Biz, quyida imzo chekuvchilar, Oʻzbekiston Respublikasi Tashqi ishlar vaziri janob Elyor M. Gʻaniyev va Pokiston Islom Respublikasining Tashqi ishlar vaziri janob Xurshid M. Kasuri, Oʻzbekiston Respublikasi Oliy Majlisi tomonidan 2005-yil 27-avgustda va Pokiston Islom Respublikasi Vazirlar Mahkamasi tomonidan 2005-yil 21-sentabrda ratifikatsiya qilingan Oʻzbekiston Respublikasi Hukumati bilan Pokiston Islom Respublikasi Hukumati oʻrtasida Toshkent shahrida 2005-yil 6-martda imzolangan xalqaro terrorizmga qarshi kurash sohasida hamkorlik toʻgʻrisida Bitimning ratifikatsiya yorliqlari almashuvini amalga oshirish maqsadida bugun uchrashdik.

Ratifikatsiya yorliqlarini almashishda ular tegishli shaklda va lozim tartibda tuzilganligi belgilangan.

19-moddaning 1-bandiga muvofiq, ushbu Bitim ratifikatsiya yorliqlari almashingan kundan kuchga kiradi, yaʼni 2006-yil 2-mayda kuchga kiradi.

Ushbuni tasdiqlab, mazkur Bayonnoma Islomobod shahrida 2006-yil 2-mayda ikki nusxada, oʻzbek va ingliz tillarida tuzildi, bunda barcha matnlar bir xil kuchga ega.