O‘zbekiston Respublikasi Prezidentining “2006—2008-yillarda to‘qimachilik sanoati korxonalarini modernizatsiya qilish va texnikaviy qayta jihozlash Dasturi to‘g‘risida” 2006-yil 13-noyabrdagi PQ-510-son qaroriga muvofiq Vazirlar Mahkamasi qaror qiladi:

1. O‘zbekiston Respublikasi Tashqi iqtisodiy aloqalar, investitsiyalar va savdo vazirligi huzuridagi Idoralararo ekspertlar kengashi (keyingi o‘rinlarda “Ekspertlar kengashi” deb ataladi) tomonidan yengil sanoat korxonalarini qurish, qayta ixtisoslashtirish va modernizatsiya qilish bo‘yicha takliflarni ko‘rib chiqish tartibi to‘g‘risidagi nizom 1-ilovaga muvofiq tasdiqlansin.

2. Quyidagilar Ekspertlar kengashining asosiy vazifalari etib belgilansin:

yengil sanoat korxonalarini qurish, qayta ixtisoslashtirish va modernizatsiya qilish bo‘yicha takliflarni ko‘rib chiqish va ularni amalga oshirish yuzasidan tavsiyalar berish;

yengil sanoat korxonalarini qurish, qayta ixtisoslashtirish va modernizatsiya qilish loyihalarini tanlash mezonlarini ishlab chiqish va tasdiqlash;

tasdiqlangan 2006—2008-yillarda to‘qimachilik sanoati korxonalarini modernizatsiya qilish va texnikaviy qayta jihozlash Dasturiga kiritilgan, korxonalarning o‘z ehtiyojlari uchun olib kelinadigan texnologik va yordamchi asbob-uskunalar, texnologik jihozlar va ehtiyot qismlar ro‘yxatini ishlab chiqish va O‘zbekiston Respublikasi Vazirlar Mahkamasiga tasdiqlash uchun kiritish;

yangi loyihalarni ko‘rsatib o‘tilgan Dasturga kiritish yuzasidan takliflar kiritish;

yengil sanoatni yanada modernizatsiya qilish strategiyasi bo‘yicha takliflarni ishlab chiqish va O‘zbekiston Respublikasi Vazirlar Mahkamasiga kiritish;

yengil sanoat korxonalarini qurish, qayta ixtisoslashtirish va modernizatsiya qilish bo‘yicha xorijiy investorlardan tushadigan takliflar bo‘yicha axborotlarni to‘plash va umumlashtirish;

loyihalarni amalga oshirish bilan bog‘liq bo‘lgan boshqa masalalar.

3. O‘zbekiston Respublikasi Vazirlar Mahkamasining “Respublika to‘qimachilik tarmog‘iga investitsiyalar jalb etish chora-tadbirlari to‘g‘risida” 2005-yil 27-yanvardagi 38-son qaroriga 3-ilova o‘z kuchini yo‘qotgan deb hisoblansin.

5. O‘zbekiston Respublikasi Iqtisodiyot vazirligi, Moliya vazirligi, Tashqi iqtisodiy aloqalar, investitsiyalar va savdo vazirligi, Markaziy bank, “O‘zbekyengilsanoat” davlat-aksiyadorlik kompaniyasi O‘zbekiston Respublikasi Adliya vazirligi bilan birgalikda bir oy muddatda o‘z idoraviy normativ hujjatlarini mazkur qarorga muvofiqlashtirsinlar.

6. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari R.S. Azimov zimmasiga yuklansin.

1. Mazkur Nizom Tashqi iqtisodiy aloqalar, investitsiyalar va savdo vazirligi huzuridagi Idoralararo ekspertlar kengashi (keyingi o‘rinlarda “Ekspertlar kengashi” deb ataladi) tomonidan yengil sanoat korxonalarini qurish, qayta ixtisoslashtirish va modernizatsiya qilish bo‘yicha takliflarni ko‘rib chiqish tartibini belgilaydi.

2. Ekspertlar kengashi o‘z faoliyatida O‘zbekiston Respublikasi Konstitutsiyasiga, O‘zbekiston Respublikasi qonunlariga, O‘zbekiston Respublikasi Oliy Majlisi palatalarining qarorlari va boshqa hujjatlariga, O‘zbekiston Respublikasi Prezidentining farmonlari, qarorlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga, O‘zbekiston Respublikasining boshqa normativ hujjatlariga, shuningdek mazkur Nizomga amal qiladi.

3. Mazkur Nizom mulkchilik shakllaridan va moliyalashtirish manbalaridan qat’i nazar, yengil sanoat korxonalarini qurish, qayta ixtisoslashtirish va modernizatsiya qilish bo‘yicha barcha loyihalarga tatbiq etiladi.

4. Quyidagilar Ekspertlar kengashining asosiy vazifalari hisoblanadi:

yengil sanoat korxonalarini qurish, qayta ixtisoslashtirish va modernizatsiya qilish bo‘yicha takliflarni ko‘rib chiqish va ularni amalga oshirish yuzasidan tavsiyalar berish;

yengil sanoat korxonalarini qurish, qayta ixtisoslashtirish va modernizatsiya qilish loyihalarini (keyingi o‘rinlarda “loyihalar” deb ataladi) tanlash mezonlarini ishlab chiqish va tasdiqlash;

tasdiqlangan 2006—2008-yillarda to‘qimachilik sanoati korxonalarini modernizatsiya qilish va texnikaviy qayta jihozlash Dasturiga kiritilgan, korxonalarning o‘z ehtiyojlari uchun olib kelinadigan texnologik va yordamchi asbob-uskunalar, texnologik jihozlar va ehtiyot qismlar ro‘yxatini ishlab chiqish va O‘zbekiston Respublikasi Vazirlar Mahkamasiga tasdiqlash uchun kiritish;

yangi loyihalarni ko‘rsatib o‘tilgan Dasturga kiritish yuzasidan takliflar kiritish;

yengil sanoatni yanada modernizatsiya qilish strategiyasi bo‘yicha takliflarni ishlab chiqish va O‘zbekiston Respublikasi Vazirlar Mahkamasiga kiritish;

yengil sanoat korxonalarini qurish, qayta ixtisoslashtirish va modernizatsiya qilish bo‘yicha xorijiy investorlardan tushadigan takliflar bo‘yicha axborotlarni to‘plash va umumlashtirish;

loyihalarni amalga oshirish bilan bog‘liq bo‘lgan boshqa masalalar.

5. Ekspertlar kengashi o‘ziga yuklangan vazifalarni bajarish uchun quyidagi huquqlarga ega:

ishchi guruhlar tashkil etish;

majlislarga vazirliklar, idoralar, mahalliy davlat hokimiyati organlari, xo‘jalik boshqaruvi organlari vakillarini va loyihalar tashabbuskorlarini taklif etish;

vazirliklar va idoralardan hamda loyihalar tashabbuskorlaridan loyiha bilan bog‘liq statistika axborotlarini va boshqa axborotlarni so‘rab olish;

asbob-uskunalar va obyektlarning holatini baholash uchun konsalting kompaniyalarini jalb etish;

vakolatli organlarning loyihalar ekspertizasi amalga oshirilishining belgilangan tartibiga rioya qilishi ustidan monitoring olib borish.

Ekspertlar kengashi qonun hujjatlariga muvofiq boshqa huquqlarga ham ega bo‘lishi mumkin.

6. Ekspertlar kengashi loyiha tashabbuskorining yozma murojaati bo‘yicha loyihani ishlab chiqish va amalga oshirish bilan bog‘liq masalalar yuzasidan o‘z vakolatlari doirasida tushuntirishlar berishi shart.

7. O‘zbekiston Respublikasi Tashqi iqtisodiy aloqalar, investitsiyalar va savdo vazirligining Xorijiy investitsiyalarni jalb etish va investitsiya loyihalari monitoringi bosh boshqarmasi (keyingi o‘rinlarda “ishchi organ” deb ataladi) Ekspertlar kengashining ishchi organi hisoblanadi.

8. Ekspertlar kengashi tomonidan yengil sanoat korxonalarini qurish, qayta ixtisoslashtirish va modernizatsiya qilish bo‘yicha takliflarni ko‘rib chiqish ikki bosqichda amalga oshiriladi.

9. Birinchi bosqichda tashabbuskor tomonidan Ekspertlar kengashiga yozma ariza kiritiladi, unga yengil sanoat korxonalarini qurish, qayta ixtisoslashtirish va modernizatsiya qilish bo‘yicha taklif (keyingi o‘rinlarda “taklif” deb ataladi) ilova qilinadi.

Taklifda:

loyihaning iqtisodiy samaradorligining dastlabki hisob-kitoblari, oqilona joylashtirishni tanlash va loyihani amalga oshirishning eng samarali texnik, tashkiliy va iqtisodiy yechimi;

tashkil etiladigan ish o‘rinlari soni;

xomashyo bazasining mavjudligi hamda loyihani amalga oshirish davrida xomashyo va materiallar bilan kafolatli ta’minlash;

ishlab chiqarish rejalashtirilayotgan mahsulotning hajmi va turlari;

xarid variantlarini va uni amalga oshirish imkoniyati sxemalarini ko‘rib chiqish asosida texnologik asbob-uskunalar qiymati;

ishlab chiqariladigan mahsulotning mo‘ljallanayotgan narxlari va sotish bozorlari;

moliyalashtirish manbalari va qarz mablag‘lari jalb etilgan taqdirda mo‘ljallanayotgan garov ta’minoti;

loyiha tashabbuskorining kreditni to‘lashga qodirligi va ushbu tarmoqdagi ish tajribasi to‘g‘risidagi umumiy ma’lumotlar bo‘lishi kerak.

Taklif unga dastlabki baho berish uchun ishchi organga yuboriladi.

Respublika markaziy idoralariga hamda mahalliy davlat hokimiyati organlariga tushadigan barcha takliflar ular tushgan sanadan boshlab uch kun muddatda ishchi organga berilishi, ayni vaqtda loyihalar tashabbuskorlari yozma ravishda xabardor qilinishi kerak.

Ekspertlar kengashi o‘z ishini mahalliy davlat hokimiyati organlari, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari bilan o‘zaro mustahkam hamkorlikda tashkil etadi, o‘zining loyihani amalga oshirishning maqsadga muvofiqligi to‘g‘risidagi asoslangan takliflarini kiritish va Ekspertlar kengashining majlislarida qatnashish huquqiga ega.

Ekspertlar kengashi tashabbuskor taklifining tasdiqlangan mezonlarga muvofiqligini o‘rganib hamda ishchi organning dastlabki bahosi natijalarini ko‘rib chiqib o‘n ish kuni mobaynida bundan keyin ishlab chiqishning maqsadga muvofiqligi to‘g‘risida rasmiy xulosa beradi.

10. Ikkinchi bosqichda tashabbuskor Ekspertlar kengashining xulosasini hisobga olgan holda loyihaning texnik-iqtisodiy asoslashini mustaqil ravishda ishlab chiqadi yoxud ixtisoslashtirilgan tashkilotlarni (loyihalash institutlarini, konsalting va injiniring kompaniyalarini) jalb etadi.

Loyihalarning texnik-iqtisodiy asoslashini ishlab chiqish Ekspertlar kengashi tomonidan tasdiqlanadigan yengil sanoat korxonalarini qurish, qayta ixtisoslashtirish va modernizatsiya qilish loyihalarini tanlab olish bo‘yicha mezonlar asosida amalga oshiriladi.

Vazirlar Mahkamasining 2007-yil 7-iyundagi 110-son qarori bilan tasdiqlangan Investitsiya loyihalari hujjatlarini ishlab chiqish, ekspertizadan o‘tkazish va tasdiqlash tartibi to‘g‘risidagi nizomning 1-bandida nazarda tutilgan tegishli talablarga muvofiq bo‘lgan loyihalar bo‘yicha loyihalarning texnik-iqtisodiy asoslashini ishlab chiqish va ekspertizadan o‘tkazish ko‘rsatib o‘tilgan nizomning IV bo‘limiga muvofiq amalga oshiriladi.

11. Loyihaning texnik-iqtisodiy asoslashi ekspertizadan o‘tkazish uchun “O‘zbekyengilsanoat” davlat-aksiyadorlik kompaniyasiga beriladi. Loyihaning texnik-iqtisodiy asoslashini “O‘zbekyengilsanoat” davlat-aksiyadorlik kompaniyasida ekspertizadan o‘tkazish loyiha bo‘yicha qabul qilingan texnologik yechimni (foydalaniladigan texnologiyalar darajasi, asbob-uskunalarning — texnologik jarayonning tavsiya etilayotgan zanjirining kompleksliligi, yuqori sifatli va keng turdagi mahsulotlar ishlab chiqarishni tashkil etish imkoniyati, xalqaro standartlarga muvofiq bo‘lgan sifatni boshqarish tizimining mavjudligi, xomashyo bazasi bilan ta’minlanganlik, shuningdek umuman tarmoq bo‘yicha loyihani amalga oshirishning kompleksliligi) baholash yuzasidan ikki hafta muddatda amalga oshiriladi. Loyihaning texnik-iqtisodiy asoslashini “O‘zbekyengilsanoat” davlat-aksiyadorlik kompaniyasida ekspertizadan o‘tkazish natijalariga ko‘ra tashabbuskor uni ko‘rib chiqish uchun Ekspertlar kengashiga kiritadi.

loyihaning texnik-iqtisodiy asoslashi;

“O‘zbekyengilsanoat” davlat-aksiyadorlik kompaniyasining texnik-iqtisodiy asoslash yuzasidan ekspert xulosasi;

texnologik asbob-uskunalar yetkazib berish yuzasidan kontraktlarning loyihalari, loyihalarda asbob-uskunalarni yetkazib berish shartlari, ularning qiymati, rusumlari, texnik tavsiflari, asbob-uskunalarning ishlab chiqarilgan yili (spetsifikatsiyasi) mavjud bo‘ladi;

ishlab chiqarilishi rejalashtirilayotgan mahsulotlarni sotish yuzasidan fyuchers kontraktlarning loyihalari (mo‘ljallar protokollari), (agar mavjud bo‘lsa).

Taqdim etilgan hujjatlarning ishonchliligi uchun loyiha tashabbuskori javob beradi.

Loyiha tashabbuskori “O‘zbekyengilsanoat” davlat-aksiyadorlik kompaniyasi xulosasiga rozi bo‘lmagan taqdirda Ekspertlar kengashiga asoslangan e’tirozni taqdim etish huquqiga ega. Ekspertlar kengashi loyihaning texnik-iqtisodiy asoslashini “O‘zbekyengilsanoat” davlat-aksiyadorlik kompaniyasi xulosalarini, shuningdek loyiha tashabbuskori fikrini hisobga olgan holda ko‘rib chiqadi va tegishli qaror qabul qiladi.

12. Ishchi organ ushbu Nizomning 11-bandida ko‘rsatilgan hujjatlar tushgan sanadan boshlab bir kun muddatda Ekspertlar kengashi raisi bilan Ekspertlar kengashining navbatdagi majlisini o‘tkazish sanasini (hujjatlar taqdim qilingan sanadan boshlab o‘n ish kunidan kechikmay) kelishib oladi va Ekspertlar kengashi a’zolarini bu to‘g‘rida xabardor qiladi.

13. Quyidagilar loyihani Ekspertlar kengashi tomonidan baholashning asosiy mezonlari hisoblanadi:

loyihani amalga oshirishning umumiy iqtisodiy jihatdan maqsadga muvofiqligi va samaradorligi (ishlab chiqarish quvvatlarini maqbul tarzda joylashtirish, tashkil etiladigan ish o‘rinlari, tarmoqdagi tarkibiy o‘zgartirishlarga ta’siri, ishlayotgan quvvatlardan foydalanilishi, zarur xomashyo, materiallar va infratuzilmalarning mavjudligi);

tayyor mahsulotlarni ham ichki, ham tashqi bozorda sotish imkoniyati va istiqbollari;

loyihaning eksportga yo‘naltirilganligi — eksport qilishga mo‘ljallangan mahsulotlar hajmi ishlab chiqarish hajmining 70—80 foizidan kam bo‘lmasligi kerak;

texnologik asbob-uskunalar darajasining zamonaviy sifat standartlari (ISO 9001)ga muvofiqligi, loyihada xalqaro standartlarga muvofiq bo‘lgan sifatni boshqarish tizimining mavjudligi.

14. Ekspertlar kengashi o‘n ish kuni mobaynida takliflarni taqdim etilgan hujjatlar asosida ko‘rib chiqadi va quyidagilar:

a) loyihani amalga oshirish imkoniyati;

b) aniq va asoslangan fikr-mulohazalar va kamchiliklarni ko‘rsatgan holda loyihani puxta ishlab chiqishning zarurligi;

v) loyihani amalga oshirishning maqsadga muvofiq emasligi to‘g‘risida qaror qiladi.

15. Ushbu Nizomning 14-bandi “b” kichik bandiga muvofiq puxta ishlab chiqilgan loyihalar ko‘rib chiqish uchun Ekspertlar kengashiga belgilangan tartibda takroran kiritiladi.

16. Loyihaning texnik-iqtisodiy asoslashi bo‘yicha Ekspertlar kengashining ijobiy qarori loyihaning texnik-iqtisodiy asoslashida nazarda tutilgan shartlar, talablar va parametrlarga muvofiq loyihani kelgusida amalga oshirish uchun asos hisoblanadi.

Ushbu Nizomning 10-bandi uchinchi xatboshida nazarda tutilgan loyihalarning texnik-iqtisodiy asoslashini tasdiqlash loyihaning texnik-iqtisodiy asoslashi bo‘yicha Ekspertlar kengashining ijobiy qarori olingandan keyin Vazirlar Mahkamasining 2007-yil 7-iyundagi 110-son qarori bilan tasdiqlangan Investitsiya loyihalari hujjatlarini ishlab chiqish, ekspertizadan o‘tkazish va tasdiqlash tartibi to‘g‘risidagi nizomning IV bo‘limiga muvofiq amalga oshiriladi.

17. Ekspertlar kengashi majlislari zaruriyatga ko‘ra, biroq har oyda kamida bir marta o‘tkaziladi.

Majlisni Ekspertlar kengashi raisi, u bo‘lmagan taqdirda — Ekspertlar kengashi raisining o‘rinbosari o‘tkazadi.

Ekspertlar kengashi majlisi uning a’zolarining kamida uchdan ikki qismi qatnashganda vakolatli hisoblanadi. Kvorum bo‘lmagan taqdirda majlis boshqa muddatga ko‘chiriladi. Ekspertlar kengashi a’zolari uning majlislarida shaxsan qatnashishi kerak.

Ekspertlar kengashining mahalliy davlat hokimiyati organlari orqali kiritilgan takliflar ko‘rib chiqiladigan majlisiga mahalliy davlat hokimiyati tegishli organlarining vakillari taklif etiladi.

Ekspertlar kengashining qarorlari Ekspertlar kengashining majlisda qatnashayotgan a’zolarining oddiy ko‘pchilik ovozi bilan qabul qilinadi. Ovoz berish ochiq usulda o‘tkaziladi. Ekspertlar kengashining har bir a’zosi bitta ovozga ega bo‘ladi. Ekspertlar kengashi a’zolarining ovozi teng bo‘lgan taqdirda uning raisi ovozi, u bo‘lmaganda — rais o‘rinbosarining ovozi hal qiluvchi hisoblanadi.

18. Majlislar qarorlari protokol bilan rasmiylashtiriladi. Protokolda o‘tkazilgan majlisning joyi va sanasi, kun tartibi, raislik qiluvchi, kotib, Ekspertlar kengashining majlisda qatnashgan a’zolari, loyiha tashabbuskori, uning tomonidan tavsiya qilingan loyiha to‘g‘risidagi axborot, Ekspertlar kengashining ko‘rib chiqilgan masalalar bo‘yicha qarorlari va xulosalari ko‘rsatiladi.