Oʻzbekiston Respublikasi Prezidentining 2006-yil 7-avgustdagi PQ-436-sonli “Fan va texnologiyalar rivojlanishini muvofiqlashtirish va boshqarishni takomillashtirish chora-tadbirlari toʻgʻrisida”gi qaroriga muvofiq (Oʻzbekiston Respublikasi qonun hujjatlari toʻplami, 2006-yil, 31-32-son, 311-modda) Oʻzbekiston Respublikasi Vazirlar Mahkamasi huzuridagi Fan va texnologiyalarni rivojlantirishni muvofiqlashtirish qoʻmitasi, Moliya vazirligi, Davlat soliq qoʻmitasi, Davlat bojxona qoʻmitasi qaror qiladi:

1. Oʻzbekiston Respublikasi Fan va texnika Davlat qoʻmitasi tomonidan 1998-yil 16-martda, Moliya vazirligi tomonidan 1998-yil 15-aprelda, Davlat soliq qoʻmitasi tomonidan 1998-yil 30-aprelda, Davlat bojxona qoʻmitasi tomonidan 1998-yil 27-martda tasdiqlangan Ilmiy-texnika hamkorligi boʻyicha xalqaro va xorijiy tashkilotlar va fond hamda xalqaro bitimlar grantlari doirasida chet eldan keltirilgan pul mablagʻlari va uskunalarga xulosalarni berish tartibiga (1998-yil 18-may, roʻyxat raqami 438) ilova* boʻyicha oʻzgartirishlar kiritilsin.

2. Mazkur qaror Oʻzbekiston Respublikasi Adliya vazirligida davlat roʻyxatiga olingan kundan boshlab oʻn kun oʻtgach kuchga kiradi.