Milliy me’morchiligimizning noyob durdonasi — Samarqand shahridagi Shohi Zinda yodgorlik majmuasida qayta tiklash, ta’mirlash va obodonlashtirish ishlarini tashkil etish, uning infratuzilmasini rivojlantirish maqsadida Vazirlar Mahkamasi qaror qiladi:
1. O‘zbekiston musulmonlari idorasi, Samarqand viloyati hokimligi, Madaniyat ishlari vazirligining Shohi Zinda yodgorlik majmuasida mustaqil yuridik shaxs maqomiga ega bo‘lgan Shohi Zinda jamoatchilik fondini (bunday keyin “Fond” deb yuritiladi) tuzish to‘g‘risidagi takliflari ma’qullansin. Fond Shohi Zinda yodgorlik majmuasida qayta tiklash, ta’mirlash va obodonlashtirish ishlari olib boriladigan davrda faoliyat yuritishi belgilab qo‘yilsin.
Fondning Vasiylik kengashi tarkibi 1-ilovaga hamda uning ijrochi direksiyasi tuzilmasi 2-ilovaga muvofiq ma’qullansin. Vasiylik kengashi bir oy muddatda ijrochi direksiya rahbariyati va xodimlari tarkibini tasdiqlasin hamda u o‘z vazifasini bajarishga kirishsin. Majmuada amalga oshiriladigan ishlarni boshqarish va muvofiqlashtirish vazifasi Fond ijrochi direksiyasi zimmasiga yuklanishi qayd etilsin.
— noyob tarixiy-me’moriy inshoot va muqaddas qadamjo hisoblangan Shohi Zinda yodgorlik majmuasida qayta tiklash, ta’mirlash va obodonlashtirish ishlarini olib borish;
— mazkur mo‘tabar maskanning musulmon dunyosidagi nufuzini yanada oshirish, bu erga mahalliy va xorijiy fuqarolarning keng ko‘lamdagi ziyoratlarini uyushtirish;
— yodgorlik majmuasini ziyorat qilish tartib-qoidalarini ishlab chiqish va joriy etish, ziyoratchilar uchun barcha zarur shart-sharoitlarni yaratish;
— diniy-ma’rifiy ishlarni tashkil etishda, ayniqsa, yoshlarni milliy g‘urur va iftixor, Vatanga sadoqat, insonparvarlik ruhida tarbiyalashda ajdodlarimizning buyuk merosidan samarali foydalanishga doir tadbirlarni ishlab chiqish va amalga oshirish.
3. O‘zbekiston Respublikasi Adliya vazirligi Fondni belgilangan tartibda davlat ro‘yxatidan o‘tkazsin.
Oldingi tahrirga qarang.
Fond mablag‘lari O‘zbekiston Respublikasi rezidentlari va norezidentlari bo‘lgan yuridik va jismoniy shaxslarning, hukumatga qarashli va hukumatga qarashli bo‘lmagan xalqaro tashkilotlar, xorijiy fuqarolarning homiylik mablag‘lari, qonunchilikda taqiqlanmagan boshqa manbalar hisobidan tashkil topadi.
(4-bandning ikkinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
(4-bandning uchinchi xatboshisi O‘zbekiston Respublikasi Vazirlar Mahkamasining 2022-yil 12-maydagi 255-sonli qaroriga asosan chiqarilgan — Qonunchilik ma’lumotlari milliy bazasi, 13.05.2022-y., 09/22/255/0412-son)
Shohi Zinda yodgorlik majmuasida qayta tiklash, ta’mirlash va obodonlashtirish ishlarini tashkil etish uchun Fondga 2004-yilda 300,0 mln so‘m mablag‘ ajratsin hamda tasdiqlangan davlat budjeti ko‘rsatkichlariga tegishli o‘zgartirishlar kiritsin;
2005-yilgi davlat budjetida majmuada yuqorida ko‘rsatilgan ishlarni davom ettirish uchun Fondga tegishli mablag‘lar ajratishni rejalashtirsin.
O‘zbekiston musulmonlari idorasining bu xayrli ishga joriy yilda 50,0 mln so‘m va keyingi yillarda 100,0 mln so‘m miqdorida mablag‘ ajratish haqidagi qarori ma’lumot uchun qabul qilinsin.
6. Shohi Zinda yodgorlik majmuasida qayta tiklash, ta’mirlash va obodonlashtirish ishlarini bajarish uchun Fond yagona buyurtmachi bo‘lishi belgilab qo‘yilsin.
8. Samarqand viloyati hokimligi, O‘zbekiston Respublikasi Madaniyat ishlari vazirligi, Davlat arxitektura va qurilish qo‘mitasi, Fanlar akademiyasi, O‘zbekiston musulmonlari idorasi, Qishloq va suv xo‘jaligi vazirligi, “O‘zkommunxizmat” agentligi Shohi Zinda yodgorlik majmuasini qayta tiklash, ta’mirlash, obodonlashtirish va ko‘kalamzorlashtirish, bu erdagi obidalar tarixini o‘rganish ishlarini olib borishda Fondga doimiy yordam ko‘rsatsinlar.
9. O‘zbekiston Respublikasi Tashqi ishlar vazirligi, “O‘zbekturizm” milliy kompaniyasi, “O‘zbekiston havo yo‘llari” milliy aviakompaniyasi, Din ishlari bo‘yicha qo‘mita hamda Samarqand viloyati hokimligi yurtdoshlarimiz va xorijlik mehmonlarning Shohi Zinda yodgorlik majmuasiga ziyoratlarini tashkil etish bo‘yicha nufuzli xalqaro tashkilotlar bilan aloqa o‘rnatish va hamkorlik qilishda Fondga har tomonlama ko‘maklashsinlar.
10. O‘zbekiston matbuot va axborot agentligi, “O‘zteleradio” kompaniyasi, O‘zbekiston Milliy axborot agentligi, “Jahon” axborot agentligiga respublika va xorijiy ommaviy axborot vositalarida Shohi Zinda yodgorlik majmuasida amalga oshirilayotgan ishlarni keng yoritib borish tavsiya etilsin.
Oldingi tahrirga qarang.
1. | Minovarov Sh.Sh. | — | Din ishlari bo‘yicha qo‘mita raisi, kengash raisi |
2. | Xusnidinov Z.M. | — | O‘zbekiston Respublikasi Prezidentining Davlat maslahatchisi (kelishuv asosida) |
3. | Bahromov A.A. | — | O‘zbekiston musulmonlari idorasi raisi, muftiy, kengash raisi o‘rinbosari |
4. | Halimov F.A. | — | Din ishlari bo‘yicha qo‘mitaning Samarqand viloyatidagi vakili, kengash kotibi |
Kengash a’zolari: | |||
5. | Toxtayev A.R. | — | Davlat arxitektura va qurilish qo‘mitasi raisi |
6. | Husanboyev B.M. | — | “O‘zbekturizm” milliy kompaniyasi raisi |
7. | Xolmuhamedov O‘.O. | — | “O‘zkommunxizmat” agentligi bosh direktori |
8. | Nurmurodov M.B. | — | Samarqand viloyati hokimi |
9. | Rafiqov S.G. | — | Samarqand shahar hokimi |
10. | Ernazarov E.M. | — | Madaniyat ishlari vazirining birinchi o‘rinbosari |
11. | Ashrafxonov B.B. | — | Moliya vazirining o‘rinbosari |
12. | Hojimatov M. | — | Respublika Ma’naviyat targ‘ibot markazi rahbari |
13. | Gadoyboyev A.G. | — | Respublika “Mahalla” jamg‘armasi raisi |
14. | Abdullayev A.B. | — | Toshkent islom universiteti prorektori |
15. | Shirinov T.Sh. | — | O‘zbekiston Respublikasi Fanlar akademiyasining Samarqand viloyati bo‘limi raisi |
16. | Davronov Sh. | — | Samarqand viloyati bosh arxitektori |
(ilova O‘zbekiston Respublikasi Vazirlar Mahkamasining 2006-yil 7-noyabrdagi 230-sonli qarori tahririda — O‘R QHT, 2006-y., 45-son, 445-modda)