Oʻzbekiston Respublikasi Prezidentining “Oʻzbekiston Respublikasining 2007-yilgi asosiy makroiqtisodiy koʻrsatkichlari prognozi va davlat budjeti parametrlari toʻgʻrisida” 2006-yil 18-dekabrdagi PQ-532-son qaroriga muvofiq Vazirlar Mahkamasi qaror qiladi:

Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.

1. Vazirlar Mahkamasining 1992-yil 23-noyabrdagi 553-son qarori (Oʻzbekiston Respublikasi QT, 1992-y., 12-son, 37-modda) bilan tasdiqlangan Oʻzbekiston Respublikasi Moliya vazirligi haqidagi nizomning 10-bandiga quyidagi mazmundagi oʻn toʻqqizinchi va yigirmanchi xatboshi qoʻshilsin:

“hududlar boʻyicha undirilishi lozim boʻlgan barcha soliqlar va toʻlovlarning toʻliq tushumidan, shuningdek, Davlat budjetining birinchi navbatdagi xarajatlarini (hisoblangan qoʻshimchalar bilan birga ish haqi, stipendiyalar, nafaqalar va ularga tenglashtirilgan toʻlovlarni) soʻzsiz moliyalashtirish zarurligidan kelib chiqqan holda, daromadlar va xarajatlar oʻrtasidagi vaqtinchalik kassa uzilishlarini qoplash uchun tegishli budjetlarga ajratiladigan dotatsiyalar, maqsadli subvensiyalar va budjet ssudalari miqdorlarini aniqlash;

respublika budjetidan Qoraqalpogʻiston Respublikasi budjetiga hamda Andijon, Samarqand va Xorazm viloyatlari mahalliy budjetlariga beriladigan daromadlarning tasdiqlangan miqdorlariga ushbu mintaqalarda shakllanadigan soliq tushumlarini hisobga olgan holda, oʻzaro hisob-kitoblar orqali daromadlar va xarajatlar oʻrtasida yuzaga keladigan kassa uzilishlarini tartibga solgan holda aniqliklar kiritish”.

2. Vazirlar Mahkamasining 1999-yil 12-avgustdagi 387-son qarori (Oʻzbekiston Respublikasi QT, 1999-y., 8-son, 47-modda) bilan tasdiqlangan Oʻzbekiston Respublikasi hududida avtotransport qisqa muddat saqlanadigan avtomobillar toʻxtash joylarini roʻyxatdan oʻtkazish va ularning faoliyati toʻgʻrisidagi nizomning 4.4-bandi chiqarib tashlansin.

3. Vazirlar Mahkamasining “Qirgʻiziston Respublikasining yuk avtotransport vositalari va avtobuslari Oʻzbekiston Respublikasining bojxona hududlari boʻyicha oʻtishi uchun yigʻimlar undirishni tartibga solish toʻgʻrisida” 2000-yil 10-oktabrdagi 391-son qarorining (Oʻzbekiston Respublikasi QT, 2000-y., 10-son, 65-modda) 1-bandidagi “Vazirlar Mahkamasining 1999-yil 31-dekabrdagi 552-son qarori” soʻzlari “qonun hujjatlari” soʻzlari bilan almashtirilsin.

4. Vazirlar Mahkamasining “Oʻzbekiston yoshlarining “Kamolot” ijtimoiy harakati faoliyatini tashkil etishga koʻmaklashish toʻgʻrisida” 2001-yil 30-maydagi 240-son qarorida:

a) 2-bandning ikkinchi va uchinchi xatboshidan hamda 3-bandning uchinchi xatboshidan “yagona soliq hisoblangan miqdorining 7 foizini yoki” soʻzlari chiqarib tashlansin;

b) ilovada:

ilova nomidagi va 1-banddagi “Yagona soliq hisoblangan miqdorining 7 foizini yoki” soʻzlari chiqarib tashlansin;

2-band quyidagi tahrirda bayon qilinsin:

“2. Yagona soliq toʻlovi toʻlovchilari hisoblanadigan va Oʻzbekiston yoshlarining “Kamolot” ijtimoiy harakatini rivojlantirish jamgʻarmasi mahalliy boʻlimlari bilan oʻzaro qoʻllab–quvvatlash toʻgʻrisida shartnomalar tuzgan kichik biznes korxonalari (savdo korxonalaridan tashqari) yagona soliq toʻlovi hisoblangan miqdorining 5 foizini Jamgʻarmaga oʻtkazadilar.

Kichik biznes korxonalari (savdo korxonalaridan tashqari) tomonidan yagona soliq toʻlovi hisoblangan miqdorining 5 foizini oʻzaro qoʻllab-quvvatlash toʻgʻrisidagi shartnomalar asosida Jamgʻarmaga oʻtkazish davlat budjetiga majburiy toʻlovlarga tenglashtiriladi”;

3-banddan “yagona soliqni va”, “yagona soliq yoki” soʻzlari chiqarib tashlansin;

4-bandning “a” kichik bandi chiqarib tashlansin;

6, 8-bandlaridan “yagona soliq yoki” soʻzlari va 10-banddan “yagona soliqning yoki” soʻzlari chiqarib tashlansin.