O‘zbekiston Respublikasi Oliy Kengashi qaror qiladi.
1. “Do‘stlik” ordeni bilan O‘zbekiston Respublikasining fuqarolari O‘zbekistonda yashayotgan barcha millat va elatlarning vakillari o‘rtasida do‘stlik, o‘zaro hamjihatlik va totuvlikni mustahkamlash ishida erishgan katta yutuqlari, O‘zbekiston xalqining boshqa mamlakatlar xalqlari bilan do‘stlik va har taraflama hamkorligini rivojlantirganliklari uchun mukofotlanadilar.
“Do‘stlik” ordeni bilan O‘zbekiston Respublikasi fuqarosi bo‘lmagan shaxslar ham mukofotlanishi mumkin.
2. “Do‘stlik” ordeni bilan O‘zbekiston Respublikasi Prezidenti mukofotlaydi. Orden bilan mukofotlash to‘g‘risidagi Farmon matbuotda va boshqa ommaviy axborot vositalarida e’lon qilinadi.
O‘zbekiston Respublikasi Prezidentini “Do‘stlik” ordeni bilan mukofotlash O‘zbekiston Respublikasi Oliy Majlisi tomonidan amalga oshiriladi.
Oldingi tahrirga qarang.
3. “Do‘stlik” ordeni bilan mukofotlash O‘zbekiston Respublikasi Vazirlar Mahkamasi, O‘zbekiston Respublikasi Konstitutsiyaviy sudining Raisi, O‘zbekiston Respublikasi Oliy sudining Raisi, O‘zbekiston Respublikasi Bosh prokurori, Qoraqalpog‘iston Respublikasi Jo‘qorg‘i Kengesining Raisi, viloyatlar va Toshkent shahar hokimlari, vazirliklar va idoralar rahbarlarining hamda jamoat birlashmalari respublika organlarining taqdimnomasiga binoan amalga oshiriladi.
(3-modda O‘zbekiston Respublikasining 2023-yil 28-noyabrdagi O‘RQ-880-sonli Qonuni tahririda — Qonunchilik ma’lumotlari milliy bazasi, 29.11.2023-y., 03/23/880/0905-son)
LexUZ sharhi
Oldingi tahrirga qarang.
4. “Do‘stlik” ordenini va bu mukofotga oid tegishli hujjatni tantanali va keng oshkoralik vaziyatida O‘zbekiston Respublikasi Prezidenti yoki uning nomidan O‘zbekiston Respublikasi Oliy Majlisining Qonunchilik palatasi Spikeri, O‘zbekiston Respublikasi Oliy Majlisining Senati Raisi, O‘zbekiston Respublikasi Bosh vaziri topshiradi.
(4-modda O‘zbekiston Respublikasining 2004-yil 3-dekabrdagi 714-II-son Qonuni tahririda — O‘zbekiston Respublikasi Qonun hujjatlari to‘plami, 2004-y., 51-son, 514-modda)
Oldingi tahrirga qarang.
5. “Do‘stlik” ordeni bilan mukofotlangan shaxslar bazaviy hisoblash miqdorining o‘ttiz karrasi miqdorida bir yo‘la to‘lanadigan pul mukofoti oladilar.
(5-moddaning birinchi qismi O‘zbekiston Respublikasining 2019-yil 3-dekabrdagi O‘RQ-586-sonli Qonuni tahririda — Qonun hujjatlari ma’lumotlari milliy bazasi, 04.12.2019-y., 03/19/586/4106-son)
Oldingi tahrirga qarang.
“Do‘stlik” ordeni bilan mukofotlangan shaxslar qonunchilikda belgilab qo‘yiladigan imtiyozlardan foydalanadilar.
(5-moddaning ikkinchi qismi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
7. “Do‘stlik” ordeni bilan vafotidan keyin mukofotlangan taqdirda orden, mukofotlash to‘g‘risidagi hujjat va bir yo‘la to‘lanadigan pul mukofoti mukofotlanganning oilasiga topshiriladi.
Oldingi tahrirga qarang.
“Do‘stlik” ordeni 1 mikron qalinlikda tilla qoplangan tompakdan tayyorlanadi va u bir-biriga joylashtirilgan turli kattalikdagi, markazi bitta bo‘lgan ikkita sakkiz qirrali yulduz shaklida bo‘ladi. Katta va kichik yulduzlar oralig‘i moviy emal bilan to‘ldirilgan. Yulduzning burchaklari orasida taraluvchi zarhal, uchlari yumaloqlangan nur tutamlari joylashgan. Katta yulduzning qarama-qarshi qirralari oralig‘i 47 millimetr, kichik yulduzning qarama-qarshi qirralari oralig‘i esa 41 millimetr.
Ordenning markazida, diametri 12 millimetrli doira ichida oq kumushrang fonda qo‘lni qo‘lga berib ko‘rishish ramziy tasvirlangan bo‘lib, qo‘llar tasvirining ayrim yerlari zarhallangan. Tasvir atrofida, moviy emal berilgan fonda o‘n ikki insoniy fazilat ramzi sifatida o‘n ikkita kumushrang yulduz joylashgan. Sathida yulduzlar joylashgan doira diametri 24 millimetr. Butun tasvir atrofida aylana joylashgan bo‘lib, uning yuqori qismiga qizil emal bilan naqsh etilgan “DO'STLIK” degan yozuv, pastki qismiga esa zarhal dafna barglari jo bo‘lgan. Aylana diametri 33 millimetr.
Orqa tomonining pastki qismida ordenning tartib raqami 1 millimetr kattalikdagi botiq shrift bilan yozig‘liq.
Orden moviy, yashil, sariq, qizil rangli, bir-biridan oq yo‘l bilan ajratilgan, eni bir xil rangdor yo‘lli shoyi lenta sirilgan qadag‘ichga halqa va ilmoqcha yordamida ulanadi.
(“Do‘stlik” ordenining tavsifi O‘zbekiston Respublikasining 2000-yil 26-may, 82-II-son Qonuni tahririda — Oliy Majlis Axborotnomasi, 2000-y., 5-6-son, 153-modda)