O‘zbekiston Respublikasi bilan Koreya Respublikasi (bundan keyin “Tomonlar” deb ataluvchilar),

jinoiy ishlar bo‘yicha hamkorlik va o‘zaro yordam ko‘rsatish orqali jinoyatlarni ogohlantirish, tergov olib borish, jinoiy ta’qib qilish hamda oldini olishda ikki mamlakatning samaradorligini oshirishga intilib,

1. Tomonlar ushbu Shartnomaning qoidalariga muvofiq jinoiy ishlar bo‘yicha tergov olib borish, jinoiy ta’qib qilish yoki jinoiy ishlar bo‘yicha sud jarayonini amalga oshirishda bir-birlariga yordam beradilar.

2. Ushbu Shartnoma maqsadlarida jinoiy ishlar har qanday jazolanadigan va so‘rayotgan Tomon vakolatli ma’murlarining yurisdiksiyasiga tushadigan huquqbuzarlikka taalluqli tergovni, jinoiy ta’qib yoki sud jarayonini anglatib, aynan shu huquqbuzarlik borasida yordam so‘raladi.

3. Jinoiy ishlar, shuningdek soliq to‘lash, bojxona majburiyatlari, valyuta nazorati yoki boshqa moliyaviy masalalar sohasidagi qonun huquqbuzarligi bilan bog‘liq ishlarni kiritadi, shuningdek ular bilan bog‘liq bo‘lmagan nojinoiy ta’qib bilan bog‘liq bo‘lmaydi.

4. Yordamga quyidagilar kiradi:

(a) shaxslardan dalillar yoki arizalarni olish;

(b) ma’lumotlar, hujjatlar, yozuvlar va guvohlik ko‘rsatmalarini taqdim etish;

(c) shaxslar yoki predmetlarni aniqlash yoxud identifikatsiyalash;

(d) hujjatlarni topshirish;

(e) mulkni qidirish va xatga olish bo‘yicha so‘rovlarni bajarish;

(f) so‘ralayotgan Tomonda ko‘rsatmalar berishga qodir yoki tergovni olib borish, jinoiy ta’qib yoxud sud jarayonini amalga oshirishga ko‘mak beruvchi shaxslarni belgilashga qaratilgan choralarni ko‘rish;

(g) jinoiy faoliyatdan olingan daromadlarni kuzatish, ushlab qolish, olib qo‘yish va musodara qilish; hamda

(h) so‘ralayotgan Tomonning qonunchiligi bilan taqiqlamagan, ushbu Shartnoma maqsadlariga muvofiq keladigan boshqa turdagi yordam.

5. Ushbu Shartnomaga asosan taqdim etilgan yordam quyidagilarni o‘z ichiga olmaydi:

(a) har qanday shaxsni shu maqsadda ekstraditsiya qilish yoki hibsga olish yoxud ushlab qolish;

(b) so‘rayotgan Tomonda chiqarilgan sud qarorlarini so‘ralayotgan Tomonda ijro etish, so‘ralayotgan Tomonning qonunchiligi va ushbu Shartnomaga ko‘ra yo‘l qo‘yilgandagi holatlar bunga kirmaydi;

(c) sudlanganlarni jazoni o‘tash uchun topshirish;

(d) jinoiy ishlar bo‘yicha sud ishini topshirish.

Ushbu Shartnoma Tomonlar o‘rtasida boshqa shartnomalar, ahdlashuvlar yoki boshqalaridan kelib chiqadigan mavjud majburiyatlarga daxl qilmaydi va boshqa shartnomalar, ahdlashuvlar yoki boshqalariga muvofiq Tomonlar bir-birlariga yordam berishlariga to‘sqinlik qilmaydi.

1. Har bir Tomon ushbu Shartnoma maqsadlarida so‘rovlar yo‘llangan yoki olingan holda Markaziy organ hisoblanadigan shaxs yoki ma’murni doimiy asosda tayinlaydi.

2. Ushbu Shartnoma maqsadlarida quyidagi shaxslar yoki ma’murlar Markaziy organlar etib tayinlanadilar:

(a) O‘zbekiston Respublikasi uchun Bosh prokuror yoki Bosh prokurorning rasmiy vakili Markaziy organ hisoblanadi;

(b) Koreya Respublikasi uchun Adliya vaziri yoki bunday vazirning rasmiy vakili Markaziy organ hisoblanadi.

3. Har bir Tomon o‘zining Markaziy organlarini har qanday o‘zgarishlari to‘g‘risida boshqa Tomonni xabardor qiladi.

4. Markaziy organlar, asosan bir-birlari bilan bevosita aloqada bo‘ladilar, lekin ularning ixtiyorlariga ko‘ra diplomatik kanallar orqali ham aloqada bo‘lishlari mumkin.

1. Yordam to‘g‘risidagi so‘rovlar quyidagilardan iborat bo‘lishi lozim:

(a) so‘rovning maqsadini ifodalash va so‘ralayotgan yordamning mohiyati;

(b) so‘rovning tashabbuskori bo‘lgan shaxsning ism-sharifi, agentlik yoki organning nomlanishi;

(c) jumladan jinoiy ish predmetini tavsiflash, tegishli faktlar va qonunchilik hamda qo‘llanishi mumkin bo‘lgan jazoning tavsifi;

(d) jumladan tergov yoki sud jarayonining ayni bosqichini bayon etish;

(e) so‘rovlarning amalga oshirilishi maqsadga muvofiq bo‘lgan zarur muddatlarni belgilash.

2. Qayerda va qay darajada zarur bo‘lgan bu yordam to‘g‘risidagi so‘rov shu bilan birga quyidagilarni o‘z ichiga olishi lozim:

(a) unga nisbatan jinoiy ish olib borilayotgan yoki jinoiy ishga aloqador axborotga ega shaxs yoxud shaxslarning shaxsiyati, fuqaroligi va joylashgan joyi to‘g‘risida ma’lumotlar;

(b) 10-moddaga muvofiq yordam ko‘rsatish to‘g‘risidagi so‘rovlar bo‘yicha;

(i) Zarur holda so‘rayotgan Tomon bu shaxslardan so‘rashni istagan har qanday savollarni qamrab olgan, shaxslar so‘roq qilinishi lozim bo‘lgan savollar ro‘yxati;

(ii) ko‘rsatilishi lozim bo‘lgan boshqa hujjatlar, yozuvlar yoki guvohlik ko‘rsatmalarining tavsifi va zarur holda ularni tanishtirish uchun so‘rab olish muhim bo‘lgan tegishli shaxsning tavsifi;

(c) 11- yoki 12-moddalarga muvofiq yordam ko‘rsatish to‘g‘risidagi so‘rovga ko‘ra so‘rayotgan Tomonga borganda shaxs ega bo‘ladigan sutkalik xarajatlar va boshqa xarajatlar to‘g‘risida axborot;

(d) 15- yoki 16-moddalarga muvofiq yordam ko‘rsatish to‘g‘risidagi so‘rovga ko‘ra qidirilayotgan materiallarning tavsifi va zarur hollarda ularning taxminiy joylashuvi;

(e) 16-moddaga muvofiq yordam ko‘rsatish to‘g‘risidagi so‘rovga ko‘ra:

(i) so‘rayotgan Tomonning jinoyatni tergov qilish uning yurisdiksiyasida bo‘lishi mumkinligi to‘g‘risidagi ishonchlari asosining batafsil tavsifi, va

(ii) bajarilishi lozim bo‘lgan sud qarori va agar mavjud bo‘lsa, ushbu qarorning darajasiga taalluqli bayonot;

(f) jinoyatni aniqlashga yoki uni tergov qilinishining tiklanishiga olib kelsa, yordam ko‘rsatish to‘g‘risidagi so‘rovga ko‘ra 16-moddaning 4-bandiga asosan maxsus holatni olib borish zaruriyati to‘g‘risida bayon etiladi;

(g) so‘rovni bajarishda rioya etilishi uchun so‘rayotgan Tomon ega bo‘lishi mumkin yoki istagi bo‘lgan har qanday maxsus talab yoki protseduraning batafsil tavsifi, bunga taqdim etilishi lozim bo‘lgan xohlagan bir axborot, isbot, hujjat yoki predmetning usul va shakllarining qismlari ham kiradi;

(h) agar bundaylari bo‘lsa, so‘rayotgan Tomon so‘rovining maxfiyligi va bunday xohishlarining sabablarining xohishlarini belgilab beruvchi bayonot;

(i) so‘rayotgan Tomonning mansabdor shaxsi so‘rov bilan bog‘liq masala yuzasidan so‘ralayotgan Tomonga borishni rejalashtirayotgan bo‘lsa, bunday shaxs tashrifining maqsadi, taxminiy vaqti hamda safar tashkili to‘g‘risida axborot;

(j) so‘ralayotgan Tomon so‘rovni bajarishi uchun muhim yoki yordam berishi mumkin bo‘lgan xohlagan boshqa yordamchi axborot, isbot yoki hujjat.

3. Ushbu Shartnomaga muvofiq olib borilgan so‘rov, yordamchi hujjatlashtirish va istalgan aloqalar so‘rayotgan Tomonning tilida va so‘ralayotgan Tomonning tiliga yoki ingliz tiliga tarjima qilingan holda yuborilishi lozim.

4. Agar so‘ralayotgan Tomon so‘rovdagi axborot ushbu Shartnomaga muvofiq so‘rovni bajarishga yetarli emas deb topsa, u qo‘shimcha axborotni so‘rab olishi mumkin.

5. So‘rov yozma ravishda tuzilgan bo‘lishi lozim, faqat holatlar, ya’ni kutilmagan vaziyatda so‘ralayotgan Tomon so‘rovni boshqa shaklda qabul qilishi mumkin. Bunday vaziyatda, agar so‘ralayotgan Tomon boshqacha rozi bo‘lmasa, so‘rov 20 kun ichida yozma ravishda tasdiqlanib berilishi lozim.

1. So‘ralayotgan Tomonning fikri quyidagicha bo‘lsa, yordam berish rad etilishi mumkin:

(a) agar so‘rov so‘rayotgan Tomon tarafidan siyosiy xaraktyerga ega yoki oddiy jinoiy huquqbuzarlik bo‘lmagan harbiy huquqbuzarlik sifatida ko‘riladigan huquqbuzarliklar bilan bog‘liq bo‘lsa;

(b) so‘rov huquqbuzarlik uchun jinoiy ta’qib qilinayotgan shaxs va shunga binoan u so‘ralayotgan Tomonda hukm etilgan, oqlangan yoki afv etilgan holat bilan bog‘liq bo‘lsa;

(c) agar ushbu yordam shaxsning irqi, jinsi, dini, fuqaroligi yoki siyosiy qarashlari bilan bog‘liq holda unga nisbatan jinoiy ta’qib yoki jazo belgilash uchun so‘ralganligiga aniq asoslar bo‘lsa yoki yordam to‘g‘risidagi so‘rov bu shaxsga qarshi yolg‘on guvohlik berish va shunga o‘xshash boshqa maqsadlarda so‘ralgan bo‘lsa; yoki

(d) agar ko‘rib chiqilishida har qanday shaxsning xavfsizligi va so‘ralayotgan Tomon zaxiralarining xarajatini o‘z ichiga olishi mumkin bo‘lgan so‘rovlarni bajarish so‘ralayotgan Tomonning suvereniteti, xavfsizligi yoki asosiy manfaatlarini jiddiy buzsa.

2. Quyidagi hollarda so‘ralayotgan Tomonning fikriga ko‘ra yordam ko‘rsatishga rad javobi berilishi mumkin:

(a) agar so‘rov huquqbuzarlik uchun ta’qib ostiga olingan shaxs va u jazoni ijro etish muddati tugashi sababi bilan ortiq ta’qib etilmasligi yoki huquqbuzarliklar so‘ralayotgan Tomonning yurisdiksiyasida sodir etilganligi bilan bog‘liq bo‘lsa; yoki

(b) agar so‘rov shaxs sodir etgan harakatlari uchun ta’qib etish va jazolash bilan bog‘liq bo‘lsa va so‘ralayotgan Tomonning yurisdiksiyasida uning bu harakatlari huquqbuzarlik deb qaralmasa.

3. Agar so‘rov so‘rayotgan Tomonda tergov va sud jarayonini amalga oshirishi uchun to‘sqinlik qilsa, yordamni so‘ralayotgan Tomon cho‘zishi mumkin.

4. Ushbu moddaga muvofiq so‘ralayotgan Tomon so‘rovlarni rad etishi yoki uning ijrosini cho‘zishidan avval so‘ralayotgan Tomon o‘zining Markaziy organlari orqali:

(a) so‘rayotgan Tomonni rad etishi yoki amalga oshirishni qisqartirish sabablari to‘g‘risida darhol xabar berishi lozim;

(b) so‘rayotgan Tomon bilan unga zarur bo‘lgan sharoitda taqdim etilgan yordamlar borasida maslahatlashib olishi lozim.

5. Agar so‘rayotgan Tomon yordamni belgilangan 4(b) bandiga asosan qabul qilayotgan bo‘lsa, shu holda bunday shartlarga u rozi bo‘lishi lozim.

1. So‘rovlar so‘ralayotgan Tomonning so‘roviga binoan, so‘ralayotgan Tomonning vakolatli ma’murlari tomonidan zudlik bilan, ushbu Tomonning qonunchiligiga asosan va ushbu qonunchilikka zid kelmagan holatda amalga oshirilishi lozim.

2. Bu materiallar jinoiy va fuqarolik ishlarini tergov qilishda mana shu Tomonda zarur bo‘lsa, so‘ralayotgan Tomon so‘ralayotgan materiallarning taqdim etilishini keyinga qoldirishi mumkin. Bunday hollarda so‘ralayotgan Tomon, so‘rov bo‘lgan holda, tasdiqlangan hujjatlarning ko‘chirmasini taqdim etishi lozim.

3. So‘ralayotgan Tomon so‘rayotgan Tomonni unga ma’lum bo‘lgan shart-sharoitlar to‘g‘risida zudlik bilan xabar berishi lozim, agar ular bu so‘rovlarning ijrosi ma’lum darajada kechiktirishga olib kelsa.

So‘ralayotgan Tomonning talabiga binoan so‘rayotgan Tomon ushbu Shartnoma doirasida olingan barcha materiallar, so‘rov taalluqli bo‘lgan jinoiy ish uchun ortiq kerak bo‘lmasa, qaytarib berilishi lozim.

1. So‘ralayotgan Tomon so‘rovning, mazmunining, ilova qilinayotgan hujjatlarning va har qanday so‘rovga muvofiq sodir etilgan xatti-harakatlarning maxfiyligini saqlash uchun, agar bu talab etilsa, barcha kuch-g‘ayratini qaratishi lozim. Agar maxfiylik saqlanmagan holda so‘rovnoma qoniqtirilishi mumkin bo‘lmasa, so‘ralayotgan Tomon bu to‘g‘rida so‘rayotgan Tomonga xabar berishi lozim, u o‘z navbatida so‘rovni ijro etilishi mumkin yoki mumkin emasligini aniqlab beradi.

2. So‘rayotgan Tomon agar talab etilsa, so‘ralayotgan Tomondan taqdim etilgan ma’lumotlar va isbotlarning maxfiyligini saqlanishi uchun barcha harakatlarni amalga oshirishi lozimdir, so‘rov bilan bog‘liq bo‘lgan jinoiy ish uchun muhim bo‘lgan isbotlar va ma’lumotlar bundan istisnodir.

3. So‘ralayotgan Tomon agar bu talab etilsa, ma’lumotlar yoki isbotlarning yo‘qolishidan va ogohlantirilmagan foydalanish, qo‘llanishi, o‘zgartirish, yashirish yoki boshqa suiiste’mol qilishdan saqlashni ta’minlash uchun barcha harakatlarni amalga oshirishi lozim.

4. So‘rayotgan Tomon so‘ralayotgan Tomonning dastlabki roziligisiz olingan axborot yoki isbotlar yoxud ularning parchalaridan so‘rovnomada belgilanmagan maqsadda foydalanishi mumkin emas.

1. So‘ralayotgan Tomon o‘z qonunchiligi ruxsat bergan darajada jinoiy ishga taalluqli hujjatlarni taqdim etishi to‘g‘risidagi so‘rovnomani amalga oshirishi lozim.

2. So‘rayotgan Tomondan guvoh sifatida chiqayotgan shaxsni sudga chaqirilishi to‘g‘risidagi so‘rovnoma so‘ralayotgan Tomonga ushbu shaxs rejalashtirilgan ishtirokidan 45 kun ichida topshirilishi lozim. Shoshilinch hollarda so‘ralayotgan Tomon bunday so‘rovni rad etishi ham mumkin.

3. So‘ralayotgan Tomon so‘rayotgan Tomonga hujjatlarning taqdimoti to‘g‘risidagi tasdiqni berishi lozim, agar tasdiqnoma amalga oshirilishi mumkin bo‘lmasa, so‘rayotgan Tomon bu to‘g‘rida va uning sabablari to‘g‘risida xabar topishi lozim.

4. So‘ralayotgan yoki so‘rayotgan Tomonlarning qonunchiligiga asosan shaxs ma’lum protsedurani ijro etishdan bosh tortayotgan bo‘lsa, unga jazo yoki boshqa majburiy choralarni qo‘llash mumkin emas.

1. So‘ralayotgan Tomon o‘z qonunchiligi doirasida va so‘rovga ko‘ra shaxslarni so‘roq qiladi yoki guvohlik ko‘rsatmalarini oladi yoki ulardan so‘rayotgan Tomonga taqdim etish uchun guvohlik ko‘rsatmalarini talab etadi.

2. So‘ralayotgan Tomon o‘z qonunchiligi doirasida so‘rovnoma amalga oshirish muddati davomida so‘rovda belgilangan shaxslarning ishtirokiga va ularga so‘roq qilinayotgan hamda ko‘rsatma berayotgan shaxslarga savollar berish ruxsat etiladi. Bunday holatlarda ularga to‘g‘ri yo‘llangan savollar berish taqiqlanib, balki so‘roq qilinayotgan va ko‘rsatma berayotgan shaxslarga qaratilgan savollar tavsiya etish ruxsat beriladi.

3. So‘ralgan Tomonda guvohlik ko‘rsatmalari olinadigan shaxslar ushbu moddaga binoan guvohlik ko‘rsatmalarini berishdan bosh tortishlari mumkin, agar:

(a) so‘ralayotgan Tomon qonunchiligi bunday shaxslarga shunga o‘xshash sharoitlarda, sud jarayonida ko‘rsatmalar bermaslikka ruxsat bersa, yoki

(b) so‘rayotgan Tomonning qonunchiligi shunga o‘xshash sharoitlarda sud jarayonida ko‘rsatmalar bermaslikka ruxsat bersa.

4. So‘ralayotgan Tomonda ishtirok etayotgan shaxs, ushbu so‘rayotgan Tomonning qonunchiligiga muvofiq guvohlik ko‘rsatmalarini bermaslik huquqi va majburiyati borligi to‘g‘risida ta’kidlasa, so‘rovga binoan so‘rayotgan Tomon Markaziy organi so‘ralayotgan Tomon Markaziy organiga ushbu huquq yoki boshqalarning mavjudligi to‘g‘risida hujjat taqdim etishi lozim. Agar qaytarma isbotlar yo‘q bo‘lsa, ushbu sertifikat berilgan savollarning kerakli isboti bo‘lib hisoblanadi.

5. Ushbu modda maqsadida guvohlikni olish o‘z ichiga hujjatlarni tuzish yoki boshqa harakatlarni oladi.

1. Hibsga olingan shaxs so‘ralayotgan Tomonda, so‘rayotgan Tomonning so‘roviga binoan vaqtincha jinoyat protsessida ko‘rsatma berish uchun o‘tkazilishi mumkin. Ushbu modda maqsadida hibsga olingan shaxs bo‘lib, jinoyati moliyaviy xarakteriga ega bo‘lmagan, qamoqda saqlanmayotgan, lekin hukm subyekti bo‘lib hisoblanuvchi shaxs bo‘lib hisoblanadi.

2. So‘ralayotgan Tomon so‘rayotgan Tomonga hibsga olingan shaxsni topshirishi mumkin agar:

(a) shaxs topshirilishiga ixtiyoriy ravishda rozi bo‘lsa; va

(b) So‘rayotgan Tomon so‘ralayotgan Tomonning topshirilayotgan shaxsni hibsga olish yoki xavfsizligiga doir barcha shartlarga amal qilishga rozilik beradi.

3. Agar so‘ralayotgan Tomon so‘rayotgan Tomonni topshirilgan shaxsni hibsda ushlab turishi zaruriyati yo‘qligi to‘g‘risida xabar bersa, bu holda shaxs ozod etiladi.

4. Ushbu moddadagi so‘rovga asosan, topshirilgan shaxs so‘ralayotgan Tomonga so‘rayotgan Tomon bilan tuzilgan ahdlashuvlarga muvofiq guvohlik ko‘rsatmalarini berib bo‘lishi bilan yoki shaxsning hozirligi ortiq talab etilmagan ilgariroq vaqtda imkoni bo‘lishi bilanoq qaytarilishi lozim.

5. Topshirilgan shaxsni so‘rayotgan Tomonda saqlanib kelgan vaqti, so‘ralayotgan Tomonda jazoni amalga oshirilgan muddati deb hisoblanadi.

1. So‘rayotgan Tomon so‘ralayotgan Tomondan shaxsni so‘ralayotgan Tomonda ko‘rsatmalar berish uchun yoki jinoiy ishga taalluqli yordam uchun taklif etishni tashkillashtirish bo‘yicha yordam berish to‘g‘risida so‘rov qilishi mumkin (agar ushbu shaxs Shartnomaning 11-moddasiga taalluqli bo‘lmasa). Eslatilgan shaxs barcha sharoitlar va belgilangan xarajatlar to‘g‘risida xabarlantiriladi.

2. So‘ralayotgan Tomon so‘rayotgan Tomonga shaxsni qarori to‘g‘risida zudlik bilan xabar berishi lozim.

1. Ushbu moddaning 2-bandiga binoan ushbu Shartnomaning 11- va 12-moddalari doirasida qilingan so‘rov maqsadida shaxs so‘ralayotgan Tomonda bo‘lib turishi talab etilsa:

(a) so‘ralayotgan Tomonda shaxs hech qanday huquqbuzarlik uchun ushlab turilishi, hukm qilinishi yoki jazolanishi mumkin emas, shuningdek turli fuqarolik protsessining predmeti bo‘lishi mumkin emas, agar ushbu shaxs so‘rayotgan Tomonda bo‘lmagan bo‘lsa, shuningdek uning so‘ralayotgan Tomondan ketishiga sabab bo‘lgan harakat yoki harakatsizlikka nisbatan; va

(b) shaxsning roziligisiz so‘rovnomadan farqi bo‘lgan jinoiy protsessda ko‘rsatma berish yoki jinoiy tergovga yordam berishi mumkin emas.

2. Agar bo‘lg‘usi ozod shaxsga kelgusida uning hozirligi zarur emas deb rasman xabar qilingandan keyin 15 kun ichida so‘rayotgan Tomonni tark etmagan bo‘lsa yoki tark etib yana qaytib kelgan bo‘lsa, ushbu moddaning 1-bandini qo‘llash to‘xtatiladi.

3. Ushbu Shartnomaning 11- va 12-moddalariga asosan shaxs guvohlik berishga rozilik bo‘lmasa, shu sababga ko‘ra u so‘rayotgan va so‘ralayotgan Tomonlarning sudlari tomonidan jazoga tortilishi yoki boshqa majburlov choralarini qo‘llanilishi mumkin emas.

4. Ushbu shartnomaning 11- va 12-moddalariga asosan shaxs guvohlik berishga rozi bo‘lmasa, u o‘z ko‘rsatmalariga asoslanadigan jinoiy ta’qibning predmeti bo‘lishi mumkin emas, bundan albatta qasamyodni buzish va sudga behurmatlik qilish istisnodir.

1. So‘ralayotgan Tomon jamoatchilik uchun ochiq foydalanishi mumkin bo‘lgan rasmiy hujjatlar sifatida yoki boshqacha qilib aytganda ochiq savdoda va keng ko‘lamda tanishuv uchun bo‘lgan material va hujjatlarning nusxasini taqdim etishi lozimdir.

2. So‘ralayotgan Tomon har qanday hujjatlar yoki materiallarning nusxalarini ularni taqdim etish uchun belgilangan tartibda o‘zining huquqini muhofaza qiluvchi va sud organlariga taqdim etadi.

1. So‘ralayotgan Tomon qonunchiligi ruxsat bergan doirada so‘rayotgan Tomonning jinoiy ishiga taalluqli tintuv, mulk xati va materiallarni bu Tomonga yetkazib berish bilan bog‘liq so‘rovlarni amalga oshirishi lozim.

2. So‘rayotgan Tomonning talabiga binoan, so‘ralayotgan Tomon har qanday tintuv, musodaraning joyi va shart-sharoitlari, shuningdek olib qo‘yilgan materiallarni keyingi hibsga olinish natijalariga taalluqli ma’lumot bilan ta’minlashi lozim.

3. So‘rayotgan Tomon so‘ralayotgan Tomonning taqdim etgan har qanday ushlab olingan materiallariga taalluqli belgilab bergan sharoitlarga rioya etishi lozimdir.

1. So‘ralayotgan Tomon o‘zining qonun tasarrufi doirasida jinoiy faoliyat orqali olingan daromadlarini aniqlash to‘g‘risidagi so‘rovnomani qabul qilgandan so‘ng, so‘rayotgan Tomonga tergovni natijalari to‘g‘risida xabar beradi.

2. Jinoiy faoliyat orqali olingan daromadlar aniqlangan holda, so‘ralayotgan Tomon 1-bandga asosan, qonunchiligi doirasida bunday daromadlarni chegaralash yoki ushlab olish bilan bog‘liq barcha choralarni amalga oshirishi lozim.

3. Ushbu moddani qo‘llashda uchinchi tomonning huquqi so‘ralayotgan Tomonning qonun tasarrufiga tushadi.

4. Agar bu alohida konkret holat bilan kelishib olinmagan bo‘lsa, so‘ralayotgan Tomon ushlab olingan jinoiy faoliyatdan olingan daromadni o‘zida saqlashi lozim.

5. Ushbu Shartnoma maqsadi doirasida, “jinoiy faoliyatdan olingan daromadlar” har qanday gumon qilinayotgan mulkni yoki sud tomonidan qonuniy yoki noqonuniy ravishda olingan va qonunbuzarlik natijasida amalga oshirilgan deb aniqlangan bo‘lsa, jinoyatni sodir etish yoki uni yengillashtirish uchun xizmat qilgan mulk bo‘lib hisoblansa.

1. Yordam to‘g‘risidagi so‘rovning ikkinchi bandidan tashqari, so‘rovga javoban taqdim etilgan tasdiqlovchi hujjatlar va materiallar tasdiqlanishni va shaxsiy guvohlantirilishni talab etmaydi.

2. So‘rayotgan yoki so‘ralayotgan Tomonning hujjatlar va materiallarni haqiqiyligini tasdiqlash va guvohlantirishga oid so‘rovnoma holatida, hujjatlar hamda materiallar 3-bandga asosan tasdiqlanib berilishi lozim.

3. Ushbu Shartnoma maqsadi doirasida hujjatlar va materiallar tasdiqlanadi, agar:

(a) hujjatni yo‘llagan Tomoning sudyasi yoki mansabdor shaxsi tomonidan imzolangan yoki tasdiqlangan bo‘lishi lozim bo‘lsa;

(b) hujjatlarni yo‘llagan Tomonni, Vazir, Departament yoki Hukumatning mansabdor shaxslarining rasmiy muhri bilan tasdiqlanishi lozim bo‘lsa.

Ushbu Shartnomaning maqsadlari va Tomonlarning qonunchiligiga binoan har bir Tomonning Markaziy organi qo‘shimcha ahdlashuvlarga kirishi mumkin.

1. Agar boshqacha kelishib olinmagan bo‘lsa, yordam to‘g‘risidagi so‘rovnomaga asosan, so‘ralayotgan Tomon so‘rayotgan Tomonni har qanday jinoiy jarayonda ishtirok etishi uchun barcha choralarni ko‘rishi va so‘rayotgan Tomonning manfaatlarini namoyon etishi lozimdir.

2. So‘ralayotgan Tomon yordam to‘g‘risidagi so‘rovni amalga oshirishi bo‘yicha xarajatlarni qoplaydi, so‘rayotgan Tomonning to‘lov xarajatlari bundan istisnodir:

(a) shaxslarni so‘ralayotgan Tomonning hududidan kuzatib borish ushbu Shartnomaning 9-, 11-, 12-moddalariga binoan, shuningdek yashashi bilan bog‘liq barcha xarajatlar, to‘lovlar so‘rayotgan Tomondagi shaxsga to‘lanadi;

(b) hukm qilinganlarni kuzatib borish yoki zobitlar eskorti natijasida yuzaga kelgan xarajatlar;

(c) ekspertlarga beriladigan to‘lov va xarajatlar;

(d) so‘ralayotgan Tomonning talabiga ko‘ra so‘rovni bajarish natijasida kelib chiqadigan favqulodda xarajatlar.

Tomonlar ushbu Shartnomaning to‘laligicha yoki muayyan holatlarga nisbatan talqin qilish bilan bog‘liq har qanday masalalar bo‘yicha Tomonlardan birining so‘roviga ko‘ra maslahatlashuvlar olib boradilar.

1. Ushbu Shartnoma ratifikatsiya yorliqlari almashingandan so‘ng kuchga kiradi.

2. Ushbu Shartnoma kuchga kirguniga qadar yoki keyin sodir etilganidan qat’i nazar, tegishli harakatlar yoki harakatsizliklar bilan bog‘liq bo‘lgan so‘rovnomaga nisbatan qo‘llaniladi.

3. Tomonlarning xohlagan biri yozma xabar qilish orqali ushbu Shartnomaning amal qilishini to‘xtatishi mumkin va ushbu Shartnoma bunday xabarnoma olingan kundan boshlab olti oy o‘tgach amal qilishdan to‘xtaydi. Ushbu Shartnomaning ushbu moddaga muvofiq amal qilishi to‘xtatilgunga qadar yordam to‘g‘risida olingan har qanday so‘rov Ahdlashuvchi Tomon boshqa narsani talab qilmasa, ushbu Shartnomaga muvofiq ijro etilishi lozim.

Ushbuni tasdiqlab, o‘zlarining tegishli hukumatlari tomonidan tegishlicha vakolatlangan quyida imzo chekuvchilar ushbu Shartnomani imzoladilar.

Toshkent shahrida 2003-yil 12-fevralda, ikki nusxada, o‘zbek, koreys va ingliz tillarida tuzildi, bunda barcha matnlar autentikdir. Talqin qilishda har qanday kelishmovchiliklar kelib chiqsa, ingliz tilidagi matn ustunlik qiladi.