Oʻzbekiston Respublikasi Prezidentining “Ulgurji va chakana savdoni liberallashtirish hamda uni rivojlantirish uchun qulay shart-sharoit yaratish chora-tadbirlari toʻgʻrisida” 2006-yil 23-fevraldagi PF–3722-son Farmoniga, Oʻzbekiston Respublikasi Prezidentining “Ulgurji savdo korxonalari uyushmasi faoliyatini tashkil etish toʻgʻrisida” 2006-yil 6-martdagi PQ–300-son qaroriga, Vazirlar Mahkamasining “Ulgurji savdo faoliyatini litsenziyalash toʻgʻrisidagi Nizomni tasdiqlash haqida” 2005-yil 5-noyabrdagi 242-son hamda “Isteʼmol tovarlari ulgurji savdosi tizimini takomillashtirish chora-tadbirlari toʻgʻrisida” 2006-yil 27-martdagi 52-son qarorlariga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirishlar kiritilsin.

2. Quyidagilar:

Vazirlar Mahkamasining “Respublika tashqarisida tovarlar sotishni ragʻbatlantirish chora-tadbirlari toʻgʻrisida” 1993-yil 11-noyabrdagi 546-son qarori;

“Oʻzoziqovqattaʼminot” ixtisoslashtirilgan davlat-aksiyadorlik kompaniyasini qayta tashkil etish toʻgʻrisida” 2002-yil 5-fevraldagi 47-son qarori (Oʻzbekiston Respublikasi QT, 2002-y., 2-son, 8-modda) oʻz kuchini yoʻqotgan deb hisoblansin.

1. Vazirlar Mahkamasining “Vazirliklar, idoralar va korxonalarning aylanma mablagʻlari normativlari toʻgʻrisida” 1997-yil 25-fevraldagi 108-son qaroriga ilovadagi “Oʻzbekbirlashuv” va “Oʻzbeksavdo” uyushmasi pozitsiyalari chiqarib tashlansin.

2. Vazirlar Mahkamasining “Oʻqituvchilar va oʻquvchilar turmushi moddiy sharoitlarini yaxshilashga oid qoʻshimcha chora-tadbirlar toʻgʻrisida” 1997-yil 20-avgustdagi 409-son qarorida (Oʻzbekiston Respublikasi QT, 1997-y., 8-son, 29-modda):

a) 1-ilovaning 3-bandidagi “Oʻzbeksavdo” korxonalari va tashkilotlaridan va boshqa” soʻzlari chiqarib tashlansin;

b) 2-ilovaning 5-bandidagi “Oʻzbeksavdo” soʻzi chiqarib tashlansin.

3. Vazirlar Mahkamasining “Oʻzbekiston Respublikasi Favqulodda vaziyatlarda ularning oldini olish va harakat qilish davlat tizimi toʻgʻrisida” 1997-yil 23-dekabrdagi 558-son qaroriga 3-ilovadagi “Oʻzbekiston “Oʻzbeksavdo” aksiyadorlik kompaniyasi” soʻzlari “Ulgurji savdo korxonalari uyushmasi” soʻzlari bilan almashtirilsin, shuningdek, “Oʻzbekiston Matlubot kooperatsiyasi aksiyadorlik jamiyatlari markaziy uyushmasi hamda (bosh idora — “Oʻzbeksavdo”)” soʻzlari chiqarib tashlansin.

4. Vazirlar Mahkamasining “Savdo sohasida monopoliyadan chiqarishni chuqurlashtirish chora-tadbirlari toʻgʻrisida” 1997-yil 24-dekabrdagi 561-son qarorida:

a) 1 va 2-bandlar chiqarib tashlansin;

b) 3-bandning ikkinchi xatboshi quyidagi tahrirda bayon qilinsin:

“Maʼlumot uchun qabul qilinsinki, “Goʻsht-sut savdo” davlat aksiyadorlik birlashmasining ustav jamgʻarmasi Toshkent shahrida joylashgan va “Goʻsht-sut savdo” davlat savdo-ishlab chiqarish birlashmasi tarkibiga kirgan toʻrtta sovutgichning mol-mulki qiymati hisobiga shakllanadi”;

v) 4-bandning uchinchi — oltinchi xatboshi chiqarib tashlansin;

g) 8-band chiqarib tashlansin;

d) 1, 1a, 2—4-ilovalar oʻz kuchini yoʻqotgan deb hisoblansin.

5. Vazirlar Mahkamasining “Qishloq savdosida mulkchilik munosabatlarini, boshqaruv tuzilmasini takomillashtirish va monopoliyadan chiqarish chora-tadbirlari toʻgʻrisida” 1998-yil 24-martdagi 125-son qarorida:

a) 1-bandning ikkinchi va uchinchi xatboshi chiqarib tashlansin;

b) 2-band chiqarib tashlansin;

v) 4-bandda:

ikkinchi xatboshi chiqarib tashlansin;

uchinchi xatboshidagi “Oʻzbekbirlashuv” aksiyadorlik kompaniyasini boshqarish markaziy apparati tuzilmasi xodimlarining cheklangan soni (yordamchi va xizmat koʻrsatuvchi xodimlardan tashqari) 40 nafar etib hamda” soʻzlari chiqarib tashlansin;

toʻrtinchi xatboshidagi “Oʻzbekbirlashuv” aksiyadorlik kompaniyasining” soʻzlari chiqarib tashlansin;

g) 6-bandda:

ikkinchi xatboshidagi “Oʻzbekbirlashuv” aksiyadorlik kompaniyasi bilan mustaqil” soʻzlari chiqarib tashlansin;

uchinchi xatboshi chiqarib tashlansin;

d) 7-bandning birinchi xatboshi chiqarib tashlansin;

e) 1, 2 va 4-ilovalar oʻz kuchini yoʻqotgan deb hisoblansin.

6. Vazirlar Mahkamasining “Vazirlar Mahkamasining “Savdo sohasida monopoliyadan chiqarishni chuqurlashtirish chora-tadbirlari toʻgʻrisida” 1997-yil 24-dekabrdagi 561-son qaroriga qoʻshimcha kiritish haqida” 1999-yil 14-iyundagi 299-son qarorining 3 va 4-bandlari chiqarib tashlansin.

7. Vazirlar Mahkamasining “Sanoat korxonalari omborlaridagi tayyor mahsulotlar qoldiqlari normativlari toʻgʻrisida” 2000-yil 28-apreldagi 167-son qaroriga 1-ilovadagi “Oʻzbeksavdo” kompaniyasi, “Oʻzmaishiyuyushma” va “Oʻzbekbirlashuv” soʻzlari chiqarib tashlansin.

8. Vazirlar Mahkamasining “Reklama toʻgʻrisida”gi Oʻzbekiston Respublikasi Qonunini amalga oshirish chora-tadbirlari haqida” 2000-yil 26-iyundagi 243-son qaroriga 4-ilovaning 13-bandi (Oʻzbekiston Respublikasi QT, 2000-y., 6-son, 32-modda) chiqarib tashlansin.

9. Vazirlar Mahkamasining “Oʻzbekiston” davlat tennis klubini tashkil etish toʻgʻrisida” 2000-yil 29-dekabrdagi 512-son qarorining 4-bandi chiqarib tashlansin.

10. Vazirlar Mahkamasining “Faoliyatning ayrim turlarini litsenziyalash toʻgʻrisida”gi Oʻzbekiston Respublikasi Qonunini amalga oshirish chora-tadbirlari haqida” 2002-yil 28-iyundagi 236-son qaroriga 1-ilovada (Oʻzbekiston Respublikasi QT, 2002-y., 6-son, 36-modda):

a) Qoraqalpogʻiston Respublikasi Adliya vazirligi, viloyatlar va Toshkent shahar hokimliklari adliya boshqarmalari” boʻlimida:

nomidan “hokimliklari” soʻzi chiqarib tashlansin;

boʻlimga quyidagi mazmundagi xatboshi qoʻshilsin:

“Ulgurji savdo korxonalari uyushmasi tarkibiga kiruvchi Respublika ixtisoslashtirilgan ulgurji baza-kontoralari, hududiy bazalar, shuningdek viloyatlar “Matlubotsavdo” aksiyadorlik kompaniyalari tomonidan amalga oshiriladigan ulgurji savdo”;

b) “Tumanlar (shaharlar) hokimliklari” boʻlimidagi “Ulgurji savdo” soʻzlari “Ulgurji savdo, Ulgurji savdo korxonalari uyushmasi tarkibiga kiruvchi Respublika ixtisoslashtirilgan ulgurji baza-kontoralari, hududiy bazalar, shuningdek, viloyatlar “Matlubotsavdo” aksiyadorlik kompaniyalari tomonidan amalga oshiriladigan ulgurji savdo bundan mustasno” soʻzlari bilan almashtirilsin.

11. Vazirlar Mahkamasining “Oʻzbekiston Bolalar sportini rivojlantirish jamgʻarmasi faoliyatini tashkil etish toʻgʻrisida” 2002-yil 31-oktabrdagi 374-son qaroriga 1-ilovadagi (Oʻzbekiston Respublikasi QT, 2002-y., 10-son, 63-modda) 35 va 36-bandlar chiqarib tashlansin.

12. Vazirlar Mahkamasining “Yarmarka savdosini tashkil etishni takomillashtirish chora-tadbirlari toʻgʻrisida” 2002-yil 13-noyabrdagi 391-son qarorida (Oʻzbekiston Respublikasi QT, 2002-y., 11-son, 68-modda):

a) 4-band chiqarib tashlansin;

b) 3-ilovaning 3, 7, 10 va 12-bandlari chiqarib tashlansin;

v) 4-ilovaning 3, 9 va 10-bandlari chiqarib tashlansin;

g) 5-ilovaning 3, 12 va 14-bandlari chiqarib tashlansin.

13. Vazirlar Mahkamasining “Yuridik va jismoniy shaxslarni roʻyxatdan oʻtkazishni hamda ular tomonidan savdo faoliyati amalga oshirilishini tartibga solish chora-tadbirlari toʻgʻrisida” 2002-yil 26-noyabrdagi 407-son qaroriga ilovada (Oʻzbekiston Respublikasi QT, 2002-y., 11-son, 71-modda):

a) 3-banddagi “davlat roʻyxatidan oʻtkazilgan joydagi tumanlar (shaharlar) hokimliklarida ulgurji savdoni amalga oshirish huquqiga 1-ilovaga muvofiq shakl boʻyicha ruxsat guvohnomasi” soʻzlari “tegishli litsenziya” soʻzlari bilan almashtirilsin;

b) 10-band quyidagi tahrirda bayon qilinsin:

“10. Tovarlar faqat tuzilgan shartnomalar asosida va oʻzaro hisob-kitoblarning naqd pulsiz shaklida ulgurji sotilishi mumkin”;

v) 23 va 35-bandlarning oxirgi xatboshi chiqarib tashlansin;

g) 47-banddagi “savdoni amalga oshirish huquqi uchun yigʻim yoki alohida tovarlar bilan savdoni amalga oshirish huquqi uchun litsenziya yigʻimi” soʻzlari “alohida tovarlar turlari bilan savdoni amalga oshirish huquqi uchun yigʻim” soʻzlari bilan almashtirilsin.

14. Vazirlar Mahkamasining “Demografiya va isteʼmol bozorini oʻrganish markazini tashkil etish toʻgʻrisida” 2002-yil 24-dekabrdagi 448-son qaroriga 1-ilovadagi “Fayziyev Z.O. – “Oʻzbeksavdo” davlat-aksiyadorlik kompaniyasi raisi” soʻzlari chiqarib tashlansin.

15. Vazirlar Mahkamasining “2003—2006-yillarda chakana savdo, umumiy ovqatlanish va aholiga maishiy xizmat koʻrsatish korxonalari tarmoqlarini rivojlantirishga doir qoʻshimcha chora-tadbirlar toʻgʻrisida” 2003-yil 13-fevraldagi 78-son qarorining 1-bandi ikkinchi xatboshidagi “Oʻzbeksavdo”, “Oʻzbekbirlashuv” aksiyadorlik kompaniyalari, “Savdo” hududiy kompaniyalari” soʻzlari chiqarib tashlansin.

16. Vazirlar Mahkamasining “Tadbirkorlik faoliyatini tashkil etish uchun roʻyxatdan oʻtkazish tartibotlari tizimini tubdan takomillashtirish toʻgʻrisida” 2003-yil 20-avgustdagi 357-son qaroriga 1-ilova 5-bandining oltinchi xatboshi (Oʻzbekiston Respublikasi QT, 2003-y., 8-son, 72-modda) quyidagi tahrirda bayon qilinsin:

“Tadbirkorlik subyektlari davlat roʻyxatidan oʻtkazilganligi uchun Inspeksiyalarda roʻyxatdan oʻtkazish yigʻimlari undiriladi, ularning stavkalari Qoraqalpogʻiston Respublikasi, viloyatlar va Toshkent shahar davlat hokimiyati vakillik organlari tomonidan belgilanadi. Roʻyxatdan oʻtkazish yigʻimlarining cheklangan stavkalari har yili Oʻzbekiston Respublikasi Vazirlar Mahkamasining qarori bilan belgilanadi. Borish qiyin boʻlgan va togʻli tumanlarda tashkil etiladigan tadbirkorlik subyektlari davlat roʻyxatidan oʻtkazilganligi uchun belgilangan stavkaning 20 foizi miqdorida undiriladi, savdo korxonalari bundan mustasno. Borish qiyin boʻlgan va togʻli tumanlarda tashkil etiladigan tadbirkorlik subyektlari — savdo korxonalari davlat roʻyxatidan oʻtkazilganligi uchun roʻyxatdan oʻtkazish yigʻimi eng kam oylik ish haqining bir baravari miqdorida undiriladi. Koʻrsatib oʻtilgan yigʻimlar Inspeksiyalarni moliyalashtirish manbalari hisoblanadi. Roʻyxatdan oʻtkazish yigʻimlari tushishidan foydalanilmay qolgan mablagʻlar tumanlar (shaharlar) hokimlari qaroriga koʻra foydalaniladi”.

17. Vazirlar Mahkamasining “Isteʼmol tovarlari yarmarka savdosini rivojlantirishga doir qoʻshimcha chora-tadbirlar toʻgʻrisida” 2003-yil 28-avgustdagi 375-son qarori (Oʻzbekiston Respublikasi QT, 2003-y., 8-son, 80-modda) 4-bandining birinchi xatboshidagi “Oʻzbeksavdo”, “Oʻzbekbirlashuv” aksiyadorlik kompaniyalari” soʻzlari chiqarib tashlansin.

18. Vazirlar Mahkamasining “Respublika davlat va xoʻjalik boshqaruvi organlari boshqaruv xodimlari sonini maqbullashtirish va qisqartirish toʻgʻrisida” 2004-yil 5-yanvardagi 1-son qaroriga 3-ilovadagi 63 va 64-pozitsiyalar chiqarib tashlansin.

19. Vazirlar Mahkamasining “Mustaqillik va Navroʻz umumxalq bayramlariga tayyorgarlikni tashkil etishni takomillashtirish toʻgʻrisida” 2004-yil 23-iyuldagi 357-son qaroriga ilovadagi “Bekchanov M. — “Oʻzbekbirlashuv” aksiyadorlik kompaniyasi raisi, Fayziyev Z.O. — “Oʻzbeksavdo” aksiyadorlik kompaniyasi raisi” soʻzlari chiqarib tashlansin.

20. Vazirlar Mahkamasining “Respublika komissiyalari va kengashlari tarkiblarini tasdiqlash toʻgʻrisida” 2004-yil 26-iyuldagi 358-son qarorida:

a) 4-ilovadagi “Bekchanov M. — “Oʻzbekbirlashuv” aksiyadorlik kompaniyasi raisi, Fayziyev Z.O. — “Oʻzbeksavdo” aksiyadorlik kompaniyasi raisi” soʻzlari chiqarib tashlansin;

b) 31-ilovadagi “Fayziyev Z.O. — “Oʻzbeksavdo” aksiyadorlik kompaniyasi raisi” soʻzlari chiqarib tashlansin;

v) 32-ilovadagi “Azamatov M.R. — “Oʻzbeksavdo” aksiyadorlik kompaniyasining savdoni tashkil etish va ulgurji yarmarkalar faoliyatini muvofiqlashtirish boshqarmasi boshligʻi, kengash kotibi”, “Fayziyev Z.O. — “Oʻzbeksavdo” aksiyadorlik kompaniyasi raisi”, “Bekchanov M. — “Oʻzbekbirlashuv” aksiyadorlik kompaniyasi raisi” soʻzlari chiqarib tashlansin.