ЎЗБЕКИСТОН РЕСПУБЛИКАСИ ПРЕЗИДЕНТИНИНГ
ҚАРОРИ
Саратон касалликларининг олдини олиш, эрта аниқлаш ва даволаш чора-тадбирларини такомиллаштириш тўғрисида
[Кўчирма]
Республикада саратон касалликларини эрта аниқлаш, ташхислаш ва даволаш тизимини халқаро стандартлар асосида такомиллаштириш, аҳолига кўрсатиладиган онкологик тиббий хизматлар сифати ва самарадорлигини ошириш, соҳа мутахассисларининг билим ва кўникмаларини ривожлантириш ҳамда тиббиёт муассасаларининг моддий-техника базасини мустаҳкамлаш мақсадида қарор қиламан:
I. Мақсадлар
1. Қуйидагилар саратон касалликларига қарши курашишнинг асосий мақсадлари этиб белгилансин:
(а) аҳолини энг кўп учрайдиган (бачадон бўйни, кўкрак бези, йўғон ичак, ошқозон, простата бези ва ўпка) саратон касалликлари бўйича мақсадли тиббий текширувлар билан қамраб олиш кўрсаткичини камида 60 фоизга етказиш;
(б) аҳоли ўртасида энг кўп учрайдиган саратон касалликларини биринчи-иккинчи босқичларда аниқлаш даражасини 30 фоиздан 40 фоизгача ошириш;
(в) аҳоли ўртасида энг кўп учрайдиган саратон касалликларини учинчи-тўртинчи босқичларда аниқлаш даражасини 65 фоиздан 55 фоизга камайтириш;
(г) энг кўп учрайдиган саратон касалликларига чалинган беморлар орасида 5 йиллик умр кўриш давомийлиги кўрсаткичини 35 фоиздан камида 45 фоизга ошириш;
(д) ҳар 100 минг нафар аҳоли ўртасида энг кўп учрайдиган саратон касалликлари туфайли ўлимларни 5,1 кўрсаткичдан 3,7 га қисқартириш;
(ж) саратон касалликларига чалинган барча беморларни замонавий технологиялар ёрдамида ташхислаш ва даволаш билан тўлиқ қамраб олиш.
II. Саратонга қарши курашиш миллий дастури
2. 2027 йил 1 январдан бошлаб Жаҳон соғлиқни сақлаш ташкилоти ва халқаро экспертлар иштирокида ишлаб чиқилган Саратонга қарши курашиш миллий дастури (кейинги ўринларда — Дастур) асосида аҳоли ўртасида ошқозон, йўғон ичак (колоректал), ўпка ва простата бези саратони касалликларини эрта аниқлаш ва уларнинг олдини олиш чора-тадбирлари 1-иловага мувофиқ ҳудудларда босқичма-босқич амалга оширилсин.
3. Қуйидагилар Дастурнинг устувор вазифалари этиб белгилансин:
(а) аҳолининг саратон касалликлари хавф омиллари, дастлабки белгилари ва олдини олиш усуллари тўғрисидаги хабардорлигини ошириш;
(б) саратон касалликларининг олдини олиш, эрта аниқлаш, ташхислаш ва даволаш тизимини қуйидагилар орқали такомиллаштириш:
(i) бирламчи тиббий-санитария ёрдами муассасалари тиббиёт ходимларининг онкологик ҳушёрлигини ошириш, саратон касалликларининг дастлабки белгиларини аниқлаш ва беморларни йўналтириш бўйича малакасини мустаҳкамлаш;
(ii) халқаро тавсияларга мувофиқ клиник қўлланмаларни қабул қилиш, онкология йўналишида мультидисциплинар жамоавий ёндашув («Multidisciplinary Tumor Board») тамойилини жорий этиш;
(iii) аҳоли ўртасида энг кўп учрайдиган саратон касалликлари бўйича эрта ташхислаш дастурларини ишлаб чиқиш ва босқичма-босқич жорий этиш, шунингдек, тезкор ташхислаш йўналишларини («Rapid Diagnostic Pathway») татбиқ этиш;
(в) қуйидагилар ҳисобига кўрсатилаётган тиббий ёрдам сифатини ошириш ва ўлим ҳолатларини камайтириш:
(i) нур терапияси хизматини модернизация қилиш, жумладан, кобальт қурилмаларини замонавий чизиқли тезлаткичларга босқичма-босқич алмаштириш ва юқори дозали брахитерапия имкониятларини кенгайтириш;
(ii) Республика ихтисослаштирилган онкология ва радиология илмий-амалий тиббиёт маркази (кейинги ўринларда — Марказ) ва унинг ҳудудий филиаллари диагностик инфратузилмасини мустаҳкамлаш, жумладан, патоморфология лабораторияларини модернизация қилиш ва ҳудудлараро молекуляр-генетик диагностика марказларини ташкил этиш;
(iii) Жаҳон соғлиқни сақлаш ташкилоти тавсияларига мувофиқ ўсмага қарши дори воситаларини уч гуруҳли таснифлаш тизимини жорий этиш ҳамда биринчи гуруҳ (зарурий) дори воситалари билан узлуксиз таъминлашни давлат томонидан кафолатлаш;
(iv) онкология соҳасида тиббиёт кадрларини тайёрлаш, қайта тайёрлаш ҳамда малакасини ошириш, ўқув жараёнида симуляцион технологияларни кенгайтириш ҳамда илмий фаолиятни такомиллаштириш.
4. Белгилансинки, аҳоли ўртасида энг кўп учрайдиган саратон касалликларини эрта аниқлашнинг янги дастурлари доирасида:
(а) халқаро клиник қўлланмалар, стандарт операцион муолажалар, беморлар маршрутлари ҳамда саволномалар ўтказиш амалиётга жорий этилади;
(б) бирламчи тиббий-санитария ёрдами муассасалари ҳамда ҳудудлардаги марказий лабораториялар ошқозон, колоректал ҳамда простата бези саратонини эрта аниқлаш учун тест тўпламлари, реактив, реагентлар ва сарфлов материаллари билан таъминланади.
III. Онкология хизматини ташкил этиш ва бошқариш
5. Шундай тартиб ўрнатилсинки, унга мувофиқ 2027 йил 1 январдан бошлаб беморлар сони, бир беморга талаб этиладиган кунлик миқдор, даволаш курсининг давомийлиги, мавжуд захира ҳамда демографик ҳолатни инобатга олган ҳолда саратонолди ва саратон касалликларига чалинган беморларни ташхислаш ва даволаш учун зарур бўлган дори ва сарфлов воситалари, реактив ва реагентлар ҳамда тиббий жиҳозлар БМТнинг тараққиёт дастури билан ҳамкорликда харид қилинади ҳамда ҳудудларга етказиб берилади. Бунда Ўзбекистон Республикаси Президентининг 2024 йил 22 ноябрдаги ПҚ-402-сон қарори билан тасдиқланган 2025 — 2030 йилларда бачадон бўйни ва кўкрак бези саратонини назорат қилиш дастури доирасида реактив ва реагентларни бошқа халқаро ташкилотлар билан ҳамкорликда харид қилиниши мумкин.
6. Ушбу қарор билан белгиланган мақсад ва устувор вазифаларга эришиш учун қуйидагилар:
(а) Саратонга қарши курашиш миллий дастури 2-иловага мувофиқ;
(б) Саратонга қарши курашиш миллий дастурини амалга ошириш юзасидан комплекс чора-тадбирлар режаси 3-иловага мувофиқ;
(в) Саратонга қарши курашиш миллий дастурини амалга оширишнинг мақсадли кўрсаткичлари 4-иловага мувофиқ;
(г) Саратонга қарши курашиш миллий дастурини амалга ошириш учун республика онкология муассасаларини зарур тиббий жиҳозлар билан таъминлашнинг манзилли тақсимоти 5-иловага мувофиқ тасдиқлансин.
7. Белгилаб қўйилсинки, 2027 йил 1 январдан бошлаб Давлат бюджети маблағлари ҳисобидан қопланадиган тиббий ёрдамнинг кафолатланган ҳажмлари доирасида саратон касалликларига чалинган беморларга тиббий ёрдам кўрсатишда қуйидаги хизматлар харажатлари Давлат тиббий суғуртаси жамғармаси томонидан қопланади:
(а) саратон касалликларини эрта аниқлаш ва уларнинг олдини олишда ўтказиладиган лаборатор ва инструментал диагностик текширувлар;
(б) саратон касалликларини ташхислаш ва уларнинг босқичини аниқлаш. Бунда молекуляр-генетик ташхис усулларининг рўйхати Соғлиқни сақлаш вазирлиги томонидан тасдиқланади, уларни қоплаш қийматини белгилаш ва тўловларни амалга ошириш тартиби Иқтисодиёт ва молия вазирлиги билан келишилади;
(в) жарроҳлик амалиётлари;
(г) медикаментоз (биринчи гуруҳдаги (базавий) ўсмага қарши, гормонал ҳамда қўллаб-қувватловчи терапияда қўлланадиган дори воситалари) ва нур терапияси;
(д) паллиатив ёрдам;
(ж) реабилитация ва диспансер кузатуви бўйича хизматлар.
8. Ўзбекистон Республикаси Президентининг 2024 йил 22 ноябрдаги ПҚ-402-сон қарорига асосан ташкил этилган Саратон касаллиги назорати соҳасидаги лойиҳаларнинг амалга оширилишини мувофиқлаштирувчи кенгашнинг (кейинги ўринларда — Кенгаш) қўшимча вазифалари этиб қуйидагилар белгилансин:
(а) саратон касалликларини назорат қилишга қаратилган лойиҳаларни (кейинги ўринларда — лойиҳалар) мувофиқлаштириш;
(б) онкология соҳасининг амалдаги ҳолатини таҳлил қилиш, соҳани ривожлантириш йўналишлари ва энг муҳим самарадорлик кўрсаткичларини (KPI) белгилаш ҳамда лойиҳаларни амалга ошириш бўйича «йўл хариталари»ни тасдиқлаш;
(в) лойиҳалар иштирокчилари фаолиятини мувофиқлаштириш, уларни барча босқичларда қўллаб-қувватлаш ишларини ташкил этиш;
(г) лойиҳаларни молиялаштириш, инфратузилма ва тартибга солиш билан боғлиқ муаммоларни ҳал этиш, тизимли масалалар юзасидан қонунчиликни такомиллаштириш бўйича таклифлар ишлаб чиқиш;
(д) онкология соҳасида амалга оширилаётган ишлар самарадорлигини таҳлил қилиш мақсадида чораклик йиғилишлар ўтказиб бориш;
(ж) Дастурнинг амалга оширилиши ва мақсадли кўрсаткичларга эришилиши юзасидан ҳар йили таҳлилий ҳисоботларни жамоатчиликка эълон қилиб бориш;
(з) Кенгаш томонидан тасдиқланадиган рўйхатга мувофиқ Марказда фойдаланиш учун:
(i) Ўзбекистон Республикасида ишлаб чиқарилмайдиган хорижда тиббиёт амалиётида қўллашга рухсат берилган, шу жумладан, мувофиқлик декларациясига эга бўлган энг янги онкологик, гематологик, иммунологик, оғриқ қолдирувчи дори воситалари, ҳамроҳ ва қўллаб-қувватловчи терапия препаратлари, тиббий жиҳозларни (кейинги ўринларда — фармацевтика маҳсулотларини) тан олиш тартибида давлат рўйхатидан ўтказиш;
(ii) фармацевтика маҳсулотларини айрим кўрсаткичлари бўйича сифат назорати ҳамда идентификация орқали ўрнатилган тартибда сертификатлаш шарти билан республикага олиб кириш.
9. Давлат тиббий суғуртаси жамғармаси ҳузурида юридик шахс мақомига эга бўлмаган Ноинфекцион касалликларга қарши курашиш жамғармаси (кейинги ўринларда — Жамғарма) ташкил этилсин.
10. Белгилансинки, Жамғарма маблағлари:
(а) 2027 йил 1 январдан бошлаб қуйидаги манбалар ҳисобидан шакллантирилади:
(i) таркибида шакар ёки бошқа ширинлаштирувчи ёки хушбўйлаштирувчи моддалар мавжуд бўлган газланган ва газланмаган ичимликлар, таркибида картошка ёки унинг таъмини берувчи қўшимчалар бўлган маҳсулотлар (чипслар), тамаки, алкоголь ва пиво маҳсулотлари ҳамда энергетик ва тетиклаштирувчи ичимликларга белгиланган акциз солиғидан тушумларнинг 50 фоизи;
(ii) халқаро молия институтлари, хорижий ҳукумат молия ташкилотлари ва бошқа ташкилотларнинг грантлари, ихтиёрий ёрдам ҳамда техник кўмак маблағлари;
(iii) жисмоний ва юридик шахсларнинг ҳомийлик хайриялари;
(iv) Жамғарманинг вақтинча бўш маблағларини тижорат банкларининг депозитларига ва бошқа молиявий воситаларга жойлаштиришдан тушган даромадларнинг 50 фоизи;
(v) қонунчилик ҳужжатларида тақиқланмаган бошқа манбалар;
(б) қуйидаги мақсадлар учун сарфланади:
(i) саратон ва орфан касалликларига чалинган беморларни ўз вақтида ташхислаш, даволаш ва реабилитация қилиш, уларга республикада ҳамда хорижий давлатларда тиббий ёрдам кўрсатиш, ижтимоий ва молиявий ёрдам бериш, уларни даволашда зарур дори воситалари ва тиббий жиҳозлар билан бепул таъминлаш;
(ii) тиббиёт муассасаларини дори ва сарфлов воситалари, реактив ва реагентлар ҳамда тиббий жиҳозлар билан таъминлаш, моддий-техника базасини мустаҳкамлаш;
(iii) саратон ва орфан касалликларини даволаш билан шуғулланувчи тиббиёт муассасаларининг ташкилий, илмий, таълим ва даволаш фаолиятига етакчи хорижий тиббиёт ва илмий-тадқиқот муассасаларидан экспертларни жалб қилиш;
(iv) саратон ва орфан касалликларига чалинган беморларга ўз вақтида ҳамда сифатли ёрдам кўрсатишга қаратилган бошқа чора-тадбирларни молиялаштириш;
(в) Иқтисодиёт ва молия вазирлиги ҳузуридаги Ғазначилик хизмати қўмитасида очилган махсус шахсий ғазна ҳисобварағида жамланади;
(г) Кенгаш қарори асосида сарфланади.
11. Иқтисодиёт ва молия вазирлиги Соғлиқни сақлаш вазирлиги билан биргаликда эҳтиёжга кўра Жамғармага қўшимча манбаларни шакллантириш бўйича таклифларни Ўзбекистон Республикаси Президенти Администрациясига киритиб борсин.
IV. Тиббиёт ходимларининг билим ва кўникмаларини ошириш
12. Соғлиқни сақлаш вазирлиги:
(а) тиббий таълим муассасалари билан биргаликда оила саломатлиги бўйича махсус ўқув дастури доирасида тиббиёт бригадалари ходимлари аҳоли ўртасида энг кўп учрайдиган саратон касалликларини эрта босқичларда аниқлаш юзасидан мақсадли тиббий текширувлардан ўтказиш бўйича малака оширишларини;
(б) «Ўзбекистонда саратон касалликларини эрта аниқлаш миллий дастури» (National Early Detection Program for Cancer in Uzbekistan) грант лойиҳаси доирасида Гарвард университети афилланган клиникалари (Harvard University Affiliated Hospitals Dana Farber Cancer Institute) экспертларини жалб қилган ҳолда:
(i) туман (шаҳар) марказий шифохоналари шифокор-эндоскопистлари гастроскопия ва колоноскопияни ўтказиш бўйича;
(ii) соҳа мутахассислари кўкрак бези, бачадон бўйни, ошқозон ва простата бези саратони касалликларини эрта босқичларда аниқлаш бўйича ўқитилишини таъминласин.
13. Белгилансинки, Ўзбекистон Республикаси Президентининг 2025 йил 19 майдаги «2025 — 2030 йилларда болалар саратонига қарши курашиш бўйича Ўзбекистон Республикаси миллий стратегиясини амалга ошириш чора-тадбирлари тўғрисида»ги ПҚ-186-сон қарорига мувофиқ ташкил этилган Болалар саратони бўйича халқаро академик хаб Дастур доирасида онкология соҳасида илм-фанни ривожлантиришнинг илмий базаси сифатида фаолият юритади.
V. Рақамлаштириш
14. Рақамли технологиялар вазирлиги ва Соғлиқни сақлаш вазирлиги:
(а) уч ой муддатда аҳоли ўртасида саратон касалликларини эрта аниқлаш ҳамда саратон касалликларига чалинган беморларни ташхислаш, даволаш, диспансер кузатувига олиш ҳамда йўналтириш жараёнларини ўз ичига олган беморлар рақамли маршрутини жорий қилиш бўйича техник топшириқ ишлаб чиқиб, тасдиқласин;
(б) 2026 йил якунига қадар «Cancer-регистр» ахборот тизимини саратон касалликларини ҳисобга олиш бўйича халқаро стандартларга мувофиқ такомиллаштирсин, шунингдек, сунъий интеллект технологиялари асосида қарор қабул қилишни қўллаб-қувватловчи замонавий рақамли воситаларни жорий этсин;
(в) 2027 йил якунига қадар «Электрон соғлиқни сақлаш» ахборот тизимида саратон касалликларига чалинган беморларни рўйхатга олиш, ташхислаш, даволаш, диспансер кузатуви ҳамда йўналтириш жараёнларини қамраб олган беморларнинг рақамлаштирилган маршрутини алоҳида модул сифатида ишлаб чиқсин ва амалиётга жорий этсин.
VI. Қарорда белгиланган тадбирларни молиялаштириш
15. Иқтисодиёт ва молия вазирлиги Дастурда назарда тутилган чора-тадбирларни амалга ошириш учун Жамғармага 2027 йилда қўшимча 1,7 триллион сўм маблағ ажратилишини таъминласин. Бунда Дастурда назарда тутилган чора-тадбирларни амалга ошириш билан боғлиқ харажатлар 2028 йилдан бошлаб ҳар йили Давлат бюджети параметрларида назарда тутилади ва нархлар ўзгаришига қараб индексация қилиб борилади.
16. Белгилаб қўйилсинки, Дастур доирасида саратон касалликларини эрта босқичларда аниқлаш ва уларнинг олдини олиш юзасидан ишлаб чиқилган ўқув дастурлари асосида тиббиёт ходимларининг малакасини ошириш билан боғлиқ харажатлар, шу жумладан, хорижий экспертларни жалб қилиш харажатлари Тиббиётни ривожлантириш давлат мақсадли жамғармаси ҳамда Давлат бюджетидан Соғлиқни сақлаш вазирлигига ажратилган маблағлар ҳисобидан молиялаштирилади.
VII. Қарор ижросини ташкил этиш, таъминлаш ва назорат
17. Соғлиқни сақлаш вазирлиги:
(а) икки ой муддатда:
(i) Дастурни Жаҳон соғлиқни сақлаш ташкилотининг тавсиялари асосида халқаро стандартларга мувофиқ шаклда тасдиқласин ҳамда вазирликнинг расмий веб-сайтига жойлаштирсин;
(ii) ўсмага қарши дори воситалари таъминоти ва логистикасини мувофиқлаштириш бўйича техник гуруҳни ташкил этсин;
(б) уч ой муддатда қуйидагиларни назарда тутувчи саратонни эрта аниқлаш бўйича аҳолини тиббий кўриклардан ўтишга жалб қилиш чора-тадбирлари дастурини тасдиқласин:
(i) оммавий ахборот воситалари ва ижтимоий тармоқларда саратон касалликларининг хавф омиллари, эрта аломатлари ва тиббий кўрикларнинг аҳамияти тўғрисида тарғибот ишларини тизимли ташкил этиш;
(ii) мақсадли ёш гуруҳларига кирувчи фуқароларни тиббий кўрикларга чақириш (СМС хабарномалар, мобил илова, сунъий интеллект воситалари ва бошқалар);
(iii) тиббиёт бригадалари ходимлари ва маҳалла фаолларини жалб қилган ҳолда аҳоли, айниқса, олис ва чекка ҳудудларда истиқомат қилувчи фуқаролар ўртасида тушунтириш ишларини олиб бориш;
(iv) ҳар йили 4 февраль — Бутунжаҳон саратонга қарши курашиш куни муносабати билан саратон касалликларининг олдини олиш ва эрта босқичларда аниқлаш бўйича аҳолининг саводхонлигини оширишга қаратилган оммавий тадбирлар ўтказиш;
(в) 2026 йил якунига қадар:
(i) Иқтисодиёт ва молия вазирлиги билан биргаликда саратон касалликларига чалинган беморларга тиббий ёрдам кўрсатишда Давлат бюджети маблағлари ҳисобидан қопланадиган тиббий ёрдамнинг кафолатланган ҳажмларини тасдиқласин;
(ii) таргет ва иммунотерапия, шунингдек, Жаҳон соғлиқни сақлаш ташкилоти томонидан қайта малакаланган биосимилярлар клиник қўлланмаларга босқичма-босқич киритилишини таъминласин;
(iii) Жаҳон соғлиқни сақлаш ташкилоти тавсияларига мувофиқ уч босқичли устуворлик таснифи асосида ўсмага қарши дори воситалари рўйхатини ишлаб чиқсин ва тасдиқласин;
(iv) халқаро стандартлар асосида онкология соҳасида стандартлаштириш ҳужжатлари, шу жумладан, саратон касалликларига чалинган беморларга тиббий ёрдам кўрсатиш тартиби, клиник қўлланмалар, беморларнинг клиник маршрутлари ҳамда стандарт операцион муолажаларни ишлаб чиқсин ва тасдиқласин;
(г) 2027 йил якунига қадар дори ва сарфлов воситаларининг захирасини рақамли прогноз қилиш ва бошқаришни, ҳудудлар кесимида энг мақбул тарзда тақсимот қилишни ҳамда ўсмага қарши дори воситалари кўп йиллик шартномалар асосида харид қилинишини йўлга қўйсин;
(д) Иқтисодиёт ва молия вазирлиги билан биргаликда Дастурни амалга ошириш натижалари, шунингдек, халқаро стандартлар ва илғор хорижий тажриба асосида саратон касалликларига чалинган беморларга тиббий ёрдам кўрсатишда Давлат бюджетидан қопланадиган тиббий ёрдамнинг кафолатланган ҳажмлари камида ҳар уч йилда бир маротаба қайта кўриб чиқилишини таъминласин.
18. Иқтисодиёт ва молия вазирлиги икки ой муддатда мазкур қарорнинг 10-банди «а» кичик бандининг иккинчи хатбошисида назарда тутилган тушумларни Жамғармага автоматик равишда ўтказиш имкониятини яратсин.
19. Стратегик ривожланиш ва ислоҳотлар агентлиги Дастур амалга оширилиши бўйича мониторинг олиб борсин ҳамда унинг самарадорлиги юзасидан Кенгашга таклифлар киритиб борсин.
20. Рақамли технологиялар вазирлиги ҳар йили Дастурда назарда тутилган чора-тадбирларни амалга ошириш билан боғлиқ жараёнлар бошланишидан аввал фуқароларни хабардор қилиш мақсадида махсус бепул СМС хабарномалар юборилишини таъминласин.
21. Ўзбекистон Республикаси Президентининг ва Ўзбекистон Республикаси Ҳукуматининг айрим қарорларига 6-иловага мувофиқ ўзгартириш ва қўшимчалар киритилсин.
22. Мазкур қарорнинг ижросини самарали ташкил қилишга масъул ва шахсан жавобгар этиб соғлиқни сақлаш вазири Э.Э. Адилов, Қорақалпоғистон Республикаси Вазирлар Кенгаши Раиси, вилоятлар ва Тошкент шаҳри ҳокимлари белгилансин.
23. Қарор ижросини муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2026 йил 24 июнь,
ПҚ-238-сон
Ўзбекистон Республикаси Президентининг 2026 йил 24 июндаги ПҚ-238-сон қарорига
1-ИЛОВА
Саратонга қарши курашиш миллий дастурини ҳудудлар кесимида амалга ошириш муддатлари

Т/р

Ҳудуд номи

Муддати

2027 йил

1.

Самарқанд вилояти

01.01.2027 йил

2028 йил

2.

Тошкент шаҳри

01.01.2028 йил

3.

Андижон вилояти

01.06.2028 йил

4.

Наманган вилояти

01.06.2028 йил

5.

Фарғона вилояти

01.06.2028 йил

2029 йил

6.

Бухоро вилояти

01.01.2029 йил

7.

Хоразм вилояти

01.01.2029 йил

8.

Навоий вилояти

01.01.2029 йил

9.

Қашқадарё вилояти

01.06.2029 йил

10.

Сурхондарё вилояти

01.06.2029 йил

2030 йил

11.

Қорақалпоғистон Республикаси

01.01.2030 йил

12.

Жиззах вилояти

01.06.2030 йил

13.

Сирдарё вилояти

01.06.2030 йил

14.

Тошкент вилояти

01.06.2030 йил

Изоҳ: Соғлиқни сақлаш вазирлиги томонидан Иқтисодиёт ва молия вазирлиги билан келишган ҳолда мазкур муддатларга ўзгартириш киритилиши мумкин.
Ўзбекистон Республикаси Президентининг 2026 йил 24 июндаги ПҚ-238-сон қарорига
2-ИЛОВА
Саратонга қарши курашиш миллий
ДАСТУРИ
Саратонга қарши курашиш миллий дастури (кейинги ўринларда — Дастур) Жаҳон соғлиқни сақлаш ташкилоти (ЖССТ), Халқаро саратонни ўрганиш агентлиги (IARC), Европа тиббий онкология жамияти (ESMO) тавсиялари ва халқаро экспертлар иштирокида ишлаб чиқилган бўлиб, аҳоли саломатлигини муҳофаза қилиш, саратон касалликлари профилактикасини жадаллаштириш, хавфли ўсмаларни барвақт аниқлаш ва ўлим даражасини камайтириш мақсадида тайёрланган.
1. Дастур 2027 йил 1 январдан бошлаб дастлаб Самарқанд вилоятида, 2028 йилдан эса босқичма-босқич бошқа ҳудудларда амалга оширилади.
2. Дастур доирасида саратон касалликларини барвақт аниқлаш бўйича қуйидаги тадбирлар амалга оширилади:
(а) бачадон бўйни ва кўкрак бези саратонини эрта аниқлаш тадбирлари Ўзбекистон Республикаси Президентининг 2024 йил 22 ноябрдаги «Аёллар орасида онкологик касалликларни назорат қилиш тизимини такомиллаштириш чора-тадбирлари тўғрисида»ги ПҚ-402-сон қарори билан белгиланган тартиб ва шартлар асосида амалга оширилади;
(б) йўғон ичак (колоректал), ошқозон, простата бези ва ўпка саратонини эрта аниқлаш бўйича тиббиёт бригадалари ходимлари томонидан халқаро тавсиялар асосида аҳолини мақсадли текширувлардан ўтказиш тизими йўлга қўйилади;
(в) ошқозон саратонини эрта аниқлаш ва олдини олиш (50 — 75 ёшдаги эркак ва аёллар) бўйича:
(i) биринчи босқичда — саволнома ўтказиш натижасида оилавий шифокор томонидан аниқланган хавф гуруҳига мансуб аҳоли ўртасида H. pyloriни аниқлаш уреаз тести ўтказилади;
(ii) иккинчи босқичда — H. pylori бўйича мусбат натижа олинган тақдирда, эзофагогастродуоденоскопия (ЭГДС) ўтказилади, атрофиясиз H. pylori-мусбат беморларда эрадикацион терапия тайинланади ва икки йилдан сўнг ЭГДС такроран ўтказилади;
(iii) учинчи босқичда — шубҳали участкалардан биопсия олинади ва юқори даражали дисплазия ёки ошқозон саратонининг дастлабки босқичи аниқланганда бемор онкология хизматларини кўрсатувчи муассасага йўналтирилади;
(г) колоректал саратонни эрта аниқлаш (50 — 75 ёшдаги эркак ва аёллар) бўйича:
(i) биринчи босқичда — саволнома ўтказиш натижасида оилавий шифокор томонидан аниқланган хавф гуруҳига мансуб аҳоли ўртасида ҳар икки йилда бир маротаба нажасда яширин қонни аниқлашнинг иммунокимёвий тести (FIT-тест) ўтказилади;
(ii) иккинчи босқичда — FIT-тести натижаси мусбат бўлганда колоноскопия ўтказилади;
(iii) учинчи босқичда — саратонолди ва (ёки) ўсма аниқланган тақдирда, полипэктомия ва биопсия амалга оширилади ҳамда хавфли ўсмага шубҳа бўлганда бемор онкология хизматларини кўрсатувчи муассасага йўналтирилади;
(д) ўпка саратонини эрта аниқлаш (50 — 75 ёшдаги эркак ва аёллар) бўйича:
(i) биринчи босқичда — оилавий шифокор томонидан саволнома ўтказилади;
(ii) иккинчи босқичда — юқори хавф гуруҳидаги шахсларга йилига бир марта кўкрак қафаси аъзоларининг компьютер томографияси ўтказилади ҳамда текширув якуни бўйича Lung-RADS шкаласига мувофиқ хулоса тузилади;
(iii) учинчи босқичда — Lung-RADS шкаласи бўйича саратонолди ва (ёки) хавфли ўсмага шубҳа бўлганда бемор онкология хизматларини кўрсатувчи муассасага йўналтирилади;
(ж) простата бези саратонини эрта аниқлаш (45 — 80 ёшдаги эркаклар) бўйича:
(i) биринчи босқичда — умумий простата-специфик антиген (PSA) миқдори аниқланади;
(ii) иккинчи босқичда — простата-специфик антиген миқдори юқори бўлганда бемор онкология хизматларини кўрсатувчи муассасага йўналтирилади;
(iii) учинчи босқичда — шубҳали зоналарда УТТ-биопсия ўтказилади ва простата бези саратони морфологик тасдиқланганда беморга тасдиқланган клиник қўлланмаларга мувофиқ даволаш чоралари кўрилади.
3. Мазкур Дастур доирасида беморларни йўналтиришнинг қуйидаги меъёрий муддатлари белгиланади:
(а) биринчи босқич натижасига кўра иккинчи босқичга йўналтириш — 14 кундан кечиктирмай;
(б) учинчи босқич — тасдиқловчи диагностика тугалланиши — патология аниқланган кундан эътиборан 30 кундан кечиктирмай;
(в) хавфли ўсмага шубҳа бўлганда онкология хизматларини кўрсатувчи муассасада дастлабки текширув — 10 кундан кечиктирмай;
(г) морфологик верификациядан сўнг ўсмага қарши даволашни бошлаш — 30 кундан кечиктирмай.
4. Қуйидаги тиббиёт ходимлари халқаро экспертларни жалб этган ҳолда босқичма-босқич ўқитилади:
(а) тиббиёт бригадалари ходимлари — мазкур дастурнинг 2-бандида назарда тутилган 4 та нозология бўйича хавф омилларини баҳолаш, беморларни стратификациялаш ва дастлабки скрининг тестларини ўтказиш бўйича;
(б) шифокор-эндоскопистлар — ЭГДС ва колоноскопия, Сидней протоколи асосида биопсия ва полипэктомияни амалга ошириш бўйича;
(в) шифокор-рентгенологлар (МСКТ-шифокорлари) — ўпка саратонини аниқлаш (Lung-RADS-тизими) ва простата бези саратонини аниқлаш (PI-RADS-тизими) бўйича;
(г) шифокор-онколог ва патоморфологлар — текширув натижаларини верификация қилиш, хавф гуруҳини аниқлаш ва беморларни клиник қўлланмалар асосида йўналтириш бўйича.
5. Дастур доирасида саратон касалликларини эрта босқичларда аниқлаш, ташхислаш ва даволаш жараёнлари қуйидаги тартибда амалга оширилади:
(а) тиббиёт бригадалари ходимлари саратон касалликларини эрта босқичларда аниқлаш юзасидан беморни мақсадли тиббий текширувлардан ўтказади ҳамда йўлланма асосида тегишли тор соҳа мутахассисига йўналтиради;
(б) беморда саратонолди ва саратон касаллиги тасдиқлангунига қадар ташхислаш ва даволаш тадбирлари тегишинча шифокор-уролог, шифокор-эндоскопист, шифокор-гастроэнтеролог (абдоминал жарроҳ), шифокор-колопроктолог ва шифокор-пульмонолог (торакал жарроҳ) томонидан ўтказилади;
(в) беморда саратон касаллиги тасдиқланганда медикаментоз даволаш тадбирлари (кимё, нур, таргет ва иммун терапия ҳамда қўллаб-қувватловчи терапия) шифокор-онкологлар томонидан ўтказилади.
6. Дастур доирасида дастлабки босқичларда бачадон бўйни, кўкрак бези, йўғон ичак, ошқозон, простата бези ва ўпка саратони касалликларига чалинган беморларни ташхислаш ва даволашда Европа тиббий онкология жамияти (ESMO) клиник тавсиялари асосида ишлаб чиқилган клиник қўлланмалар жорий этилади, кейинчалик эришилган натижалар ва мавжуд имкониятлардан келиб чиқиб, Соғлиқни сақлаш вазирлигининг таклифига кўра Саратон касаллиги назорати соҳасидаги лойиҳаларнинг амалга оширилишини мувофиқлаштирувчи кенгаш қарори асосида бошқа саратон касалликлари турлари ҳам босқичма-босқич қамраб олинади.
7. Соғлиқни сақлаш вазирига саратон касалликларига қарши курашиш бўйича амалга оширилаётган тадбирлар натижалари асосида Дастурга ўзгартириш ва қўшимчалар киритиш ҳуқуқи берилади.
Ўзбекистон Республикаси Президентининг 2026 йил 24 июндаги ПҚ-238-сон қарорига
3-ИЛОВА
Саратонга қарши курашиш миллий дастурини амалга ошириш юзасидан
КОМПЛЕКС ЧОРА-ТАДБИРЛАР РЕЖАСИ

Т/р

Чора-тадбирлар номи

Амалга ошириш механизми

Бажариш муддати

Молиялаштириш манбалари

Масъул ижрочилар

1.

Аҳоли ўртасида энг кўп учрайдиган саратон касалликлари бўйича тиббий ёрдамни стандартлаштириш ҳужжатларини ишлаб чиқиш.

1. Колоректал, ошқозон, ўпка ва простата бези саратони касалликлари бўйича клиник қўлланмалар, стандарт операцион муолажалар ва беморлар маршрутини ишлаб чиқиш ва тасдиқлаш.

2. Тиббиёт бригадалари ходимлари учун саратон касалликларини эрта аниқлаш саволномасини ишлаб чиқиш ва тасдиқлаш.

2026 йил ноябрь

-

Соғлиқни сақлаш вазирлиги

3. Аҳоли ўртасида энг кўп учрайдиган саратон касалликларини эрта аниқлаш бўйича тавсияларни тиббиёт олий таълим муассасалари ўқув дастурлари ва УТТ (узлуксиз тиббий таълим) тизимига барча тоифадаги мутахассислар учун киритиш.

4. Эрта аниқлаш самарадорлигини баҳолаш учун мониторинг, аудит ва йиллик самарадорликни баҳолашни ўз ичига олган сифат тизимини жорий этиш.

2027 йилдан бошлаб

2.

Простата бези саратонини эрта аниқлаш дастурини жорий этиш.

1. Самарқанд вилояти тиббиёт ходимларини простата бези саратонини эрта аниқлаш бўйича саволнома, беморлар маршрутлари, простата безидан биопсия олиш бўйича ўқитиш.

2026 йил октябрдан бошлаб

Давлат бюджети маблағлари

Соғлиқни сақлаш вазирлиги,

Рақамли технологиялар вазирлиги

2. Миллий дастурга мувофиқ республиканинг қолган ҳудудларидаги тиббиёт ходимларини простата бези саратонини эрта аниқлаш бўйича саволнома, беморлар маршрутлари, простата безидан биопсия олиш бўйича ўқитиш.

2027 йил сентябрдан бошлаб режа-графикка мувофиқ

3. Простата бези саратонини эрта аниқлаш дастурини жорий этиш учун Самарқанд вилояти марказий лабораторияни PSA-тести реактив ва реагентлари билан таъминлаш.

4. Соғлиқни сақлаш ахборот тизимига простата бези саратони эрта аниқлаш модулини киритиш, KPI кўрсаткичларини жорий этиш.

2027 йилдан бошлаб

3.

Колоректал саратонини эрта аниқлаш дастурини жорий этиш.

1. Самарқанд вилояти тиббиёт ходимларини колоректал саратонини эрта аниқлаш бўйича саволнома, беморлар маршрутлари, колоноскопияни ўтказиш бўйича ўқитиш.

2026 йил октябрдан бошлаб

Давлат бюджети маблағлари

Соғлиқни сақлаш вазирлиги,

Рақамли технологиялар вазирлиги

2. Миллий дастурга мувофиқ республиканинг қолган ҳудудларидаги тиббиёт ходимларини колоректал саратонини эрта аниқлаш бўйича саволнома, беморлар маршрутлари, колоноскопияни ўтказиш бўйича ўқитиш.

2027 йил сентябрдан бошлаб режа-графикка мувофиқ

3. Колоректал саратонини эрта аниқлаш дастурини жорий этиш учун Самарқанд вилояти марказий лабораторияни FIT-тести анализатори ҳамда зарур реактив ва реагентлар билан таъминлаш.

4. Соғлиқни сақлаш ахборот тизимига колоректал саратонини эрта аниқлаш модулини киритиш, KPI кўрсаткичларини жорий этиш.

2027 йилдан бошлаб

4.

Ошқозон саратонини эрта аниқлаш дастурини жорий этиш.

1. Самарқанд вилояти тиббиёт ходимларини ошқозон саратонини эрта аниқлаш бўйича саволнома, беморлар маршрутлари, эндоскопияни ўтказиш бўйича ўқитиш.

2026 йил октябрдан бошлаб

Давлат бюджети маблағлари

Соғлиқни сақлаш вазирлиги,

Рақамли технологиялар вазирлиги

2. Миллий дастурга мувофиқ республиканинг қолган ҳудудларидаги тиббиёт ходимларини ошқозон саратонини эрта аниқлаш бўйича саволнома, беморлар маршрутлари, эндоскопияни ўтказиш бўйича ўқитиш.

2027 йил сентябрдан бошлаб режа-графикка мувофиқ

3. Ошқозон саратонини эрта аниқлаш дастурини жорий этиш учун Самарқанд вилояти мақсадли аҳоли сонидан келиб чиқиб Н.pylori аниқлаш учун уреаза тестлари билан таъминлаш.

4. Соғлиқни сақлаш ахборот тизимига ошқозон саратонини эрта аниқлаш модулини киритиш, KPI кўрсаткичларини жорий этиш.

2027 йилдан бошлаб

5.

Ўпка саратонини эрта аниқлаш дастурини жорий қилиш.

1. Самарқанд вилояти тиббиёт ходимларини ўпка саратонини эрта аниқлаш бўйича саволнома, беморлар маршрутлари бўйича ўқитиш.

2026 йил октябрдан бошлаб

Давлат бюджети маблағлари

Соғлиқни сақлаш вазирлиги,

Иқтисодиёт ва молия вазирлиги

2. Миллий дастурга мувофиқ республиканинг қолган ҳудудларидаги тиббиёт ходимларини ўпка саратонини эрта аниқлаш бўйича саволнома, беморлар маршрутлари бўйича ўқитиш.

2027 йил сентябрь режа-графикка мувофиқ

3. Соғлиқни сақлаш ахборот тизимига ўпка саратонини эрта аниқлаш модулини киритиш, KPI кўрсаткичларини жорий этиш.

2027 йилдан бошлаб

6.

Патоморфологик лабораториялар самарадорлиги, сифати ва инфратузилмасини ошириш.

1. Республика ихтисослаштирилган онкология ва радиология илмий-амалий тиббиёт марказининг (кейинги ўринларда — Марказ) барча ҳудудий филиалларида гистопатологик лабораторияларни модернизация қилиш.

Бунда:

марказлашган тартибда препаратларни автоматик бўяш станциялари, гистоскан, камерали эксперт синф микроскоплари ҳамда тезкор биопсия таҳлили учун криостатлар харид қилиш;

янги ускуналарда ишлаш тартибини ишлаб чиқиш, тасдиқлаш ва ходимларни ўқитиш.

2. Иммуногистокимёвий текшируви учун реагентларни марказлаштирилган тартибда харид қилиш.

3. Сифат назорати стандартларини ишлаб чиқиш ва тасдиқлаш.

4. Сифат назорати учун 3 та ҳудудий филиалларда (Андижон, Бухоро ва Самарқанд) ҳудудлараро референт патологоанатомик ва молекуляр диагностик лабораториялар ташкил этиш.

5. Патоморфология амалиётини тўлиқ рақамлаштириш. Бунда барча текширилган препаратларни PACS ва LIS тизими орқали юклаш.

6. Сифатни таъминлаш тизими ва лабораторияларни ташқи баҳолаш тартибини ишлаб чиқиш.

2027 — 2030 йиллар

Давлат бюджети маблағлари

Соғлиқни сақлаш вазирлиги,

Иқтисодиёт ва молия вазирлиги,

Давлат тиббий суғуртаси жамғармаси,

Рақамли технологиялар вазирлиги

7.

Молекуляр диагностика лабораторияларини ривожлантириш.

1. Марказда молекуляр тадқиқотларнинг тўлиқ спектри билан референт лабораторияни ишга тушириш (ПЗР, NGS, FISH, биомаркер панеллари).

2. In-vitro диагностика бўйича асосий усулларнинг рўйхатини ишлаб чиқиш ва тасдиқлаш.

3. Молекуляр тест текширувларини ўтказиш бўйича йўриқномалар ишлаб чиқиш ва амалиётга жорий этиш.

4. Кадрлар захирасини тайёрлаш, узлуксиз тиббий таълим дастурларини ишга тушириш ва халқаро малака оширишни йўлга қўйиш.

5. Марказнинг Андижон, Бухоро ва Самарқанд ҳудудий филиалларида муҳим базис молекуляр текширувларни бажариш учун референт лабораторияни ишга тушириш.

2027 — 2030 йиллар

Давлат бюджети маблағлари

Соғлиқни сақлаш вазирлиги,

Иқтисодиёт ва молия вазирлиги

8.

Эндоскопик диагностика имкониятларини кенгайтириш ва модернизация қилиш.

1. Эндоскопик ускуналар инвентаризацияси ҳамда кадрлар таъминоти ва имкониятларини таҳлил қилиш.

2026 йил октябрь

Давлат бюджети маблағлари

Соғлиқни сақлаш вазирлиги,

Иқтисодиёт ва молия вазирлиги,

Рақамли технологиялар вазирлиги

2. Ошқозон-ичак тракти (юқори ва қуйи бўлимлар) саратонларини аниқлаш ҳамда эндоскопик бронхоскопияни ўтказиш бўйича йўриқномалар ишлаб чиқиш ва амалиётга жорий этиш.

2026 — 2027 йиллар

3. Марказнинг барча ҳудудий филиалларини замонавий эндоскопик тизимлар билан жиҳозлаш ва замонавий эндоскопик диагностика (хромоэндоскопия каби) ва биопсия усулларининг стандартларини жорий этиш.

2026 — 2030 йиллар

4. Эндоскопия йўналиши бўйича мутахассисларни илғор диагностика ва кам инвазив амалиёт усуллари бўйича маҳаллий ва чет эл клиникаларида ўқитишни йўлга қўйиш.

2028 — 2030 йиллар

5. Эндоскопик ҳисоботларни рақамлаштириш ва уларни шифохона IT тизимлари ҳамда «Cancer» регистр билан интеграция қилиш.

2028 — 2030 йиллар

9.

Қўриқчи лимфа тугуни биопсияси хизматларини кенгайтириш.

1. Қўриқчи лимфа тугуни биопсиясини ўтказиш бўйича клиник қўлланмаларни ишлаб чиқиш ва тасдиқлаш.

2026 йил ноябрь

Давлат бюджети маблағлари

Соғлиқни сақлаш вазирлиги,

Иқтисодиёт ва молия вазирлиги,

Рақамли технологиялар вазирлиги

2. Тасдиқланган клиник қўлланмалар бўйича ўқув тренинглар ташкил қилиш.

2027-2028 йиллар

3. Марказнинг Андижон, Бухоро ва Самарқанд ҳудудий филиалларида қўриқчи лимфа тугуни биопсиясини тажриба-синов тариқасида жорий этиш.

Бунда Марказнинг ҳудудий филиалларига зарур жиҳозлар, гамма-зондлар, бўёқлар, радиофармацевтик препаратлар харид қилинади.

2027-2028 йиллар

4. Қўриқчи лимфа тугуни биопсияси натижаларини «Cancer» регистр билан интеграция қилиш.

5. Қўриқчи лимфа тугуни биопсияси тажриба-синовини унинг ижобий натижаларига кўра ҳудудларга босқичма-босқич кенгайтириш.

Бунда орган-сақловчи юқори технологик ва пластик жарроҳлик амалиётлари улуши кенгайтирилади.

2027 — 2030 йиллар

10.

PACS ва LIS тизимларини йўлга қўйиш.

1. Рақамли технологиялар бўйича техник гуруҳ тузиш.

2026 йил ноябрь

Давлат бюджети маблағлари

Соғлиқни сақлаш вазирлиги,

Иқтисодиёт ва молия вазирлиги,

Рақамли технологиялар вазирлиги

2. Марказнинг барча ҳудудий филиалларини PACS ва LIS тизимларига улаш ва уларнинг тиббий электрон тизимга интеграциясини таъминлаш.

2027 — 2030 йиллар

3. Телеконсультацияларни янги шаклда жорий этиш.

2027 йилдан бошлаб

11.

Диагностика учун барқарор молиялаштириш ва харидларни таъминлаш.

1. Марказ тузилмасида саратон диагностикаси учун харидлар бўйича бўлинма ташкил этиш.

2026 йил декабрь

Давлат бюджети маблағлари

Соғлиқни сақлаш вазирлиги,

Иқтисодиёт ва молия вазирлиги,

Давлат тиббий суғуртаси жамғармаси

2. Асосий сарфлов материаллари ва реагентларга эҳтиёжни аниқлаш ва прогноз қилиш учун рақамли алгоритм жорий этиш.

3. Сервис ва сарфлов материаллари учун алоҳида бюджет қаторларини ажратиш.

Бунда:

сарфлов материаллари узлуксизлигини таъминлаш;

ускуна харидига сервис шартномаларини киритиш.

2026-2027 йиллар

12.

Нур терапияси хизматининг ўз вақтида ва сифатли кўрсатилишини таъминлаш.

1. Нур терапиясини ривожлантириш бўйича ўрта муддатли режа («йўл харитаси»)ни ишлаб чиқиш ва тасдиқлаш, бунда соҳадаги фаолиятни мувофиқлаштириш учун радиотерапия (радиацион онкология) бўйича техник ишчи гуруҳни ташкил этиш.

2027-2028 йиллар

Давлат бюджети маблағлари

Соғлиқни сақлаш вазирлиги

Иқтисодиёт ва молия вазирлиги,

Давлат тиббий суғуртаси жамғармаси

2. Радиотерапия хизматининг амалдаги ҳолати бўйича комплекс таҳлил ўтказиш, жумладан, инфратузилма, ускуналар парки, кадрлар салоҳияти, бемор оқими ва кутиш муддатлари ҳамда ҳудудлар кесимида эҳтиёжларни аниқлаш.

2028 — 2030 йиллар

3. Марказнинг Андижон, Бухоро ва Самарқанд вилоятлари ҳудудий филиалларидаги кобальт қурилмаларини ишга тушириш муддатлари ва молиялаштириш манбаларини белгиланган ҳолда босқичма-босқич чизиқли тезлаткичларга (LINAC) алмаштириш.

4. Марказ ва унинг ҳудудий филиалларида радиотерапия сифати ва хавфсизлиги бўйича QA/QC (quality assurance/quality control) тизимини жорий этиш, шу жумладан дозиметрия назорати, ускуналар калибровкаси, даврий аудит ва ҳужжатлаштиришнинг ягона тартибини тасдиқлаш.

5. Радиацион онкология, тиббий физика ва радиотерапия ҳамширалиги бўйича кадрлар тайёрлаш ва қайта тайёрлаш дастурларини кенгайтириш, штат меъёрлари ва малака талабларига мувофиқ равишда кенгайтириш.

6. Халқаро малака ошириш ва узлуксиз тиббий таълим механизмини йўлга қўйиш, жумладан, ҳамкор ташкилотлар билан қўшма тренинглар, стажировкалар ва масофавий ўқув курслар ташкил этиш.

7. Марказ ҳамда унинг Бухоро вилояти филиалида «Киберпичоқ» (CyberKnife) комплекси ўрнатилишини таъминлаш.

8. Марказнинг Бухоро вилояти филиали учун КТ-симулятор харид қилиниши ва ишга туширилишини таъминлаш.

2027 — 2029 йиллар

13.

Амалдаги нур терапияси жиҳозлари инфратузилмасини яхшилаш.

1. Марказ ва унинг ҳудудий филиалларида мавжуд кобальт қурилмалари ҳамда брахитерапия ускуналарининг радионуклид манбаларини босқичма‑босқич алмаштиришни таъминлаш, жумладан:

2027 йилда — Марказнинг Қорақалпоғистон Республикаси ва Андижон вилояти филиалларида;

2028 йилда — Марказнинг Қашқадарё, Сирдарё ва Фарғона вилоятлари филиалларида;

2029 йилда — Марказнинг Навоий, Хоразм ва Сурхондарё вилоятлари филиалларида.

2. Радионуклид манбаларини алмаштириш жараёнини халқаро радиация хавфсизлиги талабларига мувофиқ амалга ошириш, жумладан, эски манбаларни чиқариш, ташиш ва утилизация қилиш ишларини ваколатли ташкилотлар иштирокида таъминлаш.

3. Марказ ва унинг барча филиалларида мавжуд КТ симулятор ускуналарининг найчаларини босқичма босқич янгилаш чораларини кўриш, бунда ускуналарнинг ишлаш давомийлиги, тасвир сифати ва радиация юкламасини оптималлаштиришни инобатга олиш.

4. Манба ва КТ симулятор найчаларини алмаштириш ишлари даврида нур терапияси хизматининг узлуксизлигини таъминлаш, беморларни қайта йўналтириш ва вақтинчалик логистика механизмларини ишлаб чиқиш.

5. Янгиланган ускуналар бўйича қабул қилиш, калибровка ва сифат назорати (QA/QC) ишларини мажбурий тарзда ўтказиш, натижаларини белгиланган тартибда расмийлаштириш.

6. Ускуналар янгиланиши билан боғлиқ равишда тиббий физиклар, радиацион онкологлар ва муҳандис-техник ходимлар учун қисқа қайта тайёрлаш ва инструктаж тадбирларини ташкил этиш.

2027 — 2030 йиллар

Давлат бюджети маблағлари

Соғлиқни сақлаш вазирлиги,

Иқтисодиёт ва молия вазирлиги

14.

Кимёвий препаратларни хавфсиз тайёрлаш учун махсус хоналарни ташкил этиш.

1. Марказ филиалларида ЖССТ талабларига мувофиқ ҳаво алмашинуви, босим ва чиқариш тизимлари (вентиляция)ни жорий этиш.

2026 — 2028 йиллар

Давлат бюджети маблағлари

Соғлиқни сақлаш вазирлиги,

Иқтисодиёт ва молия вазирлиги

2. Автоматлаштирилган ва ярим автоматлаштирилган бирлаштириш (compound) тизимларини ишга тушириш.

3. Хавфсизлик ва эксплуатация бўйича қўлланмаларни ишлаб чиқиш ва жорий этиш.

Бунда фармацевтлар ва ҳамшираларни цитотоксик препаратлар билан хавфсиз ишлаш бўйича ўқитиш ва сертификатлаш.

2027-2028 йиллар

15.

Саратондан даволанишни якунлаган шахслар (survivorship care) учун реабилитацияни ривожлантириш ва қўллаб-қувватлаш.

1. Онкореабилитациянинг миллий модели ва маршрутларини ишлаб чиқиш.

2027-2028 йиллар

Давлат бюджети маблағлари

Соғлиқни сақлаш вазирлиги

2. Саратондан даволанишни якунлаган беморлар учун қўллаб-қувватлаш дастурларини ишга тушириш (психологик ёрдам, турмуш тарзи, мослашув).

2028 — 2030 йиллар

3. Марказ ва унинг ҳудудий филиалларида мавжуд штатлар доирасида реабилитация хизматини ташкил этиш.

4. Ҳаёт сифати ва асоратлар мониторингини жорий этиш.

2030 йилдан бошлаб

16.

Онкологик ёрдам кўрсатишда бемор маршрутини (йўналтириш тизимини) такомиллаштириш ва узлуксиз кузатувни таъминлаш.

1. Саратон касалликларини йўналтириш тизимини такомиллаштириш ва осонлаштириш.

Бунда 6 та дастлаб устувор нозологияларни биринчи кўриб чиқиш, «Cancer» регистр билан боғланган электрон модулини такомиллаштириш.

Босқичма-босқич қолган саратон турлари бўйича маршрутларни қайта кўриб чиқиш ва заруриятга кўра такомиллаштириш хамда тасдиқлаш.

2. Сунъий интеллект ёрдамида хавф даражаси бўйича саралаш алгоритмларини жорий қилиш.

2027-2028 йиллар

Давлат бюджети маблағлари

Соғлиқни сақлаш вазирлиги,

Иқтисодиёт ва молия вазирлиги,

Рақамли технологиялар вазирлиги

17.

Жаҳон тажрибаларини ўрганган холда янги даволаш (ESMO, NCCN) стандартларини тасдиқлаш ва уни амалиётга жорий қилиш.

1. Халқаро даволаш (ESMO/NCCN) стандартларини ўрганиб, Ўзбекистон шароити ва имкониятларига мослаштирилган ресурсларга мослаштирилган қўлланмалар (Resource Adapted Clinical Guidelines) ишлаб чиқиш мақсадида техник гуруҳни ташкил этиш.

2026 йил декабрь

Давлат бюджети маблағлари

Соғлиқни сақлаш вазирлиги

2. Барча саратон турлари бўйича клиник қўлланмаларни қайта кўриб чиқиш ва тасдиқлаш: ҳар бир қўлланмада саратонга қарши дори воситалар қуйидаги 3 та тоифада белгилаш:

I тоифа — Саратонга қарши муҳим дори воситалари миллий рўйхати: ЖССТнинг «WHO List of Essential Anticancer Drugs» рўйхатига асосланган;

II тоифа — Клиник тадқиқотлар рўйхати: фақат клиник тадқиқотлар доирасида;

III тоифа — Индивидуаллаштирилган терапия учун қўшимча дори воситалари рўйхати: NGS ва бошқа молекуляр-генетик текширишлар натижасига асосланган дорилар.

2026 — 2028 йиллар

3. Даволаш ва кузатиш алгоритмларини стандартлаштириш. Бунда клиник қўлланмаларда даволаш алгоритмлари, дозалар, дозалаш жадвали, қўллаб-қувватловчи терапия, кузатиш муддатлари ва KPIларни белгилаш.

4. Марказ ва унинг ҳудудий филиалларида онкологлар, кимётерапевтлар ва ҳамширалар учун янги стандартлар бўйича ўқув ва сертификация дастурларини жорий этиш.

5. Узоқ муддатли инфузион даволаш учун марказий веноз порт‑системаларини қўллашни клиник қўлланмаларга киритиш, порт орқали инфузия, асоратларнинг олдини олиш ва инфекция назорати бўйича ягона стандарт операцион муолажани тасдиқлаш.

6. Онкология соҳасида энг кўп қўлланиладиган тиббий аралашувлар бўйича стандарт операцион муолажаларни ишлаб чиқиш.

2026-2027 йиллар

18.

Марказ ҳузуридаги узлуксиз таълим марказининг замонавий ўқув биноси ва инфратузилмасини ташкил этиш орқали соҳа кадрлари салоҳиятини мустаҳкамлаш.

1. Марказ ҳузурида симуляцион амалиёт ўташ ва илмий тадқиқотларни ўтказиш учун бино қуриш:

лойиҳа-смета ҳужжатларини ишлаб чиқиш ва тасдиқлаш;

марказ ҳудудида виварий ва илмий лаборатория қурилиши учун ажратилган бино ўрнида ўқув-клиник бинони лойиҳалаш ва барпо этиш;

бино таркибида замонавий виварий, илмий лабораторияларни, симуляцион заллар, радиацион онкология ва рақамли патология бўлимларини ташкил этиш.

2. Бошқарув ва экспертлик тизимини жорий қилиш йўналишида тиббий, радиацион ва жарроҳлик онкологияси йўналишларида таълим, клиника ва илм-фан интеграциясини мувофиқлаштирувчи эксперт гуруҳларини шакллантириш.

3. Халқаро ҳамкорлик ва аккредитация йўналишида Франциянинг Gustave Roussy институти билан қўшма тадқиқотлар ва кадрлар алмашинувини йўлга қўйиш.

2027 — 2030 йиллар

Давлат бюджети маблағлари

Соғлиқни сақлаш вазирлиги,

Иқтисодиёт ва молия вазирлиги

19.

Саратон касалликларига чалинган беморларни даволашда мультидисциплинар консилиум (МДК) қайта кўриб чиқиш ва такомиллаштириш.

1. Марказ ва унинг ҳудудий филиалларида «консилиум» моделини мажбурий мультидисциплинар жамоа моделига алмаштириш.

Бунда мультидисциплинар жамоавий ёндашув (Multidisciplinary Tumor Board) консилиумларини ўтказиш тартибини тасдиқлаш.

2. «Multidisciplinary Tumor Board» консилиуми стандартлари ва стандарт операцион муолажаларини ишлаб чиқиш ва онкология муассасаларда жорий қилиш.

2027-2028 йиллар

Давлат бюджети маблағлари

Соғлиқни сақлаш вазирлиги

20.

Кам инвазив ва орган сақловчи онкожарроҳлик амалиётларини кенгайтириш.

1. Марказга роботлаштирилган тизимни харид қилиш ва татбиқ қилиш. Бунда минимал инвазив жарроҳлар бригадаларини тайёрлаш.

2. Барча филиалларга кам инвазив амалиётлар учун замонавий лапароскопик устунлар харид қилиш.

2027-2028 йиллар

Давлат бюджети маблағлари

Соғлиқни сақлаш вазирлиги

3. Кам инвазив жарроҳлик амалиётлари учун, жумладан, робот тизими учун бир марталик асбоб-ускуналар ва сарф материалларини молиялаштириш ва марказлаштирилган ҳолда харид қилиш амалиётини жорий этиш.

4. Жарроҳларни босқичма-босқич тайёрлаш (филиаллардан 1-2 нафар, марказдан 4-5 нафар шифокорни хорижда малака ошириш дастурларига кўра қайта тайёрлаш).

2027 — 2030 йиллар

21.

Тизимли (кимётерапевтик, таргет ва иммунотерапевтик) даволаш учун дори воситалари билан узлуксиз таъминлаш.

1. Саратонга қарши дори воситаларини хариди, логистикаси ва мониторинги бўйича техник гуруҳ ташкил этиш.

2026 йил октябрь

Давлат бюджети маблағлари

Соғлиқни сақлаш вазирлиги

2. ЖССТ тавсияларига таянган ҳолда дори воситаларини 3 гуруҳга ажратиш ва устуворлик тамойилига мувофиқ, амалда 1-тоифадаги дори воситаларининг хариди доимий таъминланишини йўлга қўйиш.

3. Захираларни прогноз қилиш ва бошқариш учун алгоритм ва рақамли тизимни жорий этиш.

Бунда қиммат дори воситалари учун кўп йиллик ҳадли шартномаларни қўллаш ва халқаро ҳамкорларни қўшма молиялаштиришга жалб этиш.

4. Марказ ва унинг филиалларида клиник онкофармацевтлар фаолиятини йўлга қўйиш.

5. ЖССТ томонидан тасдиқланган биосимиляр (биоаналоглар) дори воситаларини қўллашни жорий этиш ва кенгайтириш

2027-2028 йиллар

22.

Марказ ҳудудий филиаллари инфратузилмасини такомиллаштириш.

1. Барча филиалларда операцион, анестезиология ва реанимация бўлимларининг инфратузилмаларини баҳолаш ва янгилаш.

Бунда:

эскирган анестезиологик аппаратлар ва мониторларни алмаштириш;

реанимацияни ЎСВ/кардиомонитор ва замонавий мониторлар билан жиҳозлаш;

операцион лампа ва электр бошқарувли операцион столлар;

замонавий электрохирургик тизимларни харид қилиш ва жорий этиш.

2026 — 2030 йиллар

Давлат бюджети маблағлари

Соғлиқни сақлаш вазирлиги,

Иқтисодиёт ва молия вазирлиги

2. Техника хавфсизлиги стандартларини жорий этиш ва ускуналарни ҳар йили мажбурий текширувдан ўтказиш.

2027 йилдан бошлаб

23.

Онкологик муассасаларда замонавий менежмент бошқарувини таъминлаш.

Онкологик муассасаларда замонавий менежментни жорий этиш:

халқаро стандартлар: бошқарувга ISO ва бошқа сифат стандартларини татбиқ этиш;

профессионал бошқарув: раҳбар кадрларни соғлиқни сақлаш менежменти (MBA/MHA) бўйича ўқитиш;

сервис сифати: беморга йўналтирилган хизмат кўрсатиш ва сервис аутсорсингини ривожлантириш;

молиявий назорат: даволаш харажатларини оптималлаштириш ва шаффоф харид тизимини йўлга қўйиш.

2028-2029 йиллар

Давлат бюджети маблағлари

Соғлиқни сақлаш вазирлиги

24.

Миллий дастурни амалга ошириш ва саратон касалликларини рўйхатга олиш миллий тизимини мустаҳкамлаш.

1. «Cancer» регистр ахборот тизими регистраторлари лавозим йўриқномасини ишлаб чиқиш ва мутахассислик классификаторига киритиш.

2026-2027 йиллар

Давлат бюджети маблағлари

Соғлиқни сақлаш вазирлиги,

Иқтисодиёт ва молия вазирлиги,

Рақамли технологиялар вазирлиги

2. Марказнинг ҳудудий филиалларида «Cancer» регистрнинг ҳудудий бўлинмаларини ташкил этиш ҳамда Миллий дастурни мувофиқлаштириш учун ҳар бирида 6 тадан штат бирлигини ажратиш.

3. «Cancer» регистр ахборот тизими регистраторлари учун онкологик касалликларни рўйхатга олиш бўйича ўқув курслари ва сайёр тренингларни жорий этиш.

4. Нодавлат тиббиёт муассасаларида аниқланган ва даволанган хавфли ўсмалар билан оғриган беморлар тўғрисидаги маълумотларни мажбурий равишда «Cancer» регистр ахборот тизимига тақдим этиш.

2027 йилдан бошлаб

25.

Миллий дастурни амалга ошириш учун самарали бошқарув, мониторинг ва эксперт гуруҳларини ташкил қилиш.

1. Бошқарув ва мониторинг бўйича Ишчи гуруҳни ташкил этиш.

2. Ишчи гуруҳ Миллий дастурнинг ижроси устидан назоратни таъминлаш, устувор йўналишларни белгилаш ҳамда фаолиятни мувофиқлаштириш бўйича масъул этиб белгилаш.

3. Лойиҳани амалга ошириш бўйича эксперт-маслаҳат гуруҳини ташкил қилиш.

Бунда гуруҳ Миллий дастурнинг техник жиҳатларини илмий-таҳлилий жиҳатдан қўллаб-қувватлаш, ихтисослашган йўналишлар бўйича эксперт хулосаларини тайёрлаш ва тегишли техник ишчи гуруҳлар фаолиятини мувофиқлаштиришни амалга оширади.

4. Марказнинг ҳудудий филиалларида «Саратон касалликлари олдини олиш бўлинмаси»ни ташкил қилиш.

2027-2028 йиллар

-

Соғлиқни сақлаш вазирлиги

26.

«Cancer» регистр ахборот тизимини такомиллаштириш.

1. «Cancer» регистр ахборот тизими таркибида онкология хизмати учун зарур бўлган барча ахборот тизимлари билан интеграциялаш.

2. Марказда барча бўғинлар, тиббиёт ходимлари ва беморлар ўртасида тезкор алоқа, хизмат самарадорлиги мониторинги ҳамда бошқарув панеллари орқали вертикал ва горизонтал интеграцияни таъминловчи ягона ситуацион ва колл-марказ фаолиятини йўлга қўйиш.

3. Сунъий интеллект асосида клиник қўлланмаларга асосан ишлаш мувофиқлигини назорат қилиш моделини ишлаб чиқиш, синовдан ўтказиш ва жорий қилиш.

4. Сунъий интеллект асосида саратон касалликларини эрта ташхислаш ва клиник қарорларни қўллаб-қувватлаш учун диагностик таҳлил моделларини (жумладан, тиббий тасвирлар ва рақамли гистология бўйича) ишлаб чиқиш ва жорий қилиш.

2027-2028 йиллар

Давлат бюджети маблағлари

Соғлиқни сақлаш вазирлиги,

Рақамли технологиялар вазирлиги

Ўзбекистон Республикаси Президентининг 2026 йил 24 июндаги ПҚ-238-сон қарорига
4-ИЛОВА
Саратонга қарши курашиш миллий дастурини амалга оширишнинг
МАҚСАДЛИ КЎРСАТКИЧЛАРИ

Т/р

Самарадорлик кўрсаткичлари

2026 йил

2027 йил

2028 йил

2029 йил

2030 йил

2031 йил

2032 йил

2033 йил

2034 йил

2035 йил

Аҳоли ўртасида энг кўп учрайдиган саратон касалликларини биринчи-иккинчи босқичларда аниқлаш улуши (фоизда)

30,0

31,0

32,0

33,0

34,0

36,0

37,0

38,0

39,0

40,0

1.1.

Бачадон бўйни саратонини эрта босқичларда аниқлаш улуши (фоизда)

17,0

18,0

18,0

19,0

19,0

20,0

20,0

21,0

21,0

22,0

1.2.

Кўкрак бези саратонини эрта босқичларда аниқлаш улуши (фоизда)

58,0

59,0

61,0

62,0

63,0

65,0

66,0

67,0

69,0

70,0

1.3.

Ошқозон саратонини эрта босқичларда аниқлаш улуши (фоизда)

27,0

28,0

29,0

30,0

31,0

31,0

32,0

33,0

34,0

35,0

1.4.

Колоректал саратонни эрта босқичларда аниқлаш улуши (фоизда)

37,0

38,0

39,0

40,0

41,0

41,0

42,0

43,0

44,0

45,0

1.5.

Ўпка саратонини эрта босқичларда аниқлаш улуши (фоизда)

19,0

20,0

20,0

21,0

22,0

22,0

23,0

24,0

24,0

25,0

1.6.

Простата бези саратонини эрта босқичларда аниқлаш улуши (фоизда)

30,0

31,0

32,0

32,0

33,0

34,0

35,0

35,0

36,0

37,0

Аҳоли ўртасида энг кўп учрайдиган саратон касалликларини учинчи-тўртинчи босқичларда аниқлаш улуши (фоизда)

65,0

64,0

63,0

62,0

61,0

59,0

58,0

57,0

56,0

55,0

2.1.

Бачадон бўйни саратонини кечки босқичларда аниқлаш улуши (фоизда)

24,0

23,0

23,0

22,0

22,0

21,0

21,0

20,0

20,0

19,0

2.2.

Кўкрак бези саратонини кечки босқичларда аниқлаш улуши (фоизда)

28,0

27,0

27,0

26,0

25,0

25,0

24,0

23,0

23,0

22,0

2.3.

Ошқозон саратонини кечки босқичларда аниқлаш улуши (фоизда)

71,0

69,0

67,0

66,0

64,0

62,0

60,0

59,0

57,0

55,0

2.4.

Колоректал саратонни кечки босқичларда аниқлаш улуши (фоизда)

60,0

59,0

58,0

57,0

56,0

54,0

53,0

52,0

51,0

50,0

2.5.

Ўпка саратонини кечки босқичларда аниқлаш улуши (фоизда)

78,0

77,0

77,0

76,0

75,0

75,0

74,0

73,0

73,0

72,0

2.6.

Простата бези саратонини кечки босқичларда аниқлаш улуши (фоизда)

68,0

67,0

65,0

64,0

62,0

61,0

59,0

58,0

56,0

55,0

Энг кўп учрайдиган саратон касалликларига чалинган беморлар орасида 5 йиллик умр кўриш давомийлиги кўрсаткичи (фоизда)

35,0

36,0

37,0

38,0

39,0

41,0

42,0

43,0

44,0

45,0

3.1.

Бачадон бўйни саратонида 5 йиллик умр давомийлиги (фоизда)

55,0

56,0

58,0

59,0

61,0

62,0

64,0

65,0

67,0

68,0

3.2.

Кўкрак бези саратонида 5 йиллик умр давомийлиги (фоизда)

62,0

63,0

65,0

66,0

68,0

69,0

71,0

72,0

74,0

75,0

3.3.

Ошқозон саратонида 5 йиллик умр давомийлиги (фоизда)

20,0

21,0

23,0

24,0

25,0

27,0

28,0

29,0

31,0

32,0

3.4.

Колоректал саратонида 5 йиллик умр давомийлиги (фоизда)

35,0

37,0

39,0

41,0

43,0

44,0

46,0

48,0

50,0

52,0

3.5.

Ўпка саратонида 5 йиллик умр давомийлиги (фоизда)

12,0

13,0

14,0

14,0

15,0

16,0

17,0

17,0

18,0

19,0

3.6.

Простата бези саратонида 5 йиллик умр давомийлиги (фоизда)

55,0

57,0

59,0

61,0

63,0

64,0

66,0

68,0

70,0

72,0

Ҳар 100 минг нафар аҳоли ўртасида энг кўп учрайдиган саратон касалликлари туфайли ўлим кўрсаткичи

5,1

4,9

4,8

4,6

4,5

4,3

4,2

4,0

3,9

3,7

4.1.

Ҳар 100 минг нафар аёл ўртасида бачадон бўйни саратони туфайли ўлим кўрсаткичи

5,4

5,2

5,0

4,8

4,6

4,5

4,3

4,1

3,9

3,7

4.2.

Ҳар 100 минг нафар аёл ўртасида кўкрак бези саратони туфайли ўлим кўрсаткичи

11,2

10,8

10,5

10,1

9,8

9,4

9,1

8,7

8,4

8,0

4.3.

Ҳар 100 минг нафар аҳоли ўртасида ошқозон саратони туфайли ўлим кўрсаткичи

4,4

4,3

4,2

4,1

4,0

3,9

3,8

3,7

3,6

3,5

4.4.

Ҳар 100 минг нафар аҳоли ўртасида колоректал саратон туфайли ўлим кўрсаткичи

3,6

3,5

3,4

3,3

3,2

3,1

3,0

2,9

2,8

2,7

4.5.

Ҳар 100 минг нафар аҳоли ўртасида ўпка саратони туфайли ўлим кўрсаткичи

3,7

3,6

3,5

3,5

3,4

3,3

3,2

3,2

3,1

3,0

4.6.

Ҳар 100 минг нафар эркак ўртасида простата бези саратони туфайли ўлим кўрсаткичи

2,6

2,5

2,4

2,3

2,2

2,1

2,0

1,9

1,8

1,7

Хавфли ўсма касаллиги билан 5 йиллик умр давомийлигини ошириш (фоизда)

41,0

41,8

42,5

45

47,5

48,8

50,1

51,4

52,7

54,0

Барча хавфли ўсма аниқланган беморларни даволаш билан тўлиқ қамраб олиш (фоизда)

93,0

94,0

96,0

98,0

100,0

100,0

100,0

100,0

100,0

100,0

Ўзбекистон Республикаси Президентининг 2026 йил 24 июндаги ПҚ-238-сон қарорига
5-ИЛОВА
Саратонга қарши курашиш миллий дастурини амалга ошириш учун республика онкология муассасаларини зарур тиббий жиҳозлар билан таъминлашнинг
МАНЗИЛЛИ ТАҚСИМОТИ

Т/р

Тиббий асбоб-ускуна номи

ЖАМИ

РИО ва РИАТМ

ҚҚР филиали

Андижон вилояти филиали

Бухоро вилояти филиали

Жиззах вилояти филиали

Қашқадарё вилояти филиали

Навоий вилояти филиали

Наманган вилояти филиали

Сурхондарё вилояти филиали

Сирдарё вилояти филиали

Тошкент вилояти филиали

Фарғона вилояти филиали

Хоразм вилояти филиали

Қўқон шаҳри филиали

Самарқанд вилояти филиали

2027 йил

1.

Эндоскопик устун

16

1

1

1

1

1

1

1

1

1

1

1

1

1

1

2

2.

Эндоскопик гастроскоп

32

2

2

2

2

2

2

2

2

2

2

2

2

2

2

4

3.

Эндоскопик колоноскоп

32

2

2

2

2

2

2

2

2

2

2

2

2

2

2

4

4.

Эндоскопик бронхоскоп

32

2

2

2

2

2

2

2

2

2

2

2

2

2

2

4

5.

Дезинфекция учун машина

16

1

1

1

1

1

1

1

1

1

1

1

1

1

1

2

6.

Видеоларингоскоп тўплам

40

5

3

3

3

2

2

2

3

2

2

2

3

3

2

3

7.

Портатив кислород концентратори

24

-

2

2

2

1

1

1

2

1

1

3

2

2

1

3

8.

Ўпка сунъий вентиляцияси (ИВЛ) аппарати

40

-

4

4

4

2

2

2

4

2

2

2

3

3

2

4

9.

Операция хонаси лампаси

30

-

2

2

3

2

2

2

2

2

2

2

2

2

2

3

10.

Замонавий электрожарроҳлик ускунаси

27

3

2

3

2

1

1

1

2

1

1

2

2

2

1

3

11.

Патоморфологик препаратларни автоматлаштирилган бўяш учун аппарат

15

1

1

1

1

1

1

1

1

1

1

1

1

1

1

1

12.

Гистоскан

16

2

1

1

1

1

1

1

1

1

1

1

1

1

1

1

13.

Кўпфункционал операция хонаси учун стол

56

-

5

5

5

3

3

3

5

3

3

3

5

5

3

5

14.

Эксперт синфдаги камералик микроскоп

16

2

1

1

1

1

1

1

1

1

1

1

1

1

1

1

15.

Микротўлқинли аблятор

3

1

-

1

-

-

-

-

-

-

-

-

-

-

-

1

16.

Микротўлқинли абляторлар учун антенна

3

1

-

1

-

-

-

-

-

-

-

-

-

-

-

1

17.

Автоматик трепан биопсия учун (core biopsy gun)

60

4

4

4

4

4

4

4

4

4

4

4

4

4

4

4

18.

Автоматик трепанлар учун игна

20 000

19.

КТ симулятор

1

-

-

-

1

-

-

-

-

-

-

-

-

-

-

-

2028 йил

20.

СРАР аппарати

59

3

5

5

5

3

3

3

5

3

3

3

5

5

3

5

21.

Бемор монитори

56

-

5

5

5

3

3

3

5

3

3

3

5

5

3

5

22.

Реанимацион стол

56

-

5

5

5

3

3

3

5

3

3

3

5

5

3

5

23.

Мобил рентген

6

1

-

1

1

-

-

-

-

-

-

-

1

1

-

1

24.

Шприц-инфузион насос

56

5

4

4

4

3

3

3

4

3

3

3

4

5

3

5

25.

Жарроҳлик аспиратори

56

-

5

5

5

3

3

3

5

3

3

3

5

5

3

5

26.

Замонавий анестезиологик (наркоз) аппарати

30

-

2

3

2

2

2

2

2

2

2

2

2

2

2

3

27.

Лапароскопик устун

16

2

1

1

1

1

1

1

1

1

1

1

1

1

1

1

28.

Роботлаштирилган тизим

1

1

-

-

-

-

-

-

-

-

-

-

-

-

-

-

29.

Эксперт синфдаги УТТ ускунаси

22

3

2

2

2

1

1

1

2

1

1

1

1

1

1

2

30.

FISH-ускунаси

4

1

-

1

1

-

-

-

-

-

-

-

-

-

-

1

31.

NGS-платформа

1

1

-

-

-

-

-

-

-

-

-

-

-

-

-

-

32.

Чизиқли тезлаткич (LINAC)

3

-

-

1

1

-

-

-

-

-

-

-

-

-

-

1

33.

Криостат

9

-

1

1

1

1

-

-

-

1

-

1

1

-

1

1

34.

Биохавфсизлик жавони (Class II Type B2)

15

1

1

1

1

1

1

1

1

1

1

1

1

1

1

1

2029 йил

35.

ПЭТ-КТ

1

-

-

-

1

-

-

-

-

-

-

-

-

-

-

-

36.

ПЗР тизими

6

-

-

2

2

-

-

-

-

-

-

-

-

-

-

2

37.

Гамма-зонд (SLNB-биопсия учун)

16

2

1

1

1

1

1

1

1

1

1

1

1

1

1

1

2030 йил

38.

КТ 128 кесимлик

9

-

-

1

1

-

-

1

1

1

1

-

-

1

1

1

39.

МРТ (≥1,5 Т)

7

-

1

1

-

1

1

-

1

-

-

-

1

1

-

-

40.

Портатив УТТ ускунаси

16

2

1

1

1

1

1

1

1

1

1

1

1

1

1

1

Изоҳ:
* Соғлиқни сақлаш вазирлигига лойиҳа доирасида тақсимланмаган маблағларни эҳтиёждан келиб чиқиб қайта тақсимлаш ваколати берилади.
** Миллий дастурни амалга ошириш жараёнида, заруратга кўра, Соғлиқни сақлаш вазирлиги томонидан рўйхатга ўзгартиришлар киритилиши мумкин.
*** Автоматик трепанлар учун игналар ҳудудларда саратон касалликлари тарқалишини ҳисобга олган ҳолда тақсимланади.
Ўзбекистон Республикаси Президентининг 2026 йил 24 июндаги ПҚ-238-сон қарорига
6-ИЛОВА
Ўзбекистон Республикаси Президентининг ва Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар
1. Ўзбекистон Республикаси Президентининг 2021 йил 1 июлдаги «Н.И. Пирогов номидаги Россия миллий тадқиқот тиббиёт университетининг Тошкент шаҳридаги филиали фаолиятини ташкил этиш тўғрисида»ги ПҚ-5169-сон қарорида:
(а) 3-банднинг тўртинчи хатбошиси «2022/2023 ўқув йилидан» сўзлари «2028/2029 ўқув йилидан» сўзлари билан алмаштирилсин;
(i) 3-позицияда «Амалга ошириш муддатлари» устунидаги «2022/2023 ўқув йили» ва «Доимий равишда» сўзлари тегишлича «2028/2029 ўқув йили» ва «2027 йил якунига қадар» сўзлари билан алмаштирилсин;
(ii) 5-позицияда «Амалга ошириш муддатлари» устунидаги «2022/2023 ўқув йили» сўзлари «2028/2029 ўқув йили» сўзлари билан алмаштирилсин;
(iii) 8-позицияда «Амалга ошириш муддатлари» устунидаги «2022/2023 ўқув йили» сўзлари «2028/2029 ўқув йили» сўзлари билан алмаштирилсин;
(iv) 9-позицияда «Амалга ошириш муддатлари» устунидаги «2022/2023 ўқув йилидан бошлаб» сўзлари «2028/2029 ўқув йилидан бошлаб» сўзлари билан алмаштирилсин;
(v) 11-позицияда «Амалга ошириш муддатлари» устунидаги «2022 йил 1 декабрь», «2022-2023 йиллар давомида белгиланган муддатларда» ва «Мунтазам равишда» сўзлари тегишлича «2027 йил 1 декабрь», «2027-2028 йиллар давомида белгиланган муддатларда» ва «2027 йил якунига қадар» сўзлари билан алмаштирилсин;
(vi) 12-позицияда «Амалга ошириш муддатлари» устунидаги тегишли келишикдаги «2022/2023 ўқув йили» сўзлари тегишли келишикдаги «2027/2028 ўқув йили» сўзлари билан алмаштирилсин;
(vii) 17-позицияда «Амалга ошириш муддатлари» устунидаги «2022 йил якунига қадар» сўзлари «2027 йил якунига қадар» сўзлари билан алмаштирилсин;
(viii) 18-позицияда «Амалга ошириш муддатлари» устунидаги «2022/2023 ўқув йили» сўзлари «2028/2029 ўқув йили» сўзлари билан алмаштирилсин.
2. Ўзбекистон Республикаси Президентининг 2022 йил 1 апрелдаги «Самарқанд давлат тиббиёт университетини ташкил этиш ва соҳада кадрлар тайёрлаш тизимини янада такомиллаштириш тўғрисида»ги ПҚ-188-сон қарорида:
(а) 7-банднинг учинчи хатбошиси қуйидаги мазмундаги учинчи — бешинчи хатбошлари билан алмаштирилсин:
«Республика шошилинч тиббий ёрдам илмий маркази Самарқанд вилояти филиали янги бинога кўчирилиши муносабати билан ушбу филиалнинг бўшайдиган Самарқанд шаҳар, Махдуми Аъзам кўчаси, 18-уй манзилида жойлашган биноси Университетга оператив бошқарув ҳуқуқи асосида бепул берилади. Бунда:
ушбу бинода реконструкция ва жиҳозлаш ишларини олиб бориш мақсадида бажарилаётган лойиҳалаш ишлари тўхтатилиб, Университет томонидан халқаро экспертларни жалб қилган ҳолда Республика шошилинч тиббий ёрдам илмий маркази Самарқанд вилояти филиалининг фаолият кўрсатмаётган биноси, Самарқанд вилояти болалар кўп тармоқли тиббиёт маркази ҳамда қурилаётган болалар онкогематология бўлими негизида замонавий кўп тармоқли клиника концепцияси ва лойиҳаси ишлаб чиқилади;
концепцияни ишлаб чиқиш ва лойиҳалаш ишларини амалга ошириш билан боғлик харажатлар Университетнинг бюджетдан ташқари маблағлари ҳисобидан амалга оширилади»;
(i) иккинчи хатбошидаги «жиҳозлаш учун» сўзларидан кейин «зарур маблағларни назарда тутсин» сўзлари билан тўлдирилсин;
(ii) учинчи хатбоши чиқариб ташлансин;
(в) 1-илованинг 19-позицияси чиқариб ташлансин.
3. Ўзбекистон Республикаси Президентининг 2023 йил 1 майдаги «Соғлиқни сақлаш тизимини рақамлаштиришга доир қўшимча чора-тадбирлар тўғрисида»ги ПҚ-140-сон қарорига 3-илованинг 5-позицияси чиқариб ташлансин.
4. Ўзбекистон Республикаси Президентининг 2023 йил 24 майдаги «Рақамли хизматлар қамрови ва сифатини ошириш ҳамда соҳа, тармоқ ва ҳудудларни рақамли трансформация қилиш чора-тадбирлари тўғрисида»ги ПҚ-162-сон қарорига 1-илованинг 11, 20, 21, 22 ва 24-позициялари чиқариб ташлансин.
5. Ўзбекистон Республикаси Президентининг 2024 йил 10 январдаги «Фармацевтика тармоғини янада ривожлантириш ва инвестиция лойиҳаларини амалга оширишни жадаллаштириш бўйича қўшимча чора-тадбирлар тўғрисида»ги ПҚ-14-сон қарорида 4-банди тўртинчи хатбоши чиқариб ташлансин.
6. Ўзбекистон Республикаси Президентининг 2024 йил 9 февралдаги «Қашқадарё вилоятида аҳоли саломатлигини муҳофаза қилиш ҳамда соғлиқни сақлаш тизимини янги босқичга кўтариш чора-тадбирлари тўғрисида»ги ПҚ-67-сон қарорида:
(i) учинчи хатбошидаги «мувофиқ» сўзидан кейин «тасдиқлансин» сўзи билан тўлдирилсин;
(ii) тўртинчи хатбоши чиқариб ташлансин.
(i) 1-позиция қуйидаги таҳрирда баён этилсин:

«

 

 

 

 

 

1.

Вилоят кўп тармоқли тиббиёт марказида буйрак трансплантацияси амалиётларини жорий этиш.

1. 32 нафар малакали мутахассислардан иборат гуруҳни Россия, Беларусь, Ҳиндистон давлатлари ва республика ихтисослаштирилган илмий-амалий тиббиёт марказларида малака оширишини таъминлаш.

2. Вилоят кўп тармоқли тиббиёт марказида республика ихтисослаштирилган илмий-амалий тиббиёт марказлари мутахассислари ва чет эллик мутахассислар иштирокида мастер-класслар ташкил этиш.

3. Буйрак трансплантацияси амалиётларини вилоят кўп тармоқли тиббиёт марказида мустақил йўлга қўйиш.

2024 — 2026 йиллар

Тиббиётни ривожлантириш давлат мақсадли жамғармаси маблағлари

Соғлиқни сақлаш вазирлиги

(Э. Адилов),

Қашқадарё вилояти ҳокимлиги

(М. Азимов)

 

 

 

 

 

».
(ii) 15-позицияда:
«Амалга ошириш муддатлари» устунидаги «2024 — 2026 йиллар» сўзлари «2026 — 2028 йиллар» сўзлари билан алмаштирилсин;
«масъул ижрочилар» устунидаги «Соғлиқни сақлаш вазирлиги (А. Худаяров)» сўзлари «Соғлиқни сақлаш вазирлиги (Э. Адилов)» сўзлари билан алмаштирилсин;
(б) 3-илова ўз кучини йўқотган деб ҳисоблансин.
7. Ўзбекистон Республикаси Президентининг 2024 йил 21 майдаги «Онкологик, гематологик ва иммунологик касалликларга чалинган болаларга тиббий ёрдам кўрсатишни янада такомиллаштириш чора-тадбирлари тўғрисида»ги ПҚ-183-сон қарорига 4-иловада:
(а) 9-позиция «Ижро муддати» устунидаги «2024 — 2026 йиллар» сўзлари «2024 — 2027 йиллар» сўзлари билан алмаштирилсин;
(б) изоҳ қисми қуйидаги мазмундаги иккинчи хатбоши билан тўлдирилсин:
«Соғлиқни сақлаш вазирлигига дастурда белгиланган қурилиш-монтаж ишларини тўхтатиш, лойиҳаларга ўзгартириш киритиш ва тиббиёт муассасаларини жиҳозлаш дастурларига тузатишлар киритиш ҳуқуқи берилади».
8. Ўзбекистон Республикаси Президентининг 2024 йил 29 майдаги «Таркибий ислоҳотларни амалга оширишда экспертлик кўмаги самарадорлигини таъминлашга доир қўшимча чора-тадбирлар тўғрисида»ги ПҚ-198-сон қарори 3-бандининг ўн тўртинчи хатбошисидаги «Марказий банкка» сўзлари «Марказий банк, тиббиёт муассасалари ҳамда тиббиёт ва фармацевтика соҳасида кадрлар тайёрловчи таълим муассасаларига» сўзлари билан алмаштирилсин.
9. Ўзбекистон Республикаси Президентининг 2024 йил 30 августдаги «Ўзбекистон Республикасида 2024 — 2030 йилларда давлат-хусусий шерикликни ривожлантириш чора-тадбирлари тўғрисида»ги ПҚ-308-сон қарорида:
(а) 1-илованинг 4-позицияси чиқариб ташлансин;
(i) 9-позициянинг «Лойиҳа битимини имзолаш муддати» устунидаги «2025 йил» сўзлари «2027 йил» сўзлари билан алмаштирилсин;
(ii) 12-позицияси чиқариб ташлансин.
10. Ўзбекистон Республикаси Президентининг 2024 йил 22 ноябрдаги «Аёллар орасида онкологик касалликларни назорат қилиш тизимини такомиллаштириш чора-тадбирлари тўғрисида»ги ПҚ-402-сон қарорида:
(а) 4-банднинг олтинчи хатбошиси қуйидаги таҳрирда баён этилсин:
«Кенгашга аҳоли ўртасида энг кўп учрайдиган (бачадон бўйни, кўкрак бези, йўғон ичак, ошқозон, простата бези ва ўпка) саратон касалликларини эрта аниқлашда ўтказиладиган лаборатор ва инструментал диагностик текширувлар билан қамраб олинадиган аҳоли ёшини молиялаштириш манбалари асосида мустақил белгилаш ваколати берилади»;
(б) 5-банд қуйидаги таҳрирда баён этилсин:
«5. Қуйидагилар Кенгашнинг асосий вазифалари этиб белгилансин:
саратон касалликларини назорат қилишга қаратилган лойиҳаларни (кейинги ўринларда — лойиҳалар) мувофиқлаштириш;
лойиҳалар доирасида фақат синовдан ўтган тестлар, фармацевтика маҳсулотлари ҳамда вакциналар, далилларга асосланган диагностика ва даволаш усуллари қўлланишини назорат қилиш;
Дастурга оид харидларни амалга оширишда, маблағлар ва тиббий ускуналарни тақсимлашда, қарор қабул қилишда Кенгаш аъзоларида манфаатлар тўқнашувига йўл қўймаслик, жамоат саломатлиги этикасига асосланиб қарорлар қабул қилиш;
аҳоли ўртасида энг кўп учрайдиган (бачадон бўйни, кўкрак бези, йўғон ичак, ошқозон, простата бези ва ўпка) саратон касалликларини эрта аниқлашда ўтказиладиган лаборатор ва инструментал диагностик текширувлар билан қамраб олинадиган аҳоли ёшини соғлиқни сақлаш бўйича халқаро ташкилотлар тавсияларига мувофиқ қайта кўриб чиқиш ҳамда аниқ молиялаштириш манбаларидан келиб чиқиб белгилаш;
онкология соҳасининг амалдаги ҳолатини таҳлил қилиш, соҳани ривожлантириш йўналишлари ва энг муҳим самарадорлик кўрсаткичларини (KPI) белгилаш ҳамда лойиҳаларни амалга ошириш бўйича «йўл хариталари»ни тасдиқлаш;
лойиҳалар иштирокчилари фаолиятини мувофиқлаштириш, уларни барча босқичларда қўллаб-қувватлаш ишларини ташкил этиш;
лойиҳаларни молиялаштириш, инфратузилма ва тартибга солиш билан боғлиқ муаммоларни ҳал этиш, тизимли масалалар юзасидан қонунчиликни такомиллаштириш бўйича таклифлар ишлаб чиқиш;
онкология соҳасида амалга оширилаётган ишлар самарадорлигини таҳлил қилиш мақсадида чораклик йиғилишлар ўтказиб бориш;
Дастурнинг амалга оширилиши ва мақсадли кўрсаткичларга эришилиши юзасидан ҳар йили таҳлилий ҳисоботларни жамоатчиликка эълон қилиб бориш;
лойиҳаларнинг натижаси ҳақидаги маълумотларни Соғлиқни сақлаш вазирлигининг расмий веб-сайтида эълон қилиб борилишини таъминлаш»;
(в) 2-илова қуйидаги таҳрирда баён этилсин:
«Ўзбекистон Республикаси Президентининг 2024 йил 22 ноябрдаги ПҚ-402-сон қарорига
2-ИЛОВА
Саратон касаллиги назорати соҳасидаги лойиҳаларнинг амалга оширилишини мувофиқлаштирувчи кенгаш
ТАРКИБИ

Э.Э. Адилов

—

соғлиқни сақлаш вазири, Кенгаш раиси

Лавозими бўйича

(келишув асосида)

—

Олий Мажлис Сенатининг Фан, таълим ва соғлиқни сақлаш масалалари қўмитаси раиси

Лавозими бўйича

(келишув асосида)

—

Олий Мажлиси Қонунчилик палатасининг Меҳнат, соғлиқни сақлаш ва ижтимоий масалалар қўмитаси раиси

О.С. Имамов

—

соғлиқни сақлаш вазирининг биринчи ўринбосари

О.Р. Фазилкаримов

—

иқтисодиёт ва молия вазирининг ўринбосари

А.Ф. Умарова

—

Стратегик ривожланиш ва ислоҳотлар агентлиги масъул ходими

Д.Ж. Аниёзова

—

Стратегик ривожланиш ва ислоҳотлар агентлиги масъул ходими

Н.С. Надирханова

—

Республика ихтисослаштирилган она ва бола саломатлиги илмий-амалий тиббиёт маркази директори

С. Кая

—

Республика ихтисослаштирилган онкология ва радиология илмий-амалий тиббиёт маркази директори

Д.Ш. Полатова

—

Болалар онкологияси, гематологияси ва иммунологияси илмий-амалий тиббиёт маркази директори

М.С. Исламов

—

Республика ихтисослаштирилган гематология илмий-амалий тиббиёт маркази директори

А.А. Абдукаюмов

—

Республика ихтисослаштирилган педиатрия илмий-амалий тиббиёт маркази директори

Ш.Т. Мухтаров

—

Республика ихтисослаштирилган урология илмий-амалий тиббиёт маркази директори

С.И. Исмаилов

—

Академик В. Воҳидов номидаги республика ихтисослаштирилган хирургия илмий-амалий тиббиёт маркази директори

М.А. Саидов

—

Миллий тиббиёт маркази директори

З.Ш. Эрматов

—

Давлат тиббий суғуртаси жамғармаси ижро этувчи директори

Э.Э. Гимранов

—

«Давлат ахборот тизимларини яратиш ва қўллаб-қувватлаш бўйича ягона интегратор — «UZINFOCOM» МЧЖ директори

Лавозими бўйича

(келишув асосида)

—

Ўзбекистон Врачлар ассоциацияси, Ўзбекистон акушер-гинекологлар ассоциацияси, Ўзбекистон онкологлар ассоциацияси, Ўзбекистон урологлар илмий жамияти, ЖССТ, ЮНФПА ва бошқа хорижий ташкилотлар вакиллари

Лавозими бўйича

(келишув асосида)

—

Нодавлат тиббиёт ташкилотлари вакиллари

Лавозими бўйича

—

Соғлиқни сақлаш вазирлиги Даволаш-профилактика ёрдамини ташкиллаштириш департаменти бошлиғи, Кенгаш котиби
Изоҳлар:
* Кенгаш аъзолари бошқа ишга ўтган тақдирда, унинг таркибига ушбу лавозимга янги тайинланган ёки тегишли функцияларни бажариш зиммасига юкланган шахслар киритилади.
** Кенгаш раисига зарур ҳолларда Кенгаш таркибига ўзгартириш ва қўшимчалар киритиш ваколати берилади».
11. Ўзбекистон Республикаси Президентининг 2024 йил 29 ноябрдаги «Тиббиёт муассасаларини фармацевтика маҳсулотлари ва тиббий жиҳозлар билан таъминлаш тизимини такомиллаштириш чора-тадбирлари тўғрисида»ги ПҚ-408-сон қарори 2-бандининг «г» кичик бандида:
(а) иккинчи хатбоши чиқариб ташлансин;
(б) учинчи — бешинчи хатбошилар тегишинча иккинчи — тўртинчи хатбошилар деб ҳисоблансин;
(в) тўртинчи хатбоши қуйидаги таҳрирда баён этилсин:
«Ушбу бандда назарда тутилган талаблар давлат захирасидан чиқарилган, танқислик рўйхатига киритилган ҳамда соғлиқни сақлаш вазирининг алоҳида кўрсатмасидаги дори воситаларини харид қилиш учун татбиқ этилмайди».
14. Ўзбекистон Республикаси Президентининг 2025 йил 22 апрелдаги «Тиббиёт соҳасида кадрлар тайёрлаш тизимини тубдан такомиллаштириш чора-тадбирлари тўғрисида»ги ПҚ-149-сон қарорининг 7-банди ўз кучини йўқотган деб ҳисоблансин.
15. Ўзбекистон Республикаси Президентининг 2025 йил 19 майдаги «2025 — 2030 йилларда болалар саратонига қарши курашиш бўйича Ўзбекистон Республикаси миллий стратегиясини амалга ошириш чора-тадбирлари тўғрисида»ги ПҚ-186-сон қарорида:
(а) 12-банд қуйидаги мазмундаги саккизинчи хатбоши билан тўлдирилсин:
«Ушбу бандда назарда тутилган вазифаларни амалга ошириш учун Академик хабга халқаро таълим ташкилотлар, хорижий ва маҳаллий экспертларни Академик хабнинг фаолиятини молиялаштириш манбалари ҳисобидан тўғридан-тўғри шартномалар асосида жалб қилиш ҳуқуқи берилади»;
(б) 21-банд қуйидаги таҳрирда баён этилсин:
«21. Соғлиқни сақлаш вазирлигига Лойиҳа амалга оширилишига ва бошқа ҳудудларда босқичма-босқич жорий этилишига қараб Стратегия параметрларига, шунингдек, қурилиш-монтаж ишларини тўхтатиш, лойиҳаларга ўзгартириш киритиш ва тиббиёт муассасаларини жиҳозлаш дастурларига тузатишлар киритиш ҳуқуқи берилсин»;
(в) 1-илованинг 18 позицияси «Амалга ошириш механизми» устуни 2 ва 3-бандларидаги «30 — 80 ўринли» сўзлари «110 ўрингача» сўзлари билан алмаштирилсин;
(г) 3-илова қуйидаги таҳрирда баён этилсин:
«Ўзбекистон Республикаси Президентининг 2025 йил 19 майдаги ПҚ-186-сонли қарорига
3-ИЛОВА
Қорақалпоғистон Республикаси ва вилоятлар болалар кўп тармоқли тиббиёт марказлари учун қўшимча биноларни қуриш
РЕЖАСИ

Т/р

Ҳудудлар

Бино қуввати (шифо ўрни)

Жами

2025 йил

2026 йил

2027 йил

1.

Қорақалпоғистон Республикаси

80

80

2.

Андижон вилояти

80

80

3.

Бухоро вилояти

40

40

4.

Жиззах вилояти

30

30

5.

Навоий вилояти

30

30

6.

Наманган вилояти

50

50

7.

Самарқанд вилояти

80

80

8.

Сирдарё вилояти

30

30

9.

Тошкент вилояти

50

50

10.

Фарғона вилояти

50

50

11.

Хоразм вилояти

40

40

ЖАМИ

560

80

120

360

Изоҳлар:
Қўшимча биноларни қуриш 2025 — 2027 йилларда Ўзбекистон Республикасининг ижтимоий ва ишлаб чиқариш инфратузилмасини ривожлантириш дастури доирасида соғлиқни сақлаш соҳасига ажратилган маблағлар ҳисобидан амалга оширилади.
Қашқадарё ва Сурхондарё вилоятларида қурилаётган онкогематология бўлимлари лойиҳалари халқаро стандартлар талабларига мослаштирилади.»
16. Вазирлар Маҳкамасининг 2025 йил 19 июндаги «Бирламчи тиббий-санитария ёрдами муассасаларида Ўзбекистон Республикаси Давлат бюджети ҳисобидан қопланадиган тиббий ёрдамнинг кафолатланган ҳажмларини тасдиқлаш тўғрисида»ги 382-сон қарорига 2-илованинг «III. Амбулатор шароитда аҳоли (беморлар)га бериладиган дори воситалари» бўлими қуйидаги мазмундаги 19-кичик бўлим билан тўлдирилсин:

«

19. Холиномиметик ва антихолинестераз воситалар

69.

Пиридостигмина бромид

Таблетка 60 мг

».

18. Вазирлар Маҳкамасининг 2025 йил 24 ноябрдаги «Дори воситаларини давлат рўйхатидан ўтказиш тартиби тўғрисидаги ҳамда Тиббий жиҳозларни давлат рўйхатидан ўтказиш тартиби тўғрисидаги низомларни тасдиқлаш ҳақида»ги 738-сон қарорида:
(i) 14-банднинг «д» кичик банди учинчи хатбошисидан «ҳар бир ишлаб чиқарувчининг дори моддаси (субстанцияси)дан ишлаб чиқарилган намуналар,» сўзлари чиқариб ташлансин;
(ii) 18-банднинг биринчи хатбошисидаги «Ўзбекистон Республикаси Соғлиқни сақлаш вазирлиги томонидан» сўзларидан кейин «Иқтисодиёт ва молия вазирлиги, Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил ҳамда Савдо-саноат палатаси билан келишилган ҳолда» сўзлари билан тўлдирилсин;
тўртинчи хатбошиси қўйидаги таҳрирда баён этилсин:
«Адлия вазирлигининг «Саноат мулки муҳофазаси портали»дан фойдаланган ҳолда интеллектуал мулк объектларига (товар белгиси ва саноат намунасига) бўлган ҳуқуқларга риоя этилганлигини текшириш ва (ёки) ўрганиш»;
бешинчи хатбошиси чиқариб ташлансин;
олтинчи — ўн бешинчи хатбошилар тегишинча бешинчи — ўн тўртинчи хатбошилар деб ҳисоблансин;
1.10-банд қуйидаги таҳрирда баён этилсин:
«1.10. Ишлаб чиқариш ҳужжатлари:
ишлаб чиқаришнинг барча босқичларидаги ишлаб чиқариш майдончалари (фаол модда (субстанция) ишлаб чиқариш босқичи бундан мустасно) учун Ўзбекистон Республикасининг «Зарур ишлаб чиқариш амалиёти — GMP» миллий стандарти талабларига мувофиқлиги тўғрисидаги сертификат (мавжуд бўлганда);
хорижий ишлаб чиқарувчилар учун дори воситаси ишлаб чиқарилаётган объектга нисбатан тегишли хорижий давлат(лар)нинг ваколатли органи ёки бошқа ваколатли орган (ЖССТ рўйхатига киритилган (WLA) ёки Global Benchmarking Tool бўйича етукликнинг 4-даражасидаги (Maturity Level 4) тартибга солувчи органлар) томонидан ўтказилган «Зарур ишлаб чиқариш амалиёти — GMP» инспекцияси натижаларини тасдиқловчи ҳужжатлар (ишлаб чиқаришнинг барча босқичларидаги ишлаб чиқариш майдончалари учун, фаол модда (субстанция) ишлаб чиқариш босқичи бундан мустасно). Бунда сертификат билан бирга сўнгги инспекция ҳисоботининг тўлиқ нусхаси ҳам илова қилинади. Ушбу ҳисоботда аниқланган камчиликлар, уларни бартараф этиш бўйича кўрилган чора-тадбирлар (CAPA) ҳамда қайта кўриб чиқиш натижалари ва якуний хулоса келтирилган бўлиши лозим;
ишлаб чиқаришнинг барча босқичларидаги ишлаб чиқариш майдончалари (фаол модда (субстанция) ишлаб чиқариш босқичи бундан мустасно) учун улар жойлашган давлатлардаги ваколатли органлар томонидан дори воситаларини ишлаб чиқаришга берилган лицензия.»;
1.15-банд қўйидаги таҳрирда баён этилсин:
«1.15. Дори воситаларида қўлланилган интеллектуал мулк объектларига (товар белгилари ва саноат намуналари) бўлган ҳуқуқларни тасдиқловчи муҳофаза ҳужжати (гувоҳнома, патент ва уларга илова) ёки улардан фойдаланиш тўғрисидаги шартнома (мавжуд бўлганда)»;
(i) 13-банднинг биринчи хатбошисидаги «Ўзбекистон Республикаси Соғлиқни сақлаш вазирлиги томонидан» сўзларидан кейин «Иқтисодиёт ва молия вазирлиги, Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил ҳамда Савдо-саноат палатаси билан келишилган ҳолда» сўзлари билан тўлдирилсин;
(ii) 16-банд учинчи хатбошисидаги «мувофиқлиги юзасидан» сўзларидан кейин «сертификатлаштириш ёки» сўзлари билан тўлдирилсин;
учинчи хатбошиси қўйидаги таҳрирда баён этилсин:
«Адлия вазирлигининг «Саноат мулки муҳофазаси портали»дан фойдаланган ҳолда интеллектуал мулк объектларига (товар белгиси ва саноат намунасига) бўлган ҳуқуқларга риоя этилганлигини текширилади ва (ёки) ўрганилади»;
тўртинчи хатбошидан «ҳамда тиббий жиҳозларда ИМОга бўлган ҳуқуқларга риоя этилганлиги юзасидан ўрганиш» сўзлари чиқариб ташлансин;
иккинчи хатбошидан «ва белгиланган тартибда сертификатлаштирилади» сўзлари чиқариб ташлансин;
еттинчи хатбошидан «Бунда рўйхатдан ўтказиш учун тақдим этилган тиббий жиҳоз ишлаб чиқарилган даврда ушбу тиббий жиҳоз ишлаб чиқариш шароитларининг «ISO: 13485» халқаро стандарти билан уйғунлаштирилган Ўзбекистон Республикасининг миллий стандарти талабларига мувофиқлиги юзасидан инспекцияси ўтказилган бўлиши лозим» жумласи чиқариб ташлансин;
8-позициянинг «Ҳужжатлар» устуни қуйидаги таҳрирда баён этилсин:
«Тиббий жиҳозда қўлланилган интеллектуал мулк объектларига (товар белгилари ва саноат намуналари) бўлган ҳуқуқларни тасдиқловчи муҳофаза ҳужжати (гувоҳнома, патент ва уларга илова) ёки улардан фойдаланиш тўғрисидаги шартнома (мавжуд бўлганда)»;
(ii) изоҳ қисмидаги «ҳужжатларда айрим маълумотларни асослаган ҳолда киритмаслиги» сўзлари «айрим талаб этиладиган ҳужжатлар ёки улардаги маълумотлар мавжуд бўлмаган тақдирда, ушбу ҳолатни асослаб берувчи расмий хат (асосланган тушунтириш хати) орқали тақдим этиши» сўзлари билан алмаштирилсин.
(Қонунчилик маълумотлари миллий базаси, 25.06.2026 й., 07/26/238/0623-сон)