaydigan mablagʻlarning tegishli maqsadda ishlatilmasligi, shuningdek texnologik asbob-uskunalar, ehtiyot qismlar va materiallarning asossiz ravishda import qilinishi aniqlangan hollar.

20. Loyiha Mahalliylashtirish dasturidan chiqarilganda loyihani amalga oshirayotgan korxona loyiha Mahalliylashtirish dasturidan chiqarilgan kundan boshlab qonun hujjatlarida belgilangan tegishli soliq va bojxona imtiyozlaridan mahrum boʻladi.

Ul — mahsulotni mahalliylashtirish darajasi;

I — import qilinayotgan xomashyo, materiallar va butlovchi buyumlarning soʻmlarda ifodalangan valyuta qiymati;

S — mahsulot birligining ishlab chiqarish tannarxi.

(Mahalliy yetkazib beruvchilardan sotib olinadigan import xomashyo mahalliy xomashyo boʻlmasligi kerak)

Shartli-oʻzgaruvchan xarajatlar

Shartli-doimiy xarajatlar (MHTFdan tashqari)

1. Vazirlar Mahkamasining “Mahalliy xomashyo negizida tayyor mahsulotlar, butlovchi buyumlar va materiallar ishlab chiqarishni mahalliylashtirish dasturiga tuzatishlar kiritish tartibi toʻgʻrisidagi Nizomni tasdiqlash haqida” 2004-yil 13-avgustdagi 391-son qarori (Oʻzbekiston Respublikasi QT, 2004-y., 8-son, 82-modda).

2. Vazirlar Mahkamasining “Mahalliy xomashyo negizida tayyor mahsulotlar, butlovchi buyumlar va materiallar ishlab chiqarishni mahalliylashtirish dasturiga tuzatishlar kiritish toʻgʻrisida” 2004-yil 30-dekabrdagi 620-son qarori (Oʻzbekiston Respublikasi QT, 2004-y., 12-son, 112-modda).

3. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida” 2005-yil 10-avgustdagi 192-son qaroriga 1-ilovaning 5-bandi (Oʻzbekiston Respublikasi QT, 2005-y., 8-son, 41-modda).

4. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish kiritish va baʼzilarini oʻz kuchini yoʻqotgan deb hisoblash toʻgʻrisida” 2005-yil 8-sentabrdagi 206-son qaroriga 1-ilovaning 63-bandi (Oʻzbekiston Respublikasi QT, 2005-y., 9-10-son, 48-modda).

5. Vazirlar Mahkamasining “2006—2008-yillarda mahalliy xomashyo negizida tayyor mahsulotlar, butlovchi buyumlar va materiallar ishlab chiqarishni mahalliylashtirish Dasturiga tuzatishlar kiritish toʻgʻrisida” 2007-yil 8-maydagi 93-son qarori.