Toshkent shahrida 2005-yil 4-yanvarda imzolangan Oʻzbekiston Respublikasi Hukumati bilan Eron Islom Respublikasi Hukumati oʻrtasida oʻzaro savdo imtiyozlari toʻgʻrisida 2003-yil 17-iyundagi Ahdlashuv Memorandumining Ijroiya bayonnomasi 2005-yil 5-oktabrda va Singapur shahrida 2007-yil 25-yanvarda imzolangan Oʻzbekiston Respublikasi Hukumati bilan Singapur Respublikasi Hukumati oʻrtasida iqtisodiy va gumanitar hamkorlikning asosiy yoʻnalishlari toʻgʻrisidagi Bitim 2007-yil 5-sentabrda kuchga kirganligi munosabati bilan Tashqi iqtisodiy aloqalar, investitsiyalar va savdo vazirligi, Moliya vazirligi va Davlat bojxona qoʻmitasi qaror qiladi:

1. Oʻzbekiston Respublikasi Tashqi iqtisodiy aloqalar vazirligi tomonidan 1998-yil 1-aprelda, Moliya vazirligi tomonidan 1998-yil 2-aprelda 23-son va Davlat bojxona qoʻmitasi tomonidan 1998-yil 3-aprelda 02/19-2-son bilan tasdiqlangan Eng qulay rejim yaratgan holda savdo-iqtisodiy hamkorlik toʻgʻrisidagi bitimlar imzolangan mamlakatlar roʻyxatiga (1998-yil 8-aprel, roʻyxat raqami 426) ilovaga* muvofiq qoʻshimchalar kiritilsin.

2. Ushbu qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.