LexUZ sharhi
Mazkur qaror O‘zbekiston Respublikasi Vazirlar Mahkamasining 2020-yil 16-iyundagi 384-sonli “O‘zbekiston Respublikasi Hukumatining ayrim qarorlariga o‘zgartirishlar kiritish, shuningdek, ba’zilarini o‘z kuchini yo‘qotgan deb hisoblash to‘g‘risida (“Davlat boji to‘g‘risida”gi O‘zbekiston Respublikasi Qonuni)” qaroriga asosan o‘z kuchini yo‘qotgan.
O‘zbekiston Respublikasi hududida xorijiy fuqarolarga vizalar berilganligi va ularning muddati uzaytirilganligi uchun Ichki ishlar vazirligi tomonidan undiriladigan xorijiy valyutadagi davlat bojlari, yig‘imlar hamda soliq bo‘lmagan boshqa to‘lovlar stavkalarini tartibga solish maqsadida Vazirlar Mahkamasi qaror qiladi:
1. Vazirlar Mahkamasining “Xorijiy valyutadagi davlat bojlari, yig‘imlar hamda soliq bo‘lmagan boshqa to‘lovlar stavkalari to‘g‘risida” 1993-yil 19-avgustdagi 423-son qaroriga ilovaga muvofiq o‘zgartirish va qo‘shimchalar kiritilsin.
2. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari R.S. Azimov zimmasiga yuklansin.
1. Xorijiy fuqarolar va fuqaroligi bo‘lmagan shaxslar uchun chiqish yoki chiqish-kirish vizasi berilganligi va uning amal qilishi quyidagi muddatga uzaytirilganligi uchun: | |
yetti kungacha | 40 AQSh dollari |
o‘n besh kungacha | 50 AQSh dollari |
o‘ttiz kungacha | 60 AQSh dollari |
uch oygacha | 80 AQSh dollari |
olti oygacha | 120 AQSh dollari |
bir yilgacha | 160 AQSh dollari |
2. Xorijiy fuqarolar va fuqaroligi bo‘lmagan shaxslar uchun ko‘p martalik chiqish-kirish vizasi quyidagi muddatga rasmiylashtirilganligi uchun: | |
olti oygacha | 150 AQSh dollari |
bir yilgacha | 250 AQSh dollari |
3. Xorijiy fuqarolarni va fuqaroligi bo‘lmagan shaxslarni kirish vizasi amal qiladigan muddatga vaqtinchalik ro‘yxatdan o‘tkazganlik uchun hamda vaqtinchalik ro‘yxatdan o‘tkazish muddatini vizaning amal qilish davriga uzaytirganlik uchun: | |
bir oygacha | 20 AQSh dollari |
ikki oygacha | 40 AQSh dollari |
uch oygacha | 60 AQSh dollari |
olti oygacha | 100 AQSh dollari |
bir yilgacha | 200 AQSh dollari |
4. MDH qatnashchisi bo‘lgan davlatlar fuqarolarini, shuningdek MDH qatnashchilari bo‘lgan davlatlardan fuqarolik to‘g‘risidagi belgi mavjud bo‘lmagan sobiq SSSRning pasportlari bilan kelgan shaxslarni quyidagi muddatga vaqtinchalik ro‘yxatdan o‘tkazganlik uchun: | |
uch sutkadan olti oygacha | 5 AQSh dollari |
olti oydan ortiq | 10 AQSh dollari |
5. Xorijiy fuqaroning, shu jumladan MDH qatnashchisi bo‘lgan davlat fuqarosining, yoki fuqaroligi bo‘lmagan shaxslarning O‘zbekiston Respublikasida doimiy yashash uchun hujjatlari ko‘rib chiqilganligi va rasmiylashtirilganligi uchun | 50 AQSh dollari |
6. Xorijiy fuqaroga yoki fuqaroligi bo‘lmagan shaxsga pasport yoki uning o‘rnini bosadigan hujjat yo‘qolganligi to‘g‘risida ma’lumotnoma berilganligi uchun | 10 AQSh dollari |
Oldingi tahrirga qarang.
(2-band O‘zbekiston Respublikasi Prezidentining 2013-yil 24-dekabrdagi PQ-2095-sonli qaroriga asosan o‘z kuchini yo‘qotgan)