Uy-joy fondi va muhandislik kommunikatsiyalaridan foydalanishni yaxshilash maqsadida Vazirlar Mahkamasi qaror qiladi:

1. Oʻzbekiston Respublikasi Energetika va elektrlashtirish vazirligi, Sirdaryo viloyati hokimligi va “Oʻzavtoyoʻl” davlat konsernining Sirdaryo GRES uy-joy fondini muhandislik va transport kommunikatsiyalari bilan Sirdaryo viloyati hokimligi, Oʻzbekiston Respublikasi Kommunal xizmat koʻrsatish vazirligi va “Oʻzavtoyoʻl” davlat konserni tasarrufiga begʻaraz oʻtkazish toʻgʻrisidagi takliflari qabul qilinsin.

2. Oʻzbekiston Respublikasi Energetika va elektrlashtirish vazirligi, Sirdaryo viloyati hokimligi hamda “Oʻzavtoyoʻl” davlat konserni Oʻzbekiston Respublikasi moliya vazirligi, Kommunal xizmat koʻrsatish vazirligi bilan birgalikda bir oy muddatda idoralararo komissiyani tashkil etsinlar, Sirdaryo GRES uy-joy fondini muhandislik va transport kommunikatsiyalari bilan birgalikda 1-ilovaga muvofiq 2000-yil 1-yanvar holatiga koʻra qabul qilish-topshirishni amalga oshirsinlar hamda belgilangan tartibda dalolatnomalarni tasdiqlasinlar.

3. Oʻzbekiston Respublikasi Kommunal xizmat koʻrsatish vazirligi, Sirdaryo viloyati hokimligi, “Oʻzavtoyoʻl” davlat konserni oʻtkazilayotgan obyektlarning oʻz tasarruflaridagi tuzilmalar balansiga oʻz vaqtida qabul qilinishini amalga oshirsinlar, oʻtkazilayotgan obyektlarning lozim darajada ekspluatatsiya qilinishi, ular moddiy-texnika bazasining mustahkamlanishi hamda samarali foydalanilishini taʼminlasinlar.

4. Energetika va elektrlashtirish vazirligi 2-ilovaga muvofiq 150 mln. soʻmlik moddiy resurslarni oʻtkazilayotgan obyektlarni taʼmirlash boʻyicha xarajatlarni qoplash uchun Shirin shahri hokimligiga oʻtkazsin.

5. Oʻzbekiston Respublikasi Moliya vazirligi aholini issiqlik bilan taʼminlash tariflaridagi tafovutni va fuqarolarning ayrim toifalariga issiqlik taʼminoti xizmatlari boʻyicha imtiyozlar berish hamda ekspluatatsiya xarajatlari boʻyicha yoʻqotishlarni qoplash uchun, shuningdek obodonlashtirish obyektlarini saqlash uchun 2001-yildan boshlab belgilangan tartibda mablagʻlar ajratilishini nazarda tutsin.

Budjet mablagʻlari hisobidan xarajatlarni moliyalashtirish bosqichma-bosqich amalga oshirib borilsin — 2001-yilda talab qilinadigan mablagʻlarning 30 foizi, 2002-yilda 60 foizi va 2003-yildan boshlab 100 foizi miqdorida amalga oshirilsin (issiqlik energiyasi tariflaridagi tafovutlardan tashqari).

Oʻzbekiston Respublikasi Energetika va elektrlashtirish vazirligi Sirdaryo GRES uy-joy va kommunal xoʻjaligi obyektlarining 2000-yilda toʻliq moliyalashtirilishini saqlab qolsin, 2001 va 2002-yillarda esa koʻrsatib oʻtilgan xarajatlarning mos ravishda 70 foizi va 40 foizi hajmida oʻz moliyaviy resurslari hisobidan Kommunal xizmat koʻrsatish vazirligi tarkibiy boʻlinmalariga har oyda mablagʻlar oʻtkazish orqali amalga oshirsin.

6. Mazkur qarorning bajarilishini nazorat qilish Bosh vazir oʻrinbosari V. Atayev zimmasiga yuklatilsin.

1. Ichimlik suvi va kanalizatsiya tarmoqlari.

2. Kvartallar ichidagi issiqlik tarmoqlari.

3. Turar joylar.

4. Tashqi obodonlashtirish obyektlari, koʻchalar yoritkichlari bilan birgalikda.

1. Oʻrta va past bosimli gaz quvurlari.

1. Avtomobil koʻpriklari va avtomobil yoʻllari.