Oʻzbekiston Respublikasi Prezidentining “Oʻzbekiston Respublikasi Davlat mulki qoʻmitasi faoliyatini takomillashtirishga doir chora-tadbirlar toʻgʻrisida” 2006-yil 26-apreldagi PQ-335-son va Vazirlar Mahkamasining “Ustav fondida davlat ulushi boʻlgan korxonalarning samarali boshqarilishini va davlat mulkining zarur darajada hisobga olinishini taʼminlash chora-tadbirlari toʻgʻrisida” 2006-yil 16-oktabrdagi 215-son qarorlariga muvofiq, shuningdek, xoʻjalik jamiyatlarining ishonchli boshqaruvga berilayotgan davlat aktivlaridan samarali foydalanilishini taʼminlash maqsadida Davlat mulki qoʻmitasi qaror qiladi:

1. Oʻzbekiston Respublikasi Davlat mulki qoʻmitasining qarori bilan tasdiqlangan Davlat aksiyalar paketi (ulushlari)ni davlat ishonchli boshqaruvga berish boʻyicha tanlovlar oʻtkazish qoidalariga (2004-yil 16-sentabr, roʻyxat raqami 1410 — Oʻzbekiston Respublikasi qonun hujjatlari toʻplami, 2004-y., 37-son, 416-modda) kiritiladigan oʻzgartirish va qoʻshimchalar ilovaga* muvofiq tasdiqlansin.

2. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilganidan soʻng oʻn kundan keyin kuchga kiradi.